(БҰРЫНҒЫ РЕДАКЦИЯ) ҚР ҮКІМЕТІНІҢ 2006.15.03 № 175 ҚАУЛЫСЫ

«Білім туралы мемлекеттік үлгідегі құжаттардың түрлері мен нысандарын
(сипаттамасы) және оларды беру ережесін бекіту туралы»
Қазақстан Республикасы Үкіметінің 2006 жылғы 15 наурыздағы № 175 Қаулысы

Осы редакция  2006 ж. 6 маусымдағы  енгізілген өзгерістеріне   дейін  қолданылды

«Білім туралы» Қазақстан Республикасының 1999 жылғы 7 маусымдағы Заңының 29-бабына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған:

1) білім туралы мемлекеттік үлгідегі құжаттардың түрлері мен нысандары (сипаттамасы);

2) Білім туралы мемлекеттік үлгідегі құжаттарды беру ережесі бекітілсін.

2. «Мемлекеттік үлгідегі құжаттардың нысандары мен оларды берудің тәртібі туралы» Қазақстан Республикасы Үкіметінің 1999 жылғы 25 тамыздағы № 1236 қаулысының (Қазақстан Республикасының ПҮКЖ-ы, 1999 ж., № 42, 381-құжат) күші жойылды деп танылсын.

3. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.

Қазақстан Республикасы

Премьер-Министрінің

Қазақстан Республикасы

Үкіметінің

2006 жылғы 15 наурыздағы

№ 175 қаулысымен

Бекітілген

Білім туралы мемлекеттік үлгідегi

құжаттардың түрлері мен нысандары (сипаттамасы)

1. Куәлік, аттестат, диплом қорытынды мемлекеттік аттестаттаудан өткенін куәландыратын және білім алушының тиісті білім беру деңгейінің (сатысының) мемлекеттік жалпыға міндетті стандартын меңгергенін және (немесе) оған біліктілік беруді куәландыратын білім туралы мемлекеттік үлгідегі құжаттардың (бұдан әрі - мемлекеттік үлгідегі құжат) түрлері болып табылады.

2. Мемлекеттік үлгідегі құжаттардың барлық түрлері:

1) көлемі 224х160 мм қатты мұқабадан (ғылым кандидаты және ғылым докторы дипломдары үшін - 310х155 мм);

2) көлемі 210х150 мм қосымша беттен (ғылым кандидаты және ғылым докторы дипломдары үшін - 310х110 мм);

3) қосымшадан тұрады.

3. Мемлекеттік үлгідегі құжаттың мұқабасы:

1) мемлекеттік үлгідегі үздік құжат yшін - көк түсті;