(БҰРЫНҒЫ РЕДАКЦИЯ) ҚР ҮКІМЕТІНІҢ 2009.15.12 № 2121 ҚАУЛЫСЫМЕН БЕКІТІЛГЕН

Осы редакция 2013 жылғы 15 мамырда енгізілген өзгерістеріне дейін қолданылды

ҚР Үкіметінің 2011.28.05. № 596 Қаулысымен (бұр.ред.қара); 2012.06.09. № 1160 Қаулысымен (бұр.ред.қара) мемлекеттік қызмет стандарты жаңа редакцияда

Қазақстан Республикасы

Үкіметінің

2009 жылғы 15 желтоқсандағы

№ 2121 қаулысымен

бекітілген

«Заңды тұлғаны мемлекеттік тіркеу (қайта тіркеу), заңды тұлғаның филиалы мен өкілдігін есептік
 тіркеу (қайта тіркеу) туралы куәліктің телнұсқасын беру»
мемлекеттік қызмет стандарты

(2012.06.09. берілген өзгерістер мен толықтырулармен)

1. Жалпы ережелер

1. «Заңды тұлғаны мемлекеттік тіркеу (қайта тіркеу), заңды тұлғаның филиалы мен өкілдігін есептік тіркеу (қайта тіркеу) туралы куәліктің телнұсқасын беру» мемлекеттік қызметін Қазақстан Республикасы, 010000, Астана қаласы, Есіл ауданы, Орынбор көшесі, № 8-үй, 13-кіреберіс, 955-кабинет мекенжайы бойынша орналасқан Қазақстан Республикасы Әділет министрлігінің Тіркеу қызметі мен құқықтық көмек көрсету комитеті (бұдан әрі - Комитет) және аумақтық әділет органдары (бұдан әрі - уәкілетті органдар), мекенжайлары осы стандарттың 1 және 2-қосымшаларда көрсетілген халыққа қызмет көрсету орталықтары (бұдан әрі - орталық) және өтініш берушіде электронды-цифрлық қолтаңба (бұдан әрі - ЭЦҚ) болған жағдайда www.e.gov.kz  «электронды үкімет» веб-портал (бұдан әрі - портал) арқылы көрсетеді.

Заңды тұлғаны мемлекеттік тіркеу (қайта тіркеу), заңды тұлғаның филиалы мен өкілдігін есептік тіркеу (қайта тіркеу) туралы куәліктің телнұсқасын беруді тиісті облыста (Комитетте беруге жататындардан басқалары) уәкілетті органдар орталық арқылы жүзеге асырады.