Қазақстан Республикасында сәулет, қала құрылысы мен құрылыс қызметін
дамыту жөніндегі шаралар туралы Қазақстан Республикасы Үкіметінің
2000 ж. 28 қарашадағы № 1778 қаулысы
(ҚР Үкіметінің 28.10.01 ж. № 1369; 26.01.02 ж. № 127; 17.05.02 ж. № 534;
20.05.03 ж. № 462; 27.08.04 ж. № 907 қаулыларымен енгізілген өзгерістерімен)
ҚР Үкіметінің 2006.16.06. № 557 қаулысымен күші жойылды
Қазақстан Республикасында сәулет, қала құрылысы мен құрылыс қызметiн дамыту және осы саладағы мемлекеттік басқару жүйесiн жетiлдiру мақсатында Қазақстан Республикасының Yкіметі қаулы етеді:
1. Қоса берiлiп отырған Қазақстан Республикасында сәулет, қала құрылысы мен құрылыс қызметiн дамытудың бағдарламасы (бұдан әрi Бағдарлама) және оны іске асыру жөніндегі Iс-шаралардың жоспары бекітілсiн.
ҚР Үкіметінің 20.05.03 ж. № 462 қаулысымен 2-тармақ өзгертілді (бұрынғы ред. қара)
2. Мемлекеттік инвестициялар есебiнен толық немесе ішінара қаржыландырылатын құрылыс объектiлерi мен кешендерiнiң техникалық-экономикалық негiздемелерi (ТЭН) мен жобаларын құрылыстың сметалық құны:
қолданылып жүрген бағамен 400 000 (төрт жүз мың) айлық есептiк көрсеткiшке дейiн болса, құрылысқа тапсырыс берушiлер бекiтедi;
қолданылып жүрген бағамен 100 000 000 (жүз миллион) теңгеден 400 000 (төрт жүз мың) және одан астам айлық есептiк көрсеткiш болса, олар Қазақстан Республикасының индустрия және сауда министрлігі Құрылыс істерi жөніндегi комитетінің (бұдан әрi - Комитет) бекiтуiне жатады;
3. Қазақстан Республикасының Статистика жөніндегі агенттiгi белгiленген тәртiппен тоқсан сайын Комитеттi күрделi құрылыс саласындағы, мердiгерлiк жұмыстарды мемлекеттік сатып алу мен құрылыс материалдарының экспорты-импорты аясындағы статистикалық материалдармен қамтамасыз етiп отырсын.
ҚР Үкіметінің 20.05.03 ж. № 462 қаулысымен 4-тармақ өзгертілді (бұрынғы ред. қара)
4. Қазақстан Республикасының Қаржы министрлігі және Қазақстан Республикасы Индустрия және сауда министрлігінiң Инвестициялар жөніндегі комитетi құрылыстағы инвестициялық жобаларды қаржыландырудың сыртқы көздерiн тарту жөніндегі жұмыстарды белсендi түрде жүргізсiн, Комитеттiң қатысуымен сыртқы инвесторлармен және кредиторлармен келісім-шарттарды әзiрлеу мен жасасу кезiнде отандық мердiгерлiк ұйымдар мен материал өндiрушiлердің мүдделерiн сақтауды қамтамасыз етсiн.
ҚР Үкіметінің 20.05.03 ж. № 462 қаулысымен 5-тармақ өзгертілді (бұрынғы ред. қара)
ҚР Үкіметінің 27.08.04 ж. № 907 қаулысымен 5-тармақ жаңа редакцияда (бұрынғы ред. қара)
5. Осы қаулының орындалуын бақылау Қазақстан Республикасы Премьер-Министрінің орынбасары С.М.Мыңбаевқа жүктелсiн.
6. Осы қаулы қол қойылған күнінен бастап күшіне енеді.
Қазақстан Республикасының
| Премьер-Министрі |
|
| К.Токаев |
Қазақстан Республикасы Үкіметінің
2000 жылғы 28 қарашадағы
№ 1778 қаулысымен бекітілген
Қазақстан Республикасында сәулет, қала
құрылысы мен құрылыс қызметін дамытудың
бағдарламасы
1. Паспорт 2. Кіріспе 3. Қала құрылысы 4. Күрделі құрылыс 5. Тұрғын үй құрылысы 6. Құрылыстағы мердігерлік жұмыстар 7. Құрылыс материалдарының, бұйымдарымен құрастырмаларының өндірісі
8. Нормативтік-техникалық база 9. Қолданбалы ғылым және жобалау ісі 10. Мемлекеттік басқару жүйесі 11. Қажетті ресурстар жәнеоларды қаржыландыру көздері
12. Бағдарламаны іске асыруданкүтілетін нәтижелер
13. Іс-шаралардың жоспары ҚР Үкіметінің 20.05.03 ж. № 462 (бұрынғы ред. қара); 27.08.04 ж. № 907 (бұрынғы ред. қара) қаулыларымен паспорт өзгерді
1. Паспорт
1. Бағдарламаның Қазақстан Республикасы Сәулет, қала
атауы: құрылысы мен құрылыс қызметін дамытудың
бағдарламасы
2. Бағдарламаның Қазақстан Республикасы индустрия
әзірлеушісі мен және сауда министрлiгінің Құрылыс iстерi
әкімшісі: жөніндегi комитетi
3. Бағдарламаның Қазақстан Республикасында Сәулет, қала
құрылымы: құрылысы мен құрылыс қызметiн дамытудың
бағдарламасы паспорттан, кiрiспеден және
мынадай бағыттар бойынша секторлық
бөлiмдерден тұрады:
қала құрылысы;
күрделi құрылыс;
тұрғын үй құрылысы;
құрылыстағы мердiгерлiк жұмыстар;
құрылыс материалдарының, бұйымдары мен
құрастырмаларының өндiрiсi;
нормативтiк-техникалық база;
қолданбалы ғылым және жобалау iсi;
мемлекеттік басқару жүйесi.
Бөлiмдерде сектордағы істердiң қазiргi жай-күйi
мен проблемаларына қысқаша талдау жасалған,
мақсаттар мен мiндеттердi, сондай-ақ саланы
тұтас дамытуды қамтамасыз ететiн iстiң жайын
жақсартуды және проблемаларды шешу жөніндегi
қажеттi шараларды белгiлейдi.
4. Бағдарламаны Қазақстан Республикасында Сәулет, қала
іске асыру құрылысы мен құрылыс қызметiн дамытудың
мерзімдері: бағдарламасын iске асыру жөніндегі iс-шаралар
жоспары 2000-2005 жылдар ішiнде бiрiншi
кезектегi мiндеттердi шешуге бағытталған.
