(БҰРЫНҒЫ РЕДАКЦИЯ) ҚР ҮКІМЕТІНІҢ 2013.31.12 № 1577 ҚАУЛЫСЫ

Қазақстан Республикасы Ұлттық ғарыш агенттігінің 2014 - 2018 жылдарға арналған стратегиялық жоспары туралы
Қазақстан Республикасы Үкіметінің 2013 жылғы 31 желтоқсандағы № 1577 Қаулысы

Осы редакция 2014 жылғы 28 мамырда енгізілген өзгерістеріне дейін қолданылды

2008 жылғы 4 желтоқсандағы Қазақстан Республикасы Бюджет кодексінің 62-бабына сәйкес Қазақстан Республикасының Үкіметі ҚАУЛЫ ЕТЕДІ:

1. Қазақстан Республикасы Ұлттық ғарыш агенттігінің 2014-2018 жылдарға арналған стратегиялық жоспары бекітілсін.

2. Осы қаулы 2014 жылғы 1 қаңтардан бастап қолданысқа енгізіледі және ресми жариялануға тиіс.

Қазақстан Республикасы

Үкіметінің

2013 жылғы 31 желтоқсандағы

№ 1577 қаулысымен

бекітілген

Қазақстан Республикасы Ұлттық ғарыш агенттігінің
2014 - 2018 жылдарға арналған
стратегиялық жоспары

1-бөлім. Миссиясы және пайымы

Миссиясы: ел үшін жаңа, экономиканың және қоғамның қажеттіліктерін қанағаттандыратын толыққанды ғарыш саласын қалыптастыру.

Пайымы: ғарыш саласы Қазақстанның әлемнің неғұрлым бәсекеге қабілетті елдерінің қатарына кіруіне ықпал ететін экономиканың ғылымды көп қажет ететін және жоғары технологиялық секторы.

2. Ғарыш қызметі саласындағы ағымдағы ахуалды талдау
және дамыту үрдістері

1-стратегиялық бағыт. Ғарыш инфрақұрылымын құру және дамыту.

1. Реттелетін саланы немесе қызмет аясын негізгі дамыту көрсеткіштері.

Ғарыш қызметінің нәтижелері мен қосымшалары заманауи жағдайларда инновациялық бағыттағы қоғамдық дамудың маңызды факторы болуда, ол экономика мен білімдердің әртүрлі салаларында мультипликативтік әсер етіп, индустрияландырудан кейінгі ақпараттық қоғам құру негізін айқындайды.