Электрондық мемлекеттік сатып алуды жүргізу қағидаларын бекіту туралы
Қазақстан Республикасы Үкіметінің 2012 жылғы 15 мамырдағы № 623 Қаулысы

(2012.19.12. берілген өзгерістер мен толықтырулармен)

Осы редакция 2013 жылғы 21 маусымда енгізілген өзгерістеріне дейін қолданылды

«Мемлекеттік сатып алу туралы» Қазақстан Республикасының 2007 жылғы 21 шілдедегі Заңының 13-бабының 14) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Электрондық мемлекеттік сатып алуды жүргізу қағидалары бекітілсін.

2. «Электрондық мемлекеттік сатып алуды жүргізу ережесін бекіту туралы» Қазақстан Республикасы Үкіметінің 2010 жылғы 2 сәуірдегі № 281 қаулысының (Қазақстан Республикасының ПҮАЖ-ы, 2010 ж., № 28, 216-құжат) күші жойылды деп танылсын.

3. Осы қаулы алғашқы ресми жарияланған күнінен бастап қолданысқа енгізіледі.

Қазақстан Республикасы

Үкіметінің

2012 жылғы 15 мамырдағы

№ 623 қаулысымен

бекітілген

Электрондық мемлекеттік сатып алуды жүргізу

қағидалары

Осы Электрондық мемлекеттік сатып алуды жүргізу қағидалары (бұдан әрі - Қағидалар) «Мемлекеттік сатып алу туралы» Қазақстан Республикасының 2007 жылғы 21 шілдедегі Заңына (бұдан әрі - Заң), Қазақстан Республикасының «Ақпараттандыру туралы» 2007 жылғы 11 қаңтардағы, «Электрондық құжат және электрондық цифрлық қолтаңба туралы» 2003 жылғы 7 қаңтардағы заңдарына сәйкес әзірленді және электрондық мемлекеттік сатып алуды жүргізу тәртібін анықтайды.

Қағидалар мемлекеттік сатып алуды конкурс тәсілімен жүзеге асырудың ерекше және арнайы тәртіптеріне, сондай-ақ Заңда көзделген қорғаныс қажеттіліктерін қамтамасыз ету үшін мемлекеттік сатып алуды жүзеге асырудың ерекше тәртібіне сәйкес жүзеге асырылатын мемлекеттік сатып алуға қолданылмайды.

1. Жалпы ережелер

1. Осы Қағидаларда мынадай ұғымдар пайдаланылады:

1) электрондық мемлекеттік сатып алу саласындағы бірыңғай оператор (бұдан әрі - Оператор) - Қазақстан Республикасы Үкіметінің шешімі бойынша құрылатын, акцияларының (қатысу үлестерінің) жалғыз меншік иесі мемлекет немесе ұлттық холдинг болып табылатын, электрондық мемлекеттік сатып алу саласында бірыңғай техникалық саясатты іске асыруды жүзеге асыратын заңды тұлға;

2) мемлекеттік сатып алу веб-порталы (бұдан әрі - веб-портал) - электрондық мемлекеттік сатып алудың электрондық қызметтеріне бірыңғай қол жеткізу нүктесін ұсынатын мемлекеттік ақпараттық жүйе;

3) мемлекеттік сатып алу веб-порталында тіркелу (бұдан әрі - тіркелу) - мемлекеттік сатып алу жүйесі субъектісінің, оның лауазымды адамдары мен мүдделі тұлғалардың веб-порталда қатысуға қол жеткізу;

4) веб-порталға қатысушы - (бұдан әрі - Қатысушы) - тапсырыс беруші, мемлекеттік сатып алуды ұйымдастырушы, веб-порталда тіркеуден өткен әлеуетті өнім беруші;

5) веб-порталды пайдаланушы (бұдан әрі - Пайдаланушы) - веб-порталда тіркеуден өткен Қатысушының лауазымды адамы немесе өкілі;

6) веб-порталға қатысу - мемлекеттік сатып алу саласында электрондық қызметтер алу үшін қатысушының атынан пайдаланушының мемлекеттік сатып алу веб-порталын пайдалануы;

7) жеке кабинет - пайдаланушының веб-порталдағы автоматтандырылған жұмыс орны;

8) электрондық құжат - өзіндегі ақпарат электрондық-цифрлық нысанда ұсынылған және электрондық цифрлық қолтаңба арқылы куәландырылған құжат;

9) шартты жеңілдік - конкурстық құжаттамада айтылған өлшемдердің негізінде конкурстық комиссия ұсынатын әлеуетті өнім берушінің конкурстық баға ұсынысын шартты азайтудың пайыздық мәні;

10) қағаз құжаттың электрондық көшірмесі - түпнұсқа қағаз құжаттың ақпаратын толық шығаратын, веб-порталда уәкілетті өкілдің электрондық цифрлық қолтаңбасы бар электрондық цифрлық нысандағы электрондық құжат;

11) веб-порталдағы уәкілетті өкіл - веб-порталға қатысушының пайдаланушысы, оған веб-порталға қатысушының бірінші басшысының тиісті шешімімен веб-порталдағы барлық іс-қимылдарды орындауға, оның ішінде қағаз құжаттардың электрондық көшірмелерін растауға құқықтар берілген;

12) электрондық цифрлық қолтаңба - электрондық цифрлық қолтаңба құралдарымен жасалған және электрондық құжаттың дұрыстығын, оның тиесілігін және мазмұнының өзгермейтіндігін растайтын электрондық цифрлық нышандар терімі.

2. Конкурс, баға ұсыныстарын сұрату, аукцион және бір көзден алу тәсілдерімен электрондық мемлекеттік сатып алу осы Қағидаларда анықталған тәртіппен жүргізіледі.

Мемлекеттік сатып алу жүйесі субъектілеріне және басқа да мүдделі тұлғаларға көрсетілетін электрондық қызметтер веб-порталды пайдалана отырып, уәкілетті орган анықтаған тәртіппен өтеусіз негізде жүзеге асырылады.

3. Электрондық мемлекеттік сатып алуды ұйымдастыру және жүргізу рәсімдерін орындау үшін тапсырыс беруші мен ұйымдастырушы бір тұлға болып әрекет еткен жағдайды қоспағанда, тапсырыс беруші Заңның 7-бабына сәйкес электрондық мемлекеттік сатып алуды ұйымдастырушыны (бұдан әрі - ұйымдастырушы) анықтайды.

4. Тапсырыс беруші мен ұйымдастырушы веб-порталда өздерінің уәкілетті өкілдері болып табылатын лауазымды адамдарды анықтайды. Егер тапсырыс беруші мен ұйымдастырушы бір тұлға болып әрекет еткен жағдайда тапсырыс берушінің және ұйымдастырушының веб-порталдағы уәкілетті өкілі болып табылатын бір лауазымды адамды анықтауға жол беріледі.

2. Конкурс тәсілімен жүзеге асырылатын тауарларды, жұмыстарды, қызметтерді электрондық мемлекеттік сатып алуды жүргізу тәртібі

Конкурс тәсілімен жүзеге асырылатын тауарларды, жұмыстарды, қызметтерді электрондық мемлекеттік сатып алуды ұйымдастыру және жүргізу

5. Конкурс тәсілімен жүзеге асырылатын тауарларды, жұмыстарды, қызметтерді электрондық мемлекеттік сатып алуды ұйымдастыру және жүргізу (бұдан әрі - электрондық конкурс) веб-порталда мынадай дәйекті іс-шараларды орындауды көздейді:

1) тапсырыс беруші мен ұйымдастырушы бір тұлға болатын жағдайларды қоспағанда, тапсырыс берушінің ұйымдастырушыны, тапсырыс берушінің уәкілетті өкілін анықтауы;

2) тапсырыс беруші мен ұйымдастырушы бір тұлға болатын жағдайды қоспағанда, тапсырыс берушінің веб-порталдың көмегімен веб-порталдың қатысушысы болып табылатын ұйымдастырушыға шақыру жіберуі;

3) конкурстық құжаттаманы қалыптастыру, сондай-ақ қажет болған кезде сараптау комиссиясының құрамын (сарапшыны) қалыптастыру және бекіту;

4) тапсырыс берушінің конкурстық құжаттаманы бекітуі;

5) веб-порталды пайдаланушылардың арасынан конкурстық комиссияның құрамын қалыптастыру және конкурстық комиссияның хатшысын анықтау;

6) ұйымдастырушының веб-порталда электрондық конкурс өткізу туралы хабарландыру жариялауы;

7) веб-порталға қатысушы - әлеуетті өнім берушілердің веб-порталда оны алу фактісін автоматты түрде тіркей отырып конкурстық құжаттаманы алуы;

8) ұйымдастырушының веб-порталдың көмегімен осы Қағидалардың 22 және 23-тармақтарында көзделген жағдайларда конкурстық құжаттаманы алған әлеуетті өнім берушілерге оның ережелерін түсіндіруі;

9) веб-порталда электрондық құжат нысанында берілетін электрондық конкурсқа қатысуға өтінімдерді автоматты түрде тіркеу;

10) өтінімдерді ашу және тиісті ашу хаттамасын веб-порталда жариялау;

11) біліктілік талаптарына, конкурстық құжаттама талаптарына сәйкес келетін әлеуетті өнім берушілерді анықтау үшін электрондық конкурсқа қатысуға арналған өтінімдерді және шартты жеңілдіктер мөлшерін конкурстық комиссиясын қарауы;

12) конкурстық комиссияның электрондық конкурсқа қатысуға жіберілген әлеуетті өнім берушілер тізбесін айқындауы және веб-порталда жіберу туралы тиісті хаттаманы жариялауы;

13) электрондық конкурсқа қатысуға жіберілген әлеуетті өнім берушілер ұсынған конкурстық баға ұсыныстарын электрондық құжаттар нысанында веб-порталда автоматты түрде тіркеу;

14) электрондық конкурсқа қатысушылардың конкурстық баға ұсыныстарын автоматты түрде ашу, бағалау, салыстыру және жеңімпазды анықтау, қорытындылар хаттамасын веб-порталда жариялау;

15) ұйымдастырушы жүргізген электрондық конкурс қорытындысы бойынша тапсырыс беруші мен электрондық конкурстың жеңімпазы арасында мемлекеттік сатып алу туралы шарт жасасу.

6. Біртекті болып табылмайтын тауарларды, жұмыстарды, қызметтерді мемлекеттік сатып алу жөніндегі электрондық конкурсты ұйымдастыру кезінде ұйымдастырушы мұндай тауарларды, жұмыстарды, қызметтерді конкурстық құжаттамада олардың біртекті түрлері бойынша лоттарға бөле отырып, аталған тәсілмен бірыңғай мемлекеттік сатып алуды ұйымдастыра және өткізе алады.

Біртекті тауарларды, жұмыстарды, қызметтерді мемлекеттік сатып алу жөніндегі электрондық конкурсты жүзеге асырған кезде ұйымдастырушы конкурстық құжаттамада біртекті тауарларды, жұмыстарды, қызметтерді жеткізіп беру (орындау, көрсету) орны бойынша лоттарға бөледі.

Біртекті тауарлардың, жұмыстардың, қызметтердің бірнеше түрлерін мемлекеттік сатып алу жөніндегі электрондық конкурсты жүзеге асырған кезде ұйымдастырушы конкурстық құжаттамада тауарларды, жұмыстарды, қызметтерді олардың біртекті түрлері және (немесе) жеткізіп беру (орындау, көрсету) орны бойынша лоттарға бөледі.

Веб-порталда конкурстық құжаттаманы қалыптастыру және бекіту

7. Ұйымдастырушы электрондық конкурсты өткізу шарттары мен тәртібін айқындау үшін осы Қағидаларға 1-қосымшаға сәйкес веб-порталда қазақ және орыс тілдерінде конкурстық құжаттаманың электрондық нысанын қалыптастырады және тапсырыс беруші мен ұйымдастырушы бір тұлға болатын жағдайларды қоспағанда, оны тапсырыс берушімен келіседі.

8. Ұйымдастырушы қалыптастырған конкурстық құжаттаманы тапсырыс берушінің бірінші басшысы не жауапты хатшысы немесе Қазақстан Республикасының Президенті анықтайтын жауапты хатшының өкілеттігін жүзеге асыратын өзге лауазымды адам не оның міндетін атқаратын адам бекітеді.

Бірыңғай ұйымдастырушы қалыптастырған конкурстық құжаттаманы тапсырыс берушілердің бірінші басшылары не жауапты хатшылары немесе Қазақстан Республикасының Президенті анықтайтын жауапты хатшының өкілеттігін жүзеге асыратын өзге лауазымды адамдар не олардың міндетін атқаратын адамдар бекітеді.

Конкурстық комиссияның құрамын, сарапшыны (сараптау комиссиясын) бекіту

9. Электрондық конкурс өткізу рәсімдерін орындау үшін ұйымдастырушы әрбір электрондық конкурсқа жеке конкурстық комиссия құрады және конкурстық комиссияның хатшысын анықтайды.

Конкурстық комиссия құру және конкурстық комиссия хатшысын анықтау туралы шешімге ұйымдастырушының бірінші басшысы не жауапты хатшысы немесе Қазақстан Республикасының Президенті анықтайтын жауапты хатшының өкілеттігін жүзеге асыратын өзге лауазымды адам не оның міндетін атқаратын адам қол қояды.

Егер тапсырыс берушінің өзі тікелей немесе мемлекеттік сатып алуды ұйымдастыру және өткізу рәсімдерін орындауға жауапты өзінің құрылымдық бөлімшесі атынан ұйымдастырушы болып әрекет еткен жағдайда конкурстық комиссия құру және конкурстық комиссия хатшысын анықтау туралы шешімге ұйымдастырушының бірінші басшысы не жауапты хатшысы немесе Қазақстан Республикасының Президенті анықтайтын жауапты хатшының өкілеттігін жүзеге асыратын өзге лауазымды адам не оның міндетін атқаратын адам қол қояды.

Жұмыстарды мемлекеттік сатып алуды жүзеге асырған жағдайда ұйымдастырушы конкурстық комиссияның құрамына тиісті қызмет саласындағы уәкілетті органмен келісім бойынша оның веб-порталда тіркелген қызметкерлерінің қатарынан оның өкілдерін енгізе алады.

Сатып алынатын тауарлардың, жұмыстардың, қызметтердің техникалық тапсырмасын және (немесе) техникалық ерекшелігін әзірлеу үшін ұйымдастырушы конкурстық құжаттаманы әзірлеу кезеңінде сараптау комиссиясын құрады (сарапшыны тартады).

10. Конкурстық комиссияның мүшелері конкурстық комиссияның төрағасы, төрағасының орынбасары және басқа да мүшелері болып табылады. Төраға болмаған уақытта оның функцияларын төрағаның орынбасары орындайды. Конкурстық комиссия мүшелерінің жалпы саны тақ санды құрауы және кемінде үш адам болуы тиіс.

Конкурстық комиссияның төрағасы болып ұйымдастырушының бірінші басшысының орынбасарынан төмен емес лауазымды адам анықталуы тиіс. Егер тапсырыс берушінің өзі тікелей ұйымдастырушы болып әрекет еткен жағдайда тапсырыс берушінің бірінші басшысының орынбасарының төмен емес лауазымды адам конкурстық комиссияның төрағасы болып айқындалуы тиіс. Егер ұйымдастырушы ретінде тапсырыс беруші өзінің мемлекеттік сатып алуды ұйымдастыру және жүргізу рәсімдерін орындауға жауапты құрылымдық бөлімшесінің атынан әрекет етсе, тапсырыс берушінің осы құрылымдық бөлімшесінің басшысынан төмен емес лауазымды адамы конкурстық комиссияның төрағасы болып анықталуы тиіс.

11. Конкурстық комиссияның төрағасы:

1) конкурстық комиссияның қызметіне басшылық етеді;

2) осы Қағидаларда көзделген өзге де функцияларды жүзеге асырады.

12. Конкурстық комиссия оны құру туралы шешім күшіне енген күннен бастап әрекет етеді және тауарларды, жұмыстарды, қызметтерді мемлекеттік сатып алу туралы шарт жасасқан күннен бастап өз қызметін тоқтатады.

13. Конкурстық комиссияның шешімі веб-порталды пайдалана отырып дауыс беру арқылы қабылданады және конкурстық комиссия мүшелерінің жалпы санының көпшілігі дауыс берсе, қабылданды деп есептеледі. Дауыстар тең болған жағдайда конкурстық комиссияның төрағасы немесе ол болмаған жағдайда төрағаның орынбасары дауыс берген шешім қабылданды деп есептеледі. Конкурстық комиссияның шешімімен келіспеген жағдайда осы конкурстық комиссияның кез келген мүшесінің ерекше пікір айтуға құқығы бар, ол қағаз құжаттың электрондық көшірмесі нысанында веб-порталда жарияланады. Конкурстық комиссияның тиісті хаттамаларында конкурстық комиссияның қандай да бір мүшесінің қолы болмаған жағдайда хатшы қолдың болмау себебін қамтитын құжатты веб-порталда жариялайды.

14. Конкурстық комиссияның ұйымдастыру қызметін конкурстық комиссияның хатшысы қамтамасыз етеді. Конкурстық комиссия хатшысы конкурстық комиссияның мүшесі болып табылмайды және конкурстық комиссия шешімдер қабылдаған кезде дауыс беру құқығы жоқ.

Конкурстық комиссияның хатшысы ұйымдастырушының мемлекеттік сатып алуды ұйымдастыруға және өткізуге жауапты құрылымдық бөлімшесінің лауазымды адамдарының арасынан анықталады.

Конкурстық комиссияның хатшысы:

1) веб-порталда конкурстық құжаттаманы қалыптастырады;

2) веб-порталда электрондық конкурс өткізілетіні туралы хабарландыруды, электрондық конкурсқа қатысу өтінімдерін ашу хаттамасын, электрондық конкурсқа қатысуға жіберу туралы хаттаманы, сондай-ақ болған кезде басқа да құжаттарды веб-порталда жариялайды;

3) веб-порталда сарапшының (сараптау комиссиясының) қорытындысын жариялайды;

4) осы Қағидаларда көзделген өзге де функцияларды жүзеге асырады.

15. Ұйымдастырушыда әлеуетті өнім берушілер ұсынатын тауарлардың, жұмыстардың, қызметтердің конкурстық құжаттама талаптарына сәйкестігін анықтау үшін тиісті бейіндегі мамандар болмаған жағдайда ұйымдастырушы тараптардың уағдаластығы бойынша мемлекеттік қызметшілерді өтеусіз негізде, ал басқа сарапшыларды ақылы негізге де, өтеусіз негізде де сарапшылар ретінде тартады.

Қызметінің бейіні мемлекеттік сатып алу мәніне сәйкес келуі қандай да бір тұлғаны сарапшы ретінде тарту үшін міндетті шарт болып табылады.

Ақылы негізде сарапшыны таңдауды ұйымдастырушы Заңға сәйкес жүзеге асырады.

16. Бірнеше сарапшыларды тартқан жағдайда ұйымдастырушы тартылған сарапшылардың арасынан сараптау комиссиясын құрады және олардың арасында сараптау комиссиясының басшысын анықтайды.

Сарапшылар (сараптау комиссиясы) әлеуетті өнім берушілер ұсынатын тауарлардың, жұмыстардың, қызметтердің конкурстық құжаттама талаптарына сәйкестігі тұрғысынан сараптау қорытындысын береді және конкурстық комиссия шешім қабылдаған кезде дауыс беру құқығы жоқ. Егер сарапшылардың (сараптау комиссиясының) қорытындысы конкурстық құжаттамада көзделген талаптар шегінде жасалған болса ғана, оны конкурстық комиссия міндетті түрде ескереді. Сараптау қорытындысына сарапшылар (сараптау комиссиясының мүшелері) қол қояды және конкурстық комиссия хатшысының электрондық цифрлық қолтаңбасымен куәландырылған қағаз құжаттың электрондық көшірмесі нысанында веб-порталда электрондық конкурсқа қатысуға жіберу туралы хаттамаға қоса береді.

Сарапшы сараптау комиссиясының қорытындысымен келіспеген жағдайда, мұндай сарапшы өзінің ерекше пікірін білдіреді, ол сараптау комиссиясының қорытындысына қоса беріледі және оның ажырамас бөлігі болып табылады.

17. Электрондық конкурс өткізу басталғанға дейін конкурстық комиссияның мүшелері, конкурстық комиссияның хатшысы, сондай-ақ сарапшы (сараптау комиссиясы) бекітілген конкурстық құжаттамамен және оған қосымшалармен танысады.

Электрондық конкурс өткізу туралы хабарлама

ҚР Үкіметінің 2012.19.12. № 1618 Қаулысымен 18-тармақ жаңа редакцияда (бұр.ред.қара)

18. Ұйымдастырушы конкурстық құжаттама бекітілген күнінен бастап үш жұмыс күнінен кешіктірмей, бірақ әлеуетті өнім берушілер электрондық конкурсқа қатысуға өтінімдер беретін соңғы күнге дейін күнтізбелік жиырма күннен кешіктірмей, ал электрондық конкурсты қайтадан жүзеге асырған жағдайда ұйымдастырушы конкурстық құжаттама бекітілген күнінен бастап үш жұмыс күнінен кешіктірмей, бірақ электрондық конкурсқа қатысуға өтінімдер берудің соңғы күніне дейін кемінде күнтізбелік он күннен кешіктірмей өткізілетін электрондық конкурс туралы хабарландыруды, сондай-ақ бекітілген конкурстық құжаттаманы веб-портал арқылы жариялайды.

Әлеуетті өнім берушілерге конкурстық құжаттаманы беру

19. Электрондық конкурс өткізу туралы хабарландыру жарияланған күннен бастап барлық ниет білдірушілерге конкурстық құжаттаманы веб-порталдан тегін алу мүмкіндігі беріледі.

20. Веб-порталға қатысушы әлеуетті өнім берушілерге конкурстық құжаттаманы беру веб-порталда автоматты түрде тіркеледі.

21. Веб-порталда электрондық конкурс өткізу туралы хабарлау сәтіне дейін конкурстық құжаттаманы беруге жол берілмейді.

Конкурстық құжаттама ережелерін түсіндіру

22. Веб-портал қатысушысы - әлеуетті өнім беруші қажет болған кезде веб-порталды пайдалана отырып, бірақ электрондық конкурсқа қатысуға өтінімдер берудің соңғы мерзімі өткенге дейінгі күнтізбелік үш күннен кешіктірмей конкурстық құжаттама ережелерін түсіндіру туралы ұйымдастырушыға сұрау салу жібереді.

Ұйымдастырушы сұрауды алған күннен бастап екі жұмыс күні ішінде конкурстық құжаттаманы алған веб-портал қатысушысы болып табылатын әлеуетті өнім берушілерді автоматты түрде хабардар ете отырып, конкурстық құжаттама ережелерін түсіндіру мәтінін веб-порталда жариялайды.

23. Ұйымдастырушы қажет болған кезде электрондық конкурсқа қатысуға өтінім берудің соңғы күні өткенге дейінгі күнтізбелік үш күннен кешіктірмей жеке бастамасы бойынша немесе веб-портал қатысушысы - әлеуетті өнім берушілердің сауалына жауап ретінде конкурстық құжаттамаға өзгерістер және (немесе) толықтырулар енгізеді. Конкурстық құжаттамаға өзгерістер және (немесе) толықтырулар енгізу осы Қағидалардың 8-тармағында белгіленген тәртіппен бекітіледі.

Ұйымдастырушы конкурстық құжаттамаға өзгерістер және (немесе) толықтырулар енгізу туралы шешім қабылданған күннен бастап конкурстық құжаттаманы алған веб-порталға қатысушы - әлеуетті өнім берушілерді автоматты түрде хабардар ете отырып, енгізілген өзгерістерді және (немесе) толықтыруларды көрсете отырып, веб-порталда нақтыланған конкурстық құжаттаманы жариялайды.

Мұндай жағдайда, электрондық конкурсқа қатысуға өтінімдер берудің соңғы мерзімі кемінде он күнтізбелік күнге ұзартылады.

Электрондық конкурсқа қатысуға өтінімдердің мазмұны және оларды беру

24. Электрондық конкурсқа қатысуға өтінім электрондық құжат нысанында беріледі және электрондық конкурсқа қатысуға үміткер әлеуетті өнім берушінің конкурстық құжаттамада көзделген талаптар мен шарттарға сәйкес тауарды жеткізуді (жұмысты орындауды, қызмет көрсетуді) жүзеге асыруға келісім беру нысаны болып табылады.

25. Электрондық конкурсқа қатысуға үміткер әлеуетті өнім берушінің ұйымдастырушыға беретін электрондық конкурсқа қатысуға өтінімі конкурстық құжаттаманың электрондық нысанында санамаланған құжаттарды қамтуы тиіс.

26. Әлеуетті өнім берушінің конкурстық құжаттаманың электрондық нысанына сәйкес талап етілетін, веб-порталды пайдалана отырып, мемлекеттік ақпараттық жүйелерге және (немесе) мемлекеттік дерекқорға өтініш беру арқылы алынатын жекелеген құжаттарды беруіне жол беріледі.

27. Электрондық конкурсқа қатысуға өтінімді әлеуетті өнім беруші ұйымдастырушыға оларды электрондық құжат нысанында берудің соңғы мерзімі өткенге дейін береді.

28. Электрондық конкурсқа қатысуға берілген өтінім электрондық конкурсқа қатысуға өтінім берген өнім берушінің тиісті хабарламасын веб-порталмен автоматты түрде жіберу сәтінде қабылданған болып есептеледі.

29. Әлеуетті өнім беруші электрондық конкурсқа қатысуға бір ғана өтінім беруге құқылы.

30. Әлеуетті өнім берушінің электрондық конкурсқа қатысуға берген өтінімі мынадай жағдайларда веб-порталдан автоматты түрде жойылады:

1) әлеуетті өнім беруші бұдан бұрын осы электрондық конкурсқа қатысуға өтінім берген болса;

2) электрондық конкурсқа қатысуға берілген өтінім осы электрондық конкурсқа қатысуға өтінімдерді қабылдаудың соңғы мерзімі аяқталғаннан кейін түскен болса;

3) Заңның 6-бабының 1-тармағының 3), 3-1), 3-2) және 4) тармақшаларында көзделген жағдайларда веб-порталдың автоматты түрде бас тартуына жатады.

Тауарларды, жұмыстар мен қызметтерді мемлекеттік сатып алу жөніндегі электрондық конкурсқа қатысу үшін әлеуетті өнім беруші ұсынатын конкурстық өтінімнің қолданылу мерзімі конкурстық өтінімдерді қабылдау аяқталған күннен бастап кемінде күнтізбелік отыз бес күн болуы тиіс.

31. Әлеуетті өнім берушілер берген электрондық конкурсқа қатысу өтінімдері веб-порталда автоматты түрде тіркеледі.

32. Әлеуетті өнім беруші қажет болған кезде өзі енгізген электрондық конкурсқа қатысу өтінімін қамтамасыз етуді қайтаруға құқықтарын жоғалтпастан, электрондық конкурсқа қатысуға өтінімдерді ұсынудың соңғы мерзімі өткенге дейін кез келген уақытта өзінің электрондық конкурсқа қатысуға өтінімін өзгертеді немесе кері қайтарып алады.

33. Электрондық конкурсқа қатысуға өтінімдер берудің соңғы мерзімі аяқталғаннан кейін оған өзгерістер енгізуге жол берілмейді.

Электрондық конкурсқа қатысуға арналған өтінімдi қамтамасыз ету

34. Электрондық конкурсқа қатысуға өтінімді қамтамасыз етуді әлеуетті өнім беруші Заңның 23-бабына сәйкес енгізеді.

Электрондық конкурста бірнеше лот бойынша қатысу жағдайында әлеуетті өнім беруші электрондық конкурсқа қатысуға өтінімді қамтамасыз етуді әрбір лот бойынша жеке-жеке ұсынады.

35. Әлеуетті өнім беруші электрондық конкурсқа қатысуға өтінімді қамтамасыз етуді банк кепілдігі түрінде енгізген жағдайда, оның түпнұсқасы ұйымдастырушыға электрондық конкурсқа қатысуға өтінім ұсынудың соңғы мерзіміне дейін конкурстық құжаттаманың электрондық нысанының 6-қосымшасына сәйкес беріледі.

36. Егер әлеуетті өнім беруші ұйымдастырушының банктік шотына не мемлекеттік органдар мен мемлекеттік мекемелер болып табылатын ұйымдастырушылар үшін Қазақстан Республикасының бюджет заңнамасында көзделген шотқа енгізілетін кепілдендірілген ақшалай жарна түрінде электрондық конкурсқа қатысуға өтінімді қамтамасыз етуді енгізген жағдайда, ол кепілдендірілген ақшалай жарнаны растайтын төлем құжатының электрондық көшірмесі түрінде беріледі.

37. Әлеуетті өнім беруші электрондық конкурсқа қатысуды қамтамасыз етуді енгізген жағдайда осы Қағидалардың 35-тармағына сәйкес ұйымдастырушы электрондық конкурсқа қатысуға осындай қамтамасыз етуді алған фактіні банктік кепілдіктерді тіркеу журналына тіркейді.

Ұйымдастырушы банктік кепілдіктерді тіркеу журналында мынадай мәліметтерді көрсетеді:

1) тауарларды, жұмыстарды, қызметтерді мемлекеттік сатып алудың атауы мен өткізілетін мерзімі;

2) ұйымдастырушының толық атауы;

3) әлеуетті өнім берушінің уәкілетті өкілінің тегі, аты-жөні;

4) банктік кепілдікті тіркеу күні мен уақыты.

Банктік кепілдіктерді тіркеу журналы тігіледі, беттері нөмірленеді және конкурстық комиссияның хатшысы әрбір бетіне бұрыштама қояды. Банктік кепілдіктерді тіркеу журналының соңғы беті ұйымдастырушының мөрімен бекітіледі.

Бір қаржы жылы ішінде тауарларды, жұмыстарды, қызметтерді электрондық конкурс тәсілімен барлық мемлекеттік сатып алу бойынша банктік кепілдіктерді тіркеудің бірыңғай журналын өткізуге рұқсат беріледі.

Тауарларды, жұмыстарды, қызметтерді электрондық конкурс тәсілімен мемлекеттік сатып алуды жүргізу

Конкурсқа қатысуға арналған өтінімдерді ашу

38. Электрондық конкурсқа қатысу өтінімдерді ашуды хатшы веб-портал арқылы жүргізеді.

Электрондық конкурсқа қатысу өтінімдерін ашуға қолжетімділікті веб-портал конкурстық құжаттамада мемлекеттік сатып алуды ұйымдастырушы көрсеткен өтінімдерді берудің соңғы күні мен уақыты басталғаннан конкурстық комиссия хатшысына автоматты түрде береді.

39. Электрондық конкурсқа қатысу өтінімдерін осы Қағидаларға сәйкес егер электрондық конкурсқа (лотқа) қатысуға бір ғана өтінім электрондық конкурсқа (лотқа) берілген жағдайда да ашылады және қаралады.

40. Электрондық конкурсқа қатысу өтінімдерді ашу хаттамасын хатшы веб-порталда осы Қағидаларға 2-қосымшаға сәйкес ашылған күні жариялайды. Бұл ретте веб-порталда автоматты түрде тіркелген конкурстық комиссия мүшелеріне, әлеуетті өнім берушілерге веб-портал хабарламаларды автоматты түрде жібереді.

Электрондық конкурсқа қатысуға арналған өтінімдердi қарау, электрондық конкурсқа қатысуға рұқсат беру

ҚР Үкіметінің 2012.19.12. № 1618 Қаулысымен 41-тармақ жаңа редакцияда (бұр.ред.қара)

41. Конкурстық комиссия веб-порталды пайдалана отырып, электрондық конкурсқа қатысуға өтінімдерді қарайды және электрондық конкурсқа қатысуға өтінімдерді ашқан күнінен бастап күнтізбелік он күн ішінде әлеуетті өнім берушілерге электрондық конкурсқа қатысуға рұқсат беру туралы шешім қабылдайды (конкурсқа қатысушылар деп таниды).

42. Электрондық конкурсқа қатысуға рұқсат беру туралы хаттамаға веб-порталда конкурстық комиссияның барлық мүшелері қол қояды және оны конкурстық комиссияның хатшысы веб-порталда автоматты түрде тіркелген барлық әлеуетті өнім берушілерге электрондық почта арқылы хабарлама жібере отырып, веб-порталда осы Қағидаларға 3-қосымшаға сәйкес нысан бойынша рұқсат беру туралы шешім қабылданған күні жариялайды.

Электрондық конкурсқа қатысуға жіберу туралы хаттамаға олар болған кезде конкурстық комиссия мүшесінің ерекше пікірі, сарапшының (сараптау комиссия мүшесінің) ерекше пікірі қоса беріледі.

43. Электрондық конкурсқа қатысуға өтінімдерді ашқан күннен бастап бір жұмыс күнінен кешіктірмей конкурстық комиссияның хатшысы оларды тартқан жағдайда сарапшыға (сараптау комиссиясына) әлеуетті өнім берушілер ұсынатын тауарлардың, жұмыстардың, қызметтердің конкурстық құжаттама талаптарына сәйкестігін растайтын құжаттарды ұсынады.

