(БҰРЫНҒЫ РЕДАКЦИЯ)

Қазақстан Республикасының мемлекеттік қызметшiлерiн қайта даярлау және
олардың біліктiлігін арттыру ережесін бекіту туралы Қазақстан
Республикасы Президентінің 2004 жылғы 11 қазандағы № 1457 Жарлығы

Осы редакция 2005 ж. 8 шілдеде енгізілген өзгерістеріне дейін қолданылды

Мемлекеттік қызметшiлердi қайта даярлау және олардың біліктiлiгiн арттырудағы, мемлекеттік қызметтi кәсiби кадрлармен қамтамасыз етудегi мемлекеттік органдардың сұранысын қанағаттандыру жөніндегі бірыңғай мемлекеттік кадр саясатын жүзеге асыру мақсатында қаулы етемін:

1. Ұсынылып отырған Қазақстан Республикасының мемлекеттік қызметшілерiн қайта даярлау және олардың біліктілiгiн арттыру ережесi бекітілсiн.

2. Осы Жарлық қол қойылған күнiнен бастап күшiне енедi.

Қазақстан Республикасының

Қазақстан Республикасы

Президентінің 2004 жылғы 11 қазандағы

№ 1457 Жарлығымен Бекітілген

Қазақстан Республикасының мемлекеттік қызметшiлерiн

қайта даярлау және олардың біліктiлiгiн арттыру

Ережесі

1. Жалпы ережелер

1. Қазақстан Республикасының мемлекеттік қызметшiлерiн қайта даярлаудың және олардың біліктiлiгiн арттырудың осы ережесi (бұдан әрi Ереже) "Мемлекеттік қызмет туралы" 1999 жылғы 23 шiлдедегi Қазақстан Республикасы Заңының, "Мемлекеттік қызмет өткеру тәртібi туралы ереженi бекіту туралы" Қазақстан Республикасы Президентінің 2000 жылғы 10 наурыздағы № 357 Жарлығының және өзге де нормативтiк құқықтық актiлер негiзiнде әзiрлендi.

2. Қазақстан Республикасының мемлекеттік қызметшілерiн қайта даярлау және олардың біліктiлiгiн арттыру қосымша кәсiби білім берудiң негiзгi нысандары болып табылады және өз лауазымдық мiндеттерiн тиiмдi орындау үшiн ұсынылып отырған біліктiлiк талаптарына сәйкес мемлекеттік қызметшiлердің қызметi саласында теориялық және практикалық білімiн, iскерлiгi мен дағдысын жаңарту мақсатында тиiстi білім беру ұйымдарында жүзеге асырылады.