инфрақұрылымды дамыту мен орналастыру
жүйесiмен қоса Қазақстан Республикасының
Аумағын ұйымдастырудың бас сызбасын әзiрлеу
бюджеттен қаржыландырылған жағдайда
2005 жылы аяқталады.
2005 жылға және одан кейiнгi жылдарға арналған
бағдарламаларды iске асыру жөніндегі iс-шаралар
жоспары бiрiншi кезектегi шаралар аяқталғанда
жасалатын болады.
5. Қаржыландыру Бағдарламаны қаржыландыру Қазақстан Республикасында
көлемi мен көздерi. сәулет, қала құрылысы мен құрылыс қызметiн
дамытуға республикалық бюджетте көзделген
қаражат есебiнен жүзеге асырылады, жыл сайынғы
көлем тиiстi қаржы жылына арналған
республикалық бюджеттi қалыптастыру кезiнде
нақтыланады: 2002 жылы - 63,0 миллион теңге,
бөлiну болжанып отырған 2003 жылы - 249,0
миллион теңге, 2004 жылы - 167,2 миллион
теңге, 2005 жылы - 131,6 миллион теңге
ҚР Үкіметінің 20.05.03 ж. № 462 қаулысымен кіріспе өзгертілді (бұрынғы ред. қара)
2. Кіріспе
Елдің қоғамдық-саяси және экономикалық құрылысындағы өзгерістер сәулет, қала құрылысы мен құрылыс қызметiн жүзеге асыруда жаңа көзқарастарды талап етедi. Жаңа өндiрiстiк кешендер құрылысында, тұрғын үй мен әлеуметтік сала құрылысын дамытуда мемлекеттiң қажеттiлiгiн қамтамасыз ету үшiн отандық құрылыс салаларын көтеру және олардың сенiмдi жұмыс iстеуi үшiн жағдай туғызу қажет.
Бүгiнгi таңда, республика экономикасындағы айқын оң өзгерістердiң нәтижелерiне қарамастан, құрылыс саласы жаңа тұрғын үй құрылысы көлемiнiң қанағаттанғысыз төмендеуiмен, негiзгi қорлардың моральдық тозуымен және жедел iстен шығуымен, жұмыссыздықтың өсуiмен, құрылыстық қызмет көрсетулер мен материалдар импортының артуымен сипатталады.
Сонымен бiрге, құрылыс белгiлi бiр жағдайларда ел экономикасын жеделдете өркендету негiздерiнiң бiрi бола алатын бәсекеге қабiлеттi отандық салалардың бiрi болып табылады. Осындай мақсатқа қол жеткізу үшiн басты талаптардың қатарында сәулет, қала құрылысы мен құрылыс саласында дәйектi мемлекеттік саясат жүргiзу қажет деп танылады.
Қазақстан Республикасында Сәулет, қала құрылысы мен құрылыс қызметiн дамытудың осы Бағдарламасы 2030 жылға дейiнгi Қазақстан Республикасының Стратегиялық дамуын ескере отырып әзiрлендi және 2005 жылға дейiнгi кезеңге есептелген.
Бағдарламада саланы тұрақтандыруға және оны дәйектi көтеруге бағытталған iс-шаралар кешенi жазылған.
Проблемалар
Елдi мекендердiң инфрақұрылымын жаңартудың және қоныстанбайтын аумақтарды игерудiң бұрынғы тетiктерiнiң (әлеуметтiк-экономикалық тетiктердi қоса алғанда) тоқтатылуы, сонымен бiр мезгiлде мемлекеттік реттеу негiзiнде аумақтарда ұйымдастырудың, дамытудың, жайластыру мен оларға құрылыс салудың жаңа қағидаттарының болмауы белгiлi бiр келеңсiз зардаптарға әкеп соқтырады.
Нәтижесiнде, қала құрылысын салу саласында қазiргi уақытта мынадай проблемалар орын алуда:
1) экологиялық (табиғатты қорғау және әлеуметтiк-экологиялық бағыттар);
2) әлеуметтiк-экономикалық;
3) елдi мекендердi дамыту мен аумақтарды игеру (жайластыру) серпiніндегі әлеуметтiк-демографиялық;
4) аумақтық-жоспарлау;
5) жеке меншiк тұрғын үй қоры рыногының ғана көрiнiсiн танытатын жылжымайтын мүлiк рыногының жеткiлiксiз деңгейде дамуы.
Мiндеттер
Қала құрылысы саласындағы негiзгi мiндеттер халықтың өмір сүру және толыққанды тiршiлiк ету ортасын құру, қала құрылысы қызметi кезiнде аумақтарды ұтымды пайдалану және қоршаған ортаның экологиялық жағдайын жақсарту үшiн мемлекеттік қала құрылысы саясатын қалыптастыру болып табылады.
Iс-шаралар
Аталған мiндеттердi iске асыру үшiн мынадай бағыттар белгiленген:
1) Мемлекеттік қала құрылысы саясатының әзiрленген тұжырымдамасын iс жүзiне асыру;
2) "Сәулет, қала құрылысы және құрылыс қызметi туралы" Қазақстан Республикасының жаңа Заңын қабылдау;
3) инфрақұрылымды орналастыру мен дамыту жүйесiмен бiрге Қазақстан Республикасының Аумағын ұйымдастырудың бас сызбасын әзiрлеудi бастау;
4) Елдiң аумағын ұйымдастырудың бас сызбасының негiзiнде аумақты қала құрылысына жоспарлаудың, өндiрiстiк, көлiктiк, инженерлiк және әлеуметтiк инфрақұрылымды дамытудың аймақаралық және аймақтық кешендi сызбаларын әзiрлеудi ұйымдастыру;
5) қалаларды дамыту мен салуды, аумақтарды игеру мен жайластыруды реттейтiн бас жоспарлардың және басқа да қала құрылысы құжаттамасының негiзiнде жүзеге асыру;
6) республикалық, облыстық, қалалық (республикалық маңызы бар қалалар) және аудандық деңгейлерде мемлекеттік қала құрылысы кадастрының жүйесiн қалыптастыру.
