(БҰРЫНҒЫ РЕДАКЦИЯ) «АСТАНА - ЖАҢА ҚАЛА» АРНАЙЫ ЭКОНОМИКАЛЫҚ АЙМАҒЫН ҚҰР...

«Астана - жаңа қала» арнайы экономикалық аймағын құру туралы

Қазақстан Республикасы Президентінің 2001 жылғы 29 маусымдағы № 645 Жарлығы

(2016.25.11. берілген өзгерістер мен толықтыруларымен)

Осы редакция 2018 жылғы 5 мамырда енгізілген өзгерістеріне дейін қолданылды

ҚР Президентінің 2007.26.02. № 291 Жарлығымен кіріспе өзгертілді (бұр. ред. қара)

«Қазақстан Республикасындағы арнайы экономикалык аймақтар туралы» Қазақстан Республикасының 1996 жылғы 26 қаңтардағы Заңына сәйкес қаулы етемін:

ҚР  Президентінің 2005.24.03. № 1530 Жарлығымен (бұр. ред. қара); 2008.29.12. № 722 Жарлығымен (бұр.ред.қара); 2011.26.01. № 1141 Жарлығымен  (бұр.ред.қара) 1-тармақ өзгертілді

1. «Астана - жаңа қала» арнайы экономикалық аймағы 2027 жылға дейінгі кезеңге құрылсын.

ҚР Президентінің 2012.03.05. № 314 Жарлығымен 2-тармақ жаңа редакцияда (бұр.ред.қара)

2. Қоса беріліп отырған:

1) «Астана - жаңа қала» арнайы экономикалық аймағы туралы ереже;

2) «Астана - жаңа қала» арнайы экономикалық аймағының жұмыс істеуінің нысаналы индикаторлары, нысаналы индикаторларға қол жеткізбеудің сынақты деңгейі бекітілсін.

3. Осы Жарлық 2002 жылдың 1 қаңтарынан бастап күшіне енеді.

Қазақстан Республикасының

ҚР Президентінің 2012.03.05. № 314 Жарлығымен ереже жаңа редакцияда (бұр.ред.қара)

Қазақстан Республикасы Президентінің

2001 жылғы 29 маусымдағы

№ 645 Жарлығымен

бекітілген

«Астана - жаңа қала» арнайы экономикалық аймағы туралы

ереже

Осы «Астана - жаңа қала» арнайы экономикалық аймағы туралы ереже (бұдан әрі - Ереже) «Қазақстан Республикасындағы арнайы экономикалық аймақтар туралы» 2011 жылғы 21 шілдедегі Қазақстан Республикасының Заңына сәйкес әзірленді және «Астана - жаңа қала» арнайы экономикалық аймағының аумағында қызметті жүзеге асырудың құқықтық негіздерін, экономикалық шарттары мен қағидаттарын белгілейді.

1. Жалпы ережелер

ҚР Президентінің 2013.31.10. № 681 Жарлығымен 1-тармақ өзгертілді (бұр.ред.қара)