«Теміржолдарды техникалық пайдалану, қызмет көрсету және жөндеу қағидаларын бекіту туралы» Қазақстан Республикасы Көлік және коммуникация министрінің м.а. 2011 жылғы 12 мамырдағы № 275 бұйрығы (2025.03.06. берілген өзгерістер мен толықтырулармен)

Теміржолдарды техникалық пайдалану, қызмет көрсету және жөндеу қағидаларын бекіту туралы
Қазақстан Республикасы Көлік және коммуникация министрінің м.а. 2011 жылғы 12 мамырдағы № 275 бұйрығы

(2025.03.06. берілген өзгерістер мен толықтырулармен)

ҚР Индустрия және инфрақұрылымдық даму министрінің 2019.05.08. № 617 бұйрығымен тақырыбы жаңа редакцияда (бұр.ред.қара)

ҚР Көлік министрінің м.а. 2025.16.05. № 154 бұйрығымен кіріспе жаңа редакцияда (2025 ж. 3 маусымнан бастап қолданысқа енгізілді) (бұр.ред.қара)

«Темір жол көлігі туралы» Қазақстан Республикасы Заңының 14-бабы 2-тармағының 19) тармақшасына сәйкес БҰЙЫРАМЫН:

ҚР Индустрия және инфрақұрылымдық даму министрінің 2019.05.08. № 617 бұйрығымен 1-тармақ жаңа редакцияда (бұр.ред.қара)

1. Қоса беріліп отырған Теміржолдарды техникалық пайдалану, қызмет көрсету және жөндеу қағидалары бекітілсін.

2. «Жалпы пайдаланымдағы кірме жолдарға қойылатын талаптарды бекіту туралы» Қазақстан Республикасы Көлік және коммуникация министрінің 2004 жылғы 6 тамыздағы № 306-І (Нормативтік құқықтық актілерді мемлекеттік тіркеу тізілімінде № 3006 болып тіркелген, Қазақстан Республикасы орталық атқарушы және өзге де мемлекеттік органдарының нормативтік құқықтық актілер бюллетенінде жарияланған 2004 ж., № 37-40, 1001-бабы) және «Кірме жолдардағы жұмыс ережесін бекіту туралы» 2004 жылғы 29 қыркүйектегі № 367-І (Нормативтік құқықтық актілерді мемлекеттік тіркеу тізілімінде № 3179 болып тіркелген, 2005 ж., 24 тамызда № 91 (715) «Заң газеті» газетінде жарияланған) бұйрықтарының күші жойылсын.

3. Қазақстан Республикасы Көлік және коммуникация министрлігінің Көлік және қатынас жолдары комитеті (Н И. Қилыбай) осы бұйрықты Қазақстан Республикасы Әділет министрлігінде мемлекеттік тіркеу үшін ұсынуды қамтамасыз етсін.

4. Осы бұйрықтың орындалуын бақылау Қазақстан Республикасы Көлік және коммуникация вице-министрі Е.С. Дүйсенбаевқа жүктелсін.

5. Осы бұйрық оның алғашқы ресми жарияланған күнінен бастап он күнтізбелік күн өткеннен кейін күшіне енеді.