Жекеше нотариустарды есептік тіркеу туралы ережені бекіту туралы Қазақстан Республикасы Әділет министрінің 2003 ж. 13 желтоқсандағы № 264 бұйрығы (2010.20.04. берілген өзгерістер мен толықтырулармен) (күші жойылды)

Жекеше нотариустарды есептік тіркеу туралы ережені бекіту туралы
Қазақстан Республикасы Әділет министрінің 2003 жылғы 13 желтоқсандағы № 264 бұйрығы

(2010.20.04. берілген өзгерістер мен толықтырулармен)

ҚР Әділет министрінің 2011 жылғы 15 шілдедегі № 264 Бұйрығымен күші жойылды

«Нотариат туралы» Қазақстан Республикасы Заңының 32-бабына сәйкес БҰЙЫРАМЫН:

1. Қоса беріліп отырған жекеше нотариустарды есепті тіркеу туралы ереже бекітілсін.

2. Қазақстан Республикасы Әділет министрінің 1998 жылғы 13 наурыздағы № 178 бұйрығының (Әділет министрлігінде № 653 тіркелген, 1998 жылғы 30 қарашада № 8 Қазақстан Республикасы орталық атқарушы және өзге мемлекеттік органдардың нормативтік құқықтық актілер бюллетенінде жарияланған) күші жойылды деп танылсын.

ҚР Әділет министрінің 2010.20.04. № 129 Бұйрығымен 3-тармақ өзгертілді (ресми жарияланған күннен кейін он күнтізбелік күн өткен соң қолданысқа енгізілді) (бұр.ред.қара)

3. Әділет департаменттерінің бастықтары осы ереженің іске асуын қамтамасыз етсін.

4. Осы бұйрықтың орындалуын бақылау Әділет вице-министрі С.Н.Баймағамбетовке жүктелсін.

5. Осы бұйрық мемлекеттік тіркелген күнінен бастап күшіне енеді.

«Жекеше нотариустарды

есептік тіркеу туралы

ережені бекіту туралы»

Қазақстан Республикасы

Әділет министрінің

2003 жылғы 13 желтоқсандағы

№ 264 бұйрығымен

бекітілген

ҚР Әділет министрінің 2010.20.04. № 129 Бұйрығымен бүкіл мәтін бойынша «аумақтық әділет органында», «аумақтық әділет органы», «аумақтық әділет органының», «аумақтық әділет органына» деген сөздер «әділет департаментінде», «әділет департаменті», «әділет департаментінің», «әділет департаментіне» деген сөздермен ауыстырылды (ресми жарияланған күннен кейін он күнтізбелік күн өткен соң қолданысқа енгізілді) (бұр.ред.қара)

Жекеше нотариустарды есептік тіркеу туралы

ереже

1. Осы Ереже «Нотариат туралы» Қазақстан Республикасы Заңының 32-бабының негізінде әзірленді және жекеше нотариустарды есептік тіркеудің шарты мен тәртібін айқындайды.