(БҰРЫНҒЫ РЕДАКЦИЯ) ҚР ІШКІ ІСТЕР МИНИСТРІНІҢ 2014.04.04 № 192 БҰЙРЫҒ...

Осы редакция 2014 жылғы 16 маусымда енгізілген өзгерістеріне дейін қолданылды

Қазақстан Республикасы

Ішкі істер министрінің

2014 жылғы 4 сәуірдегі

№ 192 бұйрығына

1-қосымша

«Қазақстан Республикасы Ауыл шаруашылығы министрлігі тіркейтін көлік құралдарын қоспағанда, автокөлік құралдарын тіркеу,

 қайта тіркеу және нөмірлік тіркеу белгілерін беру»

 мемлекеттік көрсетілетін қызмет регламенті


1. Жалпы ережелер

1. Мемлекеттік көрсетілетін қызметтің нормативтік құқықтық анықтамасы: «Қазақстан Республикасы Ауыл шаруашылығы министрлігі тіркейтін көлік құралдарын қоспағанда, автокөлік құралдарын тіркеу, қайта тіркеу және нөмірлік тіркеу белгілерін беру» (бұдан әрі - мемлекеттік көрсетілетін қызмет).

Мемлекеттік қызметті Қазақстан Республикасы Ішкі істер министрлігі (бұдан әрі - ІІМ), облыстардың, Астана, Алматы қалаларының ішкі істер департаменттері, Ішкі істер министрлігінің Байқоңыр қаласындағы Өкілдігі (бұдан әрі - көрсетілетін қызметті беруші) Қазақстан Республикасының аумағында тұрақты немесе уақытша тұратын жеке тұлғаларға және Қазақстан Республикасында тіркелген заңды тұлғаларға (бұдан әрі - көрсетілетін қызметті алушы):

ішкі істер органдарының тіркеу-емтихан бөлімшелері (бұдан әрі - ТЕБ);

халыққа қызмет көрсету орталықтары (бұдан әрі - Орталық) арқылы көрсетеді.

2. Мемлекеттік қызметті көрсету нысаны: ішінара автоматтандырылған.

3. Көлік құралдарын тіркеу туралы куәліктер (бұдан әрі - КҚТК) мен мемлекеттік тіркеу нөмірлік белгілерін (бұдан әрі - МТНБ), сондай-ақ олардың телнұсқаларын бере отырып, көлік құралдарын тіркеу, қайта тіркеу, есептен шығару мемлекеттік қызмет көрсету нәтижесі болып табылады.

2. Мемлекеттік қызмет көрсету процесінде көрсетілетін қызметті
берушінің құрылымдық бөлімшелерінің (қызметкерлерінің)
іс-қимылы тәртібін сипаттау