ҚР Үкіметінің 17.05.2002 № 534 қаулысына сәйкес 4 бөлім өзгертілді
4. Күрделі құрылыс
Проблемалар
Күрделi құрылыстағы инвестициялар немесе негiзгi қорларды құру мен ұдайы өндiруге арналған шығындар 1999 жылдың 12 айы iшiнде 243,1 миллиард теңге болды. Соңғы 3 жылдың iшiнде осы салада инвестициялардың бiршама өсуi байқалғанымен, 1990 жылдан берi орын алған күрделi құрылыс көлемiнiң он еседен астам қысқаруы, бiр жағынан, өнеркәсiптегi негiзгi қорлардың моральдық және табиғи тозуына, ал екiншi жағынан, құрылыс кешенiнiң күнi кеше ғана қуатты мүмкіндiктерiнiң сұранымсыз қалуына әкеп соқты.
Мiндеттер
Күрделi құрылысқа жұмсалатын инвестициялардың бәсекеге қабiлеттi қазiргi кәсiпорындардың негiзгi қорларының ұдайы өсуi мен елдiң экономикалық дамуының жоспарларында көзделген жаңа кәсiпорындардың құрылысын салуды қамтамасыз ететiн деңгейге дейiн арттыру.
Iс-шаралар
Инвестициялық ахуалды жақсарту мен сыртқы және iшкi инвестицияларды тарту үшiн тиiстi нормативтiк құқықтық базаны жетiлдiру жөнiнде, оның iшiнде салық салу мәселелерi жөнiнде де дәйектi жұмыс жүргiзiлетiн болады.
Осы мақсаттарға орай Қазақстан Республикасының "Шетел инвестициялары туралы" және "Тiкелей инвестицияларды мемлекеттік қолдау туралы" Заңдарын бiрiктiретiн және шетелдiк пен отандық инвесторлардың құқықтарын теңестiретiн "Инвестициялар туралы" Қазақстан Республикасының Заңы әзiрленетiн болады.
Қазақстан Республикасының тиiстi Заңында көзделген тiкелей инвестицияларды мемлекеттік қорғау саясаты дәйектi жүргiзiлетiн болады.
Проблемалар
Қазiргi уақытта республикадағы тұрғын үй қорының жалпы алаңы 253 млн. шаршы метрдi құрайды, саны 15 млн. адам халықтың бұл орта есеппен әр адамына 17 шаршы метрден келедi. Алайда, соңғы он жылдың ішінде тұрғын үй құрылысының көлемi ұдайы төмендедi және 1990 жылдағы 7,9 млн. шаршы метрден 1999 жылы 1,1 млн. шаршы метрге дейiн түстi, сонымен бiрге тұрғын үй қорын қарапайым ұдайы өсiру (сақтау) жағдайын негiзге алатын болсақ, жылына кем дегенде 3 млн. шаршы метр тұрғын үйдi пайдалануға беру қажет. Пәтер меншiк иелерi кооперативтерiне (ПМК-не) қарайтын көп пәтерлi тұрғын үйлердi күрделi жөндеу барлық жерде тоқтатылды деуге болады.
Нәтижесiнде, жылдан жылға халықтың көптеген санаттарының тұрғын үй проблемасы шешiлмеген күйiнде қалып отыр, тұтастай алғанда, тұрғын үй қоры тозды, апатқа ұшырау қаупi Жоғары және тозығы жеткен тұрғын үйлердің саны өстi, сондай-ақ құрылыс-монтаж ұйымдарының жұмыс көлемi күрт төмендедi. Жаппай құрылыс салудың алғашқы жылдарында тұрғызылған iрi панельдi үйлердi жаңғырту мен елімiздiң сейсмикалық қауiптi аймақтарындағы көптеген үйлер мен ғимараттардың сейсмикалық төзiмдiлiгiн арттыру проблемалары өз шешiмiн талап етедi.
Мiндеттер
Тұрғын үй құрылысын дамыту және тұрғын үй қорын сақтау үшiн жағдайлар жасау. Тұрғын үй қорын қарапайым ұдайы өсiру (сақтау) жағдайын негiзге ала отырып, таяу жылдары тұрғын үй құрылысының көлемiн жылына 3 млн. шаршы метрге дейiн жеткізу қажет.
Iс-шаралар
Сенімдi және халық сенiмiн иеленетiн құрылыс жинақ ақшасы жүйесiн құру - тұрғын үй құрылысын дамытудың негiзгi бағыты болады, ол адал салымшыларға сыйлық түрiнде мемлекеттік қолдау көрсетедi.
Осы мақсатта 2000 жылдың екiншi жарты жылдығында "Құрылыс жинақ ақшасы туралы" Қазақстан Республикасы Заңының жобасы Қазақстан Республикасы Парламентiнiң қарауына енгiзiлдi.
Қазiргi нормативтiк құқықтық базаны жетiлдiру арқылы ипотекалық несие жүйесi одан әрi дамытылатын болады.
Мемлекеттік пен қызметтiк тұрғын үйлер құрылысын салу жалғасады, ол үшiн барлық деңгейдегi бюджеттерде қажеттi қаражат көзделетiн болады.
Астана қаласында, бiрiншi кезекте бюджеттен тыс қаражаттарды тарту есебiнен тұрғын үй құрылысын салу жеделдетiлген қарқынмен жалғастырылады. Жаппай құрылыс салудың алғашқы жылдарында тұрғызылған iрi панельдi тұрғын үйлердi жаңғырту бағдарламасы, сондай-ақ Қазақстан Республикасының сейсмикалық қауiптi аймақтарындағы үйлер мен ғимараттардың сейсмикалық төзiмдiлiгiн арттыру жөніндегі iс-шаралардың аймақтық және республикалық iс-шаралар жоспарлары әзiрленетiн болады.
Тұрғын үйлердiң нормативтiк тұрғыдан күтiп, ұсталуына мемлекеттік бақылауды жүзеге асыру және ПМК-iне құқықтық көмек көрсету мақсатында 2001 жылы тұрғын үйлердi мемлекеттік инспекциялаудың жүйесi құрылатын болады.
