«Ерекше тәртіпті қолдана отырып, мемлекеттік сатып алуды жүзеге асыру қағидаларын бекіту туралы» Қазақстан Республикасы Үкіметінің 2015 жылғы 31 желтоқсандағы № 1200 Қаулысы (2022.23.02. берілген өзгерістер мен толықтырулармен) (күші жойылды)

Ерекше тәртіпті қолдана отырып, мемлекеттік сатып алуды жүзеге асыру қағидаларын бекіту туралы
Қазақстан Республикасы Үкіметінің 2015 жылғы 31 желтоқсандағы № 1200 Қаулысы

(2022.23.02. берілген өзгерістер мен толықтырулармен)

ҚР Үкіметінің 2023 жылғы 14 шілдедегі № 587 Қаулысымен күші жойылды

«Мемлекеттік сатып алу туралы» 2015 жылғы 4 желтоқсандағы Қазақстан Республикасының Заңы 50-бабының 3-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Ерекше тәртіпті қолдана отырып, мемлекеттік сатып алуды жүзеге асыру қағидалары бекітілсін.

2. «Қорғаныс қажеттілігін қамтамасыз ету үшін мемлекеттік сатып алуды жүзеге асырудың ерекше тәртібін бекіту туралы» Қазақстан Республикасы Үкіметінің 2009 жылғы 10 желтоқсандағы № 2072 қаулысының күші жойылды деп танылсын.

3. Осы қаулы алғашқы ресми жарияланған күнінен бастап қолданысқа енгізіледі.

Қазақстан Республикасы

Үкіметінің

2015 жылғы 31 желтоқсандағы

№ 1200 қаулысымен

бекітілген

ҚР Үкіметінің 2018.29.12. № 910 Қаулысымен Қағидалардың бүкіл мәтіні бойынша:

«сәттен» деген сөз «күннен» деген сөзбен, «әкесінің аты» деген сөз «әкесінің аты (бар болса)» деген сөздермен, «келіп түскен» деген сөздер «тіркелген» деген сөзбен, «Т.А.Ә.» деген сөздер «Т.А.Ә. (бар болса)» деген сөздермен ауыстырылды (бұр.ред.қара)

Ерекше тәртіпті қолдана отырып, мемлекеттік сатып алуды жүзеге асыру

 қағидалары

ҚР Үкіметінің 2021.29.12. № 953 Қаулысымен кіріспе жаңа редакцияда (бұр.ред.қара)

Осы Ерекше тәртіпті қолдана отырып, мемлекеттік сатып алуды жүзеге асыру қағидалары (бұдан әрі – Қағидалар) «Мемлекеттік сатып алу туралы» Қазақстан Республикасының Заңы (бұдан әрі – Заң) 50-бабының 3-тармағына сәйкес әзірленді және ерекше тәртіпті қолдана отырып, мемлекеттік сатып алуды жүзеге асыру тәртібін айқындайды.

ҚР Үкіметінің 2021.29.12. № 953 Қаулысымен 1-тараудың тақырыбы жаңа редакцияда (бұр.ред.қара)