(БҰРЫНҒЫ РЕДАКЦИЯ) ҚР ҮКІМЕТІНІҢ 2009.15.12 № 2121 ҚАУЛЫСЫМЕН БЕКІТІЛГЕН

Осы редакция 2012 жылғы 6 қыркүйекте енгізілген өзгерістеріне дейін қолданылды

Қазақстан Республикасы

Үкіметінің

2009 жылғы 15 желтоқсандағы

№ 2121 қаулысымен

бекітілген

ҚР Үкіметінің 2011.28.05. № 596 Қаулысымен мемлекеттік қызмет стандарты жаңа редакцияда  (бұр.ред.қара)

 «Азаматтық хал актілерін тіркеу туралы қайтадан куәліктер немесе анықтамалар беру»

мемлекеттік қызмет көрсету стандарты

(2011.28.05. берілген өзгерістермен)

1. Жалпы ережелер

1. «Азаматтық хал актілерін тіркеу туралы қайталама куәліктер немесе анықтамалар беру» мемлекеттік қызметін (бұдан әрі - мемлекеттік қызмет), аумақтық әділет органдары (бұдан әрі - уәкілетті орган) Қазақстан Республикасының аумағы шегінде мекенжайлары осы стандарттың 1-қосымшасында көрсетілген халыққа қызмет көрсету орталықтары (бұдан әрі - Орталық) арқылы көрсетеді.

Азаматтық хал актілерін тіркеу туралы қайталама куәліктерді немесе анықтамаларды шетелден сұратқан кезде аумақтық әділет органына жүгіну қажет.

2. Көрсетілетін мемлекеттік қызметтің нысаны ішінара автоматтандырылған.

3. Мемлекеттік қызмет «Неке және отбасы туралы» Қазақстан Республикасының 1998 жылғы 17 желтоқсандағы Заңының, «Сәйкестендіру нөмірлерінің ұлттық тізілімдері туралы» Қазақстан Республикасының 2007 жылғы 12 қаңтардағы Заңының 3 және 9-баптарының, Қазақстан Республикасы Үкіметінің 1999 жылғы 22 мамырдағы № 620 қаулысымен бекітілген Қазақстан Республикасында азаматтық хал актілерін тіркеу тәртібі туралы ереженің негізінде жүзеге асырылады.

4. Мемлекеттік қызмет көрсету стандарты Қазақстан Республикасы Әділет министрлігінің интернет-ресурсында (электрондық мекенжайы www.minjust.kz), сондай-ақ ресми ақпарат көздері мен орталықтардың үй-жайларындағы стенділерде орналастырылады, тізбесі осы стандартқа 1-қосымшада көрсетілген.

5. Көрсетілетін мемлекеттік қызметтің нәтижесі азаматтық хал актілерін тіркеу туралы қайталама куәлікті немесе анықтаманы қағаз тасымалдағышта немесе дәлелденген бас тартуды беру болып табылады.