(БҰРЫНҒЫ РЕДАКЦИЯ) АНЫҚТАМА ҚР ПРЕЗИДЕНТІНІҢ 24.10.01 Ж. № 713 ЖАРЛЫҒЫ

Мемлекеттік басқару деңгейлерi арасындағы өкiлеттiктердi
ажырату және бюджетаралық қатынастарды жетiлдiру мәселелерi
жөнiндегі мемлекеттік комиссия туралы Қазақстан Республикасы
Президентінің 2001 ж. 24 қазандағы № 713 Жарлығы
(ҚР Президентінің 16.12.01 ж. № 749; 09.02.02 ж. № 804; 14.11.02 ж.
№ 972; 04.08.03 ж. № 1159; 2005.14.02. № 1519 Жарлықтарымен енгізілген өзгерістерімен)

Осы редакция 2005 ж. 22 тамыздағы енгізілген өзгерістеріне дейін қолданылды

ҚР Президентінің 09.02.02 ж. № 804 Жарлығымен тақырыбы және кіріспесі өзгерді

Мемлекеттік басқару деңгейлерi арасындағы өкiлеттiктердi ажырату және бюджетаралық қатынастарды жетiлдiру жөніндегі ұсыныстарды талдап жасау мақсатында ҚАУЛЫ ЕТЕМIН:

ҚР Президентінің 09.02.02 ж. № 804 Жарлығымен 1-тармақ өзгертілді

1. Қосымшаға сәйкес құрамда Мемлекеттік басқару деңгейлерi арасындағы өкiлеттiктердi ажырату және бюджетаралық қатынастарды жетiлдiру мәселелерi жөніндегі мемлекеттік комиссия құрылсын.

ҚР Президентінің 09.02.02 ж. № 804 Жарлығымен 2-тармақ өзгертілді

2. Қоса берiлiп отырған Мемлекеттік басқару деңгейлерi арасындағы өкiлеттiктердi ажырату және бюджетаралық қатынастарды жетiлдiру мәселелерi жөніндегi мемлекеттік комиссия туралы ереже бекітiлсiн.

ҚР Президентінің 09.02.02 ж. № 804 Жарлығымен 3-тармақ жаңа редакцияда; ҚР Президентінің 14.11.02 ж. № 972 Жарлығымен 3-тармақ өзгертілді

3. Мемлекеттік басқару деңгейлерi арасындағы өкiлеттiктердi ажырату және бюджетаралық қатынастарды жетiлдiру мәселелерi жөнiндегі мемлекеттік комиссия 2002 жылғы 1 желтоқсанға дейiн мемлекеттік басқару деңгейлерi арасындағы өкiлеттiктердi ажырату және бюджетаралық қатынастарды жетiлдiру тұжырымдамасын әзiрлеудi қамтамасыз етсiн.

4. Осы Жарлықтың iске асырылуын бақылау Қазақстан Республикасы Президентінің Әкiмшiлiгiне жүктелсiн.

5. Осы Жарлық қол қойылған күнiнен бастап күшiне енедi.

Қазақстан Республикасының

Қазақстан Республикасы

Президентінің 2001 жылғы

24 қазандағы № 713 Жарлығына

қосымша