«Бюджеттiк бағдарламалар әкiмшiлерi мен бюджеттi атқару жөнiндегi жергілікті уәкiлеттi органдардың шоғырландырылған қаржылық есептiлiктi жасау қағидаларын бекіту туралы» Қазақстан Республикасы Қаржы министрінің 2016 жылғы 6 желтоқсандағы № 640 бұйрығына өзгерістер енгізу туралы» Қазақстан Республикасы Қаржы министрінің 2020 жылғы 16 шілдедегі № 677 бұйрығы (күші жойылды)

«Бюджеттiк бағдарламалар әкiмшiлерi мен бюджеттi атқару жөнiндегi жергілікті уәкiлеттi органдардың шоғырландырылған қаржылық есептiлiктi жасау қағидаларын бекіту туралы» Қазақстан Республикасы Қаржы министрінің 2016 жылғы 6 желтоқсандағы № 640 бұйрығына өзгерістер енгізу туралы
Қазақстан Республикасы Қаржы министрінің 2020 жылғы 16 шілдедегі № 677 бұйрығы

ҚР Қаржы министрінің 2025 жылғы 28 мамырдағы № 261 бұйрығымен күшi жойылды

Қазақстан Республикасы 2008 жылғы 4 желтоқсандағы Бюджет кодексінің 118-бабына сәйкес және «Мемлекеттік статистика туралы» 2010 жылғы 19 наурыздағы Қазақстан Республикасы Заңының 16-бабы 3-тармағының 2) тармақшасына БҰЙЫРАМЫН:

1. «Бюджеттiк бағдарламалар әкiмшiлерi мен бюджеттi атқару жөнiндегi жергілікті уәкiлеттi органдардың шоғырландырылған қаржылық есептiлiктi жасау қағидаларын бекіту туралы» Қазақстан Республикасы Қаржы министрінің 2016 жылғы 6 желтоқсандағы № 640 бұйрығына (Нормативтік құқықтық актілерді мемлекеттік тіркеу тізілімінде № 14624 болып тіркелген, Қазақстан Республикасы Нормативтік құқықтық актілерінің эталондық бақылау банкінде 2017 жылы 10 қаңтарда жарияланған) мынадай өзгерістер енгізілсін:

көрсетілген бұйрықпен бекітілген Бюджеттiк бағдарламалар әкiмшiлерi мен бюджеттi атқару жөнiндегi жергілікті уәкiлеттi органдардың шоғырландырылған қаржылық есептiлiктi жасау қағидаларын бекіту туралы қағидаларында:

23-тармақ мынадай редакцияда жазылсын:

«23. Мазмұны жағынан ұқсас баланстан тыс шоттар да осылай жинақталады:

«Жалға алынған активтер» баптары (жол коды 610);

«Жауаптылықпен сақтауға қабылданған немесе орталықтандырылған жабдықтау бойынша төленген қорлар» баптары (жол коды 620);

«Қатаң есептілік бланктері» баптары (жол коды 630);

«Төлемге қабiлетсiз дебиторлардың есептен шығарылған берешегi» баптары (жол коды 640);

«Қайтарылмаған материалдық құндылықтар үшiн оқушылар мен студенттердiң берешегi» баптары (жол коды 650);

«Ауыспалы спорттық жүлделер мен кубоктар» баптары (жол коды 660);

«Жолдамалар» баптары (жол коды 670);

«Әскери техниканың оқу құралдары» баптары (жол коды 680);