(БҰРЫНҒЫ РЕДАКЦИЯ) «МЕМЛЕКЕТТІК САЯСИ ЖӘНЕ ӘКІМШІЛІК ҚЫЗМЕТШІЛЕР ЛАУАЗЫ...

Қазақстан Республикасы Президентінің
Жарлығы

Мемлекеттік саяси және әкімшілік қызметшілер лауазымдарының тізілімін бекіту туралы

(2019.19.03. берілген өзгерістер мен толықтырулармен)

Осы редакция 2019 жылғы 13 сәуірде енгізілген өзгерістеріне дейін қолданылды

«Қазақстан Республикасының мемлекеттік қызметі туралы» 2015 жылғы 23 қарашадағы Қазақстан Республикасының Заңы 7-бабының 3-тармағына сәйкес ҚАУЛЫ ЕТЕМІН:

1. Қоса беріліп отырған Мемлекеттік саяси және әкімшілік қызметшілер лауазымдарының тізілімі бекітілсін.

2. Мемлекеттік органдарға Мемлекеттік саяси және әкімшілік қызметшілер лауазымдарының тізілімінде көрсетілген лауазымдар атауларына олардың қызметінің ерекшелігін сипаттайтын арнайы қосымша атауларды қолдану құқығы берілсін.

3. Қазақстан Республикасының Үкіметі, мемлекеттік органдар Қазақстан Республикасының заңнамасында белгіленген тәртіппен осы Жарлықтан туындайтын қажетті шараларды қабылдасын.

4. Осы Жарлыққа қосымшаға сәйкес Қазақстан Республикасы Президентінің кейбір жарлықтарының күші жойылды деп танылсын.

5. Осы Жарлық 2016 жылғы 1 қаңтардан бастап қолданысқа енгізіледі және ресми жариялануға тиіс.

Астана, Ақорда, 2015 жылғы желтоқсанның 29-ы.

№ 150

Қазақстан Республикасы Президентінің

2015 жылғы 29 желтоқсандағы

№ 150 Жарлығымен

БЕКІТІЛГЕН

Мемлекеттік саяси және әкімшілік қызметшілер лауазымдарының
ТІЗІЛІМІ

ҚР Президентінің 2016.01.06. № 272 Жарлығымен (бұр.ред.қара); 2016.05.10. № 349 Жарлығымен (бұр.ред.қара); 2016.31.10. № 366 Жарлығымен (бұр.ред.қара); 2016.04.11. № 369 Жарлығымен (бұр.ред.қара); 2017.14.03. № 446 Жарлығымен (бұр.ред.қара); 2017.05.05. № 471 Жарлығымен (бұр.ред.қара); 2018.04.08. № 723 Жарлығымен (бұр.ред.қара); 2019.24.01. № 828 Жарлығымен (бұр.ред.қара); 2019.19.03. № 884 Жарлығымен (бұр.ред.қара) 1-тарау өзгертілді

1. Мемлекеттік саяси лауазымдар

Қазақстан Республикасының Премьер-Министрі, оның бірінші орынбасары мен орынбасарлары

Қазақстан Республикасының Мемлекеттік хатшысы