«Салық есептілігі нысандарын және оларды жасау қағидаларын бекіту туралы» Қазақстан Республикасы Премьер-Министрінің Бірінші орынбасары – Қазақстан Республикасы Қаржы министрінің 2020 жылғы 20 қаңтардағы № 39 бұйрығына өзгерістер мен толықтырулар енгізу туралы» Қазақстан Республикасы Премьер-Министрінің орынбасары - Қаржы министрінің 2023 жылғы 30 маусымдағы № 724 бұйрығы

«Салық есептілігі нысандарын және оларды жасау қағидаларын бекіту туралы» Қазақстан Республикасы Премьер-Министрінің Бірінші орынбасары - Қазақстан Республикасы Қаржы министрінің 2020 жылғы 20 қаңтардағы № 39 бұйрығына өзгерістер мен толықтырулар енгізу туралы

Қазақстан Республикасы Премьер-Министрінің орынбасары - Қаржы министрінің 2023 жылғы 30 маусымдағы № 724 бұйрығы

БҰЙЫРАМЫН:

1. «Салық есептілігі нысандарын және оларды жасау қағидаларын бекіту туралы» Қазақстан Республикасы Премьер-Министрінің Бірінші орынбасары - Қазақстан Республикасы Қаржы министрінің 2020 жылғы 20 қаңтардағы № 39 бұйрығына (Нормативтік құқықтық актілерді мемлекеттік тіркеу тізілімінде № 19897 болып тіркелген) мынадай өзгерістер мен толықтырулар енгізілсін:

көрсетілген бұйрықпен бекітілген, «Корпоративтік табыс салығы бойынша декларация (110.00-нысан)» салық есептілігін жасау қағидаларында:

27-тармақтың 15) тармақшасы мынадай редакцияда жазылсын:

1-тармақтың төртінші абзацы 2023 ж. 1 шілдеден бастап қолданысқа енгізілді

«15) 110.01.048 D жолында қолданыста болған салық заңнамасына сәйкес айқындалған Қазақстан Республикасының Әлеуметтік кодексіне сәйкес жеке тұлғаларға берілетін атаулы әлеуметтік көмектің сомасы көрсетіледі;»;

көрсетілген бұйрыққа 82-қосымша осы бұйрыққа 1-қосымшаға сәйкес жаңа редакцияда жазылсын;

көрсетілген бұйрықпен бекітілген, «Жеке табыс салығы бойынша декларация (240.00-нысан)» салық есептілігін жасау қағидаларында:

мынадай мазмұндағы 8-тараумен толықтырылсын:

«8-тарау. Цифрлық активтердің салық салу - 240.05-нысанын толтыру бойынша түсіндірме

35. Бұл нысан есепті салықтық кезеңнің 31 желтоқсанындағы жағдай бойынша меншігінде цифрлық активтері бар Қазақстан Республикасының азаматтары, қандастар және Қазақстан Республикасында тұруға ықтиярхаты бар адамдардың цифрлық активтері туралы ақпаратты көрсетеді.

«Салық төлеуші туралы жалпы ақпарат» деген бөлімде салық төлеуші мынадай деректерді: