Көліктегі IIБ-нің жолаушылар поездарына ілесіп жүру жөніндегі патрульдік полиция бөлімшелері туралы нұсқаулықты бекіту туралы Ішкі істер министрлігі 2000 жылғы 5 желтоқсандағы № 664 бұйрығы (күші жойылды)

Көлiктегi IIБ-нiң жолаушылар поездарына iлесiп жүру жөніндегі патрульдiк полиция бөлiмшелерi туралы нұсқаулықты бекіту туралы
Ішкі істер министрлігі 2000 жылғы 5 желтоқсандағы № 664 бұйрығы

ҚР Ішкі істер министрінің 2009 жылғы 21 желтоқсандағы № 485 Бұйрығымен күші жойылды

Темір жол объектiлеріндегі қоғамдық тәртiптi нығайту, қылмыстар мен құқық бұзушылықтардың алдын алу және жолын кесу, қоғамдық қауiпсiздiктi, «Қазақстан темір жолы» республикалық мемлекеттік кәсiпорнының мүлкiн сақтауды, жолаушылардың жеке меншiгiн, құқықтары мен заңды мүдделерiн қорғауды қамтамасыз ету мақсатында бұйырамын:

1. Көлiктегi IIБ-нiң жолаушылар поездарына iлесiп жүру жөніндегі патрульдiк полиция бөлiмшелерi туралы нұсқаулық бекітілсiн (қоса берiлiп отыр).

2. Көлiктегi IIБ-нiң бастықтары:

1) осы Нұсқаулыққа сәйкес жолаушылар поездарына iлесiп жүру жөніндегі патрульдiк полиция бөлiмшелерiнiң жұмысын ұйымдастырсын;

2) осы Нұсқаулықтың талаптарын Көлiктегi IIБ жеке құрамының сынақ тапсыру арқылы оқып-үйренуiн қамтамасыз етсiн.

3. Осы бұйрық Қазақстан Республикасы Әдiлет министрлігінде мемлекеттік тiркеуден өткен күнiнен бастап күшiне енедi.

4. Осы бұйрықтың орындалуын бақылау Қазақстан Республикасы Iшкіісминiнiң ӘПД (Қ.С. Тыныбеков) және Көлiктегi IIБ-нiң бастықтарына жүктелсiн.

Қазақстан Республикасының

Ішкі істер министрі -

Ішкі әскерлер қолбасшысы

Көлiктегi IIБ-нiң жолаушылар поездарына iлесiп жүру жөніндегі

патрульдiк полиция бөлiмшелерi туралы

НҰСҚАУЛЫҚ

1. Жалпы ереже

1. Жолаушылар поездарына ілесіп жүру жөніндегі патрульдік полиция бөлiмшесi көлiктегi IIБ-де саптық полиция бөлiмшелерiнiң типтiк штаттарына сәйкес құрылады.