(БҰРЫНҒЫ РЕДАКЦИЯ) ҚР ПРЕЗИДЕНТІНІҢ 2002 Ж. 29 НАУРЫЗДАҒЫ № 828 ЖАРЛЫҒЫ

Мемлекеттік билiк органдары жүйесіндегі кадр саясатының
кейбір мәселелерi туралы Қазақстан Республикасы Президентінің
2002 жылғы 29 наурыздағы № 828 Жарлығы

(2007.12.01. берілген өзгерістер мен толықтырулармен)

Осы редакция 2007 ж. 4 маусымдағы енгізілген өзгерістеріне дейін қолданылды

Мемлекеттік билiк органдары жүйесiнде бiрыңғай әрi тиiмдi кадр саясатын жүргiзу, лауазымды тұлғалардың мемлекеттік мiндеттердi жүзеге асыру үшін жауапкершiлiгiн арттыру мақсатында қаулы етемін:

1. Қоса берiлiп отырған:

1) Мемлекеттік саяси қызметшiлер лауазымдарының және мемлекеттік органдардың Қазақстан Республикасының Президентi тағайындайтын және бекiтетiн немесе оның келiсуiмен тағайындалатын және бекітілетiн, оның ұсынуы бойынша сайланатын басшы қызметкерлерiнiң лауазымдар тiзбесi;

2) Қазақстан Республикасының мемлекеттік саяси қызметшілерi мен орталық және жергіліктi мемлекеттік органдарының өзге де басшы лауазымды адамдарын қызметке келiсу, қызметке тағайындау мен қызметтен босату туралы ереже бекітілсін.

ҚР Президентінің 2005.08.07. № 1610 Жарлығымен 1-1-тармақпен толықтырылды

1-1. Мына кандидатуралар:

1) әлеуметтiк-экономикалық блок (Экономика және бюджеттік жоспарлау, Қаржы, Еңбек және халықты әлеуметтiк қорғау, Денсаулық сақтау, Мәдениет, ақпарат және спорт) министрлерiнiң лауазымына - Қазақстан Республикасының Парламентi Мәжілісiнiң және Сенатының бейiндiк комитеттерiнде;

2) Қазақстан Республикасының дипломатиялық өкiлдiктерi басшыларының лауазымына - Қазақстан Республикасының Парламентi Сенатының бейiндiк комитетiнде;

3) Республикалық бюджеттiң атқарылуын бақылау жөніндегі есеп комитетiнiң Мемлекет басшысы тағайындайтын Төрағасы мен екi мүшесiнiң лауазымына - Қазақстан Республикасының Парламентi Мәжілісiнiң бейіндік комитетiнде алдын ала талқылануға тиiс деп белгiленсiн.

2. Мыналардың:

1) "Мемлекеттік органдардың Қазақстан Республикасының Президентi тағайындайтын және бекiтетiн немесе оның келiсуiмен тағайындалатын және бекітілетін, оның ұсынуы бойынша сайланатын басшы қызметкерлерiнiң лауазымдар тiзбесi туралы" Қазақстан Республикасы Президентiнің 1999 жылғы 4 мамырдағы № 132 Жарлығының;