6. Құрылыстағы мердігерлік жұмыстар
Проблемалар
Соңғы он жылдың iшiнде күрделi қаржы көлемiнiң азаюына байланысты өнеркәсiп құрылысының да, тұрғын үй құрылысының көлемi де күрт төмендеп кеттi, ал жалпы iшкi өнiмнiң құрылымында олардың үлесi 1990 жылдағы 12 пайыздан 1999 жылғы 4,8 пайызға дейiн төмендедi. Сонымен бiр мезгiлде, импорттық жұмыстарды (қызмет көрсетулердi) құқықтық реттеу мәселелерiнiң пысықталмауы және құрылыстағы мердiгерлiк жұмыстарды (қызмет көрсетулердi) сатып алуға конкурстар ұйымдастыру мен өткізуде кемшiлiктердiң болуы салдарынан республикадағы құрылыс-монтаж жұмыстарының едәуiр көлемiн шетелдiк фирмалар орындауда. Iстiң мұндай жағдайына отандық мердiгерлердiң айналым қаражатын толықтыруға арналған несиелiк ресурстарға, сондай-ақ шетел капиталы қатысатын iрi инвестициялық жобалар бойынша мердiгерлiк жұмыстарды (қызмет көрсетулердi) сатып алу конкурстарына қатысқан кезде олардың өз мiндеттемелерiн банктiк және сақтандыру кепiлдiктерiмен қамтамасыз етуге қол жеткiзе алмауы ықпал етедi.
Нәтижесiнде, отандық құрылыс-монтаж ұйымдарының жүктемесi де, тиiсiнше олар орындайтын жұмыс көлемi де күрт қысқарды. Олардың көпшiлiгi өздерiнiң өндiрiстiк-техникалық және кадр әлеуетiнен бiртiндеп айрылуда, нәтижесiнде сәулет-құрылыс мамандықтары бар жұмысшылар арасындағы жұмыссыздықтың жоғары деңгейде екендiгi байқалады.
Мiндеттер
Елдiң құрылыс-монтаж ұйымдарының өндірістік-техникалық және кадр әлеуетiн сақтау және арттыру үшін жағдайлар жасау.
Iс-шаралар
Мердiгерлiк жұмыстарды жүзеге асыру кезiнде мемлекеттік реттеудi жетiлдiруге, Қазақстандағы объектiлер құрылысына, оның iшiнде шетелдiк капиталды тарта отырып салынып жатқандарына отандық құрылыс-монтаж ұйымдарының қатысуын кеңейту үшiн жағдайлар жасауға бағытталған қазiргi нормативтiк құқықтық базаға қажеттi өзгерістер мен толықтырулар енгізу көзделiп отыр.
Құрылыс саласындағы жұмыссыздықты азайту мақсатында шетелдiк жұмыс күшiн әкелудi ретке келтiру жөнiнде шаралар қабылданатын болады.
Құрылыс-монтаж жұмыстарының сапасын арттыру үшiн құрылыс-монтаж ұйымдарын құрылыс сапасын басқарудың халықаралық стандарттарына көшiру жөнiнде шаралар әзiрленетiн болады.
Құрылыста баға белгiлеу мен қаржыландыру тетiктерiн жетілдiру жөнiнде шаралар қабылданатын болады.
Құрылыс-монтаж ұйымдарын осы заманғы машиналармен, механизмдермен және жабдықтармен қамтамасыз ету мақсатында құрылыста лизингтi дамыту жөнiнде ұсыныстар әзiрленедi.
Құрылыс-монтаж ұйымдарының өнеркәсiптiк кәсiпорындарды шетелдiк фирмалардың басқаруына беру жөніндегі Үкiметтiң жекелеген шешiмдерiнiң нәтижесiнде жинақталған дебиторлық берешектердi кезең-кезеңiмен өтеу немесе қайта құрылымдау жүргiзiледi.
7. Құрылыс материалдарының, бұйымдары
мен құрастырмаларының өндірісі
Проблемалар
Республикадағы құрылыс кешенiнiң негiзi болып табылатын құрылыс материалдарының өндiрiсiн дамыту елiмiздiң құрылыс саласын өрiстетудегi басымдықтардың бiрi болып табылады.
Алайда, құрылыс саласының ұзақ уақыт бойы дағдарысты жұмыс iстеуi және республикаға едәуiр мөлшерде құрылыс материалдары импортының әкелiнуi республикада құрылыс материалдары мен бұйымдарының өндiрiс көлемiн құлдыратып жiбердi.
Мәселен, құрылыс материалдары өнеркәсiбiнiң республиканың өнеркәсiптiк өнiмдерiнiң жалпы құрылымындағы үлесi 1994 жылдағы 4,1 пайыздан 1999 жылғы 0,89 пайызға дейiн төмендедi.
Сонымен бiрге, кәсiпорындардың ескiрген, тозу деңгейi 60-80 пайызды құрайтын, энергияны көп қажет ететiн технологиялық желiлермен және жабдықтармен жарақталуы iшкi рыноктың өзiнде бәсекеге қабiлеттi өнiм жасауға мүмкiндiк бермедi. Iшкi рынок импорттық құрылыс материалдары мен бұйымдарға толып кеткендiктен, жағдай одан әрi шиеленiсе түстi. Сонымен қатар, бәсекеге қабiлеттi отандық материалдарды, бұйымдар мен құрастырмаларды қолданудан негiзсiз бас тарту кеңiнен етек алды.
Мiндеттер
Өндiрiстi тұрақтандыру мен дамыту, құрылыста бәсекеге қабiлеттi отандық құрылыс материалдарын, бұйымдары мен құрастырмаларын қолдануды кеңейту үшiн нормативтiк құқықтық және экономикалық алғышарттар жасау.
Iс-шаралар
Құрылыстың келешегi бар, бәсекеге қабiлеттi және сұранымға ие өнiмдер шығаруды көздейтiн құрылыс материалдарының өнеркәсiптiк кәсiпорындарын жаңғырту немесе техникалық қайта жарақтандыру жобалары Мемлекеттік инвестициялар бағдарламасына белгiленген тәртiппен енгiзiлетiн болады. Осындай жобаларға ?кімет қаржыландыруды, оның iшiнде сыртқы несиелер мен заемдарды iздестiру мен тарту, табиғи ресурстарды өндiруге, жайластыру мен пайдалануға арналып жасалған келісім-шартқа және тартылатын инвестициялық заемдарға арналған шарттарға тиiстi қағидаларды енгізу арқылы ұйымдастыруда атаулы қолдау көрсетедi.
Отандық құрылыс материалдарының, бұйымдары мен құрастырмаларының қолдану аясын кеңейту мақсатында "Мемлекеттік сатып алу туралы" Қазақстан Республикасының Заңына өзгерістер мен толықтырулар енгізу үшiн Қазақстан Республикасының Парламентiне тиiстi ұсыныстар әзiрленедi және ұсынылатын болады.