44. Конкурстық комиссия:

1) әлеуетті өнім берушілердің электрондық конкурсқа қатысуға арналған өтінімдерін құрайтын құжаттардың толықтығы мен дұрыс ресімделуін қарайды;

2) құжаттардың толық тізбесін бермеген және (немесе) тиісінше ресімделмеген құжаттарды берген әлеуетті өнім берушілерді анықтайды;

3) электрондық конкурсқа қатысуға өтінім берген әлеуетті өнім берушілерден электрондық конкурсқа қатысуға арналған өтінімдерді қарастыруды, бағалауды және салыстыруды жеңілдету үшін олардың өтінімдеріне байланысты материалдар мен түсіндірулерді жазбаша нысанда немесе электрондық құжат нысанында сұратады;

4) электрондық конкурсқа қатысу өтінімдерінде қамтылған мәліметтерді нақтылау мақсатында конкурстық комиссия тиісті мемлекеттік органдардан, жеке және заңды тұлғалардан қажетті ақпаратты жазбаша нысанда сұратып алады.

Конкурстық комиссияның сұрауларына және электрондық конкурсқа қатысуға арналған өтінімді конкурстық құжаттаманың талаптарына сәйкес келтіруге байланысты өзге де іс-әрекеттеріне жол берілмейді. Электрондық конкурсқа қатысуға арналған өтінімді жетіспейтін құжаттармен толықтыруға, электрондық конкурсқа қатысуға арналған өтінімде берілген құжаттарды ауыстыруға, ресімделген құжаттарды тиісінше түзету жолымен сәйкес келтіруге бағытталған конкурстық комиссияның іс-әрекеттері электрондық конкурсқа қатысуға өтінімді электрондық конкурстық құжаттаманың талаптарына сәйкес келтіру деп түсіндіріледі;

5) біліктілік және өзге конкурстық құжаттама талаптарына сәйкес келетін әлеуетті өнім берушілерді анықтайды және электрондық конкурсқа қатысушы деп таниды.

Банкроттық не тарату рәсіміне қатысының болмауы бөлігінде әлеуетті өнім берушілердің жалпы біліктілік талаптарына сәйкестігін нақтылау мақсатында конкурстық комиссия банкроттық не тарату рәсімдерінің жүргізілуін бақылауды жүзеге асыратын уәкілетті органның интернет-ресурсында орналастырылған ақпаратты қарайды.

45. Конкурстық комиссия мынадай:

1) банктік кепілдік түрінде ұсынылған электрондық конкурсқа қатысуға өтінімді қамтамасыз етудің қолданылу мерзімі жеткіліксіз болған;

2) конкурстық комиссияға:

электрондық конкурсқа қатысуға өтінімнің қамтамасыз етуін берген тұлғаны;

оған қатысу үшін банктік кепілдік түрінде ұсынылған электрондық конкурсқа қатысуға өтінімді қамтамасыз ету енгізілетін тауарларды, жұмыстарды, қызметтерді электрондық конкурс тәсілімен мемлекеттік сатып алудың атауын;

банктік кепілдік түрінде ұсынылған электрондық конкурсқа қатысуға өтінімді қамтамасыз етудің қолданылу мерзімін және (немесе) өтінімді қамтамасыз етудің сомасын, сондай-ақ оны беру шартын;

электрондық конкурсқа қатысуға өтінімді қамтамасыз ету берілген тұлғаны;

электрондық конкурсқа қатысуға өтінімді қамтамасыз ету оның пайдасына енгізілетін тұлғаны анықтауға мүмкіндік бермейтін мәліметтердің болмауынан көрініс табатын электрондық конкурсқа қатысуға өтінімді қамтамасыз ету тиісінше ресімделмеген;

3) электрондық конкурсқа (лотқа) бөлінген соманың кемінде бір пайызы мөлшерінде конкурстық өтінімді қамтамасыз етуді енгізген жағдайда енгізілген конкурсқа қатысуға өтінімді қамтамасыз етуді электрондық конкурстық құжаттама талаптарына сәйкес емес деп таниды.

ҚР Үкіметінің 2012.19.12. № 1618 Қаулысымен 46-тармақ өзгертілді (бұр.ред.қара)

46. Заңды тұлға болып табылатын (электрондық конкурсқа қатысушы болып танылған) әлеуетті өнім беруші егер:

1) ол және (немесе) оның қосалқы мердігері не бірлесіп орындаушысы мынадай:

әлеуетті өнім беруші өз қызметін Үлгілік жарғының негізінде жүзеге асыруын қоспағанда, қазақ және (немесе) орыс тіл(дер)іне аудармасымен заңнамада белгіленген тәртіппен бекітілген жарғының не сауда-саттық тіркелімінен заңдастырылған үзінді көшірменің электрондық көшірмесін бермеу;

лицензиялардың не электрондық құжаттың қағаз көшірмесі түріндегі лицензияның және (немесе) патенттердің, куәліктердің, сертификаттардың, әлеуетті өнім берушінің сатып алынатын тауарларды өндіруге, қайта өңдеуге, беруге және өткізуге, жұмыстарды орындауға, қызметтерді көрсетуге арналған құқығын растайтын басқа да құжаттардың көшірмелерін бермеу;

құрылтайшы немесе құрылтайшылардың құрамы туралы мәліметтерді қамтитын (егер жарғыда құрылтайшылар немесе құрылтайшылардың құрамы туралы мәліметтер қамтылмаған жағдайда) құрылтай құжаттарынан үзіндінің электрондық көшірмесін не электрондық конкурс жарияланған күнінен кейін берілген акцияларды ұстаушылардың тізілімінен үзіндінің қол қойылған және белгіленген тәртіппен мөрмен расталған электрондық көшірмесін бермеу;

электрондық конкурс жарияланған күннен кейін берілген, конкурстық құжаттаманың электрондық нысанының 7-қосымшасына сәйкес Қазақстан Республикасы Ұлттық Банкі Басқармасының қаулысымен бекітілген Екінші деңгейдегі банктер мен ипотекалық компанияларда бухгалтерлік есепке алу шоттарының үлгілік жоспарына сәйкес банк пен банк филиалының алдында анықтама беру күнінің алдында үш айдан астамға созылатын әлеуетті өнім беруші міндеттемелерінің барлық түрлері бойынша мерзімі өткен берешегінің жоқтығы туралы әлеуетті өнім берушіге қызмет көрсетілетін банктің немесе банк филиалының қол қойылған және мөр басылған анықтамасының электрондық көшірмесін бермеу (егер әлеуетті өнім беруші екінші деңгейдегі бірнеше банктің немесе филиалдардың, сондай-ақ шетелдік банктің клиенті болып табылса, осындай банктердің әрқайсысынан осындай анықтамаларды бермеу);

банктің немесе банк филиалының қол қойылған және мөр басылған анықтамасында осындай анықтаманы беру күнінің алдындағы үш айдан астам созылатын әлеуетті өнім берушінің міндеттемелерінің барлық түрлері бойынша мерзімі өткен берешегінің болуы;

тиісті салық органының үш айдан астам салық берешегінің және міндетті зейнетақы жарналары мен әлеуметтік аударымдар бойынша берешегінің жоқ екендігі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) не электрондық конкурс жарияланған күннен кейін берілген бір теңгеден кем салық берешегінің және міндетті зейнетақы жарналары бойынша берешегінің болуы туралы белгіленген нысандағы анықтамасының электрондық көшірмесін бермеу;

тиісті салық органының анықтамасында үш айдан астам бір теңге және одан көп мөлшерде салық берешегі және міндетті зейнетақы жарналары мен әлеуметтік аударымдар бойынша берешегі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) мәліметтердің болуы;

конкурстық құжаттаманың электрондық нысанының 4 және 5-қосымшаларына сәйкес біліктілігі туралы мәліметтерді бермеу;

әлеуетті өнім берушінің конкурстық құжаттамада көрсетілген арнайы біліктілік талаптарына сәйкес келмеуі;

біліктілік талаптары бойынша дұрыс ақпараттың берілмеу фактісінің анықталуы;

Қазақстан Республикасының банкроттық туралы заңнамасына сәйкес оларға қатысты оңалту рәсімі жүргізілу жағдайын қоспағанда, банкроттық не тарату рәсіміне жату негіздемелері бойынша біліктілік талаптарына сәйкес емес деп айқындалса;

2) оның электрондық конкурсқа қатысуға өтінімі мынадай:

техникалық ерекшелігін бермеу;

әлеуетті өнім берушінің неғұрлым үздік техникалық сапалық және пайдалану сипаттамалары бар техникалық ерекшелікті беру жағдайларын қоспағанда, конкурстық құжаттаманың техникалық ерекшелігінде белгіленген талаптарға сәйкес келмейтін техникалық ерекшелікті беруі;

электрондық конкурста сатып алу мәні болып табылатын жұмыстарды, сондай-ақ конкурстық құжаттаманың электрондық нысанының 8-қосымшасына сәйкес әлеуетті өнім беруші қосалқы мердігерлерге (бірлесіп орындаушыларға) беретін жұмыстар мен қызметтердің түрлерін орындау жөніндегі қосалқы мердігерлер (қызметтер көрсету кезіндегі бірлесіп орындаушылар) туралы мәліметтерді бермеу (әлеуетті өнім беруші қосалқы мердігерлерді (бірлесіп орындаушыларды) тартқан жағдайда);

қосалқы мердігерлер туралы мәліметтерді берген жағдайда әлеуетті өнім берушінің қосалқы мердігерлерге (бірлесіп орындаушыларға) жұмыстар көлемінің (құрылыс құнының) үштен екіден астам жиынтығын қосалқы мердігерлікке (бірлесіп орындауға) беруі;

конкурстық құжаттаманың және осы Қағидалардың талаптарына сәйкес электрондық конкурсқа қатысуға өтінімді қамтамасыз етуді бермеу негіздемелері бойынша конкурстық құжаттама талаптарына сәйкес келмейді деп айқындалса;

3) Заңның 6-бабының талаптарын бұзса, электрондық конкурсқа қатысуға рұқсат берілмейді.

ҚР Үкіметінің 2012.19.12. № 1618 Қаулысымен 47-тармақ өзгертілді (бұр.ред.қара)

47. Жеке тұлға болып табылатын (электрондық конкурсқа қатысушы болып танылған), кәсіпкерлік қызметті жүзеге асыратын әлеуетті өнім беруші егер:

1) ол және (немесе) оның қосалқы мердігері не бірлесіп орындаушысы мынадай:

лицензиялардың не электрондық құжаттың қағаз көшірмесі түріндегі лицензияның және (немесе) патенттердің, куәліктердің, сертификаттардың, әлеуетті өнім берушінің сатып алынатын тауарларды өндіруге, қайта өңдеуге, жеткізуге және сатуға, жұмыстарды орындауға, қызметтерді көрсетуге арналған құқығын растайтын басқа да құжаттардың электрондық көшірмелерін бермеу;

электрондық конкурс жарияланған күнінен ерте емес берілген, конкурстық құжаттаманың электрондық нысанының 7-қосымшасына сәйкес Қазақстан Республикасы Ұлттық Банкі Басқармасының қаулысымен бекітілген Екінші деңгейдегі банктер мен ипотекалық компанияларда бухгалтерлік есепке алу шоттарының үлгілік жоспарына сәйкес банк пен банк филиалының алдында анықтама беру күнінің алдында үш айдан астамға созылатын әлеуетті өнім беруші міндеттемелерінің барлық түрлері бойынша мерзімі өткен берешегінің жоқтығы туралы әлеуетті өнім берушіге қызмет көрсетілетін банктің немесе банк филиалының қол қойылған және мөр басылған анықтамасының электрондық көшірмесін бермеу (егер әлеуетті өнім беруші екінші деңгейдегі бірнеше банктің немесе филиалдарының, сондай-ақ шетелдік банктің клиенті болып табылса, осындай банктердің әрқайсысынан осындай анықтамаларды бермеу);

банктің немесе банк филиалының қол қойылған және мөр басылған анықтамасында осындай анықтаманы беру күнінің алдындағы үш айдан астам созылатын әлеуетті өнім берушінің міндеттемелерінің барлық түрлері бойынша мерзімі өткен берешегінің болуы;

электрондық конкурс жарияланған күннен кейін берілген тиісті салық органының үш айдан астам салық берешегінің және міндетті зейнетақы жарналары мен әлеуметтік аударымдар бойынша берешегінің жоқ екендігі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) не бір теңгеден кем салық берешегінің және міндетті зейнетақы жарналары бойынша берешегінің болуы туралы белгіленген нысандағы анықтамасының электрондық көшірмесін бермеу;

тиісті салық органының анықтамасында үш айдан астам бір теңге және одан көп мөлшерде салық берешегі және міндетті зейнетақы жарналары мен әлеуметтік аударымдар бойынша берешегі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) мәліметтердің болуы;

конкурстық құжаттаманың электрондық нысанының 4 және 5-қосымшаларына сәйкес біліктілігі туралы мәліметтерді бермеу;

әлеуетті өнім берушінің конкурстық құжаттамада көрсетілген арнайы біліктілік талаптарына сәйкес келмеуі;

біліктілік талаптары бойынша дұрыс ақпараттың берілмеу фактісінің анықталуы;

Қазақстан Республикасының банкроттық туралы заңнамасына сәйкес оларға қатысты оңалту рәсімі жүргізілу жағдайын қоспағанда, банкроттау не тарату рәсіміне жату негіздемелері бойынша біліктілік талаптарына сәйкес емес деп айқындалса;

2) оның электрондық конкурсқа қатысуға өтінімі мынадай:

техникалық ерекшелігін бермеу;

әлеуетті өнім берушінің неғұрлым үздік техникалық сапалық және пайдалану сипаттамалары бар техникалық ерекшелікті беру жағдайларын қоспағанда, конкурстық құжаттаманың техникалық ерекшелігінде белгіленген талаптарға сәйкес келмейтін техникалық ерекшелікті беруі;

электрондық конкурста сатып алу мәні болып табылатын жұмыстарды, сондай-ақ конкурстық құжаттаманың электрондық нысанының 8-қосымшасына сәйкес әлеуетті өнім беруші қосалқы мердігерлерге (бірлесіп орындаушыларға) беретін жұмыстар мен қызметтердің түрлерін орындау жөніндегі қосалқы мердігерлер (қызметтер көрсету кезіндегі бірлесіп орындаушылар) туралы мәліметтерді бермеу (әлеуетті өнім беруші қосалқы мердігерлерді (бірлесіп орындаушыларды) тартқан жағдайда);

қосалқы мердігерлер туралы мәліметтерді берген жағдайда әлеуетті өнім берушінің қосалқы мердігерлерге (бірлесіп орындаушыларға) жұмыстар көлемінің (құрылыс құнының) үштен екіден астам жиынтығын қосалқы мердігерге (бірлесіп орындауға) беруі;

электрондық конкурсқа қатысуға өтінімді қамтамасыз етуді конкурстық құжаттаманың және осы Қағидалар талаптарына сәйкес бермеу негіздемелері бойынша конкурстық құжаттама талаптарына сәйкес келмейді деп анықталса;

3) Заңның 6-бабының талаптарын бұзса, электрондық конкурсқа қатысуға рұқсат берілмейді.

48. Сарапшы не сараптау комиссиясы төраға белгілеген мерзімде, бірақ электрондық конкурсқа қатысу өтінімдерді қарау мерзімінен кешіктірмей:

1) өз құзыретінің шегінде әлеуетті өнім берушілер ұсынатын тауарлардың, жұмыстардың, қызметтердің конкурстық құжаттама талаптарына сәйкестігін растау үшін олар берген құжаттардың толықтығы мен дұрыс ресімделуі тұрғысынан қарайды және зерделейді;

2) әлеуетті өнім берушілер ұсынатын тауарлардың, жұмыстардың, қызметтердің конкурстық құжаттаманың ажырамас бөлігі болып табылатын техникалық ерекшелікке сәйкестігі немесе сәйкес келмеуі туралы сараптама қорытындысын ресімдейді және оған қол қояды;

3) тиісінше ресімделген сараптама қорытындысын конкурстық комиссия хатшысына береді.

49. Сарапшының (сараптау комиссиясының) қорытындысына сарапшы ерекше пікірін білдіретін жағдайларды қоспағанда, барлық сарапшылар қол қояды және әр бетіне бұрыштама соғады.

50. Сарапшының (сараптау комиссиясының) қорытындысын алғаннан кейін конкурстық комиссияның хатшысы сарапшының (сараптау комиссиясының) қорытындысын веб-порталда жариялайды және веб-портал арқылы хабарламаларды конкурстық комиссияның барлық мүшелеріне таратады. Конкурстық комиссия электрондық конкурсқа қатысуға өтінімдерді сарапшының (сараптау комиссиясының) қорытындысын ескере отырып қарайды.

51. Конкурстық комиссия, электрондық конкурсқа қатысуға бір өтінім берілген жағдайларды қоспағанда, Заңның 17-бабының 4-тармағына және осы Қағидаларға сәйкес электрондық конкурсқа қатысуға өтінім берген әрбір әлеуетті өнім берушіге қолданылатын, конкурстық құжаттамада көзделген өлшемдерге сәйкес шартты жеңілдіктерді анықтайды.

Конкурстық комиссия, электрондық конкурсқа қатысуға бір өтінім берілген жағдайларды қоспағанда, электрондық конкурсқа қатысуға берілген өтінімдерді бағалау және салыстыру үшін конкурстық құжаттамада айтылған өлшемдерді ескереді және оларды электрондық конкурсқа қатысуға өтінімдерге тең мөлшерде қолданады.

Әлеуетті өнім беруші осы өлшемдерді растайтын құжаттарды бермеген жағдайда конкурстық комиссия мұндай әлеуетті өнім берушіге тиісті шартты жеңілдікті қолданбайды. Шартты жеңілдіктерді қолдану үшін әлеуетті өнім беруші ұсынған талаптар мемлекеттік сатып алу туралы шартқа енгізіледі.

52. Егер онда электрондық конкурсқа қатысуға берілген өтінімнің мәніне нұқсан келтірмей түзетуге болатын грамматикалық немесе арифметикалық қателер болса, электрондық конкурсқа қатысу өтінім конкурстық құжаттама талаптарына жауап береді деп танылады.

53. Егер неғұрлым үздік функционалдық және басқа сипаттамалары бар тауарлар ұсынылса, сондай-ақ неғұрлым үздік технологиялық шешімдер және (немесе) жұмыстар үздік материалдардан жасалса, әлеуетті өнім берушінің техникалық ерекшелігінің конкурстық құжаттамада көрсетілген техникалық ерекшелікке сәйкес келмеуіне жол беріледі.

54. Конкурсқа қатысуға үміткер әлеуетті өнім беруші Заңның 25-бабының 4-тармағында көзделген негіздер бойынша электрондық конкурсқа қатысуға жіберілмейді (электрондық конкурсқа қатысушы деп танылмайды).

55. Тауарларды, жұмыстарды, қызметтерді мемлекеттік сатып алу жөніндегі электрондық конкурсқа қатысатын әлеуетті өнім берушінің жұмыс тәжірибесінің болуы мәселесін қараған кезде конкурстық комиссия осы электрондық конкурста сатып алынатын тауарларды беру, жұмыстарды орындау және қызметтерді көрсету нарығында ғана жұмыс тәжірибесін қарайды. Бұл ретте конкурстық комиссия конкурстық өтінімнің бағасын әлеуетті өнім берушінің бір жылдан бастап, сатып алынатын тауарлардың, жұмыстардың, қызметтердің нарықтағы жұмыс тәжірибесінің әрбір жылына нөл бүтін оннан бес пайызы (0,5%), бірақ бес пайыздан аспайтын мөлшерде шартты жеңілдік береді. Жұмыс тәжірибесі бір жылға дейін болған немесе ол болмаған жағдайда мұндай пайыз белгіленбейді. Электрондық конкурсқа қатысуға өтінімнің шартты бағасына осы өлшемнің жиынтық пайыздық әсері бес пайыздан аспауы тиіс.

56. Конкурстық комиссия электрондық конкурсқа қатысуға өтінімнің сатып алынатын тауарларды пайдалану шығыстарының, техникалық қызмет көрсету мен жөндеудің құны ең төменін анықтайды және мүндай өтінімнің бағасын екі пайызға шартты түрде азайтады. Электрондық конкурсқа қатысуға өтінімнің шартты бағасына осы өлшемнің жиынтық пайыздық әсері екі пайыздан аспауы тиіс.

57. Ұсынылатын тауарларды ерікті сертификаттауды жүргізуді растайтын құжат болған кезде отандық тауар өндіруші үшін Қазақстан Республикасының техникалық реттеу туралы заңнамасына сәйкес конкурстық комиссия екі пайыз мөлшерінде шартты жеңілдік береді.

58. Сатып алынатын тауарлар, жұмыстар, қызметтер жөніндегі мемлекеттік стандарттардың талаптарына сәйкес сапа менеджменті жүйесін сертификаттауды растайтын құжаты болған кезде конкурстық комиссия үш пайыз мөлшерінде шартты жеңілдік береді.

59. Сатып алынатын тауарлар, жұмыстар, қызметтер жөніндегі мемлекеттік стандарттардың талаптарына сәйкес қоршаған орта басқармасының сапа менеджменті жүйесін сертификаттауды растайтын құжаты болған кезде және (немесе) сатып алынатын тауарлар, жұмыстар, қызметтер бойынша Қазақстан Республикасының техникалық реттеу туралы заңнамасына сәйкес экологиялық таза өнім стандартына сәйкестігін растайтын құжаты болған кезде конкурстық комиссия мұндай өтінімнің бағасын екі пайызға шартты түрде азайтады.

60. Конкурстық комиссия жеткізілетін тауарлардың ең үздік функционалдық сипаттамалары бар электрондық конкурсқа қатысуға өтінім айқындалған кезде электрондық конкурсқа қатысуға мұндай өтінімнің бағасын жарты пайызға (0,5%) шартты түрде азайтады.

61. Конкурстық комиссия жеткізілетін тауарлардың ең үздік техникалық сипаттамалары бар электрондық конкурсқа қатысуға өтінім айқындалған кезде электрондық конкурсқа қатысуға мұндай өтінімнің бағасын жарты пайызға (0,5%) шартты түрде азайтады.

62. Конкурстық комиссия жеткізілетін тауарлардың ең үздік сапалық сипаттамалары бар электрондық конкурсқа қатысуға өтінім айқындалған кезде электрондық конкурсқа қатысуға мұндай өтінімнің бағасын үш пайызға шартты түрде азайтады.

63. Жергілікті мазмұнның болуын қарау кезінде конкурстық комиссия жергілікті мазмұнның әрбір бір пайызы үшін электрондық конкурсқа қатысу өтінімнің шартты бағасын оннан бір (0,1) пайызға азайтады.

Тауарда жергілікті мазмұнның болуы СТ-КZ нысанды тауардың шығуы туралы сертификатпен расталады.

Егер тауарлардың әлеуетті өнім берушісі сатып алынатын тауардың отандық тауар өндірушісі болып табылған жағдайда, конкурстық комиссия мұндай әлеуетті өнім берушінің электрондық конкурсқа қатысу өтінімнің бағасын жергілікті мазмұн болғаны үшін он пайызға шартты түрде азайтады.

Жұмыстардың, қызметтердің әлеуетті өнім берушісінің жергілікті қамтуы жалпы еңбекақы қорынан және осы электрондық конкурс (лот) бойынша жұмыстарды, қызметтерді тікелей де, сондай-ақ қосалқы мердігерлік шартын жасасу арқылы да мемлекеттік сатып алу туралы шартты орындау үшін әлеуетті өнім беруші сатып алатын тауардың (тауарлардың) жалпы құнынан Қазақстан Республикасының резиденттері жеткілікті дәрежеде қайта өңдеу немесе толығымен өндіру өлшемдеріне сәйкес тауардың (тауарлардың) белгіленген қазақстандық шығу тегі үлесінің (үлестерінің) құнынан мемлекеттік сатып алу туралы шартты орындауға жұмылдырылатын Қазақстан Республикасының азаматтарына еңбекақы төлеу құнының пайыздық мазмұны ретінде анықталады.

64. Конкурстық комиссия отандық тауар өндірушіге он пайыз мөлшерінде, жұмыстарды, қызметтерді отандық жеткізушіге бес пайыз мөлшерінде шартты жеңілдік береді.

Конкурстық баға ұсыныстарын бағалау және салыстыру

65. Электрондық конкурсқа қатысуға рұқсат берілген әлеуетті өнім беруші (электрондық конкурсқа қатысушы) конкурстық құжаттаманың электрондық нысанының 10-қосымшасына сәйкес конкурстық баға ұсынысын веб-порталға рұқсат беру туралы хаттама жарияланған сәттен бастап үш жұмыс күнінен кешіктірмей береді.

66. Веб-портал конкурстық баға ұсынысын берген әлеуетті өнім берушіге тиісті хабарлама жібергеннен кейін конкурстық баға ұсынысы қабылданған болып есептеледі.

67. Әлеуетті өнім берушілер берген конкурстық баға ұсыныстары туралы мәліметтер мемлекеттік сатып алу веб-порталында автоматты түрде тіркеледі.

68. Әлеуетті өнім берушінің конкурстық баға ұсынысы мынадай жағдайларда:

1) конкурстық баға ұсынысының бағасы демпингтік болса;

2) ол осы тауарларды, жұмыстарды, қызметтерді сатып алу үшін бөлінген сомадан асып түссе;

3) конкурс қатысушысы бұдан бұрын осы конкурс бойынша баға ұсынысын берсе;

4) конкурстық баға ұсынысы осы Қағидалардың 65-тармағында белгіленген мерзімнен кеш түссе веб-портал әлеуетті өнім берушінің конкурстық баға ұсынысын автоматты түрде кері қайтарады.

69. Электрондық конкурсқа қатысуға жіберу туралы хаттамада белгіленген күні және уақытта веб-портал электрондық конкурсқа қатысушылардың конкурстық баға ұсыныстарын автоматты түрде бағалау мен салыстыруды жүргізеді:

осы Қағидаларға сәйкес анықталатын демпингтік баға есептеледі және электрондық конкурсқа қатысушының демпингтік болып табылатын баға ұсынысы қабылданбайды;

егер демпингтік бағасы бар конкурстық баға ұсыныстары қабылданбағаннан кейін электрондық конкурсқа қатысушылардың екі және одан асатын конкурстық баға ұсыныстары электрондық конкурсқа қатысқан жағдайда, оларға электрондық конкурсқа қатысуға жіберу туралы хаттамада көрсетілген шартты жеңілдіктерді қолдану арқылы электрондық конкурсқа қатысушылардың шартты бағалары анықталады;

электрондық конкурсқа қатысушылардың шартты бағалары салыстырылады, неғұрлым аз шартты баға негізінде электрондық конкурс жеңімпазы анықталады;

конкурстық баға ұсыныстарының шартты бағасы тең болған кезде отандық тауар өндіруші, жұмыстарды, қызметтерді отандық жеткізуші жеңімпаз деп танылады. Отандық тауар өндірушілердің, жұмыстарды, қызметтерді отандық жеткізушілердің конкурстық баға ұсыныстарының шартты бағасы тең болған кезде электрондық конкурс мәні болып табылатын сатып алынатын тауарлар, жұмыстар, қызметтер нарығында жұмыс тәжірибесі мол отандық тауар өндіруші, жұмыстарды, қызметтерді отандық жеткізуші жеңімпаз деп танылады.

70. Электрондық конкурс қорытындысы туралы хаттама веб-порталда автоматты түрде тіркелген конкурстық комиссияның барлық мүшелеріне және барлық әлеуетті өнім берушілерге электрондық почта арқылы автоматты түрде хабардар ете отырып, веб-портал осы Қағидаларға 4-қосымшаға сәйкес нысан бойынша автоматты түрде қалыптастырады және жариялайды.

Электрондық конкурсқа қатысуға арналған өтінімнің демпингтік бағасын анықтау тәртібi

71. Егер әлеуетті өнім берушінің жұмыстарға арналған электрондық конкурсқа қатысу өтінімінің бағасы техникалық-экономикалық негіздемеде (жобалау-сметалық құжаттаманы даярлау үшін) және Қазақстан Республикасындағы сәулет, қала құрылысы және құрылыс қызметі туралы Қазақстан Республикасының заңнамасына сәйкес мемлекеттік сараптамадан немесе Қазақстан Республикасындағы автомобиль жолдары туралы Қазақстан Республикасының заңнамасына сәйкес ведомстволық сараптамадан өткен және белгіленген тәртіппен бекітілген жобалау-сметалық құжаттамада көрсетілген бағадан он пайыздан астам төмен болған жағдайда ол демпингтік болып танылады.

72. Егер әлеуетті өнім берушінің консультациялық қызметтерге арналған электрондық конкурсқа қатысу өтінімінің бағасы электрондық конкурсқа қатысушылардың қабылданған конкурстық баға ұсыныстарының орташа арифметикалық бағасынан жетпіс пайыздан астам төмен болған жағдайда, ол демпингтік деп танылады.

Электрондық конкурсты өтпей қалды деп тануға негіздемелер

73. Электрондық конкурс мынадай жағдайларда:

1) электрондық конкурсқа қатысуға берілген өтінімдер болмағанда;

2) электрондық конкурсқа қатысуға екіден кем өтінім берілгенде;

3) электрондық конкурсқа қатысуға бірде-бір әлеуетті өнім беруші жіберілмесе;

4) электрондық конкурсқа қатысуға бір әлеуетті өнім беруші жіберілсе;

5) электрондық конкурсқа қатысушының бір ғана конкурстық баға ұсынысы қалса;

6) конкурстың жеңімпазы мемлекеттік сатып алу туралы шарт жасасудан жалтарса, электрондық конкурс өтпеді деп танылады.

3. Баға ұсыныстарына сұрау салу тәсілімен жүзеге асырылатын тауарларды, жұмыстарды, қызметтердi электрондық мемлекеттік сатып алуды ұйымдастыру және өткізу

Баға ұсыныстарына электрондық сұрау салуды өткізу туралы хабарлау

74. Ұйымдастырушы баға ұсыныстарын беру мерзімі аяқталғанға дейін бес жұмыс күнінен кешіктірмей веб-порталда нысан бойынша баға ұсыныстарына сұрау салу тәсілімен өткізілетін электрондық мемлекеттік сатып алу туралы мәліметтерді, сондай-ақ мемлекеттік сатып алу туралы шарттың жобасын жариялайды.

Әлеуетті өнім берушілердің баға ұсыныстарын беруi

75. Әрбір әлеуетті өнім беруші тек бір баға ұсынысын ғана береді, ол мемлекеттік сатып алу туралы шарттың жобасында көзделген елеулі талаптарды сақтай отырып, оның тауарды жеткізу, жұмысты орындау, қызметті көрсетуді жүзеге асыруға келісім беру нысаны болып табылады.

76. Әлеуетті өнім берушінің баға ұсынысында тауарларды жеткізуге, жұмыстарды орындауға, қызметтерді көрсетуге байланысты барлық шығыстар кіреді.

77. Әлеуетті өнім беруші баға ұсынысын ұйымдастырушыға веб-порталды пайдалана отырып, ұйымдастырушының электрондық хабарландыруда көрсеткен баға ұсыныстарын беру мерзімі аяқталғанға дейін ұсынады.

78. Баға ұсыныстарын берген әлеуетті өнім берушіге веб-портал тиісті хабарламаны автоматты түрде жібергеннен кейін баға ұсынысы қабылданды деп саналады.

79. Әлеуетті өнім берушілер баға ұсыныстарын беру мерзімі біткенге дейін қажет болса берілген баға ұсынысын кері қайтарып алады және оларға өзгерістер енгізеді.

80. Мынадай жағдайларда:

1) егер осы тауарларды (жұмыстарды, қызметтерді) сатып алу үшін бөлінген сомадан артық болса;

2) егер әлеуетті өнім беруші бұрын осы лотқа баға ұсынысын берсе;

3) Заңның 6-бабының 1-тармағының 3), 3-1), 3-2) және 4) тармақшаларында көзделген жағдайларда веб-порталдың әлеуетті өнім берушінің баға ұсынысынан автоматты түрде бас тартуына жатады.

81. Егер баға ұсыныстарын беру мерзімі ішінде әлеуетті өнім берушілердің баға ұсынысы екеуден аз берілген болса, веб-портал мұндай мемлекеттік сатып алуды автоматты түрде өтпеді деп таниды және ұйымдастырушы баға ұсыныстарын сұрату тәсілімен электрондық мемлекеттік сатып алуды қайтадан жүзеге асырады.

Баға ұсыныстарын салыстыру және баға ұсыныстарына сұрау салу тәсілімен электрондық мемлекеттік сатып алу қорытындыларын шығару

82. Баға ұсыныстарын беру мерзімі аяқталғаннан кейін веб-портал баға ұсыныстарын сұрату тәсілімен электрондық мемлекеттік сатып алу қорытындыларын автоматты түрде ашуды және шығаруды жүргізеді.

83. Баға ұсыныстарын сұрату тәсілімен электрондық мемлекеттік сатып алу жеңімпазы деп ең төмен баға ұсынысын берген әлеуетті өнім беруші танылады.

84. Бірнеше әлеуетті өнім беруші ең төмен баға ұсынысын берген жағдайда, өзінің баға ұсынысы басқа әлеуетті өнім берушілердің баға ұсыныстарынан бұрын түскен әлеуетті өнім беруші жеңімпаз деп танылады. Баға ұсыныстарын салыстыруды веб-портал автоматты түрде жүргізеді.

85. Егер осы Қағидалардың 80-тармағында көзделген негіздер бойынша баға ұсыныстарын веб-портал автоматты түрде қайтарғаннан кейін әлеуетті өнім берушілердің баға ұсынысы екеуден аз қалған болса, онда мұндай мемлекеттік сатып алу өтпеді деп танылады және ұйымдастырушы баға ұсыныстарын сұрату тәсілімен электрондық мемлекеттік сатып алуды қайтадан жүзеге асырады.

