(БҰРЫНҒЫ РЕДАКЦИЯ) ҚР ҮКІМЕТІНІҢ 2005.14.04. № 352 ҚАУЛЫСЫ

"2005 - 2007 жылдарға арналған Қазақстан Республикасында ғарыш қызметiн дамыту"
мемлекеттік бағдарламасын iске асыру жөніндегi iс-шаралар жоспарын бекіту туралы
Қазақстан Республикасы Үкіметінің 2005 жылғы 14 сәуірдегі № 352 Қаулысы

Осы редакция 2005 ж. 3 қазандағы енгізілген өзгерістеріне дейін қолданылды

Қазақстан Республикасы Президентінiң "2005 - 2007 жылдарға арналған Қазақстан Республикасында ғарыш қызметiн дамытудың" 2005 жылғы 25 қаңтардағы № 1513 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДI:

1. Қоса берiлiп отырған "2005 - 2007 жылдарға арналған Қазақстан Республикасында ғарыш қызметiн дамыту" мемлекеттік бағдарламасын іске асыру жөніндегі iс-шаралар жоспары (бұдан әрi - іс-шаралар жоспары) бекітілсiн.

2. Орталық атқарушы органдар:

1) іс-шаралар жоспарын iске асыру жөнiнде шаралар қабылдасын;

2) жарты жылдықтың қорытындылары бойынша 10 шiлдеге және 10 қаңтарға Қазақстан Республикасы Білім және ғылым министрлігіне Iс-шаралар жоспарының орындалу барысы туралы ақпарат берсін.

3. Қазақстан Республикасы Білім және ғылым министрлігі Қазақстан Республикасының Үкіметіне Iс-шаралар жоспарының орындалу барысы туралы жиынтық ақпаратты жыл сайын 25 шілдеге және 25 қаңтарға берудi қамтамасыз етсiн.

4. Осы қаулының орындалуын бақылау Қазақстан Республикасы Премьер-Министрінің орынбасары А.С. Есiмовке жүктелсiн.

5. Осы қаулы қол қойылған күнінен бастап қолданысқа енгiзiледi.

Қазақстан Республикасының

                                         Қазақстан Республикасы

                                                Үкіметінiң