Отандық құрылыс өнiмдерiн өндiрушiлердi қолдау үшiн:
1) "Тауарлар импорты жағдайында iшкi рынокты қорғау шаралары туралы" Қазақстан Республикасының Заңымен берiлiп отырған мүмкiндiктер пайдаланылатын;
2) тиiстi тауарларды әкелуге арналған кедендiк баж ставкалары қажет болған жағдайда қайта қаралатын болады.
Тапсырыс берушiлердi, мердiгерлер мен жобалау ұйымдарын Қазақстанда өндiрілетiн бәсекеге қабiлеттi құрылыс материалдары, бұйымдары мен құрастырмалары туралы ақпаратпен қамтамасыз ету үшiн республикада олардың өндiрiстiк мониторингi ұйымдастырылады және жаңартылған тиiстi тiзiмдемесi мезгiл-мезгiл шығарылып тұратын болады. Толық немесе iшiнара мемлекеттік инвестициялар есебiнен қаржыландырылатын жобаларда импорттық құрылыс материалдарын, бұйымдары мен құрастырмаларын тиiстi негiздемелер болған жағдайда ғана қолданылуы көзделетiн тәртiп енгiзiлетiн болады.
Құрылыс тауарларының, оның iшiнде халықаралық көрмелерiн өткізу тәжiрибесi жалғасатын болады.
ҚР Үкіметінің 20.05.03 ж. № 462 қаулысымен 8-бөлім өзгертілді (бұрынғы ред. қара)
8. Нормативтік-техникалық база
Проблемалар
Қазақстан Республикасының Сәулет, қала құрылысы мен құрылыс қызметiнің нормативтiк-техникалық базасы басым көпшілiгi Кеңестiк Одақ кезiнде әзiрленген, оның үстiне, бұлар негiзiнен Ресейдің ғылыми және жобалау институттары әзiрлеген 1700-ден астам нормативтiк-техникалық құжаттар бiрлiгiнен тұрады.
Бұлжымас техникалық прогреске, жаңа технологиялардың, материалдардың, машиналар мен механизмдердің пайда болуына, экономикалық және қоғамдық қатынастардың өзгеруiне байланысты нормативтiк-техникалық құжаттар ұдайы жаңарту мен нақтылауды талап етедi. Мердiгерлiк жұмыстар (қызмет көрсетулер) мен құрылыс материалдарының қазақстандық рыногының ерекшелiгiн ескере отырып, дүниежүзiлiк қоғамдастықтағы құрылыстың сметалық құнын айқындау қағидаттарын қабылдауға көшу мiндетi айрықша өзектi болып табылады.
Отандық нормативтiк-техникалық базаны халықаралық стандарттармен және талаптармен үйлестiру мәселелерi, қолданбалы ғылым мен жобалау-iздестiру iсiнің проблемалары өз шешiмiн талап етедi.
Мiндеттер
Сәулет, қала құрылысы мен құрылыс қызметiнiң халықаралық талаптарға жауап беретiн осы заманғы нормативтiк-техникалық базасын жасау және ғылымның, техника мен жаңа технологиялардың жетiстiктерiн ескерiп, оны ұдайы сонымен сүйемелдеп отыру.
Iс-шаралар
Нормативтiк базаны жүйелi және жоспарлы реформалау мен нормативтiк құжаттардың жаңа жүйесін қалыптастыру жөнiндегі жұмыстар жалғасады. Бiрiншi кезекте нарықтық экономика талаптарынан, құрылыста жаңа технологиялардың пайда болуынан туындайтын аса маңызды проблемаларды шешуге бағытталған негiзгi нормативтiк құжаттарды әзiрлеу көзделiп отыр.
ТМД елдерi Үкiметтерi басшыларының Мемлекетаралық келісімдерi шеңберiнде бiрыңғай нормативтiк базаны қалыптастыру жүйесiн сақтауға, олардың халықаралық талаптармен үйлесiмдiлiгiн қамтамасыз етуге бағытталған нормалар мен стандарттарды әзiрлеу жөнiнде келісілген техникалық саясат одан әрi жалғасады.
ТМД елдеріндегі құрылысты стандарттау, метрология және сертификаттау жөніндегі Мемлекетаралық ғылыми-техникалық комиссия (МҒТҚК) шеңберiнде бiрыңғай перспективалық жоспар бойынша құрылыс құрастырмаларын, инженерлiк жүйелердi, жылу-энергия үнемдеу, үйлер мен ғимараттардың төзiмдiлiгiн, өрт-жарылыс қауiпсiздiгiн және т.б. есептеу құрылымдау және жобалау салаларына негiз болатын нормативтiк-техникалық құжаттар әзiрлеу ұйымдастырылады.
ТМД елдерiнiң ұлттық нормативтiк базасы зерделенедi және осы нормативтiк құжаттарды сатып алу мен Қазақстан Республикасының аумағында қолданысқа енгізу мүмкiндiгi туралы жұмыс жүргiзiледi.
Құрылыс саласындағы ғылыми-техникалық әлеуеттi сақтау мақсатында осы салада басымдыққа ие ғылыми-зерттеу және жобалау ұйымдарының күшiмен ұлттық техникалық нормативтер әзiрлеу жөніндегі жұмыс жалғасады.
2001-2003 жылдар iшiнде құрылыстың сметалық құнын айқындаудың жаңа жүйесi әзiрленiп, сынақтан өткiзiледi және оны енгізу басталады.
9. Қолданбалы ғылым және жобалау ісі
Проблемалар
Саяси-экономикалық қайта құрулардың басталуына және бұрынғы КСРО-ның ыдырауына байланысты егемендi Қазақстан бұрынғы кеңестiк ақпараттық, нормативтiк-техникалық және әлеуметтiк қамтамасыз ету көздерiнен айрылып қалды, ал тапсырыстардан айырылуы салдарынан отандық жобалау мен ғылыми-қолданбалы рыноктың ауқымы едәуiр тарылды.
Бұрынғы мемлекеттік ғылыми-зерттеу және жобалау-iздестiру ұйымдарының көпшiлiгi жаңа жағдайларда олардың ғылыми техникалық және кадрлық әлеуетiне қарамастан қажетсiз болып қалды.
Қала құрылысы мен құрылыс объектiлерiн жобалау саласындағы да, өндiрiстi, күрделi құрылысты дамыту саласындағы да проблемалар iшкi рынокты қорғаумен, мамандарды қайта даярлаумен және жаңа кадрларды даярлаумен, сондай-ақ тұтастай экономикалық және әлеуметтiк проблемалармен байланысты.
