«Қазақстан Республикасы Ауыл шаруашылығы министрлігі беретін куәліктерді қоспағанда, азаматтарға жүргізуші куәліктерін беру» мемлекеттік көрсетілетін қызмет регламенті (Қазақстан Республикасы Ішкі істер министрінің 2014 жылғы 4 сәуірдегі № 192 бұйрығына 2-қосымша) (2014.16.06. берілген толықтырулармен) (күші жойылды)

ҚР Ішкі істер министрінің м.а. 2015 жылғы 22 мамырдағы № 473 бұйрығымен күші жойылды

Қазақстан Республикасы

Ішкі істер министрінің

2014 жылғы 4 сәуірдегі

№ 192 бұйрығына

2-қосымша

«Қазақстан Республикасы Ауыл шаруашылығы министрлігі беретін куәліктерді қоспағанда, азаматтарға жүргізуші куәліктерін беру» 

мемлекеттік көрсетілетін қызмет регламенті
(2014.16.06. берілген толықтырулармен)

1. Жалпы ережелер

1. Мемлекеттік көрсетілетін қызметтің нормативтік құқықтық анықтамасы: «Қазақстан Республикасы Ауыл шаруашылығы министрлігі беретін куәліктерді қоспағанда, азаматтарға жүргізуші куәліктерін беру» (бұдан әрі - мемлекеттік көрсетілетін қызмет).

Мемлекеттік қызметті Қазақстан Республикасы Ішкі істер министрлігі (бұдан әрі - ІІМ), облыстардың, Астана, Алматы қалаларының ішкі істер департаменттері, Ішкі істер министрлігінің Байқоңыр қаласындағы Өкілдігі (бұдан әрі - көрсетілетін қызметті беруші) Қазақстан Республикасының аумағында тұрақты немесе уақытша тұратын жеке тұлғаларға және Қазақстан Республикасында тіркелген заңды тұлғаларға (бұдан әрі - көрсетілетін қызметті алушы):

ішкі істер органдарының тіркеу-емтихан бөлімшелері (бұдан әрі - ТЕБ);

халыққа қызмет көрсету орталықтары (бұдан әрі - Орталық) арқылы көрсетеді.

2. Мемлекеттік қызмет көрсету нысаны: ішінара автоматтандырылған.

3. Белгіленген үлгідегі жүргізуші куәлігін беру мемлекеттік қызмет көрсету нәтижесі болып табылады.

2. Мемлекеттік қызмет көрсету процесінде көрсетілетін қызметті
берушінің құрылымдық бөлімшелерінің (қызметкерлерінің)
іс-қимылы тәртібін сипаттау

4. Көрсетілетін қызметті берушінің Қазақстан Республикасы Үкіметінің 2014 жылғы 24 ақпандағы № 131 қаулысымен бекітілген «Ауыл шаруашылығы министрлігі тіркейтін көлік құралдарын қоспағанда, автокөлік құралдарын тіркеу, қайта тіркеу және нөмірлік тіркеу белгілерін беру» мемлекеттік көрсетілетін қызмет стандартында (бұдан әрі - Стандарт) белгіленген құжаттар тізбесін қабылдауы мемлекеттік қызметті көрсету рәсімінің басталу негіздемесі болып табылады.