(БҰРЫНҒЫ РЕДАКЦИЯ) ҚР ҮКІМЕТІНІҢ 2005 Ж. 19 НАУРЫЗДАҒЫ № 250 ҚАУЛЫСЫ

“Қазақстан Республикасы Үкіметінiң кейбір шешiмдерiне өзгерістер
мен толықтырулар енгізу туралы“
Қазақстан Республикасы Үкіметінің 2005 жылғы 19 наурыздағы
№ 250 Қаулысы

(2006.15.09. берілген өзгерістерімен)

Осы редакция 2008 жылғы 23 сәуірдегі енгізілген өзгерістеріне дейін қолданылды

Қазақстан Республикасының Үкіметі ҚАУЛЫ ЕТЕДI:

1. Қоса берiлiп отырған Қазақстан Республикасы Үкіметінiң кейбір шешiмдерiне енгiзiлетiн өзгерістер мен толықтырулар бекітілсiн.

2. Осы қаулы қол қойылған күнiнен бастап қолданысқа енгiзiледi.

Қазақстан Республикасы

Үкіметінің

2005 жылғы 19 наурыздағы

№ 250 қаулысымен

бекітілген

Қазақстан Республикасы Үкіметінiң кейбір шешiмдерiне

енгізілетiн өзгерістер мен толықтырулар

1. ҚР Үкіметінің 2006.15.09. № 873 қаулысымен күші жойылды (бұр. ред. қара)

2. "Кейбiр акционерлік қоғамдар - ұлттық компаниялардың директорлар кеңестердiң құрамдары туралы және Қазақстан Республикасы Үкіметінiң кейбір шешiмдерiне өзгерістер енгізу туралы" Қазақстан Республикасы Үкіметінің 2002 жылғы 25 қыркүйектегi № 1051 қаулысында (Қазақстан Республикасының ПҮКЖ-ы, 2002 ж. № 32, 341-құжат):

1-тармақта "министрлiктер" деген сөз "мемлекеттік органдар" деген сөздермен ауыстырылсын;

2-тармақта:

"Қазақстан Республикасының Көлiк және коммуникациялар министрлігі" деген сөздер "Қазақстан Республикасы Ақпараттандыру және байланыс агенттiгi" деген сөздермен ауыстырылсын;

"ашық" деген сөз алынып тасталсын;

1) көрсетiлген қаулыға 1-қосымшада, мәтiнiнде:

"ЖАҚ", "ААҚ" деген аббревиатуралар "АҚ" деген аббревиатурамен ауыстырылсын;

2-тармақта:

"Қажыкен Мейрам Зекешұлы - Қазақстан Республикасы Премьер-Министрінің Кеңсесi Өндiрiстiк сала және инфрақұрылым бөлiмiнiң меңгерушiсi, төраға" деген жол мынадай редакцияда жазылсын:

"Табанов Эльдар Рашитович - Қазақстан Республикасы Премьер-Министрінің Кеңсесi Өндiрiстiк сала және инфрақұрылым бөлiмiнiң меңгерушiсi, төраға";