86. Баға ұсыныстарына сұрату тәсілімен мемлекеттік сатып алудың қорытындылары шыққаннан кейін веб-портал оларды автоматты түрде жариялайды.

87. Баға ұсыныстарына сұрату тәсілімен электрондық мемлекеттік сатып алудың жарияланған қорытындыларында баға ұсыныстарына сұрату тәсілімен электрондық мемлекеттік сатып алудағы жеңімпаз туралы, сондай-ақ жеңімпаз ұсынғандай бағаны ұсынған әлеуетті өнім беруші туралы не баға ұсынысы жеңімпаз ұсынған бағадан кейін ең төменгі баға болып табылатын әлеуетті өнім беруші туралы мәліметтер қамтылады.

4. Бір көзден алу тәртібімен электрондық мемлекеттік сатып алуды өткізу

88. Заңмен анықталған жағдайларда ұйымдастырушы әлеуетті өнім берушіге бір көзден алу тәсілімен электрондық мемлекеттік сатып алуға қатысу туралы шақыру жібереді, сондай-ақ шақыруды электрондық құжат түрінде веб-порталда орналастырады.

89. Тауарларды жеткізу, жұмыстарды орындау, қызметтерді көрсету туралы ұсынысты қабылдаған жағдайда әлеуетті өнім беруші электрондық құжатты веб-порталға жіберу арқылы сұралған ақпаратты ұйымдастырушыға ұсынады.

90. Ұйымдастырушы сұралған ақпаратты әлеуетті өнім беруші ұсынған күннен бастап үш жұмыс күні ішінде бір көзден алу тәсілімен электрондық мемлекеттік сатып алу қорытындысы туралы хаттаманы қалыптастырады және веб-порталға орналастырады.

5. Аукцион тәсілімен жүзеге асырылатын тауарларды, жұмыстарды, қызметтерді электрондық мемлекеттік сатып алуды ұйымдастыру және өткізу

ҚР Үкіметінің 2012.19.12. № 1618 Қаулысымен 91-тармақ өзгертілді (бұр.ред.қара)

91. Аукцион тәсілімен (бұдан әрі - аукцион) жүзеге асырылатын тауарларды, жұмыстарды, қызметтерді электрондық мемлекеттік сатып алуды ұйымдастыру және өткізу веб-порталда мынадай дәйекті іс-шаралардың орындалуын көздейді:

1) тапсырыс беруші мен ұйымдастырушы бір тұлға болатын жағдайларды қоспағанда, тапсырыс берушінің ұйымдастырушыны, тапсырыс берушінің уәкілетті өкілін анықтауы;

2) тапсырыс беруші мен ұйымдастырушы бір тұлға болатын жағдайларды қоспағанда, тапсырыс берушінің веб-портал көмегімен веб-портал қатысушысы болып табылатын ұйымдастыруға шақыру жіберуі;

3) аукциондық құжаттаманы қалыптастыру, қажет болған кезде сараптау комиссиясының (сарапшыны) құрамын қалыптастыру және бекіту;

4) тапсырыс берушінің аукциондық құжаттаманы бекітуі;

5) аукциондық комиссияның құрамын қалыптастыру және веб-порталды пайдаланушылардың арасынан конкурстық аукциондық хатшысын анықтау;

6) ұйымдастырушының веб-порталда аукцион өткізілетіні туралы хабарландыру жариялауы;

7) веб-порталға қатысушы - әлеуетті өнім берушілердің оны алу фактісін веб-порталда автоматты түрде тіркей отырып, аукциондық құжаттаманы алуы;

8) ұйымдастырушының, осы Қағидалардың 107 және 108-тармақтарында көзделген жағдайларда, оны алған әлеуетті өнім берушілерге аукциондық құжаттаманың ережелерін веб-портал көмегімен түсіндіруі;

9) электрондық құжат нысанында берілетін аукционға қатысу өтінімдердің бірінші және екінші бөліктерін веб-порталда автоматты түрде тіркеу;

10) өтінімінің бірінші бөлігінде қамтылған мынадай құжаттардың:

өтінімді қамтамасыз етудің;

11) аукциондық комиссияның аукциондық құжаттама талаптарына сай әлеуетті өнім берушілерді анықтау, ал жұмыстарды, қызметтерді мемлекеттік сатып алған жағдайда, оларды аукционға қатысушы деп тану үшін өтінімді қамтамасыз етуді қарауы;

12) тауарды, жұмыстарды, қызметтерді мемлекеттік сатып алу жағдайларын қоспағанда, өтінімінің бірінші бөлігінде қамтылған тауарлардың техникалық ерекшеліктерінің құпиялылығын сақтай отырып, веб-портал арқылы ашу;

13) аукциондық құжаттаманың талаптарына сай келетін әлеуетті өнім берушілерді айқындау және оларды аукционға қатысушы деп тану үшін аукциондық комиссияның тауарлардың техникалық ерекшеліктерін қарауы;

14) рұқсат беру хаттамасын қалыптастыру және жариялау;

15) аукцион өткізу;

16) аукциондық комиссияның құпиялылығын сақтай отырып, аукционға қатысу өтінімдерінің екінші бөлігін қарауы;

17) аукциондық комиссияның аукцион жеңімпазын және мемлекеттік сатып алу туралы шарт жасасуға үміткерлерді бекітуі;

18) қорытындылар хаттамасын қалыптастыру және жариялау;

19) тапсырыс беруші мен жеңімпаз арасында мемлекеттік сатып алу туралы шарт жасасу.

Аукцион бір лотқа өткізіледі, бұл ретте Қазақстан Республикасының Үкіметі бекіткен тізбе бойынша құндық мәндегі жылдық көлемі тиісті қаржы жылына арналған республикалық бюджет туралы заңмен белгіленген төрт мың еселенген айлық есептік көрсеткіш мөлшерінен асатын тауарлар, жұмыстар, қызметтер аукционның мәні болып табылады.

Аукциондық құжаттаманы веб-порталда қалыптастыру және бекіту

92. Ұйымдастырушы аукционды өткізу талаптары мен тәртібін анықтау үшін веб-порталда аукциондық құжаттаманың электрондық нысанын осы Қағидаларға 5-қосымшаға сәйкес қалыптастырады және тапсырыс беруші мен ұйымдастырушыны бір адам болатын жағдайларды қоспағанда, оны тапсырыс берушімен келіседі.

93. Ұйымдастырушы қалыптастырған аукциондық құжаттаманы тапсырыс берушінің бірінші басшысы не жауапты хатшысы немесе Қазақстан Республикасының Президенті айқындайтын жауапты хатшының өкілеттігін жүзеге асыратын өзге де лауазымды адам не оның міндетін атқаратын адам бекітеді.

Аукциондық комиссияның құрамын, сарапшыны (сараптау комиссиясын) бекіту

94. Аукционды өткізу рәсімін орындау үшін ұйымдастырушы әрбір аукционға аукциондық комиссия құрады және аукциондық комиссияның хатшысын анықтайды.

Аукциондық комиссия құру және аукциондық комиссияның хатшысын анықтау туралы шешімге тапсырыс берушінің бірінші басшысы не жауапты хатшысы немесе Қазақстан Республикасының Президенті айқындайтын жауапты хатшының өкілеттігін жүзеге асыратын өзге де лауазымды адам не оның міндетін атқаратын адам қол қояды.

Егер ұйымдастырушы тікелей не мемлекеттік сатып алуды ұйымдастыру және жүргізу үшін жауапты құрылымдық бөлімшенің атынан тапсырыс берушінің өзі болған жағдайда, аукциондық комиссия құру және аукциондық комиссияның хатшысын анықтау туралы шешімге тапсырыс берушінің бірінші басшысы не жауапты хатшысы немесе Қазақстан Республикасының Президенті айқындайтын жауапты хатшының өкілеттігін жүзеге асыратын өзге де лауазымды адам, тапсырыс беруші не тапсырыс берушінің міндетін атқаратын адам қол қояды.

Жұмыстарды мемлекеттік сатып алуды жүзеге асыру кезінде қажет болған жағдайда ұйымдастырушы аукциондық комиссияның құрамына онымен келісе отырып, веб-порталда автоматты түрде тіркелгендер қызметкерлері арасынан тиісті қызмет саласындағы уәкілетті органның өкілдерін енгізеді.

Сатып алынатын тауарлардың, жұмыстардың, қызметтердің техникалық тапсырмасын және (немесе) техникалық ерекшелігін әзірлеу үшін ұйымдастырушы аукциондық құжаттаманы әзірлеу кезінде қажет болғанда сараптау комиссиясын (сарапшы тартады) құрады.

95. Аукциондық комиссияның мүшелері төраға, төрағаның орынбасары және аукциондық комиссияның басқа да мүшелері болып табылады. Төраға болмаған кезде оның функцияларын төрағаның орынбасары орындайды. Аукциондық комиссия мүшелерінің жалпы саны тақ санды құрауы және кемінде үш адам болуы тиіс.

Аукциондық комиссияның төрағасы болып ұйымдастырушының бірінші басшысының орынбасарынан төмен емес лауазымды тұлға анықталуы тиіс. Егер ұйымдастырушы тапсырыс берушінің тікелей өзі болса, аукциондық комиссияның төрағасы етіп тапсырыс берушінің бірінші басшысының орынбасарынан төмен емес лауазымды тұлға анықталуы тиіс. Егер ұйымдастырушы мемлекеттік сатып алуды ұйымдастыру және жүргізу үшін жауапты құрылымдық бөлімшенің атынан тапсырыс берушінің өзі болса, аукциондық комиссияның төрағасы етіп тапсырыс берушінің құрылымдық бөлімшесінің бірінші басшысының орынбасарынан төмен емес лауазымды тұлға анықталуы тиіс.

96. Аукциондық комиссияның төрағасы:

1) Аукциондық комиссияға басшылық етеді;

2) осы Қағидаларда көзделген өзге де функцияларды жүзеге асырады.

97. Аукциондық комиссия оның құрылғаны туралы шешім күшіне енген күннен бастап жұмыс істейді және тауарларды, жұмыстарды, қызметтерді мемлекеттік сатып алу туралы шарт жасасқан күннен бастап өз қызметін тоқтатады.

98. Аукциондық комиссияның шешім веб-порталды пайдалана отырып, дауыс берумен қабылданады және ол үшін аукциондық комиссия мүшелерінің жалпы санының көпшілігі дауыс берген жағдайда қабылданған болып саналады. Дауыстар тең болған жағдайда, ол үшін аукциондық комиссияның төрағасы, ол болмаған жағдайда төрағаның орынбасары дауыс берген шешім қабылданған болып саналады. Аукциондық комиссияның шешімімен келіспеген жағдайда осы аукциондық комиссияның кез келген мүшесінің айрықша пікірге құқығы болады, ол қағаз құжаттың электрондық көшірмесі нысанында веб-порталда жарияланады. Аукциондық комиссияның тиісті хаттамаларында аукциондық комиссияның қандай да бір мүшесінің қолы болмаған жағдайда хатшы қолдың болмау себебін қамтитын құжатты веб-порталда жариялайды.

99. Аукциондық комиссияның ұйымдастырушылық қызметін аукциондық комиссияның хатшысы қамтамасыз етеді. Аукциондық комиссияның хатшысы аукциондық комиссияның мүшесі болып табылмайды және аукциондық комиссияның шешім қабылдау кезінде дауыс беру құқығына ие болмайды.

Аукциондық комиссияның хатшысы мемлекеттік сатып алуды ұйымдастыру мен жүргізуге жауапты ұйымдастырушының құрылымдық бөлімшесінің лауазымды тұлғалары арасынан анықталады.

Аукциондық комиссияның хатшысы:

1) аукциондық құжаттаманы веб-порталда қалыптастырады;

2) веб-порталда аукцион өткізілетіні туралы хабарландыруды, аукционға қатысуға рұқсат берілгені туралы хаттаманы, аукционның өткізілу хаттамасын, аукционның қорытындылары туралы хаттаманы, сондай-ақ болған жағдайда басқа да құжаттарды веб-порталда жариялайды;

3) веб-порталда сарапшының (сараптау комиссиясының) қорытындысын жариялайды;

4) осы Қағидаларда көзделген өзге де функцияларды жүзеге асырады.

100. Әлеуетті өнім берушілер ұсынған тауарлар, жұмыстар, көрсетілетін қызметтер аукциондық құжаттаманың талаптарына сәйкестігін анықтау үшін ұйымдастырушыда тиісті бейіндегі мамандар болмаған жағдайда, ұйымдастырушы сарапшы ретінде өтемсіз негізде мемлекеттік қызметшілерді, ал өзге мамандарды ақылы, сол сияқты тараптардың уағдаластығы бойынша өтемсіз негізде де тарта алады.

Сарапшы ретінде қандай да бір адамды тарту үшін міндетті шарт оның қызмет бейінінің мемлекеттік сатып алу мәніне сәйкестігі болып табылады.

Сарапшыны ақылы негізде таңдауды ұйымдастырушы Заңға сәйкес жүзеге асырады.

101. Бірнеше сарапшыны тартқан жағдайда ұйымдастырушы тартылған сарапшылар арасынан сараптау комиссиясын құрады және олардың арасынан комиссияның жетекшісін анықтайды.

Сарапшылар (сараптау комиссиясы) әлеуетті өнім берушілер ұсынған тауарлар, жұмыстар, көрсетілетін қызметтер аукциондық құжаттаманың талаптарына сәйкестігі тұрғысынан сараптамалық қорытынды береді және аукциондық комиссияның шешім қабылдау кезінде дауыс беру құқығына ие болмайды. Сарапшылардың (сараптау комиссиясының) қорытындысын аукциондық комиссия тек ол аукциондық құжаттамада көзделген талаптар шегінде жасалған жағдайда ғана міндетті түрде ескереді. Сараптамалық қорытындыға сарапшылардың (сараптау комиссиясы мүшелерінің) қолдары қойылады және ол аукциондық комиссияның хатшысының электрондық цифрлық қолтаңбасымен расталған қағаз құжаттың электрондық көшірмесі нысанында веб-порталда аукционға қатысуға рұқсат берілгені туралы хаттамаға қоса беріледі.

Сарапшы сараптау комиссиясының қорытындысымен келіспеген жағдайда, мұндай сарапшы өзінің айрықша пікірін айтады, ол сараптау комиссиясының қорытындысына қоса беріледі және оның ажырамас бөлігі болып табылады.

102. Аукционды өткізу басталғанға дейін аукциондық комиссияның мүшелері, аукциондық комиссияның хатшысы, сондай-ақ сарапшы (сараптау комиссиясы) бекітілген аукциондық құжаттамамен және оның қосымшаларымен танысуы тиіс.

Аукцион өткізілетіні туралы хабарлама

103. Мемлекеттік сатып алуды ұйымдастырушы аукциондық құжаттама бекітілген күннен бастап үш жұмыс күнінен кешіктірмей, бірақ әлеуетті өнім берушілердің аукционға қатысуға өтінімдер табыс етуінің соңғы күніне дейін кемінде күнтізбелік жиырма күн бұрын веб-порталда өткізілетін аукцион туралы хабарландыруды, сондай-ақ бекітілген аукциондық құжаттаманы жариялайды.

Егер аукцион тәсілімен өткізілетін мемлекеттік сатып алудың мәні болып табылатын тауарды, жұмысты, көрсетілетін қызметті сатып алу үшін бөлінген сома тиісті қаржы жылына республикалық бюджет туралы заңмен белгіленген айлық есептік көрсеткіштің жиырма мың еселенген мөлшерінен аспаса, мемлекеттік сатып алуды ұйымдастырушы веб-порталда өткізілетін аукцион туралы хабарландырудың мәтінін әлеуетті өнім берушілердің аукционға қатысуға өтінімдер табыс етуінің соңғы күніне дейін кемінде күнтізбелік жеті күн бұрын жариялайды.

Әлеуетті өнім берушілерге аукциондық құжаттаманы табыс ету

104. Электрондық аукцион өткізілетіні туралы хабарландыру жарияланған күннен бастап қалаған адамдардың барлығына веб-порталдан аукциондық құжаттаманы ақысыз алу мүмкіндігі беріледі.

105. Веб-портал қатысушысы болып табылатын әлеуетті өнім берушілерге аукциондық құжаттаманы беру веб-порталда автоматты түрде тіркеледі.

106. Веб-порталда аукцион өткізілетіні туралы хабарлама жарияланған сәтке дейін аукциондық құжаттаманы беруге жол берілмейді.

Аукциондық құжаттаманың ережелерін түсіндіру

107. Веб-портал қатысушысы - әлеуетті өнім беруші веб-порталды пайдалана отырып, ұйымдастырушыға аукциондық құжаттаманың ережелерін түсіндіру туралы сұрау салуға, бірақ оны электрондық аукционда қатысуға өтінім берудің табыс етудің соңғы күні аяқталғанға дейін күнтізбелік алты күннен кешіктірмей жіберуге құқылы.

Ұйымдастырушы сұрау салуды алған күннен бастап күнтізбелік бір күн ішінде аукциондық құжаттаманы алған веб-портал қатысушысы - әлеуетті өнім берушілерді автоматты түрде хабардар ете отырып, аукциондық құжаттаманың ережелерін түсіндіру мәтінін веб-порталда жариялайды.

108. Ұйымдастырушы аукционға қатысуға өтінімдер табыс етудің соңғы күні аяқталғанға дейін күнтізбелік бес күн мерзімнен кешіктірмей өз бастамасы бойынша немесе веб-портал қатысушысы болып табылатын әлеуетті өнім берушілердің сұрау салуына жауап ретінде аукциондық құжаттамаға өзгерістер және (немесе) толықтырулар енгізуге құқылы. Аукциондық құжаттамаға өзгерістер және (немесе) толықтырулар енгізу осы Қағидалардың 92-тармағында белгіленген тәртіппен бекітіледі.

Ұйымдастырушы аукциондық құжаттамаға өзгерістер және (немесе) толықтырулар енгізу туралы шешім қабылданған күннен бастап бір жұмыс күнінен кешіктірмей аукциондық құжаттамаға енгізілген өзгерістер және (немесе) толықтыруларды көрсете отырып, аукциондық құжаттаманы алған веб-портал қатысушысы - әлеуетті өнім берушілерді автоматты түрде хабардар ете отырып, веб-порталда нақтыланған аукциондық құжаттаманы жариялайды.

Мұндай жағдайда аукционға қатысуға өтінімдер табыс етудің соңғы мерзімі кемінде жеті күнге ұзартылады.

Аукционға қатысуға арналған өтінімдердің мазмұны мен оларды беру

109. Аукционға қатысуға өтінім электрондық құжат нысанында беріледі және аукционға қатысудан үміткер әлеуетті өнім берушінің тауарларды жеткізуді (жұмыстарды орындау, қызметтерді көрсетуді) аукциондық құжаттамада көзделген талаптар мен шарттарға сәйкес жүзеге асыруға келісім білдіру нысаны болып табылады.

110. Аукционға қатысуға тілек білдірген әлеуетті өнім берушінің мемлекеттік сатып алуды ұйымдастырушыға табыс ететін аукционға қатысуға өтінім мемлекеттік сатып алу веб-порталында электрондық құжат түрінде қалыптастырылады және аукциондық құжаттамада тізбеленген қағаз құжаттардың электрондық көшірмелерін және (немесе) электрондық құжаттарды қамтитын екі бөліктен тұрады.

111. Әлеуетті өнім берушінің аукциондық құжаттаманың электрондық нысанына сәйкес талап етілетін, веб-порталды пайдалана отырып, мемлекеттік ақпараттық жүйелерге және/немесе мемлекеттік дерекқорға өтініш беру арқылы алынатын жекелеген құжаттарды беруіне жол беріледі.

112. Аукционға қатысуға өтінімді әлеуетті өнім беруші ұйымдастырушыға оларды электрондық құжат нысанында берудің соңғы мерзімі өткенге дейін береді.

113. Аукционға қатысуға берілген өтінім аукционға қатысуға өтінім берген өнім берушінің тиісті хабарламасын веб-порталмен автоматты түрде жіберу сәтінде қабылданған болып есептеледі.

114. Әлеуетті өнім беруші аукционға қатысуға бір ғана өтінім береді.

115. Әлеуетті өнім берушінің аукционға қатысуға берген өтінімі мынадай:

1) егер әлеуетті өнім беруші бұрын осы аукционға қатысуға өтінім берген;

2) аукционға қатысуға берілген өтінім аукционға қатысуға берілетін өтінімдерді қабылдаудың соңғы мерзімі аяқталғаннан кейін түскен;

3) Заңның 6-бабы 1-тармағының 3), 3-1), 3-2) және 4) тармақшаларында көзделген жағдайларда веб-порталдан автоматты түрде кері қайтарылады;

Тауарларды, жұмыстар мен қызметтерді мемлекеттік сатып алу жөніндегі аукционға қатысу үшін әлеуетті өнім беруші ұсынатын аукциондық өтінімнің қолданылу мерзімі аукциондық өтінімдер ашылатын күннен бастап кемінде күнтізбелік отыз бес күн болуы тиіс.

116. Әлеуетті өнім берушілер берген аукционға қатысу өтінімдер веб-порталда автоматты түрде тіркеледі.

117. Әлеуетті өнім беруші өзі енгізген аукционға қатысу өз өтінімін қамтамасыз етуді қайтаруға құқықтарын жоғалтпай, аукционға қатысуға өтінімдерді ұсынудың соңғы мерзімі өткенге дейін кез келген уақытта аукционға қатысу өз өтінімін өзгертуге немесе қайтарып алуға құқылы.

118. Аукционға қатысуға өтінімдер берудің соңғы мерзімі аяқталғаннан кейін оған өзгерістер енгізуге жол берілмейді.

Аукционға қатысуға арналған өтінімдерді қамтамасыз ету

119. Аукционға қатысуға өтінімді қамтамасыз етуді әлеуетті өнім беруші Заңның 35-5-бабына сәйкес енгізеді.

120. Әлеуетті өнім беруші аукционға қатысуға өтінімді банк кепілдігі түрінде енгізуді қамтамасыз еткен жағдайда, оның түпнұсқасы ұйымдастырушыға аукционға қатысуға өтінім ұсынудың соңғы мерзіміне дейін аукциондық құжаттаманың электрондық нысанының 6-қосымшасына сәйкес нысан бойынша беріледі.

121. Егер әлеуетті өнім беруші ұйымдастырушының банктік шотына не мемлекеттік органдар мен мемлекеттік мекемелер болып табылатын ұйымдастырушылар үшін Қазақстан Республикасының бюджет заңнамасында көзделген шотқа енгізілетін кепілдендірілген ақшалай жарна түрінде аукционға қатысу өтінімді қамтамасыз еткен жағдайда, ол кепілдендірілген ақшалай жарнаны растайтын төлем құжатының электрондық көшірмесі түрінде беріледі.

122. Әлеуетті өнім беруші аукционға қатысуды қамтамасыз етуді енгізген жағдайда осы Қағидалардың 120-тармағына сәйкес ұйымдастырушы аукционға қатысуға осындай қамтамасыз етуді алған фактіні банктік кепілдіктерді тіркеу журналына тіркейді.

Ұйымдастырушы банктік кепілдіктерді тіркеу журналында мынадай мәліметтерді көрсетеді:

1) тауарларды, жұмыстарды, қызметтерді мемлекеттік сатып алудың атауы мен өткізілетін мерзімі;

2) ұйымдастырушының толық атауы;

3) әлеуетті өнім берушінің уәкілетті өкілінің тегі, аты-жөні;

4) банктік кепілдікті тіркеу күні мен уақыты.

Банктік кепілдіктерді тіркеу журналы тігілуі, парақтарына нөмірлер қойылуы тиіс және конкурстық комиссияның хатшысы бұрыштама қоюы тиіс. Банктік кепілдіктерді тіркеу журналының соңғы парағы мемлекеттік сатып алуды ұйымдастырушының мөрімен бекітілуі тиіс.

Бір қаржы жылы ішінде тауарларды, жұмыстарды, қызметтерді аукцион тәсілімен барлық мемлекеттік сатып алу бойынша банктік кепілдіктерді тіркеудің бірыңғай журналын өткізуге рұқсат беріледі.

Тауарларды, жұмыстарды, қызметтерді аукцион тәсілімен мемлекеттік сатып алуды жүргізу Аукционға қатысуға арналған өтінімдердің бірінші бөлігін ашу және қарау, аукционға қатысуға рұқсат беру

ҚР Үкіметінің 2012.19.12. № 1618 Қаулысымен 123-тармақ өзгертілді (бұр.ред.қара)

123. Аукциондық құжаттамада мемлекеттік сатып алуды ұйымдастырушы көрсеткен аукционға қатысуға өтінімдерді табыс етудің соңғы мерзімінің күні мен уақыты келген сәттен бастап, құпиялықты сақтамастан, аукциондық комиссияның хатшысына аукционда қатысуға өтінімдерінің бірінші бөлігін ашуға:

өтінімді қамтамасыз етуді.

ҚР Үкіметінің 2012.19.12. № 1618 Қаулысымен 124-тармақ жаңа редакцияда (бұр.ред.қара)

124. Аукциондық комиссияның өтінімді қамтамасыз етуді аукциондық құжаттамаға сәйкестігі тұрғысынан қарауы және анықтауы.

ҚР Үкіметінің 2012.19.12. № 1618 Қаулысымен 125-тармақ жаңа редакцияда (бұр.ред.қара)

125. Аукциондық комиссия мынадай:

1) аукционға қатысуға өтінімді банктік кепілдік түрінде ұсынылған қамтамасыз етудің қолданылу мерзімі жеткіліксіз болған;

2) аукциондық комиссияға:

аукционға қатысуға өтінімді қамтамасыз етуді берген тұлғаны;

оған қатысу үшін банктік кепілдік түрінде ұсынылған өтінімді қамтамасыз ету енгізілетін тауарларды, жұмыстарды, көрсетілетін қызметтерді аукцион тәсілімен мемлекеттік сатып алудың атауы;

банктік кепілдік түрінде ұсынылған өтінімді қамтамасыз етудің қолданылу мерзімін және (немесе) сомасын, сондай-ақ оны беру шарттарын;

аукционға қатысуға өтінімді қамтамасыз ету берілген тұлғаны;

пайдасына аукционға қатысуға өтінімді қамтамасыз ету енгізілетін тұлғаны анықтауға мүмкіндік бермейтін мәліметтердің жоқтығынан көрінетін аукционға қатысуға өтінімді қамтамасыз ету тиісінше ресімделмеген;

3) аукциондық өтінімді қамтамасыз етуді аукционға бөлінген соманың бір пайызынан кем мөлшерде енгізген;

4) аукционға қатысуға өтінімді қамтамасыз етуді аукциондық құжаттама мен осы Қағидалардың талаптарына сәйкес ұсынбаған жағдайда өтінімнің бірінші бөлігінде қамтылған өтінімді қамтамасыз етуді аукциондық құжаттама талаптарына сәйкес емес деп таниды.

ҚР Үкіметінің 2012.19.12. № 1618 Қаулысымен 126-тармақ жаңа редакцияда (бұр.ред.қара)

126. Аукциондық комиссия өтінімнің бірінші бөлігінде қамтылған өтінімді қамтамасыз етудің аукциондық құжаттамаға сәйкестігі туралы шешім қабылдау қорытындылары бойынша аукциондық комиссияның хатшысына құпиялылықты сақтай отырып, мемлекеттік сатып алу веб-порталы өтінімдердің бірінші бөлігінде қамтылған тауарлардың техникалық ерекшеліктерін ашуға рұқсатты автоматты түрде береді.

127. Аукционға қатысуға өтінімдерді ашқан күннен бастап бір жұмыс күнінен кешіктірмей аукциондық комиссияның хатшысы оларды тартқан жағдайда сарапшыға (сараптау комиссиясына) осы Қағидалардың 126-тармағында көрсетілген әлеуетті өнім берушілер ұсынатын тауарлардың аукциондық құжаттама талаптарына сәйкестігін растайтын құжаттарды ұсынады.

128. Сарапшы не сараптау комиссиясы төраға белгілеген мерзімде, бірақ аукционға қатысу өтінімдерді қарау мерзімінен кешіктірмей:

1) өз құзыретінің шегінде әлеуетті өнім берушілер ұсынатын тауарлардың, жұмыстардың, қызметтердің аукциондық құжаттама талаптарына сәйкестігін растау үшін олар берген құжаттардың толықтығы мен дұрыс ресімделуі тұрғысынан қарайды және зерделейді;

2) әлеуетті өнім берушілер ұсынатын тауарлардың, жұмыстардың, қызметтердің аукциондық құжаттаманың ажырамас бөлігі болып табылатын техникалық ерекшелікке сәйкестігі немесе сәйкес келмеуі туралы сараптама қорытындысын ресімдейді және оған қол қояды;

3) тиісінше ресімделген сараптама қорытындысын аукциондық комиссия хатшысына береді.

129. Сарапшының (сараптау комиссиясының) қорытындысына сарапшы ерекше пікірін білдіретін жағдайларды қоспағанда, барлық сарапшылар қол қояды және әр бетіне бұрыштама соғады.

130. Сарапшының (сараптау комиссиясының) қорытындысын алғаннан кейін аукциондық комиссия хабарламаларды аукциондық комиссия төрағасына және мүшелеріне автоматты түрде тарата отырып, веб-порталда сарапшының (сараптау комиссиясының) қорытындысын жариялайды.

Аукциондық комиссия сарапшының (сараптау комиссиясының) қорытындысын ескере отырып, өтінімнің бірінші бөлігінде қамтылған тауарлардың техникалық ерекшеліктерін қарастырады.

131. Аукциондық комиссия аукционға қатысу өтінімдерінің бірінші бөлігін, егер онда ұсынылған өтінімдердің бірінші бөлігінің мәнін қозғамайтын грамматикалық немесе арифметикалық қателер бар болса да, оны аукциондық құжаттаманың талаптарына сай келеді деп қарайды.

132. Аукциондық комиссия мынадай:

1) аукциондық өтінімді қамтамасыз етуді аукционға бөлінген соманың бір пайызынан кем мөлшерде енгізген;

2) аукционға қатысуға өтінімді қамтамасыз етудің қолданылу мерзімі жеткіліксіз болған;

3) аукциондық комиссияға:

аукционға қатысуға өтінімді берген тұлғаны;

оған қатысу үшін аукционға қатысуға өтінімді қамтамасыз ету енгізілетін аукционның атауы;

аукционға қатысуға өтінімді қамтамасыз етудің қолданылу мерзімін және (немесе) сомасын, сондай-ақ оны беру шартын;

аукционға қатысуға өтінімді қамтамасыз ету берілген тұлғаны;

пайдасына аукционға қатысуға өтінімді қамтамасыз ету енгізілетін тұлғаны анықтауға мүмкіндік бермейтін мәліметтердің болмауынан көрінетін аукционға қатысуға өтінімді қамтамасыз ету тиісінше ресімделмеген;

4) егер аукцион мәні тауар болып табылатын болса, техникалық ерекшеліктердің ұсынылмауы;

5) әлеуетті өнім берушінің неғұрлым үздік техникалық сапалық және пайдалану сипаттамалары бар техникалық ерекшелікті беру, сондай-ақ неғұрлым үздік технологиялық шешімдер және (немесе) егер аукцион мәні тауар болып табылатын болса жұмыстардың үздік материалдардан орындалуы жағдайларын қоспағанда, аукциондық құжаттаманың техникалық ерекшелігінде белгіленген талаптарға сәйкес келмейтін техникалық ерекшелікті беруі жағдайларында өтінімнің бірінші бөлігін аукциондық құжаттама талаптарына сәйкес деп таниды.

ҚР Үкіметінің 2012.19.12. № 1618 Қаулысымен 133-тармақ өзгертілді (бұр.ред.қара)

133. Аукциондық комиссия аукционға қатысуға өтінімдердің бірінші бөлігін қарайды және мемлекеттік сатып алу кезінде аукционға қатысуға өтінімдер ашылған күннен бастап күнтізбелік жеті күннен кешіктірмей әлеуетті өнім берушілердің аукционға қатысуына рұқсат беру (аукцион қатысушылары деп таниды) туралы шешімді қабылдайды.

Егер аукцион мәні жұмыс, көрсетілетін қызмет болып табылатын болса, онда аукциондық комиссия аукционға қатысуға өтінімнің бірінші бөлігін қарайды және аукционға қатысуға өтінімдер ашылған күннен бастап күнтізбелік үш күннен кешіктірмей әлеуетті өнім берушілердің аукционға қатысуына рұқсат беру (аукцион қатысушылары деп таниды) туралы шешімді қабылдайды.

134. Аукционға қатысуға рұқсат беру туралы хаттамаға веб-порталда аукциондық комиссияның барлық мүшелері қол қояды және хатшы оны веб-порталда автоматты түрде тіркелген барлық әлеуетті өнім берушілерді электрондық почтамен автоматты түрде хабардар ете отырып, осы Қағидаларға 6-қосымшаға сәйкес нысан бойынша веб-порталда рұқсат беру туралы шешім қабылданған күні жариялайды.

Аукционға қатысуға рұқсат беру туралы хаттамаға олар болған кезде аукциондық комиссия мүшесінің ерекше пікірі, сарапшының (сараптау комиссиясы мүшесінің) ерекше пікірі қоса беріледі.

