(БҰРЫНҒЫ РЕДАКЦИЯ) «ТАУАРЛАР ИМПОРТЫН ҚОСЫЛҒАН ҚҰН САЛЫҒЫНАН БОСАТУ ЕРЕ...

Тауарлар импортын қосылған құн салығынан босату ережесін бекіту туралы
Қазақстан Республикасы Үкіметінің 2008 жылғы 23 желтоқсандағы № 1229 Қаулысы

(2016.24.11. берілген өзгерістер мен толықтырулармен)

Осы редакция 2017 жылғы 9 тамызда енгізілген өзгерістеріне дейін қолданылды

«Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) 255-бабына сәйкес Қазақстан Республикасының Үкіметі қаулы етеді:

1. Қоса беріліп отырған Тауарлар импортын қосылған құн салығынан босату ережесі бекітілсін.

2. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.

3. Осы қаулы 2009 жылғы 1 қаңтардан бастап қолданысқа енгізіледі және ресми жариялануға тиіс.

Қазақстан Республикасы Үкіметінің

2008 жылғы 23 желтоқсандағы № 1229

 қаулысымен бекітілген

Тауарлар импортын қосылған құн салығынан босату

 ережесі

ҚР Үкіметінің 2010.19.08. № 824 Қаулысымен (2010 жылғы 1 шілдеден бастап қолданысқа енгізілді) (бұр.ред.қара); 2016.24.11. № 736 Қаулысымен (бұр.ред.қара) 1-тармақ өзгертілді

1. Осы Тауарлар импортын қосылған құн салығынан босату ережесі «Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) (бұдан әрі - Кодекс) 255-бабының 2-тармағына сәйкес әзірленді және тауарлар импортын қосылған құн салығынан босату тәртібін айқындайды.

Осы Ереже Еуразиялық экономикалық одақтың кедендік аумағына тауарлар әкелуді жүзеге асыратын заңды және жеке тұлғаларға (бұдан әрі - заңды және жеке тұлғалар) қолданылады.

ҚР Үкіметінің 2016.24.11. № 736 Қаулысымен 2-тармақ жаңа редакцияда (бұр.ред.қара)

2. Осы Ережеде көзделген тиісті құжаттарды Қазақстан Республикасының мемлекеттік кірістер органына беру кезінде тауарлар импорты қосылған құн салығынан босатылады.