Қызметi мемлекеттiң айрықша құзыры болып табылатын және қала құрылысын жоспарлау, инженерлiк iздестiрулер, сейсмикалық төзiмдi құрылыс пен тұрғын үй-коммуналдық шаруашылық саласындағы мемлекеттік функцияларды және басқа да мiндеттердi орындаумен байланысты жобалау-iздестiру және ғылыми-зерттеу институттардағы iстiң жайы ерекше алаңдату туғызуда.
Мiндеттер
Республиканың мемлекеттік функцияларға жатқызылған сәулет, қала құрылысы мен құрылыс саласындағы мiндеттердi шешу үшiн ғылыми және жобалау-iздестiру әлеуетiн сақтау мен дамыту, сондай-ақ ұлттық байлық ретiнде жобалау, iздестiру және ғылыми мұрағаттар мен қорларды сақтау мемлекеттік жобалау iсiн жетiлдiру мәселелеріндегі басты мiндет болып табылады.
Iс-шаралар
Жобалау саласындағы мемлекеттік функцияларды жүзеге асыру мақсатында Аумақтарды ұйымдастырудың бас сызбасын әзiрлеу бөлiгiнде конкурстардың (тендерлердiң) негiзiнде мамандандырылған қала құрылысын жобалау ұйымдарының күшiмен бас жоспарлар мен басқа да жобалау-жоспарлау құжаттамасын әзiрлеу жөніндегі Қазақстан Республикасы Yкіметінiң тапсырмалары орындалады.
Сейсмология, сейсмикалық төзiмдi құрылыс, аумақты инженерлiк даярлау және жалпыұлттық маңызы бар басқа жұмыстар саласында қолданбалы сипаттағы ғылыми зерттеулер бойынша жұмыстар жалғасады.
ҚР Үкіметінің 26.01.2002 ж. № 127; 20.05.03 ж. № 462 (бұрынғы ред. қара) қаулыларымен 10-бөлім өзгертілді
10. Мемлекеттік басқару жүйесі
Проблемалар
Саладағы мемлекеттік басқару жүйесiнiң негiзгi проблемалары мыналар болып табылады.
1) мемлекеттік басқарудың орталық атқарушы органы мен жергiлiктi атқарушы органдарының құрылымындағы мемлекеттік сәулет, қала құрылысы мен Құрылыс органдарының арасында тиiмдi өзара iс-қимылдың болмауы;
2) сәулет-қала құрылысы мен құрылыс бақылауы тиiмдiлiгiнiң:
- уәкiлеттi органның бақылау-қадағалау функцияларын жергiлiктi атқарушы органдардың қайталауы;
- салалық ведомстводан құрылыс материалдарын, бұйымдары мен құрастырмаларын сертификаттау жөніндегі уәкілеттiктерiн алып қоюы нәтижесіндегі жеткiлiксiздiгi;
3) саладағы мемлекеттік реттеудiң заң базасының толымсыздығы мен пысықталмағандығы;
4) белгiленген тәртiппен бекітілген мемлекеттік қала құрылысы саясатының болмауы.
Мiндеттер
Негiзгi мiндет сәулет, қала құрылысы мен құрылыс саласында ел экономикасын дамытудың осы заманғы кезеңiне жауап беретiн мемлекеттік басқарудың тиiмдi жүйесiн құру болып табылады.
Iс-шаралар
Сәулет, қала құрылысы мен құрылыс саласындағы мемлекеттік реттеу жүйесiн жетiлдiру мақсатында:
1) "Мемсәулетқұрылысинспекция" республикалық мемлекеттік кәсiпорнын оның аумақтық еншiлес кәсiпорындарымен мемлекеттік мекемеге қайта құру;
2) облыстарда және Астана мен Алматы қалаларында Индустрия және сауда министрлігі Құрылыс iстерi жөніндегі комитетiнiң, оларға лицензиялау, мемлекеттік сәулет-құрылыс инспекциясының және жергiлiктi жерлерде құрылыс өнiмдерiн сертификаттау функцияларын жүктей отырып, аумақтық бөлiмшелерiн құру;
3) Құрылыс iстерi жөніндегі комитеттiң құрылыс материалдарын, бұйымдары мен құрастырмаларын стандарттау және сертификаттау саласындағы жұмысын осы салада келісілген саясат жүргiзу негiзiнде Қазақстан Республикасы Индустрия және сауда министрлігінің Мемстандарттарымен бірлесе отырып күшейту;
4) республикалық бюджет есебiнен орталық орган және жергiлiктi бюджет есебiнен аумақтық бөлiмшелер құра отырып, Қазақстан Республикасында тұрғын үй-жайлардың техникалық жай-күйi мен сақталуының мемлекеттік инспекциялау жүйесiн енгізу;
5) Индустрия және сауда министрлігі Құрылыс істері жөніндегі комитетінің құрылымын оларға жүктелген саланы мемлекеттік басқару жөніндегі мiндеттерге сәйкес жетiлдiру жүзеге асырылады.
11. Қажетті ресурстар және оларды
қаржыландыру көздері
Қазiргi тұрғын үйлердi мемлекеттік қадағалау мен инспекциялау жүргiзу жүйесiн жетiлдiруге бюджеттен 16 млн. теңге сомасында қаржы бөлудi, ал республиканың барлық аумағындағы жаңа құрылысқа мемлекеттік сәулет-құрылыс бақылауы мен реттеуiн жүргiзу республикалық бюджеттен 125 млн. теңгенi қажет етедi.
Саланы нормативтiк-техникалық базамен қамтамасыз ету - жаңа нормативтiк құжаттарды әзiрлеу мен қолданылып жүргендерiн қайта пысықтау және өте маңызды бағыттар бойынша зерттеу жұмыстарын жүргiзу мемлекеттік бюджеттен қаржыландырудың жыл сайынғы 50-70 млн. теңге шегiнде қалыптасқан көлемiн сақтауды талап етедi.
Үкiметтiң тапсырмасы бойынша маңызды және жауапты объектiлер жөнiнде техникалық-экономикалық негiздемелердi әзiрлеуге байланысты жобалау iсi, жобалар мен жұмыс жобалары республикалық бюджет есебiнен қаржыландырылады. Қажеттi қаражат көлемi нақты қойылған мiндеттер мен жұмыс көлемдерiне қарай айқындалады.
Республикада аумақтарды пайдалану мен дамытуды және сәулет пен қала құрылысы саласында тұтастай мемлекеттік саясатты реттеудiң қалыптасқан бiрыңғай мемлекеттік құқықтық жүйесiнiң бiр бөлiгi болып табылатын Қазақстан Республикасы Аумағын ұйымдастырудың бас сызбасын әзiрлеу жыл сайын 50 млн. теңге сомасында шығынды қажет етедi.