135. Аукционға қатысуға бір өтінім ұсынылған жағдайда осы Қағидаларға сәйкес, аукционға қатысуға өтінімнің екі бөлігі де ашылады және қаралады.

Аукционды өткізу

136. Аукцион мемлекеттік сатып алу веб-порталында, аукцион тәсілімен мемлекеттік сатып алудың жүзеге асырылатыны туралы хабарламада көрсетілген күні және мерзімде өткізіледі.

Аукционды өткізу күні аукционға қатысуға өтінімдерді қарау мерзімі аяқталатын күннен бастап екі жұмыс күні өткеннен кейінгі келесі жұмыс күні болып табылады.

Аукцион басталатын уақыт жұмыс уақытында белгіленеді және Астана уақыты бойынша сағат 18-00-ден кеш болуы мүмкін емес.

137. Аукционда аукционға қатысушылар деп танылған әлеуетті өнім берушілер қатысады.

138. Аукцион өткізілетін аукционның мәні болып табылатын тауарды, жұмысты, қызметті сатып алу үшін бөлінген сомадан бастап баға туралы ағымдағы ұсынысты аукцион адымына төмендету жолымен жүргізіледі.

Аукцион адымы өткізілетін аукционның мәні болып табылатын тауарды, жұмысты, қызметті сатып алу үшін бөлінген соманың жарты (0,5) пайызынан бес пайызына дейінгіні құрайды.

139. Аукционды өткізу кезінде аукционға қатысушылар өткізілетін аукционның мәні болып табылатын тауардың, жұмыстың, қызметтің бағасы туралы ұсыныстар береді, ол баға туралы ағымдағы ең төменгі ұсынысты аукцион адымы шегіндегі шамаға төмендетуді көздейді.

140. Аукционды өткізу кезінде аукционның кез келген қатысушысы ағымдағы ең төмен ұсыныс болмауы шартымен, аукцион адымына қарамастан, өткізілетін аукционның мәні болып табылатын тауарды, жұмысты, қызметті сатып алу үшін бөлінген сомадан төмендетілген, өткізілетін аукционның мәні болып табылатын тауардың, жұмыстың, қызметтің бағасы туралы ұсыныс беруге құқылы.

141. Егер аукционның осы қатысушысы өткізілетін аукционның мәні болып табылатын тауардың, жұмыстың, қызметтің бағасы туралы ағымдағы ең төмен ұсынысты берген болса, аукционға қатысушының аукционның мәні болып табылатын тауардың, жұмыстың, қызметтің бағасы туралы осындай ұсыныстан төмен болатын, өткізілетін аукционның мәні болып табылатын тауардың, жұмыстың, қызметтің бағасы туралы ұсыныс беруге құқығы жоқ.

142. Аукционға қатысушылардың өткізілетін аукционның мәні болып табылатын тауардың, жұмыстың, қызметтің бағасы туралы ұсыныстарын қабылдау уақыты аукционды өткізу басталғаннан бастап отыз минутты, сондай-ақ өткізілетін аукционның мәні болып табылатын тауардың, жұмыстың, қызметтің бағасы туралы соңғы ұсыныс келіп түскеннен кейінгі он минутты құрайды. Егер көрсетілген уақыт ішінде өткізілетін аукционның мәні болып табылатын тауардың, жұмыстың, қызметтің неғұрлым төмен бағасы туралы бір де бір ұсыныс келіп түспесе, аукцион аяқталады.

143. Егер өткізілетін аукционның мәні болып табылатын тауардың, жұмыстың, қызметтің аукционның басқа бір қатысушысы ұсынған бағасына тең бағасы ұсынылса, аукционның мәні болып табылатын тауардың, жұмыстың, қызметтің бағасы туралы басқа ұсыныстарға қарағанда бұрынырақ келіп түскен ұсыныс үздік болып танылады.

144. Егер аукционды өткізу басталғаннан кейінгі отыз минут ішінде аукционға қатысушылардың бір де біреуі өткізілетін аукционның мәні болып табылатын тауардың, жұмыстың, қызметтің бағасы туралы ұсыныс бермеген болса, осы Қағидалардың 139-тармағына сәйкес, аукцион өтпеді деп танылады және мемлекеттік сатып алуды ұйымдастырушы аукцион тәсілімен қайталама мемлекеттік сатып алуды жүзеге асырады.

145. Аукционды өткізудің нәтижелері туралы хаттама аукционды өткізу аяқталған күні автоматты түрде қалыптастырылады және осы Қағидаларға 7-қосымшаға сәйкес нысан бойынша мемлекеттік сатып алу веб-порталында орналастырылады.

Аукционға қатысуға арналған өтінімдердің екінші бөлігін қарау және аукцион жеңімпазын айқындау

146. Аукциондық комиссияға аукционға қатысушылар деп танылған әлеуетті өнім берушілердің аукционға қатысуға өтінімдерінің екінші бөлігін қарауға рұқсатты, осы Қағидалардың 144-тармағында көзделген жағдайды қоспағанда, мемлекеттік сатып алу веб-порталы аукцион аяқталған және аукцион қорытындылары туралы хаттама орналастырылған күні автоматты түрде береді.

147. Аукциондық комиссия аукционға қатысуға өтінімдердің екінші бөлігін күнтізбелік жеті күннен кешіктірілмейтін мерзімде қарайды және аукционға қатысушылар деп танылған әлеуетті өнім берушілердің аукциондық құжаттамада белгіленген біліктілік талаптарына сәйкестігі немесе сәйкес еместігі туралы шешім қабылдайды.

148. Аукциондық комиссия:

1) әлеуетті өнім берушілердің аукционға қатысуға өтінімдерінің екінші бөлігін құрайтын құжаттардың толықтығы мен дұрыс ресімделуін қарайды;

2) құжаттардың толық тізбесін бермеген және (немесе) тиісінше ресімделмеген құжаттарды берген әлеуетті өнім берушілерді анықтайды;

3) аукционға қатысуға өтінім берген әлеуетті өнім берушілерден аукционға қатысуға өтінімдерді қарауды, бағалауды және салыстыруды жеңілдету үшін олардың өтінімдеріне байланысты материалдар мен түсіндірулерді жазбаша нысанда сұратады;

4) аукционға қатысуға өтінімдерде қамтылған мәліметтерді нақтылау мақсатында тиісті мемлекеттік органдардан, жеке және заңды тұлғалардан қажетті ақпаратты жазбаша нысанда немесе электрондық құжат нысанында сұратып алады.

Аукциондық комиссияның сұрауларына және аукционға қатысуға өтінімді конкурстық құжаттаманың талаптарына сәйкес келтіруге байланысты өзге де іс-әрекеттеріне жол берілмейді. Аукционға қатысуға өтінімді жетіспейтін құжаттармен толықтыруға, аукционға қатысуға өтінімде берілген құжаттарды ауыстыруға, ресімделген құжаттарды тиісінше түзету жолымен сәйкес келтіруге бағытталған аукциондық комиссияның іс-әрекеттері аукционға қатысуға өтінімді аукциондық құжаттаманың талаптарына сәйкес келтіру деп түсіндіріледі;

5) аукционға қатысуға өтінімдердің екінші бөлігін қарау нәтижелері бойынша аукциондық комиссия аукционға қатысушылар деп танылған және аукциондық құжаттамада баға туралы ең төмен ұсыныс бойынша белгіленген біліктілік талаптарына сәйкес келетін әлеуетті өнім берушілер қатарынан аукцион жеңімпазын айқындайды және аукционға қатысушылар деп танылған және аукциондық құжаттамада белгіленген біліктілік талаптары болған кезде, оларға сәйкес келетін әлеуетті өнім берушілер қатарынан мемлекеттік сатып алу туралы шарт жасасуға үміткерлерді айқындайды не Заңның 35-8-бабының 6-тармағында көзделген жағдайда аукционды өтпеді деп таниды.

Әлеуетті өнім берушілердің біліктілік талаптарына олардың банкроттық рәсіміне қатысы болмауы бөлігінде сәйкес келуін нақтылау мақсатында аукциондық комиссия банкроттық рәсімдердің жүргізілуін бақылауды жүзеге асыратын уәкілетті органның интернет-ресурсында орналастырылған ақпаратты қарайды.

ҚР Үкіметінің 2012.19.12. № 1618 Қаулысымен 149-тармақ өзгертілді (бұр.ред.қара)

149. Заңды тұлға болып табылатын аукционға қатысушы:

1) ол және (немесе) оның қосалқы мердігері немесе бірлесіп орындаушысы мынадай:

мемлекеттік және (немесе) орыс тіл(дер)іне аудармасымен заңнамада белгіленген тәртіппен бекітілген жарғының не сауда-саттық тіркелімінен жария етілген үзінді көшірменің электрондық көшірмесін бермеу;

лицензиялардың не электрондық құжат түріндегі лицензиялардың және (немесе) патенттердің, куәліктердің, сертификаттардың, дипломдардың және сатып алынатын тауарларды, орындалатын жұмыстарды, көрсетілетін қызметтерді өндіруге, қайта өңдеуге, жеткізуге және іске асыруға арналған өнім берушінің құқығын растайтын басқа да құжаттардың электрондық көшірмелерін ұсынбау;

құрылтайшы немесе құрылтайшылардың құрамы туралы мәліметтерді қамтитын құрылтай құжаттарынан үзіндінің электрондық көшірмесін (егер жарғы құрылтайшылар немесе құрылтайшылардың құрамы туралы мәліметтерді қамтымаған жағдайда) не аукцион хабары күніне дейінгі бір айдан кешіктірілмей берілген акцияларды ұстаушылардың тізілімінен көшірме бермеу;

аукцион хабары күнінен кешіктірілмей берілген аукциондық құжаттаманың электрондық нысанының 7-қосымшасына сәйкес Қазақстан Республикасы Ұлттық Банкі Басқармасының қаулысымен бекітілген Екінші деңгейдегі банктер мен ипотекалық компанияларда бухгалтерлік есепке алу шоттарының үлгілік жоспарына сәйкес банк пен банк филиалының алдында анықтама беру күнінің алдында үш айдан астамға созылатын әлеуетті өнім беруші міндеттемелерінің барлық түрлері бойынша мерзімі өткен берешегінің жоқтығы туралы әлеуетті өнім берушіге қызмет көрсетілетін банктің немесе банк филиалының қол қойылған және мөр басылған анықтамасының электрондық көшірмесін бермеу (егер әлеуетті өнім беруші екінші деңгейдегі бірнеше банктің немесе филиалдардың, сондай-ақ шетелдік банктің клиенті болып табылса, осындай банктердің әрқайсысынан осындай анықтамаларды бермеу);

банктің немесе банк филиалының қол қойылған және мөр басылған анықтамасында осындай анықтаманы беру күнінің алдындағы үш айдан астамға созылатын әлеуетті өнім берушінің міндеттемелерінің барлық түрлері бойынша мерзімі өткен берешегінің болуы;

тиісті салық органының үш айдан астам салық берешегінің және міндетті зейнетақы жарналары мен әлеуметтік аударымдар бойынша берешегінің жоқ екендігі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) не аукцион жарияланған күннен кейін берілген бір теңгеден кем салық берешегінің және міндетті зейнетақы жарналары бойынша берешегінің бар екендігі туралы белгіленген нысандағы анықтамасының электрондық көшірмесін бермеу;

тиісті салық органының анықтамасында үш айдан астам бір теңге және одан көп мөлшерде салық берешегі және міндетті зейнетақы жарналары мен әлеуметтік аударымдар бойынша берешегі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) мәліметтердің болуы;

аукциондық құжаттаманың электрондық нысанының 4 және 5-қосымшаларына сәйкес біліктілік туралы мәліметтерді ұсынбау;

әлеуетті өнім берушінің аукциондық құжаттамада көрсетілген арнайы біліктілік талаптарына сәйкес келмеуі;

аукционның сатып алу мәні болып табылатын жұмыстарды, сондай-ақ аукциондық құжаттаманың электрондық нысанының 8-қосымшасына сәйкес әлеуетті өнім беруші қосалқы мердігерлерге (бірлесіп орындаушыларға) беретін жұмыстар мен қызметтердің түрлерін орындау жөніндегі қосалқы мердігерлер (қызметтер көрсету кезіндегі бірлесіп орындаушылар) туралы мәліметтерді бермеу (әлеуетті өнім беруші қосалқы мердігерлерді (бірлесіп орындаушыларды) тартқан жағдайда);

қосалқы мердігерлер туралы мәліметтерді берген жағдайда әлеуетті өнім берушінің қосалқы мердігерлерге (бірлесіп орындаушыларға) жұмыстар көлемінің (құрылыс құнының) үштен екіден астам жиынтығын қосалқы мердігерлікке (бірлесіп орындауға) беруі;

біліктілік талаптары бойынша дұрыс ақпараттың берілмеу фактісінің анықталуы негіздемелері бойынша біліктілік талаптарына сәйкес келмейді деп анықталса;

2) Заңның 6-бабының талаптарын бұзған жағдайларда өтінімнің екінші бөлігін қарау кезінде кері қайтарылады.

ҚР Үкіметінің 2012.19.12. № 1618 Қаулысымен 150-тармақ өзгертілді (бұр.ред.қара)

150. Жеке тұлға болып табылатын, кәсіпкерлік қызметті жүзеге асыратын әлеуетті өнім беруші, егер:

1) ол және (немесе) оның қосалқы мердігері немесе бірлесіп орындаушысы мынадай:

лицензиялардың не электрондық құжаттың қағаз көшірмесі түріндегі лицензияның және (немесе) патенттердің, куәліктердің, сертификаттардың, дипломдардың, әлеуетті өнім берушінің сатып алынатын тауарларды, жұмыстарды, қызметтерді өндіруге, қайта өңдеуге, жеткізуге және өткізуге құқығын растайтын басқа да құжаттардың электрондық көшірмелерін бермеу;

аукцион хабары күнінен кешіктірілмей берілген аукциондық құжаттаманың электрондық нысанының 7-қосымшасына сәйкес Қазақстан Республикасы Ұлттық Банкі Басқармасының қаулысымен бекітілген Екінші деңгейдегі банктер мен ипотекалық компанияларда бухгалтерлік есепке алу шоттарының үлгілік жоспарына сәйкес банк пен банк филиалының алдында анықтама беру күнінің алдында үш айдан астамға созылатын әлеуетті өнім беруші міндеттемелерінің барлық түрлері бойынша мерзімі өткен берешегінің жоқтығы туралы әлеуетті өнім берушіге қызмет көрсетілетін банктің немесе банк филиалының қол қойылған және мөр басылған анықтамасының электрондық көшірмесін бермеу (егер әлеуетті өнім беруші екінші деңгейдегі бірнеше банктің немесе филиалдардың, сондай-ақ шетелдік банктің клиенті болып табылса, осындай банктердің әрқайсысынан осындай анықтамаларды бермеу);

банктің немесе банк филиалының қол қойылған және мөр басылған анықтамасында осындай анықтаманы беру күнінің алдындағы үш айдан астам созылатын әлеуетті өнім берушінің міндеттемелерінің барлық түрлері бойынша мерзімі өткен берешегінің болуы;

тиісті салық органының үш айдан астам салық берешегінің және міндетті зейнетақы жарналары мен әлеуметтік аударымдар бойынша берешегінің жоқ екендігі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) не аукцион жарияланған күннен кейін берілген бір теңгеден кем салық берешегінің және міндетті зейнетақы жарналары бойынша берешегінің бар екендігі туралы белгіленген нысандағы анықтамасының электрондық көшірмесін бермеу;

тиісті салық органының анықтамасында үш айдан астам бір теңге және одан көп мөлшерде салық берешегі және міндетті зейнетақы жарналары мен әлеуметтік аударымдар бойынша берешегі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) мәліметтердің болуы;

аукциондық құжаттаманың электрондық нысанының 4 және 5-қосымшаларына сәйкес біліктілігі туралы мәліметтерді бермеу;

әлеуетті өнім берушінің аукциондық құжаттамада көрсетілген арнайы біліктілік талаптарына сәйкес келмеуі;

біліктілік талаптары бойынша дұрыс ақпараттың берілмеу фактісінің анықталуы негіздемелері бойынша біліктілік талаптарына сәйкес келмейді деп анықталса;

2) Заңның 6-бабының талаптарын бұзған жағдайларда өтінімнің екінші бөлігін қарау кезінде кері қайтарылады.

151. Аукциондық комиссияның аукционға қатысу өтінімінің екінші бөлігін аукциондық құжаттама талаптарына сәйкес келтіруге байланысты сұрау салу жіберуіне және өзге де іс-қимылдарына жол берілмейді.

152. Аукциондық комиссия аукционға қатысуға өтінімдердің екінші бөлігін, егер онда ұсынылған өтінімдердің екінші бөлігінің мәнін қозғамайтын грамматикалық немесе арифметикалық қателер бар болса, аукциондық құжаттаманың талаптарына сай келеді деп қарайды.

153. Аукционға қатысуға өтінімдердің екінші бөлігін қарау нәтижелері бойынша аукциондық комиссия аукционға қатысушылар деп танылған және аукциондық құжаттамада баға туралы ең төмен ұсыныс бойынша белгіленген біліктілік талаптарына сәйкес келетін әлеуетті өнім берушілер қатарынан аукцион жеңімпазын айқындайды және аукционға қатысушылар деп танылған және аукциондық құжаттамада белгіленген біліктілік талаптары болған кезде, оларға сәйкес келетін әлеуетті өнім берушілер қатарынан мемлекеттік сатып алу туралы шарт жасасуға үміткерлерді айқындайды не Заңның 35-8-бабының 6-тармағында көзделген жағдайда аукционды өтпеді деп таниды.

154. Аукционның қорытындылары туралы хаттамаға аукциондық комиссияның төрағасы мен барлық мүшелері қол қояды және аукциондық комиссияның хатшысы веб-порталда аукционның қорытындылары туралы хаттамаға қол қойылған күні электрондық почта арқылы аукционның барлық қатысушыларын автоматты түрде хабардар ете отырып, осы Қағидаларға 8-қосымшаға сәйкес нысан бойынша жариялайды.

Аукционды өтпеді деп тану негіздері

155. Аукцион:

1) егер аукцион тәсілімен мемлекеттік сатып алуға қатысуға екеуден аз өтінім берілген жағдайда;

2) Заңның 35-6-бабының 10-тармағында, 35-7-бабының 9-тармағында және 35-8-бабының 6-тармағында көзделген жағдайларда;

3) аукцион жеңімпазы мемлекеттік сатып алу туралы шарт жасасудан жалтарса және тапсырыс беруші Заңның 35-8-бабының 10 және 11-тармақтарында көзделген құқықты пайдаланбаған жағдайларда өтпеді деп танылады.

6. Мемлекеттік сатып алу туралы шарт

Тауарларды, жұмыстарды, қызметтерді мемлекеттік сатып алу туралы шарт жасасу

ҚР Үкіметінің 2012.19.12. № 1618 Қаулысымен 156-тармақ жаңа редакцияда (бұр.ред.қара)

156. Электрондық конкурстың немесе аукционның жеңімпазы деп анықталған әлеуетті өнім беруші тапсырыс берушіге әлеуетті өнім берушінің электрондық конкурсқа немесе аукционға қатысуға өтінімге электрондық көшірме түрінде қоса берілген біліктілік талаптарына сәйкестігін растайтын құжаттардың түпнұсқаларын немесе нотариалдық куәландырылған көшірмелерін веб-порталда электрондық конкурстың немесе аукционның қорытындыларының хаттамасын жариялаған күнінен бастап, мемлекеттік сатып алу туралы шартқа қол қойылғанға дейін бес жұмыс күні ішінде ұсынады.

157. Осы Қағидалардың 156-тармағында көзделген құжаттарды ұсынбаған не оларда олардың электрондық көшірмелерімен сәйкессіздіктер анықталған жағдайда Заңның 10 және 38-баптарында көзделген іс-қимылдарды орындау қажет.

158. Тапсырыс беруші мемлекеттік сатып алудың қорытындылары туралы хаттамаға қол қойылған күннен бастап бес жұмыс күні ішінде «Мемлекеттік сатып алуды жүзеге асыру ережесін бекіту туралы» Қазақстан Республикасы Үкіметінің 2007 жылғы 27 желтоқсандағы № 1301 қаулысымен бекітілген үлгі шартқа сәйкес жасалған мемлекеттік сатып алу туралы шарт жобасының екі данасын өнім берушіге жібереді, оған тапсырыс беруші қол қояды және тапсырыс берушінің уәкілетті өкілі тағайындалмаған жағдайды қоспағанда, тапсырыс берушінің уәкілетті өкілі әр парағына қол қояды.

159. Өнім беруші мемлекеттік сатып алу туралы шарт жасалған күннен бастап он жұмыс күні ішінде мемлекеттік сатып алу туралы шарттың орындалуын қамтамасыз етуді енгізеді.

160. Мемлекеттік сатып алу туралы шарттың орындалуын қамтамасыз етуді өнім беруші мемлекеттік сатып алу туралы онымен жасалған шарт бойынша өз міндеттемелерін уақтылы, толық және тиісті түрде орындауға кепілдік ретінде енгізеді.

161. Шарттың орындалуын қамтамасыз ету мөлшерін, мемлекеттік сатып алу туралы шартта аванс төленуі көзделген жағдайды қоспағанда, мемлекеттік сатып алуды ұйымдастырушы мемлекеттік сатып алу туралы шарттың жалпы сомасының үш пайызы мөлшерінде белгілейді.

Мемлекеттік сатып алу туралы шартта аванс төленуі көзделген жағдайда шарттың орындалуын қамтамасыз етуді мемлекеттік сатып алуды ұйымдастырушы авансқа тең мөлшерде белгілейді, ол кемінде үш пайыз болуы тиіс.

162. Өнім беруші мемлекеттік сатып алу туралы шарттың орындалуын қамтамасыз етудің мынадай түрлерінің бірін:

1) тапсырыс берушінің банктік шотына не мемлекеттік органдар және мемлекеттік мекемелер болып табылатын тапсырыс берушілер үшін Қазақстан Республикасының бюджет заңнамасында көзделген шотқа енгізілетін кепілдік ақшалай жарнаны;

2) осы Қағидаларға 9-қосымшаға сәйкес банк кепілдігін таңдауға құқылы.

163. Өнім берушінің шарт бойынша міндеттемелер толық орындалғанға дейін үшінші тұлғалардың енгізілген кепілдік ақша жарнасына тұтастай не бір бөлігінде талап қою құқығының туындауына әкеп соғатын іс-қимыл жасауына жол берілмейді.

164. Тапсырыс берушінің өнім беруші енгізген кепілдік ақшалай жарнаны Заңда көзделмеген мақсатқа пайдалануына жол берілмейді.

ҚР Үкіметінің 2012.15.11. № 1450 Қаулысымен 165-тармақ өзгертілді (бұр.ред.қара)

165. Тапсырыс беруші енгізілген мемлекеттік сатып алу туралы шарттың орындалуын қамтамасыз етуді шартта көрсетілген мерзімде немесе өнім беруші шарт бойынша өз міндеттемелерін толық және тиісінше орындаған сәттен бастап бес жұмыс күні ішінде өнім берушіге қайтарады.

Өнім беруші мемлекеттік сатып алу туралы шарт бойынша қабылданған міндеттемелерді тиісінше орындамаған жағдайда, тапсырыс беруші тұрақсыздық айыбын тиісті бюджет, мемлекеттік кәсіпорын, дауыс беретін акцияларының (жарғылық капиталдағы қатысу үлестерінің) елу және одан астам пайызы мемлекетке тиесілі заңды тұлға немесе олармен аффилиирленген тұлғалар кірісіне төлеу фактісі анықталған күннен бастап бес жұмыс күні ішінде енгізілген мемлекеттік сатып алу туралы шарттың орындалуын қамтамасыз етуді қайтарады.

166. Егер мемлекеттік сатып алу туралы шарт тауарларды, жұмыстарды, қызметтерді өнім берушінің шарттық міндеттемелерді орындамауына байланысты бұзылса, тапсырыс беруші шарттың орындалуын қамтамасыз етуді қайтармайды.

ҚР Үкіметінің 2012.15.11. № 1450 Қаулысымен 166-1-тармақпен толықтырылды

166-1. Тауарларды мемлекеттік сатып алу жөніндегі конкурстың тауарда жергілікті қамтудың болғаны үшін өз конкурстық өтінімінде шартты азайтуы бар жеңімпазы мемлекеттік сатып алу туралы шарт жасасу кезінде тапсырыс берушіге жеткізілетін тауардың бүкіл партиясына CT-KZ нысанындағы тауардың шығуы туралы сертификатты ұсынады.

Тауарларды, жұмыстарды, қызметтерді мемлекеттік сатып алу туралы шарттың орындалуы

167. Мемлекеттік сатып алу туралы шартты орындау кезінде тауарлардың (жұмыстардың, қызметтердің) атауы, саны, сапасы, техникалық ерекшелігі, құны, оларды жеткізу (жұмыстарды орындау, қызметтерді көрсету) орны мен мерзімі мемлекеттік сатып алу туралы шарттың мазмұнына сәйкес келуге тиіс.

168. Тапсырыс беруші мен өнім беруші көрсетілген шарт бойынша қабылдаған міндеттемелерін толық орындаған жағдайда мемлекеттік сатып алу туралы шарт орындалды деп есептеледі.

Электрондық мемлекеттік сатып алуды

жүргізу қағидаларына

1-қосымша

Бекітемін:

___________________________________

тапсырыс берушінің толық атауы,

___________________________________

Конкурстық құжаттаманы бекіткен

тапсырыс берушінің аты-жөнi

№ шешім _________________

Күні ______ Уақыты ______

КОНКУРСТЫҚ ҚҰЖАТТАМАНЫҢ

ЭЛЕКТРОНДЫҚ НЫСАНЫ

_________________________________________________________________________________________________________________

(сатып алу мәнінің түрі көрсетіледі)

_________________________________________________________________________________________________________________

(электрондық конкурстың атауы көрсетіледі)

Тапсырыс берушi

_________________________________________________________________________________________________________________

(атауы, орналасқан жері, БСН, банктік деректемелері көрсетіледі)

Тапсырыс берушінің өкілi

_________________________________________________________________________________________________________________

(аты-жөні, ЖСН, лауазымы, телефоны, е-mail көрсетіледі)

Ұйымдастырушы

_________________________________________________________________________________________________________________

(атауы, орналасқан жері, БСН, банктік деректемелері көрсетіледі)

Ұйымдастырушының өкілi

_________________________________________________________________________________________________________________

(аты-жөні, ЖСН, лауазымы, телефоны, е-mail көрсетіледі)

Конкурстық комиссияның хатшысы

_________________________________________________________________________________________________________________

(аты-жөні, лауазымы, телефоны, е-mail көрсетіледі)

1. Жалпы ережелер

1. Электрондық конкурс қоса берілген лоттардың тізбесіне сәйкес өнім берушіні(лерді) таңдау мақсатында өткізіледі.

2. Осы конкурстық құжаттама (бұдан әрі - КҚ) мыналарды:

1) осы КҚ-ның 1-қосымшасына сәйкес лоттардың тізбесін;

2) осы КҚ-ның 2-қосымшасына сәйкес белгіленген тәртіппен бекітілген жобалау-сметалық құжаттаманы, техникалық ерекшеліктерді қоса алғанда, сатып алынатын тауарлардың, жұмыстардың, қызметтердің сипаты мен талап етілетін техникалық, сапалық және пайдалану сипаттамасын;

3) осы КҚ-ның 3-қосымшасына конкурсқа қатысу келісім нысанын;

4) осы КҚ-ның 4, 5-қосымшаларына сәйкес тауарларды беру (жұмыстарды орындау, қызметтер көрсету) үшін әлеуетті өнім берушінің біліктілігі туралы мәліметтер нысанын;

5) Заңның 17-бабының 4-тармағына неғұрлым сапалы тауар, жұмыс, қызмет көрсетуді ұсынатын конкурсқа қатысушыны айқындау мақсатында конкурсқа қатысушыны анықтау кезінде конкурстық комиссия ескеретін міндетті өлшемдердің тізбесін қамтиды;

6) егер, жұмыстарды орындау мерзімі жобалау құжаттамасына сәйкес бір қаржы жылынан асатын болған жағдайда жұмыстарды орындау кезеңдері, түрлері және көлемдері, сондай-ақ әрбір қаржы жылындағы осындай жұмыстарды мемлекеттік сатып алудың сомасы туралы ақпарат қоса беріледі;

7) тауарлар (жұмыстар, қызметтер) бойынша осы конкурс үшін бөлінген сома ______ теңгені құрайды.

Лоттар бөлінісінде осы конкурс үшін бөлінген сома

3. Электрондық конкурсқа қатысуға ниет білдірген әлеуетті өнім беруші конкурсқа қатысуға өтініммен қоса тауарларды, жұмыстарды, қызметтерді сатып алу үшін бөлінген соманың бір пайызы мөлшерінде конкурсқа қатысу өтінімді қамтамасыз етуді төменде келтірілген нысандардың бірінде енгізеді:

1) мынадай банктік шотқа орналастырылатын ақшаның кепілдік берілген ақшалай жарнасын

__________________________________________________________________________________________________________________

__________________________________________________________________________________________________________________

__________________________________________________________________________________________________________________

__________________________________________________________________________________________________________________

(тапсырыс берушінің не ұйымдастырушының банктік шотының толық деректемелері);

2) осы КҚ-ның 6-қосымшасына сәйкес банктік кепілдік. Электрондық конкурсқа қатысу өтінімді қамтамасыз етудің қолданылу мерзімі конкурсқа қатысуға өтінімнің өзінің мерзімінен кем болмауға тиіс.

2. Ұйымдастырушының веб-порталға қатысушы әлеуетті өнім берушілерге КҚ-ның ережелерін түсіндіруi

4. Веб-порталға қатысушы әлеуетті өнім беруші қажет болған кезде веб-порталды пайдалана отырып, бірақ (сұрау салуды қабылдау аяқталатын күні мен уақыты көрсетіледі) кешіктірмей КҚ-ның ережелерін түсіндіру жөнінде электрондық сұрау салу жібереді.

ҚР Үкіметінің 2012.15.11. № 1450 Қаулысымен 5-тармақ жаңа редакцияда  (бұр.ред.қара)

5. Ұйымдастырушы КҚ-ны алған веб-порталға қатысушы әлеуетті өнім берушілерді автоматты түрде хабардар ете отырып, сұрау салуды алған күннен бастап екі жұмыс күні ішінде КҚ-ның ережелерін түсіндіру мәтінін веб-порталда жариялайды.

6. Ұйымдастырушы қажет болған кезде, мерзімнен кешіктірмей (КҚ өзгертудің соңғы мерзімі көрсетіледі) жеке бастамасы бойынша немесе әлеуетті өнім берушінің сұрауына жауап ретінде КҚ-ға өзгерістер мен (немесе) толықтырулар енгізеді. КҚ-ға өзгерістер енгізу КҚ-ны бекітудегі сияқты тәртіппен ресімделеді. Енгізілген өзгерістердің міндетті күші болады және КҚ-ға өзгерістер бекітілген күннен бастап бір жұмыс күнінен аспайтын мерзімде КҚ-ны алған веб-порталға қатысушы әлеуетті өнім берушілерді автоматты түрде хабардар ете отырып, веб-порталда жарияланады. Электрондық конкурсқа қатысуға өтінімдерді берудің түпкілікті мерзімі мұндай жағдайда әлеуетті өнім берушілердің электрондық конкурсқа қатысуға өтінімдерде осы өзгерістерді есепке алуы үшін кемінде күнтізбелік он күнге ұзартылады.

3. Электрондық конкурсқа қатысуға өтінімді ресімдеуге қойылатын талаптар және әлеуетті өнім берушілердің электрондық конкурсқа қатысуға өтінімдерді ұсынуы

Электрондық конкурсқа қатысуға өтінім

7. Электрондық конкурсқа қатысуға өтінім осы КҚ-да көзделген талаптар мен шарттарға сәйкес тауарды беруді жүзеге асыруға (жұмысты орындауға, қызметтер көрсетуге) электрондық конкурсқа қатысуға үміткер әлеуетті өнім берушінің келісім білдіру нысаны болып табылады.

8. Әлеуетті өнім беруші өтінімді қалыптастыру алдында осы КҚ-ға 3-қосымшаға сәйкес нысан бойынша электрондық конкурсқа қатысу туралы келісімді қабылдайды.

