«Тұтыну нарығындағы бағаны тұрақтандырудың жекелеген мәселелері» Қазақстан Республикасы Үкіметінің 2008 жылғы 15 қаңтардағы № 17 Қаулысы (2014.31.07. берілген өзгерістермен)
Тұтыну нарығындағы бағаны тұрақтандырудың жекелеген мәселелері
Қазақстан Республикасы Үкіметінің 2008 жылғы 15 қаңтардағы № 17 Қаулысы
(2014.31.07. берілген өзгерістермен)
Қазақстан Республикасының Үкіметі ҚАУЛЫ ЕТЕДІ:
ҚР Үкіметінің 2008.17.07. № 702 Қаулысымен 1-тармақ өзгертілді (бұр. ред. қара)
1. Нарыққа реттеушілік ықпал жасау мақсатында 2008 жылға арналған республикалық бюджетте Қазақстан Республикасы Үкіметінің шұғыл шығындарға көзделген резервінен Қазақстан Республикасы Төтенше жағдайлар министрлігіне осы қаулыға қосымшаға сәйкес мемлекеттік материалдық резервтің материалдық құндылықтарын сатып алуға, сақтауға, тасымалдауға және шығаруға 1 270 188 800 (бір миллиард екі жүз жетпіс миллион бір жүз сексен сегіз мың сегіз жүз) теңге сомасында қаражат бөлінсін.
2. Қазақстан Республикасы Қаржы министрлігі бөлінген қаражаттың мақсатты пайдаланылуын бақылауды жүзеге асырсын.
3. ҚР Үкіметінің 2014.31.07. № 860 Қаулысымен күші жойылды (бұр.ред.қара)
4. Орталық атқарушы органдар осы қаулыдан туындайтын шараларды қабылдасын.
5. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі |
К. Мәсімов |
Қазақстан Республикасы Үкіметінің
2008 жылғы 15 қаңтардағы
№ 17 қаулысына
қосымша
ҚР Үкіметінің 2008.19.02. № 159-1 Қаулысымен тізбе өзгертілді (бұр.ред.қара); 2008.17.07. № 702 Қаулысымен тізбе жаңа редакцияда (бұр. ред. қара)
Мемлекеттік материалдық резервтің материалдық
құндылықтарының тізбесі мен көлемі
| Р/с № | Материалдық құндылықтардың атауы | Өлш. бірл. | Сақтау мерзімі, жылдармен | Болжамды сақтау көлемі | DDP ИНКО- ТЕРМС 2000 шартындағы бағасы (теңге/өлш. бірл.) | Ақша қаражатын пайдалану, теңгемен | Өндіруші ел |
| 1 | Өсімдік майы (тазартылған, шөлмекке құйылған) | мың л. | 1 | 2 078,97 | 293 000 | 609 138 210 | импорт |
| 2 | Жарма (күріш) | тн | 1 | 2 482,35 | 81 500 | 202 311 525 |
|
| 3 | Қант | тн | 5-8 | 5 275 | 84 500 | 445 737 500 | импорт |
|
| БАРЛЫҒЫ |
|
| 9 836,32 |
| 1 257 187 235 |
|
Ескертпе:
Қазақстан Республикасы Индустрия және сауда министрлігінің Сауда қызметін реттеу комитеті кестеде көрсетілген тауарлардың апталық қажеттілігін берді. Қазақстан Республикасы Үкіметінің резервінен бөлінген (1270188800,00 (бір миллиард екі жүз жетпіс миллион бір жүз сексен сегіз мың сегіз жүз теңге) қаражаттан материалдық құндылықтарды сақтауға, орнын ауыстыруға және шығаруға 13001565,00 теңге пайдалану көзделіп отыр.