Қазақстан Республикасын әлеуметтiк-экономикалық дамытудың бағдарламасын әзiрлеу кезiнде мемлекеттік қала құрылысын бақылау мен мониторингтi жүзеге асыру, МҚҚК ақпараттық жүйесiн пайдалану үшiн Қазақстан Республикасының мемлекеттік қала құрылысы кадастрын (МҚҚК) қалыптастыру мен жүргізу жыл сайын 12 млн. теңгені қажет етеді.
12. Бағдарламаны іске асырудан күтілетін
нәтижелер
Бағдарламаны іске асыру мемлекет өмiрiнiң экономикалық және әлеуметтiк-саяси жағына елеулi әсерiн тигiзедi.
Мемлекеттік қала құрылысының жүйелi саясаты аумақтық-жоспарлау және экологиялық проблемаларды шешудi қамтамасыз етедi, аумақтық ресурстарды ұтымды пайдалануға мүмкіндік туғызады, шаруашылық есеп қағидаттарында жұмыс iстейтiн қала құрылысы кадастрының ақпараттық жүйесiн қалыптастырады.
Сонымен бiр мезгілде, күрделi құрылысқа оның тұрақтануы мен одан әрi өсуi үшiн, оның iшiнде негiзгі қорларды ұдайы жаңғырту негiзiнде инвестициялардың құйылуы көтермеленетiн болады. Аталған процесс, тәуекелдi сақтандыру жүйесiн енгізудi қоса алғанда, тиiстi нормативтiк кесiмдердi күшiне енгізудiң мемлекеттік саясатына негiзделедi.
Сенiмдi және елiмiзде халық сенiмiне иеленген құрылыс жинақ ақшасы мен ипотекалық несие беру жүйелерiн құру тұрғын үй құрылысы көлемiнiң құлдырауын тоқтатады және 1999 жылғы берілген 1,072 млн. шаршы метр көлеммен салыстырғанда тұрғын үйдi пайдалануға беру 2003 жылы болжамдалған көлемде 1,310 млн. шаршы метрге өсуге әсерiн тигiзедi. Қолданыстағы тұрғын үй қорын қайта жаңарту мен жаңғырту саласындағы жұмысты ұйымдастыру үшiн экономикалық және құқықтық алғышарттар жасалады, ал тұрғын үйлердi мемлекеттік инспекциялау жүйесiн енгізу олардың тозуы мен қирап, iстен шығуын күрт төмендетедi.
Нормативтiк құқықтық базадағы өзгерістер мен толықтырулар отандық ұйымдар орындаған құрылыс-монтаж жұмыстарының үлесiн 1999 жылғы 78%-дан 2003 жылы 90%-ға арттыру үшiн алғышарт жасайды.
Бағдарламада көзделген құрылыс материалдары мен құрастырмаларының өнеркәсiбiн атаулы қолдау, инвестицияларды iздестiру мен тарту, импортты алмастыру жөніндегі шаралар республикадағы өнеркәсiп өнiмдерiнiң жалпы құрылымындағы құрылыс материалдарының, бұйымдары мен құрастырмаларының 1999 жылғы 0,89% үлесiн 2003 жылы 4%-ға арттыруға мүмкiндiк туғызады.
Құрылыс саласының осы заманғы нормативтiк техникалық базасын жасау, ғылымның алдыңғы қатарлы жетiстiктерiн ескере отырып, ұдайы сонымен сүйемелдеу құрылыс жұмыстары мен өнімдерінің сапасын арттыруға жағдай жасайды, отандық ұйымдарға құрылыстық қызмет көрсетудің халықаралық рыногына кіруіне мүмкіндік береді.
Күрделі құрылыстағы тәуекелді сақтандыру жүйесін экономиканың әртүрлі салаларындағы отандық ұйымдарға шетелдік және бірлескен фирмалар жүргізетін, оның ішінде мұнай-газ саласында және көліктік инфрақұрылым құрылысын салу кезіндегі мердігерлік жұмыстарға арналған тендерлерге шетелдіктермен бірдей қатысуына мүмкіндік береді.
Бағдарламада көзделген мемлекеттік басқарудың жетілдірілген жүйесі кәсіпкерлікті, шағын бизнесті дамытуға, бәсекеге қабілетті құрылыс материалдары өндірісінің өсуіне және жаңа жұмыс орындарын құруға мүмкіндік береді.
Қазақстан Республикасы Үкіметінің
2000 жылғы 28 қарашадағы
№ 1778 қаулысымен бекітілген
ҚР Үкіметінің 28.10.2001 № 1369; 26.01.2002 № 127; 17.05.2002 № 534 қаулыларына сәйкес жоспар өзгертілді; ҚР Үкіметінің 20.05.03 ж. № 462 қаулысымен жоспар жаңа редакцияда (бұрынғы ред. қара)
ҚР Үкіметінің 27.08.04 ж. № 907 қаулысымен жоспар өзгерді (бұрынғы ред. қара)
Қазақстан Республикасында сәулет, қала құрылысы мен құрылыс қызметін
дамытудың 2000-2005 жылдарға арналған бағдарламасын іске асыру жөніндегі
іс-шаралар жоспары
Р/с N | Іс-шара | Аяқталу нысаны | Орындауға жауаптылар | Орын- далу мерзі- мі | Болжа- нып отырған шығыс- тар |
| |
1 | 2 | 3 | 4 | 5 | 6 | 7 | |
1. Сәулет және қала құрылысы | |||||||
1. "Қазақстан Респуб- ликасындағы сәулет, қала құрылысы және құрылыс қызметі туралы" Қазақстан Республикасының Заңына толықтырулар енгізу туралы" Қазақстан Респуб- ликасы Заңының жобасын әзiрлеу ("Құрылыстағы мердi- герлiк жұмыстар" деген тараумен толықтыру) 2. Қазақстан Республи- касының мемлекеттік қала құрылысы сая- саты тұжырымдамасы- ның жобасын әзiрлеу 3. Инфрақұрылымды орна- ластыру және дамыту жүйесi бар Қазақстан Республикасының аумағын ұйымдастыру- дың бас сызбасының жобасын әзiрлеу 4. "Мемлекеттік қала құрылысы кадастры орталығы" РМК-ны құру жөнiнде Қазақстан Республикасының Үкіметі қаулысының жобасын әзiрлеу 5. Республикалық, об- лыстық маңызы бар қалалар мен аудан орталықтарының бұрын бекітілген бас жос- парларын жаңартуды немесе жаңаларын әзiрлеудi немесе бекітудi қамтамасыз ету |
