«Нотариаттық қызмет саласындағы тәуекел дәрежесін бағалау критерийлерін және тексеру парақтарын бекіту туралы» Қазақстан Республикасы Әділет министрінің 2015 жылғы 28 желтоқсандағы № 649 және Қазақстан Республикасы Ұлттық экономика министрінің 2015 жылғы 30 желтоқсандағы № 833 бірлескен бұйрығы (күші жойылды)

Нотариаттық қызмет саласындағы тәуекел дәрежесін бағалау критерийлерін және тексеру парақтарын бекіту туралы
Қазақстан Республикасы Әділет министрінің 2015 жылғы 28 желтоқсандағы № 649 және Қазақстан Республикасы Ұлттық экономика министрінің 2015 жылғы 30 желтоқсандағы № 833 бірлескен бұйрығы

ҚР Әділет министрінің 2018 жылғы 6 қарашадағы № 1529 және ҚР Ұлттық экономика министрінің 2018 жылғы 6 қарашадағы № 60 бірлескен бұйрығымен күші жойылды

Қазақстан Республикасы Кәсіпкерлік кодексінің 141-бабы 1-тармағына және 143-бабының 1-тармағына сәйкес БҰЙЫРАМЫЗ:

1. Мына:

1) мемлекеттік нотариустардың қызметін тексеру парақтар осы бұйрықтың 1-қосымшасына сәйкес;

2) аудандық маңызы бар қалалардың, кенттердiң, ауылдардың, ауылдық округтердiң әкiмдерi аппараттарының нотариаттық iс-әрекеттер жасауға уәкiлеттi лауазымды адамдарын тексеру парақтар осы бұйрықтың 2-қосымшасына сәйкес;

3) жеке практикамен айналысатын нотариустар (жекеше нотариустар) тексеру парақтар осы бұйрықтың 3-қосымшасына сәйкес;

4) аумақтық нотариаттық палаталардың қызметін тексеру парақтар осы бұйрықтың 4-қосымшасына сәйкес;

5) нотариаттық қызмет саласындағы тәуекел дәрежесін бағалау критерийлері осы бұйрықтың 5-қосымшасына сәйкес бекітілсін.

2. Мына:

1) «Нотариаттық қызмет саласындағы тексеру парағының нысанын және тәуекел дәрежесінің бағалау өлшемдерін бекіту туралы» Қазақстан Республикасы Әділет министрінің 2011 жылғы 29 маусымдағы № 245 бұйрығы (Мемлекеттік тіркеу тізілімінде № 7100 тіркелді, 2012 жылғы 15 мамырдағы № 236-241 (27315) «Егемен Қазақстан» газетінде жарияланған);