(БҰРЫНҒЫ РЕДАКЦИЯ)

Cоғыс жағдайы туралы Қазақстан Республикасының
2003 ж. 5 наурыздағы № 391-II Заңы

Осы редакция  2005 ж. 8 шілдедегі   енгізілген өзгерістеріне   дейін  қолданылды

1-тарау. Жалпы ережелер                                         (1-5 баптар)

2-тарау. Соғыс жағдайы режимі қамтамасыз ету                    (6-8 баптар)

3-тарау. Қазақстан  Республикасы Президентінің, үкіметінің      (9-10 баптар)

         соғыс жағдайы кезеңіндегі өкілеттіктері

4-тарау. Соттар мен прокуратура органдарының соғыс жағдайы      (11 бап)

         кезеңіндегі қызметі

5-тарау. Азаматтардың және басқа да адамдардың, ұйымдардың      (12-14 баптар)

         соғыс жағдайы кезеңіндегі міндеттері

6-тарау. Қорытынды ережелер                                     (15-17 баптар)

Осы Заң Қазақстан Республикасы азаматтарының , Қазакстан Республикасынын аумағында тұратын шетелдіктердің және азаматтығы жоқ адамдардын (бұдан әрі азаматтар және басқа да адамдар), сондай-ақ мемлекеттік органдардың, әскери басқару органдарының және меншік нысандарына қарамастан ұйымдардың (бұдан әрі ұйымдар) соғыс жағдайы кезеңіндегі құқықтық қатынастарын реттейді.

Осы Заңның қолданылуы соғыс жағдайы кезеңімен шектеледі.

1-тарау. Жалпы ережелер

1-бап. Осы Заңда пайдаланылатын негізгі ұғымдар

Осы Заңда мынадай ұғымдар пайдаланылады:

1) агрессия- шет мемлекеттің (мемлекеттер тобының не коалициясының) Қазақстан Республикасының егемендігіне, аумақтык қол сұғылмау-шылығына немесе саяси тәуелсіздігіне қарсы қарулы күш қолдануы немесе оған Біріккен Ұлттар Ұйымының Жарғысымен сыйыспайтын қандай да болсын басқадай әрекет жасауы.