(БҰРЫНҒЫ РЕДАКЦИЯ) ҚР ҮКІМЕТІНІҢ 2000.22.09 № 1428 ҚАУЛЫСЫ

Мемлекеттік бюджеттiң есебiнен ұсталатын мемлекеттік мекемелер
қызметкерлерiнiң, сондай-ақ, Қазақстан Республикасының Парламенті
депутаттарының Қазақстан Республикасының шегіндегі қызметтiк
iссапарлары туралы ереженi бекіту туралы Қазақстан Республикасы
Үкіметінің 2000 жылғы 22 қыркүйектегі № 1428 қаулысы

(2005.28.07. берілген өзгерістер мен толықтырулармен)

Осы редакция 2008 жылғы 25 наурыздағы енгізілген өзгерістеріне дейін қолданылды

Қазақстан Республикасының Yкіметі қаулы етеді:

1. Қоса берiлiп отырған Мемлекеттік бюджеттiң есебiнен ұсталатын мемлекеттік мекемелер қызметкерлерiнiң Қазақстан Республикасының шегіндегі қызметтiк iссапарлары туралы ереже (бұдан әрi - Ереже) бекітілсiн.

2. Қосымшаға сәйкес Қазақстан Республикасы Үкіметінiң кейбір шешiмдерiнiң күшi жойылды деп танылсын.

3. Осы қаулы қол қойылған күнiнен бастап күшіне енедi.

Қазақстан Республикасы

Үкіметінiң

2000 жылғы 22 қыркүйектегі

 1428 қаулысымен

бекітілген

Мемлекеттік бюджеттік қаражаты есебiнен ұсталатын мемлекеттік мекемелер

қызметкерлерiнiң, сондай-ақ, Қазақстан Республикасының Парламенті

депутаттарының Қазақстан Республикасының шегіндегі

қызметтік iссапарлары туралы

ЕРЕЖЕ

ҚР Үкіметінің 2001.18.04 № 514 қаулысымен тақырыбы өзгерді

Осы Ереже Қазақстан Республикасының шегiнде қызметтiк iссапарларға жiберiлетiн Қазақстан Республикасы мемлекеттік мекемелерiнiң қызметкерлерiне шығыстарын өтеудің тәртібі мен шарттарын анықтайды.

ҚР Үкіметінің 2005.28.07. № 783 қаулысымен 1-тармақ өзгертілді (бұр.ред.қара) (2006.01.01 қолданысқа енеді)

1. Қызметтiк iссапар (бұдан әрi - iссапар) қызметкердiң мемлекеттік мекеме басшысының өкімі бойынша еңбек мiндеттемелерiн өзiнiң тұрақты жұмыс орнынан тыс жерде орындау үшiн сондай-ақ кәсiптiк деңгейi мен біліктілiгiн арттыру және қайта даярлану белгiлі бiр мерзiмге сапары болып табылады.