(БҰРЫНҒЫ РЕДАКЦИЯ) «ЕКIНШI ДЕҢГЕЙДЕГI БАНКТЕРДІҢ, «ҚАЗАҚСТАННЫҢ ДАМУ БА...

Екiншi деңгейдегi банктердің, «Қазақстанның Даму Банкі» акционерлік қоғамының және банк операцияларының жекелеген түрлерін жүзеге асыратын ұйымдардың қарыздар мен шартты міндеттемелер жөніндегі есептілігінің тізбесін, нысандарын және табыс ету мерзімдерін және оларды ұсыну қағидаларын бекіту туралы
Қазақстан Республикасы Ұлттық Банкі Басқармасының 2018 жылғы 28 желтоқсандағы № 313 Қаулысы

(2019.13.12. берілген өзгерістер мен толықтырулармен)

Осы редакция 2021 ж. 1 қаңтарға дейін қолданылған редакция

ҚР Президентінің 2020 жылғы 15 наурыздағы № 285 Жарлығымен енгізілген төтенше жағдай кезеңінде есептіліктің жекелеген түрлерін ұсыну мерзімдерін ұзарту туралы, ҚР Ұлттық Банкі Басқармасының 2020 жылғы 31 наурыздағы № 42 Қаулысын қараңыз

«Қазақстан Республикасының Ұлттық Банкі туралы» 1995 жылғы 30 наурыздағы, «Қаржы нарығы мен қаржы ұйымдарын мемлекеттiк реттеу, бақылау және қадағалау туралы» 2003 жылғы 4 шілдедегі және «Мемлекеттік статистика туралы» 2010 жылғы 19 наурыздағы Қазақстан Республикасының заңдарына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

1. Мыналар:

1) осы қаулыға 1-қосымшаға сәйкес қарыздар мен шартты міндеттемелер жөніндегі есептілік тізбесі;

2) осы қаулыға 2 және 3-қосымшаларға сәйкес кредиттік тарих субъектісі туралы есептің нысаны;

3) осы қаулыға 4 және 5-қосымшаларға сәйкес қарыз (шартты міндеттеме) шарты туралы есептің нысаны;

4) осы қаулыға 6 және 7-қосымшаларға сәйкес қамтамасыз ету туралы есептің нысаны;

5) осы қаулыға 8 және 9-қосымшаларға сәйкес қарызға (шартты міндеттемеге) қызмет көрсету туралы есептің нысаны;

6) осы қаулыға 10-қосымшаға сәйкес Екiншi деңгейдегi банктердің, «Қазақстанның Даму Банкі» акционерлік қоғамының және банк операцияларының жекелеген түрлерін жүзеге асыратын ұйымдардың қарыздар мен шартты міндеттемелер жөніндегі есептілікті ұсыну қағидалары бекітілсін.

2. 2019 ж. 1 шілдеге дейін қолданылды (бұр.ред.қара)

3. 2019 ж. 1 шілдеге дейін қолданылды (бұр.ред.қара)