ҚР Үкіметінің 2012.19.12. № 1618 Қаулысымен 9-тармақ өзгертілді (бұр.ред.қара)

9. Электрондық конкурсқа қатысуға ниет білдірген әлеуетті өнім беруші ұйымдастырушыға беретін электрондық конкурсқа қатысуға өтінім мыналарды:

1) әлеуетті өнім беруші оның жалпы біліктілік талаптарына сәйкестігін растау ретінде ұсынатын құжаттардың электрондық цифрлық қолтаңбамен расталған қағаз электрондық көшірмелерін не электрондық құжаттарды:

құқықтық қабілеттілігін (заңды тұлғалар үшін), жеке тұлғалар үшін азаматтық қабілеттілігін (кәсіпкерлік субъектісі ретінде тіркелгені туралы құжатты, жеке куәлікті):

заңды тұлғалар үшін, заңды тұлға өз қызметін Үлгі жарғы негізінде жүзеге асыратын жағдайды қоспағанда, заңнамада белгіленген тәртіппен бекітілген жарғыны;

әлеуетті өнім берушінің сатып алынатын тауарларды өндіруге, қайта өңдеуге, беруге және өткізуге, жұмыстарды орындауға, қызметтерді көрсетуге құқығын растайтын лицензиялар және/немесе патенттер, куәліктер, сертификаттар, дипломдар, басқа да құжаттарды;

заңды тұлғалар үшін электрондық конкурс жарияланған күннен кейін берілген, акция ұстаушылар тізілімінен құрылтайшы құжаттардың (егер жарғыда құрылтайшы немесе құрылтайшылар құрамы туралы мәліметтер қамтылмаған жағдайда) белгіленген тәртіппен қол қойылған және мөрмен расталған, құрылтайшы немесе құрылтайшылар құрамы туралы мәліметтерді қамтитын үзіндіні;

төлем қабілетін растайтын құжаттарды:

осы КҚ-ның 7-қосымшасына сәйкес әлеуетті өнім берушіге қызмет көрсететін банктің немесе банк филиалының қолы мен мөрі бар әлеуетті берушінің Қазақстан Республикасы Ұлттық Банкі Басқармасының қаулысымен бекітілген Екінші деңгейдегі банктердегі, кредиттік серіктестіктердегі және ипотекалық компаниялардағы бухгалтерлік есеп шоттарының үлгі жоспарына сәйкес банктің немесе банк филиалының алдындағы міндеттемелерінің барлық түрлері бойынша анықтама берілген күннің алдындағы үш айдан астам созылған мерзімі өткен берешектің жоқтығы туралы анықтама (егер әлеуетті өнім беруші екінші деңгейдегі бірнеше банктің немесе филиалдарының, сондай-ақ шетелдік банктің клиенті болып табылса, осы анықтама осындай банктердің әрқайсысынан ұсынылады). Анықтама электрондық конкурс жарияланған күннен кейін берілген болуы тиіс;

электрондық конкурс жарияланған күннен кейін берілген бір теңгеден кем салық берешегінің және міндетті зейнетақы жарналары мен әлеуметтік аударымдар бойынша берешегінің болуы туралы, үш айдан астам уақыттағы салықтық берешегінің және міндетті зейнетақы жарналары бойынша берешегінің (Қазақстан Республикасының заңнамасына сәйкес төлеу мерзімі кейінге қалдырылған кездегі жағдайларды қоспағанда) жоқтығы немесе бар екендігі туралы тиісті салық органының белгіленген нысандағы анықтамасын қамтуы тиіс.

Әлеуетті өнім беруші, қажет болған кезде электрондық конкурсқа қатысуға өтініммен бірге жүргізілетін мемлекеттік сатып алу сомасының жүз пайызына тең мөлшерде Қазақстан Республикасының бір немесе бірнеше резидент банктерінің банктік кепілдіктері түріндегі шартты орындауды қамтамасыз ету беру арқылы төлем қабілеттілігі туралы жалпы біліктілік талабына сәйкестігін растайды. Мемлекеттік сатып алу туралы шартты орындауды қамтамасыз етуді әлеуетті өнім беруші мемлекеттік сатып алу туралы шарт бойынша міндеттемелерді толық орындау үшін КҚ-да белгіленген мерзімге банктік кепілдік түрінде береді, оның түпнұсқасы электрондық конкурсқа қатысуға өтінімдерді берудің соңғы мерзіміне дейін беріледі.

Әлеуетті өнім беруші қажет болған кезде, өзінің, сондай-ақ тартылатын қосалқы мердігерлердің (бірлесіп орындаушылардың) жалпы біліктілік талаптарына сәйкестігін мынадай құжаттардың электрондық қағаз көшірмелерінің біреуін:

а) әлеуетті өнім берушіге (қосалқы мердігерге, бірлесіп орындаушыға) халықаралық рейтингтік ұйымның рейтингі берілгенін растайтын құжатты;

б) әлеуетті өнім берушінің (қосалқы мердігердің, бірлесіп орындаушының) биржаның ресми листингіне енгізілгені туралы қор биржасынан үзіндіні беру арқылы растайды;

2) әлеуетті өнім берушінің арнайы біліктілік талаптарына сәйкестігін растайтын құжаттар:

осы КҚ-ның 4, 5-қосымшаларына сәйкес нысандар бойынша мемлекеттік сатып алу процесіне қатысу үшін біліктілігі туралы мәліметтер;

осы КҚ-ның 8-қосымшасына сәйкес конкурста сатып алудың мәні болып табылатын жұмыстарды орындау жөніндегі қосалқы мердігерлер (қызметтер көрсету кезінде бірлесіп орындаушылар) туралы мәліметтерді және әлеуетті өнім берушінің жұмыстар (құрылыстың құны), қызметтер көлемінің үштен екісінен астам жиынтығында қосалқы мердігерлерге (бірлесіп орындаушыларға) қосалқы мердігерлікке беруге тыйым салу шарты.

Егер әлеуетті өнім беруші жұмыстардың не қызметтердің қосалқы мердігерлерін (бірлесіп орындаушыларды) тартуды көздеген жағдайда әлеуетті өнім беруші ұйымдастырушыға тартылатын қосалқы мердігерлердің (бірлесіп орындаушылардың) жалпы және арнайы біліктілік талаптарына сәйкестігін растайтын қағаз құжаттардың электрондық көшірмелерін ұсынуы тиіс;

3) ҚР Үкіметінің 2012.19.12. № 1618 Қаулысымен алып тасталды (бұр.ред.қара)

4) тауарлардың, жұмыстардың, көрсетілетін қызметтердің техникалық, сапалық және пайдалану сипаттамаларын, тауарларды беру, жұмыстарды орындау, қызметтерді көрсету мерзімдерін және (немесе) көлемдерін, тауарларға қызмет көрсетуге, тауарды пайдалануға шығыстарға сапа кепілдігін, тауарларды беру, жұмыстарды орындау, қызметтерді көрсету кестесін (әдістерін) және шарттарын сипаттай отырып, техникалық ерекшелігін;

5) Заңда белгіленген мөлшерде электрондық конкурсқа қатысу өтінімін қамтамасыз ету, мынадай:

банктік кепілдік, бұл ретте оның түпнұсқасы ұйымдастырушыға электрондық конкурсқа қатысуға өтінім ұсынудың соңғы мерзіміне дейін конкурстық құжаттаманың электрондық нысанының 6-қосымшасына сәйкес беріледі;

ұйымдастырушының банктік шотында орналасқан кепілдік ақшалай жарнаны растайтын қағаз төлем құжатының электрондық көшірмесі түрінде;

6) ҚР Үкіметінің 2012.19.12. № 1618 Қаулысымен алып тасталды (бұр.ред.қара)

Конкурстық өтінімнің қолданылу мерзімі конкурстық өтінімдер ашылатын күннен бастап күнтізбелік _____ күнді құрауы тиіс.

Электрондық конкурсқа қатысуға өтінімді ресімдеуге қойылатын талаптар

10. Электрондық конкурсқа қатысуға өтінімді әлеуетті өнім беруші ұйымдастырушыға электрондық құжат нысанында ұсынады.

11. Электрондық конкурсқа қатысуға өтінімде қамтылатын қағаз құжаттардың электрондық көшірмелері дәл және айқын болуы тиіс.

12. Әлеуетті өнім беруші дайындаған электрондық конкурсқа қатысуға өтінім, сондай-ақ электрондық конкурсқа қатысуға өтінімге қатысты бүкіл хат-хабарлар мен құжаттар қазақ және орыс тілдерінде жасалады және беріледі. Оларды әлеуетті өнім беруші басқа тілде жасаған және берген жағдайда оған (нотариалдық расталған) дәл аудармасы қоса беріледі.

Электрондық конкурсқа қатысуға арналған өтінімді беру тәртібi

13. Электрондық конкурсқа қатысуға өтінімді әлеуетті өнім беруші веб-порталды пайдалана отырып, ұйымдастырушыға электрондық құжат нысанында береді.

14. Әлеуетті өнім берушілер берген электрондық конкурсқа қатысуға өтінімдер автоматты түрде веб-порталда электрондық өтінімдер журналында тіркеледі.

15. Электрондық конкурсқа қатысуға өтінім берген өнім берушіге тиісті хабарламаны веб-порталмен автоматты түрде жіберген сәтте электрондық конкурсқа қатысуға берілген өтінім қабылданған болып есептеледі.

16. Әлеуетті өнім берушінің электрондық конкурсқа қатысуға берген өтінімі мынадай:

1) егер әлеуетті өнім беруші бұрын осы электрондық конкурсқа қатысуға өтінім берген;

2) электрондық конкурсқа қатысуға берілген өтінім электрондық конкурсқа қатысуға берілетін өтінімдерді қабылдаудың соңғы мерзімі аяқталғаннан кейін түскен;

3) Заңның 6-бабының 1-тармағының 3), 3-1), 3-2) және 4) тармақшаларында көзделген жағдайларында веб-порталдан автоматты түрде кері қайтарылады.

Электрондық конкурсқа қатысуға өтінімдерді өзгерту және оларды қайтарып алу

17. Әлеуетті өнім беруші өзінің электрондық конкурсқа қатысуға өтінімін конкурстық өтінімдерді берудің соңғы мерзімі біткенге дейін өзі енгізген қамтамасыз етуді қайтарып алу құқығын жоғалтпастан, өзінің электрондық конкурсқа қатысуға өтінімін өзгертуі немесе қайтарып алуы мүмкін.

18. Электрондық конкурсқа қатысуға өтінімдерді ұсынудың соңғы мерзімі өткеннен кейін конкурсқа қатысуға өтінімді қайтарып алу сияқты, оған өзгерістер мен (немесе) толықтырулар енгізуге жол берілмейді.

19. Ұйымдастырушы КҚ-мен белгіленген электрондық конкурсқа қатысуға өтінімдердің қолданылу мерзімі аяқталғанға дейін он күнтізбелік күннен кешіктірмей әлеуетті өнім берушілерге олардың өтінімдерінің қолданылу мерзімін нақты уақыт кезеңіне ұзарту туралы қажет болған кезде сұрау салады. Әлеуетті өнім беруші электрондық конкурсқа қатысуға өтінімдердің қолданылу мерзімін ұзартудан электрондық конкурсқа қатысуға оның өтінімді қамтамасыз етуін қайтару құқығын жоғалтпай, электрондық конкурсқа қатысуға берген өзінің өтінімін кері қайтарып, бас тартуға құқылы.

20. Әлеуетті өнім беруші, оның электрондық конкурсқа қатысуымен

байланысты барлық шығыстарды көтереді. Тапсырыс беруші, ұйымдастырушы, конкурстық комиссия, сараптама комиссиясы (сарапшы) электрондық конкурстың қорытындыларына қарамастан, осы шығыстарды өтеу жөніндегі міндеттемелерді көтермейді.

4. Конкурстық комиссияның электрондық конкурсқа қатысуға өтінімдерді ашуы

21. (Өтінімдерді ашатын күні мен уақыты көрсетіледі) электрондық конкурсқа қатысуға өтінімдерді ашуды веб-портал автоматты түрде жүргізеді. Егер электрондық конкурсқа (лотқа) электрондық конкурсқа қатысу бір ғана өтінім ұсынылған жағдайда, онда электрондық конкурсқа қатысуға бұл өтінім де ашылады.

ҚР Үкіметінің 2012.15.11. № 1450 Қаулысымен 22-тармақ жаңа редакцияда  (бұр.ред.қара)

22. Конкурстық комиссияның хатшысы электрондық конкурсқа қатысуға өтінімдерді ашудың хаттамасын веб-порталда ашылған күні жариялайды. Бұл ретте веб-портал конкурстық комиссияның мүшелеріне, веб-порталда автоматты түрде тіркелген әлеуетті өнім берушілерге хабарламаны автоматты түрде таратады.

5. Конкурс тәсілімен мемлекеттік сатып алуға қатысуға өтінімдерді олардың конкурстық құжаттама талаптарына сәйкестігі мәніне конкурстық комиссияның қарауы және әлеуетті өнім берушілерді электрондық конкурсқа қатысуға рұқсат беру

23. Электрондық конкурсқа қатысуға өтінімдерді қарауды конкурсқа қатысуға үміткер әлеуетті өнім берушілердің арасынан біліктілік талаптарына және КҚ талаптарына сәйкес келетін әлеуетті өнім берушілерді анықтау және оларды конкурсқа қатысушы деп тану мақсатында конкурстық комиссия жүзеге асырады.

24. Электрондық конкурсқа қатысуға өтінімдерді қарау кезінде конкурстық комиссия қажет болған кезде:

1) электрондық конкурсқа қатысуға үміткер әлеуетті өнім берушілерден электрондық конкурсқа қатысуға өтінімдерді қарауды, бағалауды және салыстыруды жеңілдету үшін электрондық конкурсқа қатысуға арналған өтінімдерге байланысты материалдар мен түсіндірмелерді жазбаша нысанда немесе веб-портал құралдарымен сұратады;

2) электрондық конкурсқа қатысуға өтінімдерде қамтылған мәліметтерді нақтылау мақсатында тиісті мемлекеттік органдардан, жеке және заңды тұлғалардан қажетті ақпаратты жазбаша нысанда немесе веб-портал құралдарымен сұратады.

Конкурстық комиссияның электрондық конкурсқа қатысуға өтінімдерді КҚ талаптарына сәйкес келтіруге байланысты сұратулары мен өзге де әрекеттеріне жол берілмейді. Электрондық конкурсқа қатысуға өтінімдерді КҚ талаптарына сәйкес келтіру деп конкурстық комиссияның электрондық конкурсқа қатысуға өтінімді жеткіліксіз құжаттармен толықтыруға, электрондық конкурсқа қатысуға өтінімде ұсынылған құжаттарды ауыстыруға, тиісінше ресімделмеген құжаттарды сәйкес келтіруге бағытталған әрекеттері түсініледі.

Конкурстық комиссия электрондық конкурсқа қатысуға өтінімді, егер онда электрондық конкурсқа қатысуға ұсынылған өтінімнің мәнін қозғамай түзетуге болатын грамматикалық немесе арифметикалық қателер болса, КҚ талаптарына жауап береді деп қарайды.

25. Конкурстық комиссия:

1) жұмыстарды не қызметтерді әлеуетті өнім берушінің және ол тартатын қосалқы мердігердің (бірлесіп орындаушының) біліктілік талаптарына сәйкестігін растау үшін құжатты (құжаттарды) әлеуетті өнім берушінің ұсынбауы не тиісінше ресімделмеген күйде ұсынуы;

2) әлеуетті өнім беруші оның сәйкестігін растау үшін ұсынған құжаттарда қамтылған ақпараттың негізінде біліктілік талаптарына сәйкессіздік, сондай-ақ ол тартатын қосалқы мердігердің (бірлесіп орындаушының) біліктілік талаптарына сәйкессіздік фактісі анықталуы;

3) біліктілік талаптары бойынша жалған ақпарат ұсынған жағдайларда әлеуетті өнім берушіні біліктілік талаптарына сәйкес емес деп таниды.

Әлеуетті өнім берушіні Заңның 9-бабының 1-тармағында және Қағидалардың 46 және 47-тармақтарында көзделмеген негіздемелер бойынша біліктілік талаптарына сәйкес емес деп тануға жол берілмейді.

Конкурстық комиссия соманың бір пайызынан астам мөлшерде электрондық конкурсқа қатысуға өтінімді қамтамасыз ету енгізілген жағдайда, конкурсқа қатысуға өтінімді енгізілген қамтамасыз етуді осы КҚ талаптарына сәйкес келеді деп таниды.

26. Конкурстық комиссия мынадай жағдайларда енгізілген электрондық конкурсқа қатысуға өтінімді қамтамасыз етуді осы КҚ талаптарына сәйкес емес деп таниды:

1) банктік кепілдік түрінде ұсынылған электрондық конкурсқа қатысуға өтінімді қамтамасыз етудің қолданылу мерзімі жеткіліксіз болса;

2) конкурстық комиссияның:

электрондық конкурсқа қатысуға өтінімді қамтамасыз етуді берген тұлғаны;

қатысу үшін өтінімді қамтамасыз ету енгізіліп отырған электрондық конкурс тәсілімен тауарларды, жұмыстарды, көрсетілетін қызметтерді мемлекеттік сатып алудың атауын;

банктік кепілдік түрінде ұсынылған конкурсқа қатысуға өтінімді қамтамасыз етудің қолданылу мерзімін және (немесе) өтінімді қамтамасыз етудің сомасын, сондай-ақ оны ұсыну шарттарын;

электрондық конкурсқа қатысуға өтінімді қамтамасыз ету берілген тұлғаны;

электрондық конкурсқа қатысуға өтінімді қамтамасыз ету пайдасына енгізіліп отырған тұлғаны анықтауына мүмкіндік бермейтін мәліметтердің болмауынан көрініс табатын конкурсқа қатысуға өтінімді қамтамасыз ету тиісінше ресімделмеген;

3) конкурстық өтінімді қамсыздандыруға конкурсқа (лотқа) бөлінген соманың бір пайызынан кем мөлшерде енгізілсе.

Электрондық конкурсқа қатысуға өтінімді енгізілген қамтамасыз етуді өзге негіздер бойынша конкурстық құжаттаманың талаптарына сәйкес келмейді деп тануға жол берілмейді.

27. Электрондық конкурсқа қатысуға үміткер әлеуетті өнім беруші, егер:

1) ол және (немесе) оның қосалқы мердігері не бірлесіп орындаушы біліктілік талаптарына сәйкес емес деп айқындалса;

2) Заңның 6-бабының талаптарын бұзса;

3) оның электрондық конкурсқа қатысуға өтінімі КҚ талаптарына сәйкес емес деп айқындалса, оның ішінде, егер ол электрондық конкурсқа қатысуға өтінімді қамтамасыз етуді конкурстық құжаттама мен Қағидалардың талаптарына сәйкес ұсынбаса, электрондық конкурсқа қатысуға жіберілмейді (конкурсқа қатысушы болып танылмайды).

28. Конкурстық комиссия барлық ұсынылған конкурстық өтінімдерді бағалау және салыстыру үшін Заңның 17-бабының 4-тармағында санамаланған өлшемдерді ескереді және конкурсқа қатысуға бір конкурстық өтінім ұсынылған жағдайларды қоспағанда, оларды электрондық конкурсқа қатысуға арналған барлық өтінімдерге тең мөлшерде қолданады.

Әлеуетті өнім беруші осы өлшемдерді растайтын құжаттарды ұсынбаған жағдайда, конкурстық комиссия мұндай әлеуетті өнім берушіге тиісті шартты жеңілдікті қолданбайды. Шартты жеңілдікті қолдану үшін әлеуетті өнім беруші ұсынған шарттар мемлекеттік сатып алу туралы шартқа енгізілуі тиіс.

Тауарларды, жұмыстарды, қызметтерді мемлекеттік сатып алу жөніндегі электрондық конкурсқа қатысатын әлеуетті өнім берушінің жұмыс тәжірибесінің болуы мәселесін қараған кезде конкурстық комиссия осы электрондық конкурста сатып алынатын тауарларды беру, жұмыстарды орындау және қызметтерді көрсету нарығында ғана жұмыс тәжірибесін қарайды. Бұл ретте конкурстық комиссия конкурстық өтінімнің бағасын шартты түрде әлеуетті өнім берушінің бір жылдан бастап, сатып алынатын тауарлардың, жұмыстардың, қызметтердің нарықта болған жұмыс тәжірибесінің әрбір жылы үшін нөл бүтін оннан бес пайыз (0,5%) мөлшерінде, бірақ бес пайыздан аспайтын шартты жеңілдік береді. Бір жылға дейін жұмыс тәжірибесі болған немесе ол болмаған жағдайда осындай пайыз белгіленбейді. Конкурстық өтінімнің шартты бағасына осы өлшемнің жиынтық пайыздық әсері бес пайыздан аспауы тиіс.

Конкурстық комиссия пайдалану шығыстарының, сатып алынатын тауарларға техникалық қызмет көрсету мен оларды жөндеудің ең аз құны бар электрондық конкурсқа өтінімді айқындайды және оған екі пайыз мөлшерінде шартты жеңілдік береді. Конкурстық өтінімнің шартты бағасына осы өлшемнің жиынтық пайыздық әсері екі пайыздан аспауы тиіс.

Қазақстан Республикасының техникалық реттеу туралы заңнамасына сәйкес отандық тауарөндіруші үшін ұсынылған тауарларды ерікті сертификаттауды жүргізуді растайтын құжат болған кезде конкурстық комиссия екі пайыз мөлшерінде шартты жеңілдік береді.

Сатып алынатын тауарларды, жұмыстарды, қызметтерді мемлекеттік стандарттардың талаптарына сәйкес сапа менеджменті жүйесін сертификаттауды растайтын құжат болған кезде конкурстық комиссия үш пайыз мөлшерінде шартты жеңілдік береді.

Сатып алынатын тауарлар, жұмыстар, қызметтер жөніндегі мемлекеттік стандарттардың талаптарына сәйкес қоршаған орта басқармасының сапа менеджменті жүйесін сертификаттауды растайтын құжаты болған кезде және (немесе) сатып алынатын тауарлар, жұмыстар, қызметтер бойынша Қазақстан Республикасының техникалық реттеу туралы заңнамасына сәйкес экологиялық таза өнім стандартына сәйкестігін растайтын құжаты болған кезде конкурстық комиссия екі пайыз мөлшерінде шартты жеңілдік береді.

Конкурстық комиссия жеткізілетін тауарларының функционалдық сипаттамалары ең үздік конкурстық өтінім айқындалған кезде, жарты пайыз (0,5%) мөлшерінде шартты жеңілдік береді.

Конкурстық комиссия жеткізілетін тауарларының техникалық сипаттамалары ең үздік конкурстық өтінім айқындалған кезде, жарты пайыз (0,5%) мөлшерінде шартты жеңілдік береді.

Конкурстық комиссия жеткізілетін тауарларының сапалық сипаттамалары ең үздік конкурстық өтінім айқындалған кезде үш пайыз мөлшерінде шартты жеңілдік береді.

Жергілікті мазмұнның болуын қарау кезінде конкурстық комиссия жергілікті мазмұнның әрбір бір пайызы үшін электрондық конкурсқа қатысу өтінімнің шартты бағасын оннан бір (0,1) пайызға азайтады.

Тауарда жергілікті мазмұнның болуы СТ-КZ нысанды тауардың шығуы туралы сертификатпен расталады.

Егер тауарлардың әлеуетті өнім берушісі сатып алынатын тауардың отандық тауар өндірушісі болып табылған жағдайда, конкурстық комиссия мұндай әлеуетті өнім берушінің электрондық конкурсқа қатысу өтінімнің бағасын жергілікті мазмұн болғаны үшін он пайызға азайтады.

Жұмыстардың, қызметтердің әлеуетті өнім берушісінің жергілікті мазмұны жалпы еңбекақы қорынан және осы электрондық конкурс (лот) бойынша жұмыстарды, қызметтерді тікелей де, сондай-ақ қосалқы мердігерлік шартын жасасу арқылы да мемлекеттік сатып алу туралы шартты орындау үшін әлеуетті өнім беруші сатып алатын тауардың (тауарлардың) жалпы құнынан Қазақстан Республикасының резиденттері жеткілікті дәрежеде қайта өңдеу немесе толығымен өндіру өлшемдеріне сәйкес тауардың (тауарлардың) белгіленген қазақстандық шығу тегі үлесінің (үлестерінің) құнынан мемлекеттік сатып алу туралы шартты орындауға жұмылдырылатын Қазақстан Республикасының азаматтарына еңбекақы төлеу құнының пайыздық мазмұны ретінде анықталады.

Конкурстық комиссия отандық тауар өндірушіге он пайыз мөлшерінде, жұмыстарды, қызметтерді отандық жеткізушіге бес пайыз мөлшерінде шартты жеңілдік береді.

29. Электрондық конкурсқа қатысуға өтінімдерді қарау нәтижелері бойынша конкурстық комиссия:

1) біліктілік талаптарына және КҚ талаптарына сәйкес келетін конкурсқа қатысуға жіберілетін (конкурсқа қатысушылар) әлеуетті өнім берушілерді айқындайды;

2) Заңның 17-бабының 4-тармағына сәйкес КҚ-да көзделген шартты жеңілдіктердің мөлшерлерін анықтайды.

30. Электрондық конкурсқа қатысуға рұқсат беру туралы хаттамаға конкурстық комиссияның барлық мүшелері қол қояды және конкурстық комиссияның хатшысы әлеуетті өнім берушілерге конкурсқа қатысуға рұқсат беру туралы шешім қабылданған (конкурс қатысушылары деп танылған) күні электрондық конкурсқа қатысуға өтінім берген әлеуетті өнім берушілердің барлығына автоматты түрдегі хабарламалар тарата отырып, веб-порталда жариялайды. Конкурстық комиссияның электрондық конкурсқа қатысуға рұқсат беру туралы шешімі Заңның 45-бабында белгіленген тәртіппен шағымдалуы мүмкін.

6. Электрондық конкурсқа қатысуға рұқсат берілген әлеуетті өнім берушілердің конкурстық баға ұсыныстарын ресімдеуi

31. Электрондық конкурсқа қатысуға рұқсат берілген әлеуетті өнім берушілер (электрондық конкурсқа қатысушылар) конкурстық баға ұсынысын (бұдан әрі - КБҰ) веб-порталды пайдалана отырып, электрондық құжат нысанында осы КҚ-ға 10-қосымшаға сәйкес береді.

32. Отандық әлеуетті өнім берушілердің КБҰ теңгемен берілуге тиіс.

33. Ұлттық валютада берілмеген КБҰ-н Қазақстан Республикасының валютасына - КБҰ берілген күнге Қазақстан Республикасы Ұлттық Банкі белгілеген ресми бағам бойынша теңгеге веб-портал автоматты түрде қайта есептейді.

34. КБҰ берген өнім берушіге веб-портал тиісті хабарламаны жібергеннен кейін КБҰ қабылданған болып есептеледі.

35. Веб-портал мынадай:

1) конкурс қатысушысы бір және тағы сол конкурсқа (лотқа) біреуден артық КБҰ берген;

2) электрондық конкурсты жүзеге асыруға бөлінген сомадан асып кеткен;

3) конкурстық баға ұсынысы рұқсат беру туралы хаттама жарияланған сәттен бастап, үш жұмыс күнінен кешігіп түскен жағдайларда КБҰ-н қабылдаудан автоматты түрде кері қайтарады.

36. Әлеуетті өнім беруші қажет болған кезде, КБҰ-н ұсынудың соңғы мерзімі біткенге дейін КБҰ-ны кез келген уақытта өзгертеді немесе қайтарып алады.

7. Конкурстық комиссияның электрондық конкурсқа қатысушылардың конкурстық баға ұсыныстарын бағалауы мен салыстыруы және конкурс жеңімпазын анықтау

37. Әлеуетті өнім берушілер берген КБҰ туралы мәліметтер автоматты түрде веб-порталда тіркеледі.

38. Электрондық конкурсқа қатысуға рұқсат беру туралы хаттамада белгіленген күні мен уақыты веб-портал электрондық конкурсқа қатысушылардың КБҰ-н бағалау және салыстыруды автоматты түрде жүргізеді:

Қағидаларға сәйкес анықталатын демпингтік баға есептеледі және конкурсқа қатысушының демпингтік болып табылған КБҰ қабылданбайды;

егер бағасы демпингтік болған КБҰ қабылданбағанынан кейін электрондық конкурсқа қатысушылардың екі және одан да көп КБҰ электрондық конкурсқа қатысатын болса, электрондық конкурсқа қатысуға рұқсат беру туралы хаттамада көрсетілген шартты жеңілдіктерді электрондық конкурстың қабылданған КБҰ-на қатысты қолдану арқылы осы электрондық конкурсқа қатысушылардың шартты бағасы айқындалады;

электрондық конкурсқа қатысушылардың шартты бағасы салыстырылады, ең төмен шартты баға негізінде электрондық конкурстың жеңімпазы анықталады;

КБҰ-лардың шартты бағасы теңескен кезде отандық тауар өндіруші, жұмыстардың, көрсетілетін қызметтердің отандық берушісі жеңімпаз болып танылады. Отандық тауар өндірушілердің, жұмыстардың, көрсетілетін қызметтердің отандық берушілерінің КБҰ-ларының шартты бағасы теңескен кезде электрондық конкурстың мәні болып табылатын сатып алынатын тауарлар, жұмыстар, көрсетілетін қызметтер нарығында көбірек тәжірибесі бар отандық тауар өндіруші, жұмыстардың, көрсетілетін қызметтердің отандық берушісі жеңімпаз болып танылады. Отандық тауар өндірушілердің, жұмыстардың, көрсетілетін қызметтердің отандық берушілерінің КБҰ-ның шартты бағасы теңескен және электрондық конкурстың мәні болып табылатын сатып алынатын тауарлар, жұмыстар, көрсетілетін қызметтер нарығындағы тәжірибесі бірдей болған кезде жеңімпаз болып бұрын түскен КБҰ танылады.

39. Конкурс тәсілімен мемлекеттік сатып алу қорытындылары туралы хаттаманы веб-портал автоматты түрде қалыптастырады және конкурстық комиссияның барлық мүшелері мен веб-порталда тіркелген әлеуетті өнім берушілердің барлығын электрондық почта арқылы автоматты түрде хабардар ете отырып, жариялайды.

8. Электрондық конкурсқа қатысуға өтінімдерді қамтамасыз етуді қайтару

40. Ұйымдастырушы әлеуетті өнім берушіге енгізілген электрондық конкурсқа қатысуға өтінімді қамтамасыз етуді мынадай:

1) осы әлеуетті өнім беруші өзінің конкурсқа қатысуға өтінімін конкурсқа қатысуға өтінімдерді ұсынудың түпкілікті мерзімі өткенге дейін кері қайтарып алған;

2) электрондық конкурсқа қатысуға рұқсат беру туралы хаттамаға қол қойылған. Көрсетілген жағдай электрондық конкурсқа қатысушылар деп танылған әлеуетті өнім берушілерге қолданылмайды;

3) электрондық конкурс тәсілімен мемлекеттік сатып алудың қорытындылары туралы хаттамаға қол қойылған. Көрсетілген жағдай конкурс жеңімпазы деп айқындалған электрондық конкурсқа қатысушыға қолданылмайды;

4) мемлекеттік сатып алу туралы шарт күшіне енген және электрондық конкурс жеңімпазы КҚ-да көзделген мемлекеттік сатып алу туралы шарттың орындалуын қамтамасыз етуді енгізген;

5) әлеуетті өнім берушінің электрондық конкурсқа қатысуға өтінімінің қолданылу мерзімі өткен жағдайлардың бірі басталған күннен бастап үш жұмыс күні ішінде қайтарады.

41. Ұйымдастырушы электрондық конкурсқа қатысуға өтінімді қамтамасыз етуді мынадай:

1) әлеуетті өнім беруші электрондық конкурсқа қатысуға өтінімдерді табыс етудің соңғы мерзімі өткеннен кейін электрондық конкурсқа қатысуға өтінімді кері қайтарып алса не өзгертсе және (немесе) толықтырған;

2) электрондық конкурсқа қатысушы деп танылған әлеуетті өнім беруші өзінің КБҰ-н белгіленген мерзімде табыс етпесе не кері қайтарып алған;

3) электрондық конкурстың жеңімпазы деп айқындалған әлеуетті өнім беруші мемлекеттік сатып алу туралы шарт жасасудан жалтарған;

4) электрондық конкурстың жеңімпазы мемлекеттік сатып алу туралы шарт жасасып, конкурстық құжаттамада белгіленген, мемлекеттік сатып алу туралы шарттың орындалуын қамтамасыз етуді енгізу және (немесе) енгізу мерзімдері туралы талаптарды орындамаған не уақтылы орындамаған жағдайларда қайтармайды.

9. Электрондық конкурс қорытындылары бойынша мемлекеттік сатып алу туралы шарт

ҚР Үкіметінің 2012.19.12. № 1618 Қаулысымен 42-тармақ жаңа редакцияда (бұр.ред.қара)

42. Электрондық конкурстың жеңімпазы деп анықталған әлеуетті өнім беруші тапсырыс берушіге әлеуетті өнім берушінің электрондық конкурсқа қатысуға өтінімге электрондық көшірме түрінде қоса берілген біліктілік талаптарына сәйкестігін растайтын құжаттардың түпнұсқаларын немесе нотариалды куәландырылған көшірмелерін веб-порталда электрондық конкурстың қорытындыларының хаттамасын жариялаған күнінен бастап, мемлекеттік сатып алу туралы шартқа қол қойылғанға дейін бес жұмыс күні ішінде ұсынады.

43. Электрондық конкурстың қорытындылары туралы хаттамаға қол қойылған күннен бастап бес жұмыс күні ішінде Заңның талаптарына сәйкес Жұмыстарды (тауарларды/қызметтерді) мемлекеттік сатып алу туралы үлгі шарт негізінде тауарларды, жұмыстарды, қызметтерді мемлекеттік сатып алу туралы шарт жасалады.

44. Өнім беруші мемлекеттік сатып алу туралы шарт жасалған күннен бастап он жұмыс күні ішінде мемлекеттік сатып алу туралы шарттың орындалуын қамтамасыз етуді енгізуі тиіс.

45. Мемлекеттік сатып алу туралы шарттың орындалуын қамтамасыз ету өнім берушінің мемлекеттік сатып алу туралы онымен жасалған шарт бойынша өз міндеттемелерін уақтылы, толық және тиісті түрде орындауға кепілдік ретінде енгізіледі.

46. Шарттың орындалуын қамтамасыз ету мөлшерін, мемлекеттік сатып алу туралы шартта аванс төленуі көзделген жағдайды қоспағанда, мемлекеттік сатып алуды ұйымдастырушы мемлекеттік сатып алу туралы шарттың жалпы сомасының үш пайызы мөлшерінде белгілейді.

Мемлекеттік сатып алу туралы шартта аванс төленуі көзделген жағдайда шарттың орындалуын қамтамасыз етуді мемлекеттік сатып алуды ұйымдастырушы авансқа тең мөлшерде белгілейді, ол мемлекеттік сатып алу туралы шарттың жалпы сомасының кемінде үш пайызы болуы тиіс.

47. Өнім беруші мемлекеттік сатып алу туралы шарттың орындалуын қамтамасыз етудің мынадай түрлерінің бірін:

1) тапсырыс берушінің банктік шотына не мемлекеттік органдар және мемлекеттік мекемелер болып табылатын тапсырыс берушілер үшін Қазақстан Республикасының бюджет заңнамасында көзделген шотқа енгізілетін кепілдік ақшалай жарнаны;

2) осы Қағидаларға 9-қосымшаға сәйкес банк кепілдігін таңдауға құқылы.

48. Өнім берушінің шарт бойынша міндеттемелер толық орындалғанға дейін үшінші тұлғалардың енгізілген кепілдік ақша жарнасына тұтастай не бір бөлігінде талап қою құқығының туындауына әкеп соғатын іс-қимыл жасауына жол берілмейді.

49. Тапсырыс берушінің өнім беруші енгізген кепілдік ақшалай жарнаны Заңда көзделмеген мақсатқа пайдалануына жол берілмейді.

ҚР Үкіметінің 2012.15.11. № 1450 Қаулысымен 50-тармақ өзгертілді  (бұр.ред.қара)

50. Тапсырыс беруші енгізілген мемлекеттік сатып алу туралы шарттың орындалуын қамтамасыз етуді шартта көрсетілген мерзімде немесе өнім беруші шарт бойынша өз міндеттемелерін толық және тиісінше орындаған сәттен бастап бес жұмыс күні ішінде өнім берушіге қайтарады.

Өнім беруші мемлекеттік сатып алу туралы шарт бойынша қабылданған міндеттемелерді тиісінше орындамаған жағдайда, тапсырыс беруші тұрақсыздық айыбын тиісті бюджет, мемлекеттік кәсіпорын, дауыс беретін акцияларының (жарғылық капиталдағы қатысу үлестерінің) елу және одан астам пайызы мемлекетке тиесілі заңды тұлға немесе олармен аффилиирленген тұлғалар кірісіне төлеу фактісі анықталған күннен бастап бес жұмыс күні ішінде енгізілген мемлекеттік сатып алу туралы шарттың орындалуын қамтамасыз етуді қайтарады.

51. Егер мемлекеттік сатып алу туралы шарт тауарларды, жұмыстарды, қызметтерді өнім берушінің шарттық міндеттемелерді орындамауына байланысты бұзылса, тапсырыс беруші шарттың орындалуын қамтамасыз етуді қайтармайды.

52. Заңның 37-бабының 6, 7 және 8-тармақтарында көзделген жағдайларда шарт оны бір қаржы жылынан артық мерзімге жасасу туралы ережелерді қамтуы тиіс.

53. Шарт мемлекеттік сатып алу туралы шартқа өзгерістер енгізу туралы жағдайларды қамтуы тиіс.

54. Отандық тауар өндірушілермен және жұмыстарды, қызметтерді отандық берушілермен жасалған шартта тауарларды бергені, жұмыстарды орындағаны не қызметтерді көрсеткені үшін алдын ала ақы төлеу және толық ақы төлеу туралы талап қамтылуы тиіс, бұл ретте толық ақы төлеу мерзімі осы шарт бойынша міндеттемелер орындалған күннен бастап күнтізбелік отыз күннен аспауы тиіс.

55. Егер әлеуетті өнім беруші Заңда белгіленген мерзімде мемлекеттік сатып алу туралы шартты тапсырыс берушіге ұсынбаса немесе мемлекеттік сатып алу туралы шарт жасасып, КҚ-да көзделген жағдайларда мемлекеттік сатып алу туралы шартты орындауды қамтамасыз етуді енгізбеген жағдайда мұндай әлеуетті өнім беруші мемлекеттік сатып алу туралы шартты жасасудан жалтарған болып танылады.

56. Әлеуетті өнім беруші мемлекеттік сатып алу туралы шарт жасасудан жалтарған деп танылған жағдайда тапсырыс берушi

1) ол электрондық конкурсқа қатысуға енгізген өтінімді қамтамасыз етуді ұстап қалады және уәкілетті органға тиісті мәліметтерді ұсынады әрі мұндай әлеуетті өнім берушіні мемлекеттік сатып алудың жосықсыз қатысушысы деп тану туралы талап-арызбен сотқа жүгінеді;

2) қажет болған кезде, сотқа мұндай әлеуетті өнім берушіні мемлекеттік сатып алу туралы шарт жасасуға мәжбүрлеу туралы, сондай-ақ мемлекеттік сатып алу туралы шарт жасасудан жалтаруымен келтірілген шығындардың орнын толтыру туралы талап-арызбен жүгінеді.

Аукциондық құжаттаманың

электрондық нысанына

1-қосымша

Аукционның мәні (лот)

(бекітілген жылдық жоспардың негізінде қалыптастырылады)

Аукционның № _____________________________

Аукционның атауы __________________________

* Тауарлардың, жұмыстардың, көрсетілетін қызметтердің толық сипаты мен сипаттамасы техникалық ерекшелікте көрсетіледi

Конкурстық құжаттаманың

электрондық нысанына

1-қосымша

Лоттар тізбесi

(бекітілген жылдық жоспар негізінде қалыптасады)

Электрондық конкурстың № ______________________________

Электрондык конкурстың атауы ___________________________

* Тауарлардың, жұмыстардың, көрсетілетін қызметтердің толық сипаты мен сипаттамасы техникалық ерекшелікте көрсетіледi

Электрондық мемлекеттік сатып

алуды жүргізу қағидаларына

2-қосымша

Ашу хаттамасы

(әрбір лотқа жеке қалыптастырылады)

Электрондық конкурстың № __________________________________________

Электрондық конкурстың атауы _______________________________________

Лоттың нөмірі ______________________________________________________

Лоттың атауы ______________________________________________________

Конкурстық комиссияның құрамы:

Конкурстық құжаттама мынадай әлеуетті өнім берушілерге ұсынылған:

Электрондық конкурсқа қатысуға өтінімдерді мынадай әлеуетті өнім берушілер берді:

Конкурстық құжаттамада көзделген құжаттардың болуы (болмауы) туралы ақпарат:

Аукциондық құжаттаманың

электрондық нысанына

2-қосымша

Сатып алынатын тауардың (жұмыстың, көрсетілетін қызметтің)

техникалық ерекшелігi

Аукционның № _____________________________

Аукционның атауы __________________________

Осы техникалық ерекшелікте мемлекеттік сатып алуды ұйымдастырушы қажетті ерекшеліктерді, жоспарларды, сызбаларды, эскиздерді қоса алғанда, сатып алынатын тауарлардың (жұмыстардың, көрсетілетін қызметтердің) толық сипатын және талап етілетін техникалық және сапалық сипаттамасын беруі тиіс және берілетін тауарлар (орындалатын жұмыстар, көрсетілетін қызметтер) сәйкес болуы тиіс халықаралық немесе ішкі стандарттарды көрсетуі тиіс. Қажет болған кезде тиісті нормативтік-техникалық құжаттамаға сілтеме жасалуы тиіс.

Қажет болған кезде мемлекеттік сатып алуды ұйымдастырушы осы техникалық ерекшелікте:

1) тауарлар мен көрсетілетін қызметтер үшін:

тауарларды/қызметтерді беру кезінде тапсырыс берушіге қажет ілеспе қызметтерді (монтаждау, оңдау, оқыту, тауарларды тексеру әрі сынау және т.б.) және олар қай жерде жүргізілуі тиіс, тауардың шыққан жылын, кепілдік мерзімін көрсетеді;

2) жұмыстар үшін: сатып алуды ұйымдастырушы құрылыс алаңының, географиялық, инженерлік-геологиялық және басқа да ерекше табиғи жағдайлардың қысқа сипатын, инфрақұрылым мен коммуникацияның бар-жоғын, жергілікті ресурстардың сипатын, стандарттар мен техникалық нормативтер жүйесін беруі тиіс және объектіні пайдалануға беру кезінде қайшылықтарды болдырмайтын объектінің толық құрамын, аумақты инженерлік дайындау, өндіріс технологиясы мен жабдық, инженерлік қамтамасыз ету, пайдаланылатын материалдар мен конструкциялар, объектіні жарақтандыру жөніндегі талаптарды көрсетуі тиіс.

Конкурстық құжаттаманың

электрондық нысанына

2-қосымша

Сатып алынатын тауарлардың (жұмыстардың, көрсетілетін қызметтердің)

техникалық ерекшелігі (әрбір лотқа жеке беріледі)

Электрондық конкурстың № _______________________________

Электрондық конкурстың атауы ____________________________

Лоттың № ______________________________________________

Лоттың атауы ___________________________________________

Осы техникалық ерекшелікте мемлекеттік сатып алуды ұйымдастырушы қажетті ерекшеліктерді, жоспарларды, сызбаларды, эскиздерді қоса алғанда, сатып алынатын тауарлардың (жұмыстардың, көрсетілетін қызметтердің) толық сипатын және талап етілетін техникалық және сапалық сипаттамасын беруі тиіс және берілетін тауарлар (орындалатын жұмыстар, көрсетілетін қызметтер) сәйкес болуы тиіс халықаралық немесе ішкі стандарттарды көрсетуі тиіс. Қажет болған кезде тиісті нормативтік-техникалық құжаттамаға сілтеме жасалуы тиіс.

Қажет болған кезде мемлекеттік сатып алуды ұйымдастырушы осы техникалық ерекшелікте:|

1) тауарлар мен көрсетілетін қызметтер үшін: тауарларды/қызметтерді беру кезінде тапсырыс берушіге қажет ілеспе қызметтерді (монтаждау, оңдау, оқыту, тауарларды тексеру әрі сынау және т.б.) және олар қай жерде жүргізілуі тиіс, тауардың шыққан жылын, кепілдік мерзімін көрсетеді;

2) жұмыстар үшін: сатып алуды ұйымдастырушы құрылыс алаңының, географиялық, инженерлік-геологиялық және басқа да ерекше табиғи жағдайлардың қысқа сипатын, инфрақұрылым мен коммуникацияның бар-жоғын, жергілікті ресурстардың сипатын, стандарттар мен техникалық нормативтер жүйесін беруі тиіс және объектіні пайдалануға беру кезінде қайшылықтарды болдырмайтын объектінің толық құрамын, аумақты инженерлік дайындау, өндіріс технологиясы мен жабдық, инженерлік қамтамасыз ету, пайдаланылатын материалдар мен конструкциялар, объектіні жарақтандыру жөніндегі талаптарды көрсетуі тиіс.

Электрондық мемлекеттік сатып

алуды жүргізу қағидаларына

3-қосымша

Рұқсат беру туралы хаттама

(әрбір лотқа жеке қалыптастырылады)

Электрондық конкурстың нөмірі ___________________________

Электрондық конкурстың атауы ___________________________

Лоттың нөмірі __________________________________________

Лоттың атауы __________________________________________

Конкурстық комиссияның құрамы:

Электрондық конкурсқа қатысуға берілген өтінімдер туралы ақпарат:

Электрондық конкурсқа қатысуға өтінімге ұсынылып отырған тауарлардың, жұмыстардың, қызметтердің техникалық ерекшелікке сәйкестігі туралы сарапшылар қорытындысы (егер тартылған жағдайда):

Конкурстық комиссия мүшелерінің дауыс беру нәтижелері:

Кері қайтарылған электрондық конкурсқа қатысуға өтінімдер:

¹ үш мәтіндік мәннен құралған анықтамалық: {біліктілік талаптарына сәйкес келмеу, конкурстық құжаттама талаптарына сәйкес келмеу, Заңның 6-бабының талаптарын бұзу}

Біліктілік талаптарына және конкурстық құжаттама талаптарына сәйкес келетін электрондық конкурсқа қатысуға арналған өтінімдер:

Заңның 17-бабы 4-тармағында көзделген өлшемдердің салыстырмалы мәнінің осы электрондық конкурсқа қатысуға берілген электрондық конкурсқа қатысуға арналған барлық өтінімдерге қолдану нәтижелері туралы ақпарат.

Конкурстық комиссия электрондық конкурсқа қатысуға өтінімдерді қарау нәтижелері бойынша ШЕШТІ:

Электрондық конкурсқа қатысуға жіберілген әлеуетті өнім берушілердің конкурстық баға ұсыныстарын берудің соңғы күні мен уақыты: ______________. Бір ғана өнім беруші жіберілген жағдайда ол конкурстық баға ұсыныстарын бермейді.

ҚР Үкіметінің 2012.15.11. № 1450 Қаулысымен (бұр.ред.қара); 2012.19.12. № 1618 Қаулысымен (бұр.ред.қара) 3-қосымша өзгертілді

Аукциондық құжаттаманың

электрондық нысанына

3-қосымша

Аукционға қатысу туралы келісім

Осымен осы аукционға әлеуетті өнім беруші ретінде қатысуға ниет білдіреді және конкурстық құжаттамада көзделген талаптар мен шарттарға сәйкес (тауарды (ларды) жеткізуді, жұмыстарды орындауды, қызметтер көрсетуді) жүзеге асыруға келісім білдіреміз.

Осымен Заңның 6-бабында көзделген шектеулердің бұзылуы болмағанын растаймыз.

Осымен, сондай-ақ Қазақстан Республикасының заңдарында белгіленген тәртіппен Заңның 37-бабының 9-тармағында көзделген (тауарды (ларды), жұмыстарды, қызметтерді) мемлекеттік сатып алу туралы шартты бұзуға әлеуетті өнім берушінің келісімін білдіреміз.

Аукциондық құжаттамамен танысқанымызды және мемлекеттік сатып алуды ұйымдастырушыға және аукциондық комиссияға өзінің құқығы, біліктілігі, сапалық және өзге де сипаттамалары туралы (жеткізілетін тауарды (ларды), орындалатын жұмыстарды, көрсетілетін қызметтерді) дұрыс емес мәліметтер бергені үшін жауапкершілігі, олардың авторлық және сабақтас құқықтарды сақтауы, сондай-ақ Қазақстан Республикасының қолданыстағы заңнамасында көзделген өзге де шектеулерді сақтауы туралы хабардар етілгенімізді растаймыз.

Аукционға қатысуға өтінімде және оған қоса берілетін құжаттарды мұндай дұрыс емес мәліметтер бергеніміз үшін жауапкершілікті өзімізге толық аламыз.

Аукционның жеңімпазы болып анықталған жағдайда веб-порталда аукцион қорытындыларының хаттамасы жарияланған күнінен бастап бес жұмыс күні ішінде аукционға қатысуға өз өтінімімізге қоса берілген біліктілік талаптарына сәйкестікті растайтын құжаттардың түпнұсқасын немесе нотариалды куәландырылған көшірмелерін беруге міндеттенеміз.

Аукционға қатысуға арналған біздің аукциондық өтініміміз аукциондық құжаттамада талап етілетін мерзім ішінде қолданылатын болады.

Біздің аукционға қатысуға өтінім жеңді деп танылған жағдайда, біз мемлекеттік сатып алу туралы шарттың атқарылуын қамтамасыз етуді шарттың жалпы сомасының үш процентін құрайтын сомада енгіземіз (егер де аукциондық құжаттамада шарттың атқарылуын қамтамасыз етуді енгізу көзделген болса көрсетіледі).

Біздің конкурстық өтініміміз жеңді деп танылған жағдайда біз мемлекеттік сатып алу туралы шарттың орындалуын қамтамасыз етуді авансқа тең мөлшерде енгіземіз (егер шарттың орындалуын қамтамасыз етуді енгізу конкурстық құжаттамада мемлекеттік сатып алу туралы шарттың жалпы сомасының кемінде үш пайызына тең болуы тиіс авансқа тең мөлшерде көзделген болса, көрсетіледі).

Мемлекеттік сатып алу туралы шартты жасасу сәтіне дейін аукционға қатысуға берген біздің өтініміміз оны жеңді деп тану туралы хабарламамен бірге тапсырыс беруші мен біздің арамыздағы міндетті түрдегі шарт рөлін орындайтын болады.

ҚР Үкіметінің 2012.15.11. № 1450 Қаулысымен (бұр.ред.қара); 2012.19.12. № 1618 Қаулысымен (бұр.ред.қара) 3-қосымша өзгертілді  

Конкурстық құжаттаманың

электрондық нысанына

3-қосымша

Электрондық конкурсқа қатысу туралы

 келісім

Осымен электрондық конкурс тәсілімен электрондық мемлекеттік сатып алуға әлеуетті өнім беруші ретінде қатысуға ниет білдіреміз және конкурстық құжаттамада көзделген талаптар мен шарттарға сәйкес (тауарды (ларды) жеткізуді, жұмыстарды орындауды, қызметтер көрсетуді) жүзеге асыруға келісім білдіреміз.

Осымен Заңның 6-бабында көзделген шектеулердің бұзылуы болмағанын растаймыз.

Осымен, сондай-ақ Қазақстан Республикасының заңдарында белгіленген тәртіппен Заңның 37-бабының 9-тармағында көзделген (тауарды (ларды), жұмыстарды, қызметтерді) мемлекеттік сатып алу туралы шартты бұзуға әлеуетті өнім берушінің келісімін білдіреміз.

Конкурстық құжаттамамен танысқанымызды және мемлекеттік сатып алуды ұйымдастырушыға және конкурстық комиссияға өзінің құқығы, біліктілігі, сапалық және өзге де сипаттамалары туралы (жеткізілетін тауарды (ларды), орындалатын жұмыстарды, көрсетілетін қызметтерді) дұрыс емес мәліметтер бергені үшін жауапкершілігі, олардың авторлық және сабақтас құқықтарды сақтауы, сондай-ақ Қазақстан Республикасының қолданыстағы заңнамасында көзделген өзге де шектеулерді сақтауы туралы хабардар етілгенімізді растаймыз.

Электрондық конкурсқа қатысуға өтінімде және оған қоса берілетін құжаттарды мұндай дұрыс емес мәліметтер бергеніміз үшін жауапкершілікті өзімізге толық аламыз.

Электрондық конкурстың жеңімпазы болып анықталған жағдайда веб-порталда электрондық конкурс қорытындыларының хаттамасы жарияланған күннен бастап бес жұмыс күні ішінде электрондық конкурсқа қатысуға өз өтінімімізге қоса берілген біліктілік талаптарына сәйкестікті растайтын құжаттардың түпнұсқасын немесе нотариалды куәландырылған көшірмелерін беруге міндеттенеміз.

Электрондық конкурсқа қатысу біздің конкурстық өтініміміз конкурстық құжаттамада талап етілетін мерзім ішінде қолданылатын болады.

Біздің электрондық конкурсқа қатысуға өтінім жеңді деп танылған жағдайда, біз мемлекеттік сатып алу туралы шарттың атқарылуын қамтамасыз етуді шарттың жалпы сомасының үш процентін құрайтын сомада енгіземіз (егер де конкурстық құжаттамада шарттың атқарылуын қамтамасыз етуді енгізу көзделген болса көрсетіледі).

Біздің конкурстық өтініміміз жеңді деп танылған жағдайда біз мемлекеттік сатып алу туралы шарттың орындалуын қамтамасыз етуді авансқа тең мөлшерде енгіземіз (егер шарттың орындалуын қамтамасыз етуді енгізу аукциондық құжаттамада мемлекеттік сатып алу туралы шарттың жалпы сомасының кемінде үш пайызына тең болуы тиіс авансқа тең мөлшерде көзделген болса, көрсетіледі).

Мемлекеттік сатып алу туралы шартты жасасу сәтіне дейін электрондық конкурсқа қатысуға берген біздің өтініміміз оны жеңді деп тану туралы хабарламамен бірге тапсырыс беруші мен біздің арамыздағы міндетті түрдегі шарт рөлін орындайтын болады.

Электрондық мемлекеттік сатып

алуды жүргізу қағидаларына

4-қосымша

Қорытынды туралы хаттама

(әрбір лотқа жеке қалыптастырылады)

Электрондық конкурстың № ___________________________________

Электрондық конкурстың атауы ________________________________

Лоттың нөмірі _______________________________________________

Лоттың атауы _______________________________________________

Конкурстық комиссияның құрамы:

Сатып алынатын тауарлар (жұмыстар, көрсетілетін қызметтер):

Мынадай өтінімдер электрондық конкурсқа қатысуға жіберілді:

Конкурстық баға ұсыныстарын мынадай электрондық конкурсқа қатысушылар ұсынды:

Конкурстық баға ұсыныстары кері қайтарылды:

Электронды конкурсқа қатысушылардың шартты бағасының есебі:

теңге

Электронды конкурстың жеңімпазы: _________________________________________________________________________________

не: ____________________ мемлекеттік сатып алу бойынша электронды конкурс мынадай себептермен өтпей қалды деп танылсын 1:

Тапсырыс беруші «Мемлекеттік сатып алу туралы» Қазақстан Республикасы Заңының 37-бабының 1 және 3-тармақтарында көрсетілген __________________ мерзімде _______________________________-мен мемлекеттік сатып алу туралы шартты жасассын.

Ескертпе: * Мынадай мәндердің бірі: «берілген өтінімдердің болмауы», «екеуден кем өтінім беру», «конкурсқа қатысуға бір де бір әлеуетті өнім беруші жіберілмеген», «конкурсқа катысуға бір әлеуетті өнім беруші жіберілген», «конкурсқа қатысушының кейінге қалдырылмаған бір ғана конкурстық баға ұсынысы қалды».

ҚР Үкіметінің 2012.19.12. № 1618 Қаулысымен 4-қосымша өзгертілді (бұр.ред.қара)

Аукциондық құжаттаманың

электрондық нысанына

4-қосымша

Біліктілігі туралы мәліметтер

(әлеуетті өнім беруші жұмысты немесе қызметті сатып алу кезінде толтырады)

Аукциондық № _________________________________

Аукционнның атауы_____________________________

1. Әлеуетті өнім беруші туралы жалпы мәлімет:

Атауы _________________________________________

БСН/ЖСН _____________________________________

2. Әлеуетті өнім берушінің соңғы он жыл ішінде аукционда сатып алынатындарға ұқсас орындаған жұмыстарының (көрсетілген қызметтерінің) көлемі (бар болған жағдайда толтырылады).

3. Әлеуетті өнім беруші жұмыстарды орындау (қызметтерді көрсету) үшін қажет растайтын қағаз құжаттардың электрондық көшірмелерін қоса бере отырып, аукциондық құжаттамада көзделген жабдықтың (механизмдердің, машиналардың), не ұқсас (қосымша) жабдықтың (механизмдердің, машиналардың) болуы туралы мәліметтерді көрсетеді.

4. Қазақстан Республикасы азаматтарының еңбекақы төлеу қоры *

5. Қаржы ресурстарына қол жеткізу туралы мәліметтер:

(ақша қаражаты: өзіндік, кредиттік және т.б.) Төменде санамалау қажет.

_________________________________________________________________________________________________________________

_________________________________________________________________________________________________________________

 Біліктілігі туралы барлық мәліметтердің дұрыстығын растаймын

Есткертпе * толтырмауға болады.

Қолы _______________________

Күні ________________________

ҚР Үкіметінің 2012.19.12. № 1618 Қаулысымен 4-қосымша өзгертілді (бұр.ред.қара)

Конкурстық құжаттаманың

электрондық нысанына

4-қосымша

Біліктілігі туралы мәліметтер

(әлеуетті өнім беруші жұмысты немесе қызметті сатып алу кезінде толтырады)

Электрондық конкурстың № ___________________________________

Электрондық конкурстың атауы ________________________________

Лоттың №___________________________________________________

Лоттың атауы _______________________________________________

1. Әлеуетті өнім беруші туралы жалпы мәлімет:

Атауы ______________________________________________________

БСН/ЖСН ___________________________________________________

2. Әлеуетті өнім берушінің соңғы он жыл ішінде конкурста сатып алынатындарға ұқсас орындаған жұмыстарының (көрсетілген қызметтерінің) көлемі (бар болған жағдайда толтырылады).

3. Әлеуетті өнім беруші жұмыстарды орындау (қызметтерді көрсету) үшін қажет растайтын қағаз құжаттардың электрондық көшірмелерін қоса бере отырып, конкурстық құжаттамада көзделген жабдықтың (механизмдердің, машиналардың), не ұқсас (қосымша) жабдықтың (механизмдердің, машиналардың) болуы туралы мәліметтерді көрсетеді.

4. Қазақстан Республикасы азаматтарының еңбекақы төлеу қоры *

5. Қаржы ресурстарына қол жеткізу туралы мәліметтер:

(ақша қаражаты: өзіндік, кредиттік және т.б.) Төменде санамалау қажет.

_________________________________________________________________________________________________________________

_________________________________________________________________________________________________________________

 Біліктілігі туралы барлық мәліметтердің дұрыстығын растаймын

Есткертпе * толтырмауға болады.

Қолы ______________________

Күні _______________________

Электрондық мемлекеттік сатып

алуды жүргізу қағидаларына

5-қосымша

Бекітемін:

(тапсырыс берушінің толық атауы көрсетіледі)

(аукциондық құжаттаманы бекіткен адамның аты-жөні көрсетіледі)

(аукциондық құжаттама бекітілген шешімнің нөмірі мен күні көрсетіледі)

АУКЦИОНДЫҚ ҚҰЖАТТАМАНЫҢ

ЭЛЕКТРОНДЫҚ НЫСАНЫ

(сатып алу мәнінің түрі, электрондық аукцион атауы көрсетіледі)

Тапсырыс беруші (атауы, орналасқан жері, БСН, банк деректемелері көрсетіледі)

Тапсырыс берушінің өкілі (аты-жөні, ЖСН, лауазымы, телефоны, e-mail көрсетіледі)

Ұйымдастырушы (атауы, орналасқан жері, БСН, банк деректемелері көрсетіледі)

Ұйымдастырушының өкілі (атауы, орналасқан жері, ЖСН, банк деректемелері көрсетіледі)

Аукциондық комиссияның хатшысы (аты-жөні, лауазымы, телефоны, e-mail көрсетіледі)

Жалпы ережелер

1. Аукцион қоса беріліп отырған аукцион мәніне (лотына) сәйкес өнім берушіні (лерді) таңдау мақсатында жүргізіледі.

2. Осы аукциондық құжаттама (бұдан әрі - АҚ) мыналарды қамтиды:

1) осы АҚ 1-қосымшаға сәйкес аукцион мәні;

2) осы АҚ 2-қосымшаға сәйкес белгілінген тәртіппен бекітілген жобалау-сметалық құжаттаманы, техникалық ерекшеліктерді қоса алғанда, сатып алынатын тауарлардың, жұмыстардың, қызметтердің сипаттамасы және талап етілетін техникалық, сапалық және пайдалану сипаттамалары;

3) осы АҚ 3-қосымшаға сәйкес аукционға қатысу туралы келісім нысаны;

4) осы АҚ 4, 5-қосымшаларға сәйкес тауарларды жеткізу (жұмыстарды орындау, қызметтерді көрсету) үшін әлеуетті өнім берушінің біліктілігі туралы мәліметтер нысаны;

5) егер жұмыстарды орындау мерзімі жобаалды құжаттамасына сәйкес бір қаржы жылынан асқан жағдайда жұмыстарды орындаудың кезеңдері, түрлері мен көлемі туралы ақпарат қоса беріледі;

6) осы аукционға бөлінген сома __ теңгені құрайды.

3. Аукционға қатысуға ниет білдірген әлеуетті өнім беруші аукционға қатысуға өтініммен бірге төменде санамаланған нысандардың бірінде тауарларды, жұмыстарды, қызметтерді сатып алуға бөлінген соманың бір пайызы мөлшерінде аукционға қатысуға өтінімді қамтамасыз етуді енгізеді:

1) мынадай банк шотында орналастырылатын ақшаның кепілдік берілген ақшалай жарнасы (тапсырыс берушінің не ұйымдастырушының банк шотының толық деректемелері көрсетіледі);

2) Осы АҚ 6-қосымшаға сәйкес банк кепілдігі. Аукционға қатысуға өтінімді қамтамасыз етудің қолданылу мерзімі аукционға қатысуға өтінімнің өзінің қолданылу мерзімінен кем болмайды.

2. Ұйымдастырушының АҚ ережелерін әлеуетті өнім берушілер - веб-портал қатысушыларына түсіндіруі

4. Веб-портал қатысушысы болып табылатын әлеуетті өнім беруші веб-порталды пайдалана отырып, ұйымдастырушыға аукциондық құжаттаманың ережелерін түсіндіру туралы сұрау салуға, бірақ оны (сұрау салуларды қабылдаудың соңғы күні мен уақыты көрсетіледі) кешіктірмей жіберуге құқылы.

5. Ұйымдастырушы сұрау салуды алған күннен бастап, күнтізбелік бір күн ішінде аукциондық құжаттаманы алған веб-портал қатысушысы болып табылатын әлеуетті өнім берушілерді автоматты түрде хабардар ете отырып, аукциондық құжаттаманың ережелерін түсіндіру мәтінін веб-порталда жариялайды.

6. Ұйымдастырушы аукционға қатысуға өтінімдер табыс етудің соңғы күні аяқталғанға дейін (АҚ-ны өзгертудің соңғы мерзімі көрсетіледі) кешіктірмей өз бастамасы бойынша немесе тұлғалардың АҚ-ның ережелерін түсіндіру туралы сауалына жауап ретінде АҚ-ға өзгерістер және (немесе) толықтырулар енгізуге құқылы. АҚ-ға өзгерістер және (немесе) толықтырулар енгізу де АҚ-ны бекіту сияқты тәртіппен ресімделеді. Ұйымдастырушы аукциондық құжаттамаға өзгерістер және (немесе) толықтырулар енгізу туралы шешім қабылданған күннен бастап бір жұмыс күнінен кешіктірмей АҚ-ны алған веб-портал қатысушысы болып табылатын әлеуетті өнім берушілерді автоматты түрде хабардар ете отырып, енгізілген өзгерістерді және (немесе) толықтыруларды көрсете отырып, веб-порталда нақтыланған аукциондық құжаттаманы жариялайды.

Мұндай жағдайда аукционға қатысуға өтінімдер табыс етудің соңғы мерзімі кемінде жеті күнге ұзартылады.

3. Аукционға қатысуға өтінімді ресімдеуге қойылатын талаптар және әлеуетті өнім берушілердің аукционға қатысуға өтінімдерді беруі

Аукционға қатысуға өтінім

7. Аукционға қатысуға өтінім екі бөліктен тұрады және осы АҚ-да көзделген талаптар мен шарттарға сәйкес тауарды беруді жүзеге асыруға (жұмысты орындауға, қызметтер көрсетуге) аукционға қатысуға үміткер әлеуетті өнім берушінің келісім білдіру нысаны болып табылады.

