«Зейнетақы активтерін инвестициялық басқаруды жүзеге асыратын ұйымдарға арналған пруденциалдық нормативтер туралы ережені бекіту жөнінде» Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2005 жылғы 26 қарашадағы № 412 Қаулысы (2006.27.05. берілген өзгерістер мен толықтыруларымен) (күші жойылды)

«Зейнетақы активтерін инвестициялық басқаруды жүзеге асыратын ұйымдарға арналған пруденциалдық нормативтер туралы ережені бекіту жөнінде» Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының
2005 жылғы 26 қарашадағы № 412 Қаулысы

(2006.27.05. берілген өзгерістер мен толықтыруларымен)

ҚР Қаржы нарығын және қаржы ұйымдарын реттеу мен қадағалау агенттігі Басқармасының 2006.27.10. № 223 Қаулысымен күші жойылды

Зейнетақы активтерін инвестициялық басқаруды жүзеге асыратын ұйымдардың қызметін реттеуді жетілдіру мақсатында, Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:

1. Осы қаулының 1-қосымшасына сәйкес Зейнетақы активтерін инвестициялық басқаруды жүзеге асыратын ұйымдарға арналған пруденциалдық нормативтер туралы ереже (бұдан әрі - Ереже) бекітілсін.

2. Осы қаулы 2006 жылғы 1 қаңтардан бастап қолданысқа енгізіледі.

Ереженің 23-26, 28-29-тармақтарының қолданылуы жинақтаушы зейнетақы қорлары және бағалы қағаздар рыногының кәсіби қатысушылары үшін 2006 жылдың 1 шілдесінен бастап туындайтын қарым-қатынастарға қолданылады. 2006 жылдың 1 шілдесіне дейін Ереженің 23-26, 28-тармақтарында көрсетілген ақпарат қағаз тасымалдаушысында Ережеде белгіленген тәртіппен Агенттікке ұсынылады.

3. Осы қаулы қолданысқа енгізілген күннен бастап осы қаулының 2-қосымшасында көрсетілген нормативтік құқықтық актілердің және нормативтік құқықтық актінің құрылымдық бөлігінің күші жойылды деп танылсын.

4. Бағалы қағаздар нарығының субъектілерін және жинақтаушы зейнетақы қорларын қадағалау департаменті (Тоқобаев Н.Т.):

1) Заң департаментімен (Байсынов М.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеуден өткізу шараларын қолға алсын;