«Қазақстан Республикасының визаларын беру, олардың қолданылу мерзімдерін ұзарту және Қазақстан Республикасының аумағы арқылы транзиттік өту» мемлекеттік көрсетілетін қызмет регламенті (Қазақстан Республикасы Сыртқы істер министрінің м.а. 2014 жылғы 19 наурыздағы № 08-1-1-1/87 бұйрығымен бекітілген) (күші жойылды)

ҚР Сыртқы істер министрінің 2015 жылғы 10 тамыздағы № 11-1-2/328 бұйрығымен күші жойылды

Қазақстан Республикасы

Сыртқы істер министрінің м.а.

2014 жылғы 19 наурыздағы

№ 08-1-1-1/87 бұйрығымен

бекітілген

«Қазақстан Республикасының визаларын беру, олардың қолданылу мерзімдерін ұзарту және

Қазақстан Республикасының аумағы арқылы транзиттік өту»

мемлекеттік көрсетілетін қызмет регламенті


1. Жалпы ережелер

1. Мемлекеттік қызметті Қазақстан Республикасы Сыртқы істер министрлігі (бұдан әрі - Министрлік), Министрліктің Консулдық қызмет департаментінің Алматы қаласындағы өкілдігі, консулдық пункттері мен, осы регламентке 1-қосымшада көрсетілген, Қазақстан Республикасының шет елдердегі мекемелері (бұдан әрі - көрсетілетін қызметті беруші) көрсетеді.

2. Мемлекеттік қызмет көрсету нысаны: қағаз түрінде.

3. Мемлекеттік қызмет көрсету нәтижесі - Қазақстан Республикасының визасы.

2. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің (қызметкерлерінің) іс-қимыл тәртібін сипаттау

4. Көрсетілетін қызметті алушының өтініші мемлекеттік қызмет көрсету жөніндегі рәсімді (іс-қимылды) бастау үшін негіз болып табылады.

5. Қазақстан Республикасы Үкіметінің 2014 жылғы 24 ақпандағы № 145 қаулысымен бекітілген «Қазақстан Республикасының визаларын беру, олардың қолданылу мерзімдерін ұзарту және Қазақстан Республикасының аумағы арқылы транзиттік өту» мемлекеттік қызмет стандартының 2-бабының 4 тармағына сәйкес мемлекеттік қызмет көрсету процесі мынадай рәсімдерден тұрады:

1) 1-ші процесс - көрсетілетін қызметті берушінің құжаттарды қабылдауы, тексеруі, тіркеуі;

2) 2-ші процесс - көрсетілетін қызметті берушінің құжаттарды қарастыруы және оларды Қазақстан Республикасының Ұлттық қауіпсіздік комитетіне (бұдан әрі - ҰҚК) келісу үшін жіберу;

3) 3-ші процесс - ҰҚК-мен визалық құжаттарды келісу және жауапты жолдау;

4) 3-ші процесс - визалық құжаттарды ресімдеу және Қазақстан Республикасының визасын беру;