8. Аукционға қатысуға ниет білдірген әлеуетті өнім берушінің ұйымдастырушыға беретін өтінімінің бірінші бөлігі мыналарды:

1) тауарды мемлекеттік сатып алу кезінде тауардың (тауар белгісіне, қызмет көрсету белгісіне, фирмалық атауларын, тауардың шыққан жерінің атауы мен өндірушінің атауын, сондай-ақ егер аукциондық құжаттамада сатып алынатын тауардың сұлбаларын, суреттерін, сызбаларын, фотосуреттерін және басқа да бейнелеулерін беру туралы талап көзделген болса, онда аукционда қатысуға өтінім мұндай ақпаратты қамтуы тиіс) техникалық, сапалық және пайдалану, тауарды жеткізу мерзімін және (немесе) оның көлемдерін, тауарға қызмет көрсетуге сапа кепілдіктерінің берілуін, тауарды пайдалануға шығатын шығыстарға сипаттамаларын сипаттай отырып, техникалық ерекшелікті;

2) аукционда қатысуға өтінімді қамтамасыз ету заңнамада белгіленген мөлшерде, мынадай:

- банктік кепілдік түрінде, бұл ретте оның түпнұсқасы ұйымдастырушыға аукционда қатысуға өтінімдерді табыс етудің соңғы мерзіміне дейін осы АҚ-ның 6-қосымшасына сәйкес ұсынады;

- ұйымдастырушының банктік шотында орналасқан кепілдік ақшалай жарнаны растайтын қағаз төлем құжатының электрондық көшірмесі түрінде;

3) ҚР Үкіметінің 2012.19.12. № 1618 Қаулысымен алып тасталды (бұр.ред.қара)

ҚР Үкіметінің 2012.19.12. № 1618 Қаулысымен 9-тармақ өзгертілді (бұр.ред.қара)

9. Аукционға қатысуға ниет білдірген әлеуетті өнім берушінің ұйымдастырушыға беретін өтінімінің екінші бөлігі мыналарды:

1) әлеуетті өнім беруші өзінің жалпы біліктілік талаптарына сәйкестігін растау ретінде ұсынатын құжаттардың электрондық цифрлық қолтаңбамен расталған мынадай қағаз құжаттардың электрондық көшірмелерін не электрондық құжаттарды:

құқықтық қабілеттілігін (заңды тұлғалар үшін), жеке тұлғалар үшін азаматтық қабілеттілігін (кәсіпкерлік субъектісі ретінде тіркелгені туралы құжат, жеке басының куәлігі) растайтын мынадай құжаттарды:

заңды тұлғалар үшін заңнамада белгіленген тәртіппен бекітілген жарғыны;

әлеуетті өнім берушінің сатып алынатын тауарларды өндіруге, қайта өңдеуге, беруге және өткізуге, жұмыстарды орындауға және қызметтерді көрсетуге құқығын растайтын лицензиялар және/немесе патенттер, куәліктер, сертификаттар, дипломдар, басқа да құжаттар;

заңды тұлғалар үшін аукцион жарияланған күннен кейін берілген, акция ұстаушылар тізілімінен құрылтайшы құжаттардың (егер жарғыда құрылтайшы немесе құрылтайшылар құрамы туралы мәліметтер қамтылмаған жағдайда) құрылтайшы немесе құрылтайшылар құрамы туралы мәліметтерді қамтитын үзінді;

төлем қабілетін растайтын құжаттарды:

осы АҚ-ның 7-қосымшасына сәйкес әлеуетті өнім берушіге қызмет көрсететін банктің немесе банк филиалының қолы мен мөрі бар әлеуетті берушінің Қазақстан Республикасы Ұлттық Банкі Басқармасының қаулысымен бекітілген Екінші деңгейдегі банктердегі, кредиттік серіктестіктердегі және ипотекалық компаниялардағы бухгалтерлік есеп шоттарының үлгі жоспарына сәйкес банктің немесе банк филиалының алдындағы міндеттемелерінің барлық түрлері бойынша анықтама берілген күннің алдындағы үш айдан астам созылған мерзімі өткен берешектің жоқтығы туралы анықтама (егер әлеуетті өнім беруші екінші деңгейдегі бірнеше банктің немесе филиалдарының, сондай-ақ шетелдік банктің клиенті болып табылса, осы анықтама осындай банктердің әрқайсысынан ұсынылады). Анықтама аукцион жарияланған күннен кейін берілген болуы тиіс;

аукциондық өтінімдерді ашу күнінің алдындағы бір айдың ішінде берілген бір теңгеден кем салық берешегінің және міндетті зейнетақы жарналары мен әлеуметтік аударымдар бойынша берешегінің болуы туралы, үш айдан астам уақыттағы салықтық берешегінің және міндетті зейнетақы жарналары бойынша берешегінің (Қазақстан Республикасының заңнамасына сәйкес төлеу мерзімі кейінге қалдырылған кездегі жағдайларды қоспағанда) жоқтығы немесе бар екендігі туралы тиісті салық органының белгіленген нысандағы анықтамасын;

Әлеуетті өнім беруші аукционға қатысуға өтініммен бірге жүргізілетін мемлекеттік сатып алу сомасының жүз пайызына тең мөлшерде Қазақстан Республикасының бір немесе бірнеше резидент банктердің банктік кепілдіктері түрінде шартты орындауды қамтамасыз ету беру арқылы төлем қабілеттілігі туралы жалпы біліктілік талабына сәйкестігін растайды. Мемлекеттік сатып алу туралы шартты орындауды қамтамасыз ету әлеуетті өнім берушілерге мемлекеттік сатып алу туралы шарт бойынша міндеттемелерді толық орындау үшін банктік кепілдік түрінде АҚ-да белгіленген мерзімге беріледі, оның түпнұсқасы электрондық конкурсқа қатысуға өтінімдерді ұсынудың соңғы мерзіміне дейін беріледі.

Әлеуетті өнім беруші қажет болған кезде өзінің, сондай-ақ тартылатын қосалқы мердігерлердің (бірлесіп орындаушылардың) жалпы біліктілік талаптарына сәйкестігін құжаттардың электрондық қағаз көшірмелерінің біреуін:

а) әлеуетті өнім берушіге (қосалқы мердігерге, бірлесіп орындаушыға) халықаралық рейтингтік ұйымның рейтингі берілгенін растайтын құжатты;

б) әлеуетті өнім берушінің (қосалқы мердігердің, бірлесіп орындаушының) биржаның ресми листингіне енгізілгені туралы қор не тауар биржасынан үзіндіні;

2) әлеуетті өнім берушінің және (немесе) оның қосалқы мердігерлерінің (бірлесіп орындаушыларының) арнайы біліктілік талаптарына сәйкестігін растайтын құжаттарды;

әлеуетті өнім берушінің және оның қосалқы мердігерлерінің (бірлесіп орындаушылардың) осы талаптарға сәйкестігін растайтын құжаттарды көрсете отырып, арнайы біліктілік және өзге де талаптардың толық тізбесін қамтитын осы АҚ-ның 4, 5-қосымшаларына сәйкес мемлекеттік сатып алу процесіне қатысу біліктілігі туралы мәліметтерді;

осы АҚ-ның 8-қосымшасына сәйкес аукционда сатып алудың мәні болып табылатын жұмыстарды орындау жөніндегі қосалқы мердігерлер (қызметтер көрсету кезінде бірлесіп орындаушылар) туралы мәліметтерді және әлеуетті өнім берушінің жұмыстар (құрылыстың құны), қызметтер көлемінің үштен екісінен астам жиынтығында қосалқы мердігерлерге (бірлесіп орындаушыларға) қосалқы мердігерлікке беруге тыйым салу шартын беру арқылы растайды.

Егер әлеуетті өнім беруші жұмыстардың не көрсетілетін қызметтердің қосалқы мердігерлерін (бірлесіп орындаушыларды) тартуды көздеген жағдайда әлеуетті өнім беруші ұйымдастырушыға тартылатын қосалқы мердігерлердің (бірлесіп орындаушылардың) жалпы және арнайы біліктілік талаптарына сәйкестігін растайтын қағаз құжаттардың электрондық көшірмелерін ұсынуы тиіс.

Аукциондық өтінімнің қолданылу мерзімі аукциондық өтінімдерді ашу күнінен бастап, кемінде күнтізбелік _____ күнді құрауы тиіс.

Аукционға қатысуға өтінімді ресімдеуге қойылатын талаптар

10. Аукционға қатысуға өтінімді әлеуетті өнім беруші ұйымдастырушыға электрондық құжат нысанында береді.

11. Аукционға қатысуға өтінімде қамтылатын қағаз құжаттардың электрондық көшірмелері дәл және анық болуы тиіс.

12. Әлеуетті өнім беруші дайындаған электрондық конкурсқа қатысуға өтінім, сондай-ақ аукционға қатысуға өтінімге қатысты бүкіл хат-хабарлар мен құжаттар осы АҚ жасалған тілде жасалады және беріледі. Әлеуетті өнім беруші беретін сүйемелдеуші құжаттама мен баспа әдебиеті, егер оларға тиісті бөлімдерінің дәл (нотариалдық расталған) аудармасы аукционға қатысуға өтінімнің тілінде қоса берілу шартымен басқа тілде жасалуы мүмкін және бұл жағдайда аукционға қатысуға өтінімді түсіндіру мақсатында мемлекеттік немесе орыс тілінде жасалған құжаттар басымдыққа ие болады.

Аукционға қатысуға өтінімді беру тәртібi

13. Аукционға қатысуға өтінімді әлеуетті өнім беруші веб-порталды пайдалана отырып, ұйымдастырушыға электрондық құжат нысанында береді.

14. Әлеуетті өнім берушілер берген аукционға қатысуға өтінімдер автоматты түрде веб-порталда электрондық өтінімдер журналында тіркеледі.

15. Аукционға қатысуға өтінім берген өнім берушіге тиісті хабарламаны веб-порталмен автоматты түрде жіберген сәтте аукционға қатысуға берілген өтінім қабылданған болып есептеледі.

16. Әлеуетті өнім берушінің аукционға қатысуға берген өтінімі мынадай:

1) егер әлеуетті өнім беруші бұрын осы аукционға қатысуға өтінім берген;

2) аукционға қатысуға берілген өтінім аукционға қатысуға берілетін өтінімдерді қабылдаудың соңғы мерзімі аяқталғаннан кейін түскен;

3) Заңның 6-бабының 1-тармағының 3), 3-1), 3-2) және 4) тармақшаларында көзделген жағдайларында веб-порталдан автоматты түрде кері қайтарылады.

Аукционға қатысуға өтінімдерді өзгерту және оларды кері қайтарып алу

17. Әлеуетті өнім беруші өзінің аукционға қатысуға өтінімін конкурстық өтінімдерді берудің соңғы мерзімі біткенге дейін өзі енгізген қамтамасыз етуді қайтарып алу құқығын жоғалтпастан, өзінің аукционға қатысуға өтінімін кез келген уақытта веб-порталды пайдалана отырып, өзгертуі немесе қайтарып алуы мүмкін.

18. Аукционға қатысуға өтінімдерді ұсынудың соңғы мерзімі өткеннен кейін аукционға қатысуға өтінімді қайтарып алу сияқты, оған өзгерістер мен (немесе) толықтырулар енгізуге жол берілмейді.

19. Ұйымдастырушы қажет болған кезде, КҚ-мен белгіленген аукционға қатысуға өтінімдердің қолданылу мерзімі аяқталғанға дейін күнтізбелік он күннен кешіктірмей әлеуетті өнім берушілерге олардың өтінімдерінің қолданылу мерзімін нақты уақыт кезеңіне ұзарту туралы сұрау салады. Әлеуетті өнім беруші аукционға қатысуға өтінімдердің қолданылу мерзімін ұзартудан аукционға қатысуға оның өтінімді қамтамасыз етуін қайтару құқығын жоғалтпай, аукционға қатысуға берген өзінің өтінімін кері қайтарып, бас тартуға құқылы.

20. Әлеуетті өнім беруші, оның аукционға қатысуымен

байланысты барлық шығыстарды көтереді. Тапсырыс беруші, ұйымдастырушы, конкурстық комиссия, сараптау комиссиясы (сарапшы) аукционның қорытындыларына қарамастан, осы шығыстарды өтеу жөніндегі міндеттемелерді көтермейді.

4. Аукционға қатысу өтінімдерінің бірінші бөлігін ашу және қарау, аукционға қатысуға рұқсат беру

21. Аукциондық құжаттамада мемлекеттік сатып алуды ұйымдастырушы көрсеткен аукционға қатысуға өтінімдерді табыс етудің соңғы мерзімінің күні мен уақыты келген кезде аукциондық комиссияның хатшысына мемлекеттік сатып алу веб-порталы аукционда қатысу өтінімдерінің бірінші бөлігін:

1) өтінімді қамтамасыз етуді;

2) ҚР Үкіметінің 2012.19.12. № 1618 Қаулысымен алып тасталды (бұр.ред.қара)

ҚР Үкіметінің 2012.19.12. № 1618 Қаулысымен 22-тармақ жаңа редакцияда (бұр.ред.қара)

22. Аукциондық комиссияның өтінімді қамтамасыз етудің аукциондық құжаттамаға сәйкестігі тұрғысынан қарауы және анықтауы.

ҚР Үкіметінің 2012.19.12. № 1618 Қаулысымен 23-тармақ жаңа редакцияда (бұр.ред.қара)

23. Аукциондық комиссия мынадай:

1) банктік кепілдік түрінде ұсынылған аукционға қатысуға өтінімді қамтамасыз етудің қолданылу мерзімі жеткіліксіз болған;

2) аукциондық комиссияға:

аукционға қатысуға өтінімді қамтамасыз етуді берген тұлғаны;

оған қатысу үшін банктік кепілдік түрінде ұсынылған өтінімді қамтамасыз ету енгізілетін тауарларды, жұмыстарды, қызметтерді аукцион тәсілімен мемлекеттік сатып алудың атауы;

банктік кепілдік түрінде ұсынылған аукционда қатысуға өтінімді қамтамасыз етудің қолданылу мерзімін және (немесе) сомасын, сондай-ақ оны беру шарттарын;

аукционға қатысуға өтінімді қамтамасыз ету берілген тұлғаны;

пайдасына аукционға қатысуға өтінімді қамтамасыз ету енгізілетін тұлғаны анықтауға мүмкіндік беретін мәліметтердің жоқтығынан көрінетін аукционға қатысуға өтінімді қамтамасыз ету тиісінше ресімделмеген;

3) аукциондық өтінімді қамтамасыз етуді аукционға бөлінген соманың бір пайызынан кем мөлшерде енгізген;

4) аукционға қатысу өтінімді қамтамасыз етуді аукциондық құжаттама мен осы Қағидалардың талаптарына сәйкес ұсынбаған жағдайда өтінімнің бірінші бөлігінде қамтылған өтінімді қамтамасыз етуді аукциондық құжаттама талаптарына сәйкес емес деп таниды.

ҚР Үкіметінің 2012.19.12. № 1618 Қаулысымен 24-тармақ жаңа редакцияда (бұр.ред.қара)

24. Аукциондық комиссия өтінімнің бірінші бөлігінде қамтылған өтінімді қамтамасыз етудің аукциондық құжаттамаға сәйкестігі туралы шешім қабылдау қорытындылары бойынша аукциондық комиссияның хатшысына құпиялылықты сақтай отырып, мемлекеттік сатып алу веб-порталы өтінімнің бірінші бөлігінде қамтылған тауарлардың техникалық ерекшеліктерін ашуға рұқсатты автоматты түрде береді.

25. Аукционға қатысуға өтінімдерді ашқан күннен бастап бір жұмыс күнінен кешіктірмей аукциондық комиссияның хатшысы оларды тартқан жағдайда сарапшыға (сараптау комиссиясына) осы Қағидалардың 126-тармағында көрсетілген әлеуетті өнім берушілер ұсынатын тауарлардың, жұмыстардың, көрсетілетін қызметтердің аукциондық құжаттама талаптарына сәйкестігін растайтын құжаттарды ұсынады.

26. Сарапшы не сараптау комиссиясы төраға белгілеген мерзімде, бірақ аукционға қатысу өтінімдерді қарау мерзімінен кешіктірмей:

1) өз құзыретінің шегінде әлеуетті өнім берушілер ұсынатын тауарлардың, жұмыстардың, қызметтердің аукциондық құжаттама талаптарына сәйкестігін растау үшін олар берген құжаттардың толықтығы мен дұрыс ресімделуі тұрғысынан қарайды және зерделейді;

2) әлеуетті өнім берушілер ұсынатын тауарлардың, жұмыстардың, қызметтердің аукциондық құжаттаманың ажырамас бөлігі болып табылатын техникалық ерекшелікке сәйкестігі немесе сәйкес келмеуі туралы сараптама қорытындысын ресімдейді және оған қол қояды;

3) тиісінше ресімделген сараптама қорытындысын аукциондық комиссия хатшысына береді.

27. Сарапшының (сараптау комиссиясының) қорытындысына сарапшы ерекше пікірін білдіретін жағдайларды қоспағанда, барлық сарапшылар қол қояды және әр бетіне бұрыштама соғады.

28. Сарапшының (сараптау комиссиясының) қорытындысын алғаннан кейін аукциондық комиссия хабарламаларды аукциондық комиссия төрағасына және мүшелеріне автоматты түрде тарата отырып, веб-порталда сарапшының (сараптау комиссиясының) қорытындысын жариялайды.

Аукциондық комиссия сарапшының (сараптау комиссиясының) қорытындысын ескере отырып, өтінімнің бірінші бөлігінде қамтылған тауарлардың техникалық ерекшеліктерін қарастырады.

29. Аукциондық комиссия аукционға қатысу өтінімдерінің бірінші бөлігін, егер онда ұсынылған өтінімдердің бірінші бөлігінің мәнін қозғамайтын грамматикалық немесе арифметикалық қателер бар болса да, оны аукциондық құжаттаманың талаптарына сай келеді деп қарайды.

30. Аукциондық комиссия мынадай:

1) аукциондық өтінімді қамтамасыз етуді аукционға бөлінген соманың бір пайызынан кем мөлшерде енгізген;

2) аукционға қатысуға өтінімді қамтамасыз етудің қолданылу мерзімі жеткіліксіз болған;

3) аукциондық комиссияға:

аукционға қатысуға өтінімді берген тұлғаны;

оған қатысу үшін аукционға қатысуға өтінімді қамтамасыз ету енгізілетін аукционның атауы;

аукционға қатысу өтінімді қамтамасыз етудің қолданылу мерзімін және (немесе) сомасын, сондай-ақ оны беру шартын;

аукционға қатысуға өтінімді қамтамасыз ету берілген тұлғаны;

пайдасына аукционға қатысуға өтінімді қамтамасыз ету енгізілетін тұлғаны анықтауға мүмкіндік бермейтін мәліметтердің жоқтығынан көрінетін аукционға қатысуға өтінімді қамтамасыз ету тиісінше ресімделмеген;

4) егер аукцион мәні тауар болып табылатын болса, техникалық ерекшеліктердің ұсынылмауы;

5) әлеуетті өнім берушінің неғұрлым үздік техникалық сапалық және пайдалану сипаттамалары бар техникалық ерекшелікті беру, сондай-ақ неғұрлым үздік технологиялық шешімдер және (немесе) егер аукцион мәні тауар болып табылатын болса жұмыстардың үздік материалдардан орындалуы жағдайларын қоспағанда, аукциондық құжаттаманың техникалық ерекшелігінде белгіленген талаптарға сәйкес келмейтін техникалық ерекшелікті беруі жағдайларында өтінімнің бірінші бөлігін аукциондық құжаттама талаптарына сәйкес деп таниды.

ҚР Үкіметінің 2012.19.12. № 1618 Қаулысымен 31-тармақ өзгертілді (бұр.ред.қара)

31. Аукциондық комиссия аукционға қатысу өтінімдерінің бірінші бөлігін қарайды және мемлекеттік сатып алу кезінде аукционға қатысуға өтінімдер ашылған күннен бастап күнтізбелік жеті күннен кешіктірмей әлеуетті өнім берушілердің аукционға қатысуына рұқсат беру (аукцион қатысушылары деп таниды) туралы шешімді қабылдайды.

Егер аукцион мәні жұмыс, қызмет болып табылатын болса, онда аукциондық комиссия аукционға қатысу өтінімнің бірінші бөлігін қарайды және аукционға қатысуға өтінімдер ашылған күннен бастап күнтізбелік үш күннен кешіктірмей әлеуетті өнім берушілердің аукционға қатысуына рұқсат беру (аукцион қатысушылары деп таниды) туралы шешімді қабылдайды.

32. Аукционға қатысуға рұқсат беру туралы хаттамаға веб-порталда аукциондық комиссияның барлық мүшелері қол қояды және хатшы оны веб-порталда автоматты түрде тіркелген барлық әлеуетті өнім берушілерді электрондық почтамен автоматты түрде хабардар ете отырып, осы Қағидаларға 6-қосымшаға сәйкес нысан бойынша веб-порталда рұқсат беру туралы шешім қабылданған күні жариялайды.

Аукционға қатысуға рұқсат беру туралы хаттамаға олар болған кезде аукциондық комиссия мүшесінің ерекше пікірі, сарапшының (сараптау комиссиясы мүшесінің) ерекше пікірі қоса беріледі.

33. Аукционға қатысуға бір өтінім ұсынылған жағдайда осы Қағидаларға сәйкес, аукционға қатысуға өтінімнің екі бөлігі де ашылады және қаралады.

5. Аукционды өткізу

34. Аукционға қатысуға рұқсат берілген әлеуетті өнім берушілер (электрондық конкурсқа қатысушылар) аукциондық баға ұсыныстарын (АБҰ) веб-порталды пайдалана отырып, береді.

35. Отандық әлеуетті өнім берушілердің АБҰ теңгемен берілуге тиіс.

36. Ұлттық валютада берілмеген АБҰ-н Қазақстан Республикасының валютасына - аукциондық сауда-саттық өткізілген күнге Қазақстан Республикасы Ұлттық Банкі белгілеген ресми бағам бойынша теңгеге веб-портал автоматты түрде қайта есептейді.

37. Аукцион мемлекеттік сатып алу веб-порталында, аукцион тәсілімен мемлекеттік сатып алудың жүзеге асырылатыны туралы хабарламада көрсетілген күні және мерзімде өткізіледі.

38. Аукцион басталатын уақыт жұмыс уақытында белгіленеді және Астана уақыты бойынша сағат 18-00-ден кеш болуы мүмкін емес.

39. Аукцион өткізілетін аукционның мәні болып табылатын тауарды, жұмысты, қызметті сатып алу үшін бөлінген сомадан бастап баға туралы ағымдағы ұсынысты аукцион адымына төмендету жолымен жүргізіледі.

Аукцион адымы өткізілетін аукционның мәні болып табылатын тауарды, жұмысты, қызметті сатып алу үшін бөлінген соманың жарты (0,5) пайызынан бес пайызына дейінгіні құрайды.

40. Аукционды өткізу кезінде аукционға қатысушылар баға туралы ағымдағы ең төменгі ұсынысты аукцион адымы шегіндегі шамаға төмендетуді көздейтін АБҰ береді.

41. Аукционды өткізу кезінде аукционның кез келген қатысушысы, қажет болған кезде, ағымдағы ең төмен ұсыныс болмауы шартымен, аукцион адымына қарамастан, өткізілетін аукционның мәні болып табылатын тауарды, жұмысты, қызметті сатып алу үшін бөлінген сомадан төмендетілген, АБҰ туралы ұсыныс береді.

42. Егер мұндай АБҰ-ны аукционның осы қатысушысы берген болса, аукцион қатысушысы өткізілетін аукционның мәні болып табылатын тауардың, жұмыстың, қызметтің бағасы туралы ағымдағы ең төмен ұсыныстан төмен болатын АБҰ беруге құқығы жоқ.

43. Аукционға қатысушылардың АБҰ-ны қабылдау уақыты аукционды өткізу басталғаннан бастап отыз минутты, сондай-ақ өткізілетін аукционның мәні болып табылатын тауардың, жұмыстың, қызметтің бағасы туралы соңғы ұсыныс келіп түскеннен кейінгі он минутты құрайды. Егер көрсетілген уақыт ішінде өткізілетін аукционның мәні болып табылатын тауардың, жұмыстың, қызметтің неғұрлым төмен бағасы туралы бір де бір ұсыныс келіп түспесе, аукцион аяқталады.

44. Егер өткізілетін аукционның мәні болып табылатын тауардың, жұмыстың, қызметтің аукционның басқа бір қатысушысы ұсынған бағасына тең бағасы ұсынылса, аукционның мәні болып табылатын тауардың, жұмыстың, қызметтің бағасы туралы басқа ұсыныстарға қарағанда бұрынырақ келіп түскен ұсыныс үздік болып танылады.

45. Автоматты сауданы аукционның екі және одан да көп қатысушысы пайдаланған жағдайда кезекті ең төмен баға ұсынысын беруден алдыңғы міндетті уақыт аралығы 1 минутты құрайды.

46. Егер аукционды өткізу басталғаннан кейінгі отыз минут ішінде аукционға қатысушылардың бір де біреуі АБҰ бермеген болса, осы АҚ-ның 4-тармағына сәйкес, аукцион өтпеді деп танылады.

47. Аукционды өткізудің нәтижелері туралы хаттама аукционды өткізу аяқталған күні Қағидаларға 7-қосымшаға сәйкес нысанда автоматты түрде қалыптастырылады және мемлекеттік сатып алу веб-порталында орналастырылады.

6. Аукциондық комиссияның аукционға қатысуға арналған өтінімдердің екінші бөлігін олардың біліктілік талаптарына сәйкестігі тұрғысынан қарауы және аукцион жеңімпазын анықтауы

48. Аукциондық комиссияға аукционға қатысушылар деп танылған әлеуетті өнім берушілердің аукционға қатысуға өтінімдерінің екінші бөлігін қарауға рұқсатты, Қағидалардың 114-тармағында көзделген жағдайды қоспағанда, мемлекеттік сатып алу веб-порталы аукцион аяқталған және аукцион қорытындылары туралы хаттама орналастырылған күні автоматты түрде береді.

49. Аукциондық комиссия аукционға қатысуға өтінімдердің екінші бөлігін күнтізбелік жеті күннен кешіктірілмейтін мерзімде қарайды және аукционға қатысушылар деп танылған әлеуетті өнім берушілердің аукциондық құжаттамада белгіленген біліктілік талаптарына сәйкестігі немесе сәйкес еместігі туралы шешім қабылдайды.

50. Аукциондық комиссия:

1) әлеуетті өнім берушілердің аукционға қатысуға өтінімдерінің екінші бөлігін құрайтын құжаттардың толықтығы мен дұрыс ресімделуі тұрғысынан қарайды;

2) құжаттардың толық тізбесін бермеген және (немесе) тиісінше ресімделмеген құжаттарды берген әлеуетті өнім берушілерді анықтайды;

3) аукционға қатысуға өтінім берген әлеуетті өнім берушілерден аукционға қатысу өтінімдерді қарастыруды, бағалауды және салыстыруды жеңілдету үшін олардың өтінімдеріне байланысты материалдар мен түсіндірулерді жазбаша нысанда сұратады;

4) аукционға қатысуға өтінімдерде қамтылған мәліметтерді нақтылау мақсатында тиісті мемлекеттік органдардан, жеке және заңды тұлғалардан қажетті ақпаратты жазбаша нысанда немесе электрондық құжат нысанында сұратып алады.

Аукциондық комиссияның сұрауларына және аукционға қатысуға өтінімді конкурстық құжаттаманың талаптарына сәйкес келтіруге байланысты өзге де іс-әрекеттеріне жол берілмейді. Аукционға қатысуға өтінімді жетіспейтін құжаттармен толықтыруға, аукционға қатысу өтінімде берілген құжаттарды ауыстыруға, ресімделген құжаттарды тиісінше түзету жолымен сәйкес келтіруге бағытталған аукциондық комиссияның іс-әрекеттері аукционға қатысуға өтінімді аукциондық құжаттаманың талаптарына сәйкес келтіру деп түсіндіріледі;

5) аукционға қатысуға өтінімдердің екінші бөлігін қарау нәтижелері бойынша аукциондық комиссия аукционға қатысушылар деп танылған және аукциондық құжаттамада баға туралы ең төмен ұсыныс бойынша белгіленген біліктілік талаптарына сәйкес келетін әлеуетті өнім берушілер қатарынан аукцион жеңімпазын айқындайды және аукционға қатысушылар деп танылған және аукциондық құжаттамада белгіленген біліктілік талаптары болған кезде, оларға сәйкес келетін әлеуетті өнім берушілер қатарынан мемлекеттік сатып алу туралы шарт жасасуға үміткерлерді айқындайды не Заңның 35-8-бабының 6-тармағында көзделген жағдайда аукционды өтпеді деп таниды.

Әлеуетті өнім берушілердің жалпы біліктілік талаптарына олардың банкроттық рәсіміне қатысы болмауы бөлігінде сәйкес келуін нақтылау мақсатында аукциондық комиссия банкроттық рәсімдерінің жүргізілуін бақылауды жүзеге асыратын уәкілетті органның интернет-ресурсында орналастырылған ақпаратты қарастырады.

ҚР Үкіметінің 2012.19.12. № 1618 Қаулысымен 51-тармақ өзгертілді (бұр.ред.қара)

51. Заңды тұлға болып табылатын аукционға қатысушы:

1) мынадай:

мемлекеттік және (немесе) орыс тіл(дер)іне аудармасымен заңнамада белгіленген тәртіппен бекітілген жарғының не сауда-саттық тіркелімінен жария етілген үзінді көшірменің электрондық көшірмесін бермеу;

лицензиялардың не электрондық құжаттың қағаз көшірмесі түріндегі лицензияның және (немесе) патенттердің, куәліктердің, сертификаттардың, дипломдардың, әлеуетті өнім берушінің сатып алынатын тауарларды, жұмыстарды, қызметтерді өндіруге, қайта өңдеуге, жеткізуге және өткізуге арналған құқығын растайтын басқа да құжаттардың электрондық көшірмелерін бермеу;

құрылтайшы немесе құрылтайшылардың құрамы туралы мәліметтерді қамтитын құрылтай құжаттарынан үзіндінің электрондық көшірмесін (егер жарғы құрылтайшылар немесе құрылтайшылардың құрамы туралы мәліметтерді қамтымаған жағдайда) не аукцион хабары күніне дейінгі бір айдан кешіктірілмей берілген акцияларды ұстаушылардың тізілімінен көшірме бермеу;

аукцион жарияланған күннен кейін берілген аукциондық құжаттаманың электрондық нысанының 7-қосымшасына сәйкес Қазақстан Республикасы Ұлттық Банкі Басқармасының қаулысымен бекітілген Екінші деңгейдегі банктер мен ипотекалық компанияларда бухгалтерлік есепке алу шоттарының үлгілік жоспарына сәйкес банк пен банк филиалының алдында анықтама беру күнінің алдында үш айдан астамға созылатын әлеуетті өнім беруші міндеттемелерінің барлық түрлері бойынша мерзімі өткен берешегінің жоқтығы туралы әлеуетті өнім берушіге қызмет көрсетілетін банктің немесе банк филиалының қол қойылған және мөр басылған анықтамасының электрондық көшірмесін бермеу (егер әлеуетті өнім беруші екінші деңгейдегі бірнеше банктің немесе филиалдардың, сондай-ақ шетелдік банктің клиенті болып табылса, осындай банктердің әрқайсысынан осындай анықтамаларды бермеу);

банктің немесе банк филиалының қол қойылған және мөр басылған анықтамасында осындай анықтаманы беру күнінің алдындағы үш айдан астамға созылатын әлеуетті өнім берушінің міндеттемелерінің барлық түрлері бойынша мерзімі өткен берешегінің болуы;

аукцион жарияланған күннен кейін берілген тиісті салық органының үш айдан астам салық берешегінің және міндетті зейнетақы жарналары мен әлеуметтік аударымдар бойынша берешегінің жоқ екендігі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) не бір теңгеден кем салық берешегінің және міндетті зейнетақы жарналары бойынша берешегінің болуы туралы белгіленген нысандағы анықтамасының электрондық көшірмесін бермеу;

тиісті салық органының анықтамасында үш айдан астам бір теңге және одан көп мөлшерде салық берешегі және міндетті зейнетақы жарналары мен әлеуметтік аударымдар бойынша берешегі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) мәліметтердің болуы;

әлеуетті өнім берушінің АҚ-да көрсетілген біліктілік талаптарына сәйкес келмеуі;

аукционда сатып алу мәні болып табылатын жұмыстарды, сондай-ақ аукциондық құжаттаманың электрондық нысанының 8-қосымшасына сәйкес әлеуетті өнім беруші қосалқы мердігерлерге (бірлесіп орындаушыларға) беретін жұмыстар мен қызметтердің түрлерін орындау жөніндегі қосалқы мердігерлер (қызметтер көрсету кезіндегі бірлесіп орындаушылар) туралы мәліметтерді бермеу (әлеуетті өнім беруші қосалқы мердігерлерді (бірлесіп орындаушыларды) тартқан жағдайда);

қосалқы мердігерлер туралы мәліметтерді берген жағдайда әлеуетті өнім берушінің қосалқы мердігерлерге (бірлесіп орындаушыларға) жұмыстар көлемінің (құрылыс құнының) үштен екіден астам жиынтығын қосалқы мердігерлікке (бірлесіп орындауға) беруі;

біліктілік талаптары бойынша жалған ақпарат беру фактісі айқындалған;

2) Заңның 6-бабының талаптарын бұзған жағдайларда өтінімнің екінші бөлігін қарау кезінде кері қайтарылады.

ҚР Үкіметінің 2012.19.12. № 1618 Қаулысымен 52-тармақ өзгертілді (бұр.ред.қара)

52. Жеке тұлға болып табылатын, кәсіпкерлік қызметті жүзеге асыратын әлеуетті өнім беруші, мынадай:

1) ол және (немесе) оның қосалқы мердігері немесе бірлесіп орындаушысы мынадай:

лицензиялардың не электрондық құжаттың қағаз көшірмесі түріндегі лицензияның және (немесе) патенттердің, куәліктердің, сертификаттардың, дипломдардың, әлеуетті өнім берушінің сатып алынатын тауарларды, жұмыстарды, қызметтерді өндіруге, қайта өңдеуге, жеткізуге және өткізуге арналған құқығын растайтын басқа да құжаттардың электрондық көшірмелерін бермеу;

аукцион жарияланған күннен кейін берілген аукциондық құжаттаманың электрондық нысанының 7-қосымшасына сәйкес Қазақстан Республикасы Ұлттық Банкі Басқармасының қаулысымен бекітілген Екінші деңгейдегі банктер мен ипотекалық компанияларда бухгалтерлік есепке алу шоттарының үлгілік жоспарына сәйкес банк пен банк филиалының алдында анықтама беру күнінің алдында үш айдан астамға созылатын әлеуетті өнім беруші міндеттемелерінің барлық түрлері бойынша мерзімі өткен берешегінің жоқтығы туралы әлеуетті өнім берушіге қызмет көрсетілетін банктің немесе банк филиалының қол қойылған және мөр басылған анықтамасының электрондық көшірмесін бермеу (егер әлеуетті өнім беруші екінші деңгейдегі бірнеше банктің немесе филиалдардың, сондай-ақ шетелдік банктің клиенті болып табылса, осындай банктердің әрқайсысынан осындай анықтамаларды бермеу);

банктің немесе банк филиалының қол қойылған және мөр басылған анықтамасында осындай анықтаманы беру күнінің алдындағы үш айдан астам созылатын әлеуетті өнім берушінің міндеттемелерінің барлық түрлері бойынша мерзімі өткен берешегінің болуы;

аукцион жарияланған күннен кейін берілген тиісті салық органының үш айдан астам салық берешегінің және міндетті зейнетақы жарналары мен әлеуметтік аударымдар бойынша берешегінің жоқ екендігі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) не бір теңгеден кем салық берешегінің және міндетті зейнетақы жарналары бойынша берешегінің болуы туралы белгіленген нысандағы анықтамасының электрондық көшірмесін бермеу;

тиісті салық органының анықтамасында үш айдан астам бір теңге және одан көп мөлшерде салық берешегі және міндетті зейнетақы жарналары мен әлеуметтік аударымдар бойынша берешегі туралы (төлеу мерзімі Қазақстан Республикасының заңнамасына сәйкес ұзартылған жағдайларды қоспағанда) мәліметтердің болуы;

аукциондық құжаттаманың электрондық нысанының 4 және 5-қосымшаларына сәйкес біліктілігі туралы мәліметтерді бермеу;

әлеуетті өнім берушінің аукциондық құжаттамада көрсетілген біліктілік талаптарына сәйкес келмеуі;

біліктілік талаптары бойынша дұрыс ақпараттың берілмеу фактісінің анықталуы негіздемелері бойынша біліктілік талаптарына сәйкес келмейді деп анықталса;

2) Заңның 6-бабының талаптарын бұзған жағдайларда өтінімнің екінші бөлігін қарау кезінде кері қайтарылады.

