(БҰРЫНҒЫ РЕДАКЦИЯ) «ЖАҢҒЫРТУ ЖӨНІНДЕГІ ҰЛТТЫҚ КОМИССИЯ ТУРАЛЫ» ҚАЗАҚСТА...

Қазақстан Республикасы Президентінің
 Жарлығы
 
Жаңғырту жөніндегі ұлттық комиссия туралы

(2019.01.06. берілген өзгерістермен)

Осы редакция 2019 жылғы 22 шілдеде енгізілген өзгерістеріне дейін қолданылды

Институционалдық реформаларды іске асыру, қазақстандық қоғам мен мемлекетті одан әрі жаңғырту мақсатында және Қазақстан Республикасы Конституциясының 44-бабының 20) тармақшасына сәйкес ҚАУЛЫ ЕТЕМІН:

1. Осы Жарлықтың қосымшасына сәйкес құрамда Қазақстан Республикасының Президенті жанында Жаңғырту жөніндегі ұлттық комиссия (бұдан әрі - Ұлттық комиссия) құрылсын.

2. Ұлттық комиссия екі апта мерзімде Қазақстан Республикасы Президентінің қарауына:

1) Ұлттық комиссия туралы ереже жобасын;

2) Ұлттық комиссияның жұмыс жоспарының жобасын;

3) институционалдық реформаларды іске асыру жөніндегі жұмыс топтары бойынша ұсыныстар енгізсін.

3. Осы Жарлық қол қойылған күнінен бастап қолданысқа енгізіледі.

Астана, Ақорда, 2015 жылғы сәуірдің 30-і.

№ 6