(БҰРЫНҒЫ РЕДАКЦИЯ) ҚР ҮКІМЕТІНІҢ 2012.05.09 № 1153 ҚАУЛЫСЫ

Қазақстан Республикасы Көлік және коммуникация министрлігінің көліктік бақылау саласындағы мемлекеттік қызмет стандарттарын бекіту және Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы
Қазақстан Республикасы Үкіметінің 2012 жылғы 5 қыркүйектегі № 1153 Қаулысы

(2013.25.12. берілген өзгерістер мен толықтырулармен)

Осы редакция 2014 жылғы 12 наурызда және 26 наурызда енгізілген өзгерістеріне дейін қолданылды

Қазақстан Республикасының 2008 жылғы 4 желтоқсандағы Бюджет кодексінің 34-бабына және «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1, 15-2-баптарына «Ақпараттандыру туралы» Қазақстан Республикасының 2007 жылғы 11 қаңтардағы Заңының 6-бабының 2) және 3) тармақшаларына, 29-бабына сәйкес Қазақстан Республикасының Үкіметі ҚАУЛЫ ЕТЕДІ:

ҚР Үкіметінің 2013.21.05. № 508 Қаулысымен 1-тармақ өзгертілді (бұр.ред.қара)

1. Қоса беріліп отырған:

1) «Жүк көлік құралдарын өлшеудің халықаралық сертификатын беру» мемлекеттік қызмет стандарты;

2) ҚР Үкіметінің 2013.25.12. № 1399 Қаулысымен алып тасталды (бұр.ред.қара)

3) «Халықаралық автомобиль тасымалдарын жүзеге асыруға рұқсат куәлігін және рұқсат карточкасын беру» мемлекеттік қызмет стандарты;

4) «Техникалық байқаудың халықаралық сертификатын беру» мемлекеттік қызмет стандарты;

5) ҚР Үкіметінің 2013.25.12. № 1399 Қаулысымен алып тасталды (бұр.ред.қара)

6) «Техникалық байқау операторлары тізіліміне енгізу» мемлекеттік қызмет стандарты;

7) «Техникалық байқау операторларына механикалық көлік құралдарының және оларға тіркемелердің міндетті техникалық байқаудан өтуі туралы куәлік бланкілерін беру» мемлекеттік қызмет стандарты;

8) «Кемелердің командалық құрамының адамдарына және өзге де экипаждарының мүшелеріне диплом беру» мемлекеттік қызмет стандарты;

9) «Кеменің ипотекасын мемлекеттік тіркеу» мемлекеттік қызмет стандарты;

10) «Шағын көлемді кеменің ипотекасын мемлекеттік тіркеу» мемлекеттік қызмет стандарты;

11) «Кемелер экипаждарының ең аз құрамы туралы куәлік беру» мемлекеттік қызмет стандарты;