53. Аукциондық комиссияның аукционға қатысу өтінімінің екінші бөлігін аукциондық құжаттама талаптарына сәйкес келтіруге байланысты сұрау салу жіберуіне және өзге де іс-қимылдарына жол берілмейді.

54. Аукциондық комиссия аукционға қатысуға өтінімдердің екінші бөлігін, егер онда ұсынылған өтінімдердің екінші бөлігінің мәнін қозғамайтын грамматикалық немесе арифметикалық қателер бар болса, аукциондық құжаттаманың талаптарына сай келеді деп қарайды.

55. Аукционға қатысуға өтінімдердің екінші бөлігін қарау нәтижелері бойынша аукциондық комиссия аукционға қатысушылар деп танылған және аукциондық құжаттамада баға туралы ең төмен ұсыныс бойынша белгіленген біліктілік талаптарына сәйкес келетін әлеуетті өнім берушілер қатарынан аукцион жеңімпазын айқындайды және аукционға қатысушылар деп танылған және аукциондық құжаттамада белгіленген біліктілік талаптары болған кезде, оларға сәйкес келетін әлеуетті өнім берушілер қатарынан мемлекеттік сатып алу туралы шарт жасасуға үміткерлерді айқындайды не Заңның 35-8-бабының 6-тармағында көзделген жағдайда аукционды өтпеді деп таниды.

56. Аукционның қорытындылары туралы хаттамаға аукциондық комиссияның төрағасы және барлық мүшелері қол қояды және хатшы аукционның қорытындылары туралы хаттамаға қол қойылған күні аукционның барлық қатысушыларын электрондық почта арқылы автоматты түрде хабардар ете отырып, веб-порталда жариялайды.

8. Аукционға қатысуға өтінімдерді қамтамасыз етуді қайтару

57. Ұйымдастырушы әлеуетті өнім берушіге енгізілген аукционға қатысуға өтінімді қамтамасыз етуді мынадай:

1) осы әлеуетті өнім беруші өзінің аукционға қатысуға өтінімін аукционға қатысуға өтінімдерді ұсынудың түпкілікті мерзімі өткенге дейін кері қайтарып алған;

2) аукционға қатысуға рұқсат беру туралы хаттамаға қол қойылған. Көрсетілген жағдай аукционға қатысушылар деп танылған әлеуетті өнім берушілерге қолданылмайды;

3) аукцион тәсілімен мемлекеттік сатып алудың қорытындылары туралы хаттамаға қол қойылған. Көрсетілген жағдай аукцион жеңімпазы деп айқындалған аукцион қатысушысына қолданылмайды;

4) мемлекеттік сатып алу туралы шарт күшіне енген және аукцион жеңімпазы АҚ-да көзделген мемлекеттік сатып алу туралы шарттың орындалуын қамтамасыз етуді енгізген;

5) әлеуетті өнім берушінің электрондық конкурсқа қатысуға өтінімінің қолданылу мерзімі өткен жағдайлардың бірі басталған күннен бастап үш жұмыс күні ішінде қайтарады.

58. Ұйымдастырушы аукционға қатысуға өтінімді қамтамасыз етуді мынадай:

1) аукционның жеңімпазы деп айқындалған әлеуетті өнім беруші мемлекеттік сатып алу туралы шарт жасасудан жалтарған;

2) аукционның жеңімпазы мемлекеттік сатып алу туралы шарт жасасып, аукциондық құжаттамада белгіленген, мемлекеттік сатып алу туралы шарттың орындалуын қамтамасыз етуді енгізу және (немесе) енгізу мерзімдері туралы талаптарды орындамаған не уақтылы орындамаған;

3) егер аукционды өткізу басталғаннан кейінгі отыз минут ішінде аукционға қатысушылардың бір де біреуі өткізілетін аукционның мәні болып табылатын тауардың, жұмыстың, қызметтің бағасы туралы ұсыныс бермеген жағдайларда қайтармайды. Бұл жағдайда аукционға қатысуға өтінімді қамтамасыз етуді мемлекеттік сатып алуды ұйымдастырушы аукционның барлық қатысушыларына қайтармайды.

9. Аукцион қорытындылары бойынша мемлекеттік сатып алу туралы шарт

ҚР Үкіметінің 2012.19.12. № 1618 Қаулысымен 59-тармақ жаңа редакцияда (бұр.ред.қара)

59. Аукционның жеңімпазы деп анықталған әлеуетті өнім беруші тапсырыс берушіге әлеуетті өнім берушінің аукционға қатысуға өтінімге электрондық көшірме түрінде қоса берілген біліктілік талаптарына сәйкестігін растайтын құжаттардың түпнұсқаларын немесе нотариалды куәландырылған көшірмелерін веб-порталда аукцион қорытындыларының хаттамасын жариялаған күнінен бастап, мемлекеттік сатып алу туралы шартқа қол қойылғанға дейін бес жұмыс күні ішінде ұсынады;

60. Тапсырыс беруші «Мемлекеттік сатып алуды жүзеге асыру ережесін бекіту туралы» Қазақстан Республикасы Үкіметінің 2007 жылғы 27 желтоқсандағы № 1301 қаулысымен бекітілген үлгі шартқа сәйкес жасалған мемлекеттік сатып алу туралы шарт жобасының екі данасын өнім берушіге жібереді, оған тапсырыс беруші қол қояды және тапсырыс берушінің уәкілетті өкілі тағайындалмаған жағдайды қоспағанда, тапсырыс берушінің уәкілетті өкілі әр парағына қол қояды.

61. Өнім беруші мемлекеттік сатып алу туралы шарт жасалған күннен бастап он жұмыс күні ішінде мемлекеттік сатып алу туралы шарттың орындалуын қамтамасыз етуді енгізуі тиіс.

62. Мемлекеттік сатып алу туралы шарттың орындалуын қамтамасыз етуді өнім беруші мемлекеттік сатып алу туралы онымен жасалған шарт бойынша өз міндеттемелерін уақтылы, толық және тиісті түрде орындауға кепілдік ретінде енгізеді.

63. Шарттың орындалуын қамтамасыз ету мөлшерін, мемлекеттік сатып алу туралы шартта аванс төленуі көзделген жағдайды қоспағанда, мемлекеттік сатып алуды ұйымдастырушы мемлекеттік сатып алу туралы шарттың жалпы сомасының үш пайызы мөлшерінде белгілейді.

Егер мемлекеттік сатып алу туралы шартта аванс төлеу көзделген болса, шарттың орындалуын қамтамасыз етуді мемлекеттік сатып алуды ұйымдастырушы авансқа тең мөлшерде белгілейді, ол мемлекеттік сатып алу туралы шарттың жалпы сомасының кемінде үш пайызы болуы тиіс.

64. Өнім беруші мемлекеттік сатып алу туралы шарттың орындалуын қамтамасыз етудің мынадай түрлерінің бірін:

1) тапсырыс берушінің банктік шотына не мемлекеттік органдар және мемлекеттік мекемелер болып табылатын тапсырыс берушілер үшін Қазақстан Республикасының бюджет заңнамасында көзделген шотқа енгізілетін кепілдік ақшалай жарнаны;

2) осы Қағидаларға 9-қосымшаға сәйкес банк кепілдігін таңдайды.

65. Өнім берушінің шарт бойынша міндеттемелер толық орындалғанға дейін үшінші тұлғалардың енгізілген кепілдік ақша жарнасына тұтастай не бір бөлігінде талап қою құқығының туындауына әкеп соғатын іс-қимыл жасауына жол берілмейді.

66. Тапсырыс берушінің өнім беруші енгізген кепілдік ақшалай жарнаны Заңда көзделмеген мақсатқа пайдалануына жол берілмейді.

ҚР Үкіметінің 2012.15.11. № 1450 Қаулысымен 67-қосымша өзгертілді  (бұр.ред.қара)

67. Тапсырыс беруші енгізілген мемлекеттік сатып алу туралы шарттың орындалуын қамтамасыз етуді шартта көрсетілген мерзімде немесе өнім беруші шарт бойынша өз міндеттемелерін толық және тиісінше орындаған сәттен бастап бес жұмыс күні ішінде өнім берушіге қайтарады.

Өнім беруші мемлекеттік сатып алу туралы шарт бойынша қабылданған міндеттемелерді тиісінше орындамаған жағдайда тапсырыс беруші тұрақсыздық айыбын тиісті бюджет, мемлекеттік кәсіпорын, дауыс беретін акцияларының (жарғылық капиталдағы қатысу үлестерінің) елу және одан астам пайызы мемлекетке тиесілі заңды тұлға немесе олармен аффилиирленген тұлғалар кірісіне төлеу фактісі анықталған күннен бастап бес жұмыс күні ішінде енгізілген мемлекеттік сатып алу туралы шарттың орындалуын қамтамасыз етуді қайтарады.

68. Егер мемлекеттік сатып алу туралы шарт тауарларды, жұмыстарды, көрсетілетін қызметтерді өнім берушінің шарттық міндеттемелерді орындамауына байланысты бұзылса, тапсырыс беруші шарттың орындалуын қамтамасыз етуді қайтармайды.

69. Заңның 37-бабының 6, 7 және 8-тармақтарында көзделген жағдайларда шарт оның бір қаржы жылынан астам мерзімге жасалуы туралы ережені қамтуы тиіс.

70. Шартта мемлекеттік сатып алу туралы шартқа өзгерістер енгізу туралы талап қамтылуы тиіс.

71. Отандық тауар өндірушілермен және жұмыстарды, қызметтерді отандық берушілермен жасалған шартта тауарларды бергені, жұмыстарды орындағаны не қызметтерді көрсеткені үшін алдын ала ақы төлеу және толық ақы төлеу туралы талап қамтылуға тиіс, бұл ретте толық ақы төлеу мерзімі осы шарт бойынша міндеттемелер орындалған күннен бастап күнтізбелік отыз күннен аспауға тиіс.

Аукциондық құжаттаманың

электрондық нысанына

5-қосымша

Біліктілігі туралы мәліметтер

(әлеуетті өнім беруші тауарлар сатып алу кезінде толтырады)

Аукционның № _____________________________

Аукционның атауы __________________________

1. Әлеуетті өнім беруші туралы жалпы мәлімет:

Атауы _____________________________________

БСН/ЖСН _________________________________

ҚР Үкіметінің 2012.19.12. № 1618 Қаулысымен 2-тармақ өзгертілді (бұр.ред.қара)

2. Әлеуетті өнім беруші соңғы он жыл ішінде берген (өндірген), аукционда сатып алынатындарға ұқсас тауарлардың көлемі (бар болған жағдайда толтырылады).

3. Қаржы ресурстарына (ақша қаражаты: өзіндік, кредиттік және т.б.) қол жеткізу туралы мәліметтер. Төменде санамалау қажет

___________________________________________________________________________________________________________________

___________________________________________________________________________________________________________________

 Біліктілігі туралы барлық мәліметтердің дұрыстығын растаймын

Конкурстық құжаттаманың

электрондық нысанына

5-қосымша

Біліктілігі туралы мәліметтер

(әлеуетті өнім беруші тауарларды сатып алу кезінде толтырады)

Электрондық конкурстың № _____________________________________

Электрондық конкурстың атауы __________________________________

Лоттың № ____________________________________________________

Лоттың атауы _________________________________________________

1. Әлеуетті өнім беруші туралы жалпы мәлімет:

Атауы ________________________________________________________

БСН/ЖСН ____________________________________________________

ҚР Үкіметінің 2012.19.12. № 1618 Қаулысымен 2-тармақ өзгертілді (бұр.ред.қара)

2. Әлеуетті өнім беруші соңғы он жыл ішінде берген (өндірген), конкурста сатып алынатындарға ұқсас тауарлардың көлемі (бар болған жағдайда толтырылады).

3. Қаржы ресурстарына (ақша қаражаты: өзіндік, кредиттік және т.б.) қол жеткізу туралы мәліметтер. Төменде санамалау қажет

__________________________________________________________________________________________________________________

__________________________________________________________________________________________________________________

 Біліктілігі туралы барлық мәліметтердің дұрыстығын растаймын

Қолы ______________________

Күні _______________________

Электрондық мемлекеттік сатып алуды

жүргізу қағидаларына

6-қосымша

Рұқсат беру хаттамасы

Аукцион № {Аукционның нөмірі}

{Аукционның атауы}

Аукциондық комиссияның құрамы:

Аукцион мәнінің түрі: {тауар, жұмыс немесе қызмет}

Аукцион мәнінің атауы: {Лоттың атауы}

Сатып алу үшін бөлінген сома, теңге: {Аукционның жоспарлы сомасы}

Аукционға қатысуға берілген мынадай өтінімдер кері қайтарылды¹:

Аукциондық комиссия мүшелерінің кері қайтарылған өтінімдер бойынша дауыс беру нәтижелері²:

____________________

¹ Мәліметтер әлеуетті өнім бершілердің кейінге қалдырылған өтінімдері болмаған жағдайда шығарылмайды

² Мәліметтер әлеуетті өнім бершілердің кейінге қалдырылған өтінімдері болмаған жағдайда шығарылмайды

Аукциондық сауда-саттықтың күні мен уақыты мемлекеттік сатып алу веб-порталында аукционның хабарландыруында жарияланған.

Рұқсат берілген әлеуетті өнім берушілер екеуден аз болған жағдайда аукциондық сауда-саттық өткізілмейді.

{Комиссия мүшесінің Т.А.Ә.} ________________________________________

 (қолы)

{хаттаманы КК.АА.ЖЖЖЖ СС:ММ:СС форматында қалыптастыру күні мен уақыты}

Аукциондық құжаттаманың

электрондық нысанына

6-қосымша

Банктік кепілдік

Банктің атауы

__________________________________________________________________________________________________________________

Банктің деректемелерi

__________________________________________________________________________________________________________________

__________________________________________________________________________________________________________________

Кімге:

Мемлекеттік сатып алуды ұйымдастырушының атауы

__________________________________________________________________________________________________________________

__________________________________________________________________________________________________________________

Мемлекеттік сатып алуды ұйымдастырушының деректемелерi

__________________________________________________________________________________________________________________

__________________________________________________________________________________________________________________

№ _______ кепілдік міндеттеме

Біз бұдан әрі «Өнім беруші» деп аталатын _______________________________________________________________________________

__________________________________________________________________________________________________________________

(әлеуетті өнім берушінің атауы)

__________________________________________________________________________________________________________________

(мемлекеттік сатып алуды ұйымдастырушының атауы)

ұйымдастырған ________________________________________ сатып алу жөніндегі электрондық аукционға қатысатындығынан және

__________________________________________________________________________________________________________________

(аукцион бойынша тауарлардың,

__________________________________________________________________________________________________________________

жұмыстардың, қызметтердің атауы)

бойынша көрсетілетін беруді (жұмыстарды орындауды, қызметтерді көрсетуді) жүзеге асыруға дайындығынан хабардармыз.

___________ ж.»____»________ жоғарыда аталған аукционды өткізу жөніндегі аукциондық құжаттамада әлеуетті өнім берушінің банктік кепілдік түрінде аукционға қатысуға өтінімді қамтамасыз етуді енгізуі көзделген.

Осыған байланысты біз ______________________________________________ осымен өзімізге

 (банктің атауы)

Сіздің ақы төлеуге жазбаша талабыңызды, сондай-ақ Өнім беруші:

аукционға қатысуға соңғы мерзім өткеннен кейін аукционға қатысуға өтінімдерді кері қайтарып алғандығын не өзгерткендігін және (немесе) толықтырғандығын;

аукционның жеңімпазы етіп анықталған қатысушы мемлекеттік сатып алу туралы шарт жасасудан жалтарғандығын;

мемлекеттік сатып алу туралы шарт жасасып, аукциондық құжаттамада белгіленген мемлекеттік сатып алу туралы шартты орындауға қамтамасыз етуді енгізу және (немесе) енгізу мерзімі туралы талаптарды орындамағандығын не уақтылы орындамағандығын жазбаша растауыңызды алғаннан кейін, Сізге Сіздің талабыңыз бойынша

_________________________________________________________________________________________________________________

(санмен және жазбаша)

сомаға тең қайтып алынбайтын міндеттемені төлеуді аламыз.

Осы кепілдік міндеттеме аукционға қатысуға өтінімдерді ашқан күннен бастап күшіне енеді.

Осы кепілдік міндеттеме Өнім берушінің аукционға қатысуға аукциондық өтінімінің қолданылуының соңғы мерзіміне дейін қолданылады және, егер Сіздің жазбаша талабыңызды біз ____ аяғына дейін алмасақ, осы құжат бізге қайтарылатындығына немесе қайтарылмайтындығына қарамастан, толық және автоматты түрде күшін жояды. Егер аукционға қатысу өтінімінің қолданылу мерзімі ұзартылған болса, онда бұл кепілдік міндеттеме сондай мерзімге ұзартылады.

Осы кепілдік міндеттемеге байланысты туындайтын барлық құқықтар мен міндеттемелер Қазақстан Республикасының заңнамасымен реттеледі.

Кепілгердің қолы мен мөрі                             Күні мен мекенжайы

Конкурстық құжаттаманың

электрондық нысанына

6-қосымша

Банктік кепілдік

Банктің атауы

__________________________________________________________________________________________________________________

Банктің деректемелерi

__________________________________________________________________________________________________________________

__________________________________________________________________________________________________________________

Кімге:

Мемлекеттік сатып алуды ұйымдастырушының атауы

__________________________________________________________________________________________________________________

__________________________________________________________________________________________________________________

Мемлекеттік сатып алуды ұйымдастырушының деректемелерi

__________________________________________________________________________________________________________________

__________________________________________________________________________________________________________________

№ _______ кепілдік міндеттеме

Біз бұдан әрі «Өнім беруші» деп аталатын ______________________________________________________________________________

__________________________________________________________________________________________________________________

(әлеуетті өнім берушінің атауы)

__________________________________________________________________________________________________________________

(мемлекеттік сатып алуды ұйымдастырушының атауы)

ұйымдастырған ________________________________________ сатып алу жөніндегі электрондық конкурсқа қатысатындығынан және

__________________________________________________________________________________________________________________

(электрондық конкурс (лот/-тар) бойынша тауарлардың, жұмыстардың

__________________________________________________________________________________________________________________

қызметтердің атауы)

тауарларды жеткізуді (жұмыстарды орындауды, қызметтерді көрсетуді) жүзеге асыруға дайындығынан хабардармыз.

Жоғарыда аталған электрондық конкурсты өткізу жөніндегі ___________ ж. «____»________ конкурстық құжаттамада әлеуетті өнім берушінің электрондық конкурсқа қатысуға өтінімді қамтамасыз етуді банктік кепілдік түрінде енгізуі көзделген.

Осыған байланысты біз ____________________________________________________ осымен өзімізге

 (банктің атауы)

Сіздің ақы төлеуге жазбаша талабыңызды алғаннан кейін, сондай-ақ Өнім беруші:

электрондық конкурсқа қатысуға түпкілікті мерзім өткеннен кейін электрондық конкурсқа қатысуға өтінімдерді кері қайтарып алғандығын не өзгерткендігін және (немесе) толықтырғандығына;

электрондық конкурсқа қатысушы деп танылған, өзінің конкурстық баға ұсынысын белгіленген мерзімде тапсырмағандығын не кері қайтарып алғандығына;

электрондық конкурстың жеңімпазы етіп анықталған қатысушы мемлекеттік сатып алу туралы шарт жасасудан жалтарғандығына;

мемлекеттік сатып алу туралы шарт жасасып, конкурстық құжаттамада белгіленген мемлекеттік сатып алу туралы шартты орындауға қамтамасыз етуді енгізу және (немесе) енгізу мерзімі туралы талаптарды орындамағандығын не уақтылы орындамағандығына жазбаша растауды алғаннан кейін, Сіздің талабыңыз бойынша Сізге

__________________________________________________________________________________________________________________

(сома санмен және жазбаша)

сомаға тең кері қайтып алынбайтын міндеттемені төлеуді аламыз.

Осы кепілдік міндеттеме электрондық конкурсқа қатысуға өтінімдерді ашқан күннен бастап күшіне енеді.

Осы кепілдік міндеттеме Өнім берушінің электрондық конкурсқа қатысуға конкурстық өтінімінің қолданылуының соңғы мерзіміне дейін қолданылады және, егер Сіздің жазбаша талабыңызды біз ____ аяғына дейін алмасақ, осы құжат бізге қайтарылатынына немесе қайтарылмайтынына қарамастан, толық және автоматты түрде күшін жояды. Егер электрондық конкурсқа қатысу өтінімінің қолданылу мерзімі ұзартылған болса, онда бұл кепілдік міндеттеме сондай мерзімге ұзартылады.

Осы кепілдік міндеттемеге байланысты туындайтын барлық құқықтар мен міндеттер Қазақстан Республикасының заңнамасымен реттеледі.

Кепілгердің қолы мен мөрі                                     Күні мен мекенжайы

Электрондық мемлекеттік сатып алуды

жүргізу қағидаларына

7-қосымша

Аукцион өткізу нәтижелерінің хаттамасы

Аукцион № {Аукционның нөмірі}

{Аукционның атауы}

Аукцион мәнінің түрі: {тауар, жұмыс немесе қызмет}

Аукцион мәнінің атауы: {Лоттың атауы}

Сатып алу үшін бөлінген сома, теңге: {Аукционның жоспарлы сомасы}

Аукцион басталатын күні мен уақыты:                   {КК.АА.ЖЖЖЖ СС:ММ:СС }

Аукцион аяқталатын күні мен уақыты:                   {КК.АА.ЖЖЖЖ СС:ММ:СС }

Аукцион қатысушыларының соңғы ұсыныстары туралы мәліметтер:

{хаттаманы КК.АА.ЖЖЖЖ СС:ММ:СС форматында қалыптастыру күні мен уақыты

ҚР Үкіметінің 2012.15.11. № 1450 Қаулысымен 7-қосымша жаңа редакцияда  (бұр.ред.қара)

Аукциондық құжаттаманың

электрондық нысанына

7-қосымша

Берешектің жоқтығы туралы анықтама

Банктің атауы ________________________________________________________________________________________________

Банк деректемелері ____________________________________________________________________________________________

Кімге:

Мемлекеттік сатып алуды ұйымдастырушының атауы

_____________________________________________________________________________________________________________

Мемлекеттік сатып алуды ұйымдастырушының деректемелерi

_____________________________________________________________________________________________________________

Банк (атауы) ___________ жағдай бойынша Қазақстан Республикасы Ұлттық Банкі Басқармасының қаулысымен бекітілген Екінші деңгейдегi банктердегі және ипотекалық компаниялардағы бухгалтерлік есеп шоттарының үлгі жоспарына сәйкес осы Банкте қызмет көрсетілетін (заңды тұлғаның толық атауы, тел., мекенжайы көрсетілciн) банк алдында анықтама берілген айдың алдындағы үш айдан артық созылған мерзімі өткен берешегінің жоқтығын растайды.

Осы анықтама № _____ электрондық конкурсқа қатысу үшін берілді, электрондық конкурстың атауы ________________________.

Күні ____________

Қолы ____________

М.О.

Конкурстық құжаттаманың

электрондық нысанына

7-қосымша

Берешегі жоқтығы туралы

анықтама

Банктің атауы ______________________________________________________________________________________________________

Банк деректемелері __________________________________________________________________________________________________

Кімге:

Мемлекеттік сатып алуды ұйымдастырушының атауы

__________________________________________________________________________________________________________________

Мемлекеттік сатып алуды ұйымдастырушының деректемелерi

Банк (атауы) _____________ жағдай бойынша Қазақстан Республикасы Ұлттық Банкі Басқармасының қаулысымен бекітілген Екінші деңгейдегі банктердегі және ипотекалық компаниялардағы бухгалтерлік есептің үлгі шот жоспарына сәйкес (осы Банкте қызмет көрсетілетін заңды тұлғаның толық атауы, тел., мекенжайы көрсетілcін) банк алдында анықтама берілген айдың алдындағы үш айдан артық созылған мерзімі өткен берешегінің жоқтығын растайды.

Осы анықтама электрондық конкурстың атауы ______________________ № ________ электрондық конкурсқа қатысу үшін берілді.

Күні ________________

Қолы _______________

М.О.

Электрондық мемлекеттік сатып

алуды жүргізу қағидаларына

8-қосымша

Қорытындылар туралы хаттама

Аукцион № {Аукционның нөмірі}

{Аукционның атауы}

Аукциондық комиссияның құрамы:

Аукцион мәнінің түрі: {тауар, жұмыс немесе қызмет}

Аукцион мәнінің атауы: {Лоттың атауы}

Сатып алу үшін бөлінген сома, теңге: {Аукционның жоспарлы сомасы}

Аукциондық комиссия мүшелерінің кері қайтарылған өтінімдер бойынша дауыс беру нәтижелері:

Аукционға қатысу өтінімдерінің екінші бөліктерін қарау нәтижелері бойынша аукциондық комиссия ШЕШТІ:

Аукционның мынадай қорытындылары бекітілсін:

Тапсырыс беруші {тапсырыс берушінің атауы} «Мемлекеттік сатып алу туралы» Қазақстан Республикасының Заңының 37-бабының 1 және 3-тармақтарында көрсетілген мерзімде мемлекеттік сатып алу туралы шарт жасассын {Жеңімпаз өнім берушінің атауы}

Ескертпе * - аукционның біліктілік талаптарына сай және ең аз баға туралы ұсыныс берген қатысушысына беріледі.

үміткер - біліктілік талаптарына сай аукционның басқа қатысушыларына, олар берген бағалардың өсу тәртібінде беріледі.

{комиссия мүшесінің Т.А.Ә.} _________________________

қолы

{хаттаманы КК.АА.ЖЖЖЖ СС:ММ:СС форматында қалыптастыру күні мен уақыты

Аукциондық құжаттаманың

электрондық нысанына

8-қосымша

Жұмыстарды орындау жөніндегі қосалқы мердігерлер (қызметтер көрсету кезіндегі қоса орындаушылар) туралы мәліметтер, сондай-ақ әлеуетті өнім беруші қосалқы мердігерлерге (қоса атқарушыларға) беретін жұмыстар мен қызметтердің түрлерi

Аукционның № __________________________

Аукционның атауы _______________________

Осымен аукционға (аукционның толық атауын көрсету) қатысуға өтінім беретін әлеуетті өнім берушінің қосалқы мердігері(лері) және (бірлесіп орындаушысы(лары) аукцион (аукционның толық атауын көрсету) тәсілімен мемлекеттік сатып алуға қатысудың шарттары туралы өзінің хабардар екендігін білдіреді және әлеуетті өнім берушінің қосалқы мердігерлеріне (бірлесіп орындаушыларға) қатысты бөлігінде аукциондық құжаттамада көзделген талаптарды бұзғаны үшін жауапкершілікті өзіне қабылдайды.

Әлеуетті өнім беруші қосалқы мердігерге (бірлесіп орындаушыға) беретін жұмыстар мен қызметтердің көлемі жұмыстар мен қызметтердің жалпы көлемінің үштен екісінен аспауға тиіс.

Қолы __________________

Күні ___________________

Конкурстық құжаттаманың

электрондық нысанына

8-қосымша

Жұмыстарды орындау жөніндегі қосалқы мердігерлер (қызметтер көрсету кезіндегі бірлесіп орындаушылар) туралы мәліметтер, сондай-ақ әлеуетті өнім беруші қосалқы мердігерлерге (қоса атқарушыларға) беретін жұмыстар мен қызметтердің түрлерi

Электрондық конкурстың № ______________________________

Электрондық конкурстың атауы ___________________________

Лоттың № _____________________________________________

Лоттың атауы__________________________________________

Осымен электрондық конкурсқа (электрондық конкурстың толық атауын көрсету) қатысуға өтінім беретін әлеуетті өнім берушінің қосалқы мердігері(лері) және (бірлесіп орындаушысы(лары) электрондық конкурс (электрондық конкурстың толық атауын көрсету) тәсілімен мемлекеттік сатып алуға қатысудың шарттары туралы өзінің хабардар екендігін білдіреді және әлеуетті өнім берушінің қосалқы мердігерлеріне (бірлесіп орындаушыларға) қатысты бөлігінде конкурстық құжаттамада көзделген талаптарды бұзғаны үшін жауапкершілікті өзіне қабылдайды.

Әлеуетті өнім беруші қосалқы мердігерге (бірлесіп орындаушыға) беретін жұмыстар мен қызметтердің көлемі жұмыстар мен қызметтердің жалпы көлемінің үштен екісінен аспауға тиіс.

Қолы ____________________

Күні _____________________

Электрондық мемлекеттік сатып

алуды жүргізу қағидаларына

9-қосымша

Банктік кепілдік

(мемлекеттік сатып алу туралы шарттың орындалуын қамтамасыз ету нысаны)

Банктің атауы: ______________________________________________________________________________________________________

(банктің атауы және деректемелері)

Кімге: _____________________________________________________________________________________________________________

(тапсырыс берушінің атауы және деректемелері)

№ _____кепілдік міндеттеме

«Өнім беруші» _____________________________________________________________________________________________________

(өнім берушінің атауы)

__________________________________________________________________________________________________________________

(тауарлардың, жұмыстардың немесе көрсетілетін қызметтердің сипаттамасы)

беруге (орындауға, көрсетуге) ____ж. № ____ _мемлекеттік сатып алу туралы шарт жасасқандығын (жасасатындығын)* және Сіз Шартта Өнім берушінің жалпы сомасы _______ теңгеге банктік кепілдік түрінде оның орындалуын қамтамасыз етуін енгізуді көздегендігіңізді назарға ала отырып, осымен ________________________________________ жоғарыда көрсетілген

 (банктің атауы)

Шарт бойынша кепілгер болып табылатындығымызды және Сіздің талап етуіңіз бойынша Сіздің төлеуге жазбаша талап етуді, сондай-ақ Өнім беруші Шарт бойынша өз міндеттемелерін орындамағандығын немесе тиісінше орындамағандығын жазбаша растауды алғаннан кейін Сізге

__________________________________________________________________________________________________________________

(сомасы цифрлармен және жазумен)

тең соманы төлеуге өзімізге қайтарусыз міндеттеме аламыз.

Осы кепілдік міндеттеме оған қол қойылған сәттен бастап күшіне енеді және Өнім беруші Шарт бойынша өз міндеттемелерін толық орындаған сәтке дейін қолданылады.

Осы кепілдік міндеттемесіне байланысты туындайтын барлық құқықтар мен міндеттер Қазақстан Республикасының заңнамасымен реттеледі.

Кепілгерлердің қолы мен мөрі                                       Күні және мекенжайы

 (банктің (банк филиалының) бірінші басшысы немесе оның орынбасары және банктің бас бухгалтері)

9-қосымша ҚР Үкіметінің 2012.19.12. № 1618 Қаулысымен алып тасталды (бұр.ред.қара)

Конкурстық құжаттаманың

электрондық нысанына

10-қосымша

Әлеуетті өнім берушінің баға ұсынысы

(әрбір лотқа жеке толтырылады)

Электрондық конкурстың № ____________________________________

Электрондық конкурстың атауы ________________________________

Лоттың № ___________________________________________________

Лоттың атауы ________________________________________________

Өнім берушінің атауы __________________________________________

БСН/ЖСН ___________________________________________________

Тауардың, жұмыстың, қызметтің атауы

_________________________________________________________________________________________________________________

Экономикалық қызмет түрлері бойынша өнім сыныптауышы ЭҚТӨЖ (тауарларды сатып алу кезінде көрсетіледі) _________________

Жасаушы зауыт (тауарларды сатып алу кезінде көрсетіледі)_______________________________________________________________

Баға ұсынысы валютасының атауы __________________________________________________________________________________

Баға ұсынысы валютасының коды ___________________________________________________________________________________

Өлшем бірлігі _____________________________________________________________________________________________________

Барлық шығыстар мен жеңілдіктерді ескере отырып, бір бірлікке берілетін баға _______________________________________________

Саны (көлемі) _____________________________________________________________________________________________________

ИНКОТЕРМС 2000 тауарын жеткізу шарттары __________________________________________________________________________

Жалпы баға (санды бір бірлікке берілетін бағаға көбейту) _________________________________________________________________

Біз конкурстық құжаттамада айтылған Сіздердің төлем шарттарыңызбен келісеміз.