| 2001 жылғы 3-тоқсан 2001 жылғы 2-тоқсан 2004-2005 жылдар 2001 жылғы 3-тоқсан 2003- 2005 жылдар | - - Жыл сайын респуб- ликалық бюджет жобасын қалып- тастыру кезінде | Рес- пуб- ли- ка- лық бюд- жет Жергі- лікті- бюд- жет | |||
2. Күрделі құрылыс | |||||||
6. Шетелдiк және отан- дық инвесторлардың тең құқықтарын көз- дейтiн "Инвестициялар туралы" Қазақстан Республикасы Заңының жобасын әзiрлеу 7. Күрделі құрылыстағы инвестициялық про- цеске қатысушыларға салық салу жүйесiн жетілдiру жөнiнде ұсыныстар дайындау |
| 2001 жылғы 4-тоқсан 2001 жылғы 2-тоқсан | |||||
3. Тұрғын үй құрылысы | |||||||
8. "Құрылыс жинақтары туралы" Қазақстан Республикасы Заңының жобасын әзiрлеу 9. Қазақстан Республи- касында тұрғын үй құрылысын дамыту және тұрғын үй қорын сақтау тұжы- рымдамасын әзiрлеу 10. Жергiлiктi бюджет- тер есебiнен өңiрлер- дегi тұрғын үй ғима- раттарын мемлекеттік инспекциялауды жүргiзу 11. Ипотекалық тұрғын үй кредит беру норма- тивтiк құқықтық база- сын дамыту және жетiл- дiру 12. Сейсмикалық қауiптi өңiрлердегi ғимараттар мен құрылыстардың сейсмикалық төзiмдi- лiгiн арттыру жөнiнде республикалық iс-ша- ралар жобасын дайындау 13. Жаппай құрылыс салу- дың алғашқы жылдарында салынған iрi панелдi тұрғын үйлерді жаңғыр- ту жөнінде үлгілiк шешiмдермен ұсынымдар әзiрлеу |
| ||||||
4. Құрылыстағы мердігерлік жұмыстар | |||||||
14. Құрылыстағы лизингтi дамыту жөнiнде ұсыныс- тар әзiрлеу 15. Құрылыс-монтаж ұйым- дары мен кәсiпорындар- ды халықаралық сапа стандарттарына көшiру жөніндегі жұмысты жалғастыру 16. Кәсіпорындарды ше- телдік фирмалардың басқаруына беру нәтижесінде жинақ- талған құрылыс-мон- таж ұйымдарының дебиторлық берешегiн кезең-кезеңiмен өтеу кестесiн әзiрлеу |
| ЭИСМ ИСМ Құрылыс істері жөніндегі комитеті Қаржымині, ЭИСМ | 2001 жылғы 3-тоқсан Тұрақты 2000 жылғы 4-тоқсан | ||||
5. Құрылыс материалдарының өндірісі | |||||||
17. Құрылыстың перспек- тивалы, өтемдi жоба- ларын ipіктeу, құрылыс материалдарын шығара- тын кәсiпорындарды жаңғырту және техни- калық қайта жарақтан- дыру жөніндегі жұмыс- ты ұйымдастыру 18. Құрылыстағы инвес- тициялық жобаларды қаржыландырудың сыртқы көздерiн iздестiру мен тарту 19. Сыртқы инвесторлармен және кредиторлармен келісім-шарт жасау кезiнде қазақстандық мердігерлік ұйымдар мен құрылыс материал- дарын өндiрушілердің мүдделерiн сақтау 20. Құрылыс тауарларын әкелудi тарифтік және тарифтiк емес реттеу шараларын енгізу жөнiнде ұсыныстар әзiрлеу 21. Республикада өндi- рiлетiн құрылыс тауарларына мони- торинг жүргiзу және бәсекеге қабiлеттi құрылыс материал- дарының, бұйымдары мен құрастырмалары- ның каталогын шығару 22. Отандық материалдар- ды қолданудың мүмкiн еместігі туралы тиiстi негiздемелер болғанда ғана мемле- кеттiк инвестициялар есебiнен толық немесе ішiнара қаржыланды- рылатын жобаларға импорттық құрылыс материалдарын, бұйым- дар мен құрастырмалар- ды қолдануды көздейтiн тәртiп енгізу 23. Құрылыс тауарларының көрмелерiн, оның ішінде халықаралық көрмелердi өткізу практикасын жалғастыру |
| Тұрақты Жыл сайын Жыл сайын Жылына 1 реттен кем емес Жылына 1 рет 2005 жылғы IV тоқсан Жылына 1 көрме- ден кем емес | |||||
6. Нормативтік-техникалық база | |||||||
24. Сәулет, қала құрылысы, тұрғын үй қоры мен тұрғын үй-коммуналдық шаруашылық объектiлерiн салу, қайта жаңарту, жөндеу және пайдалану саласындағы жаңа норма- тивтiк-техникалық құ- жаттарды әзiрлеу және қолданылып жүргендерiн жаңарту 25. Құрылыстың сметалық құнын айқындаудың жаңа жүйесiне көшу 26. ТМД елдерi үшiн ортақ мемлекетаралық норма- тивтiк-техникалық құжат тарды әзiрлеу жөніндегі Құрылыстағы стандарттау метрология және серти- фикаттау жөніндегі мем- лекетаралық ғылыми-тех- никалық комиссия (бұдан әрі - ҚМҒТК) шеңберiнде ТМД елдерiмен ынтымақ- тастықты жалғастыру 27. ҚМҒТК шеңберiнде нор- мативтiк-техникалық құжаттарды сатып алуды, жыл сайын қаржыландыру жөніндегі ұсыныстарды бюджеттік комиссияға дайындау және енгізу 28. Мектептердің, денсау- лық сақтау объектiлерi- нің, кеден бекеттерiнiң және темір жол терми- налдарының үлгiлi жоба- ларын әзiрлеу және бекi ту. Yлгілі жобалардың альбомдарын шығару, тираждау және тарату |
| 2003- 2005 жылдар 2003 жылғы І жарты жылдық Тұрақты 2003-2005 жылдар 2003- 2005 жылдар | 185,1 2003 ж.- 60,0 2004 ж.- 62,5 2005 ж.- 62,6 15,0 2003 ж. - 15,0 274,5 2003 ж. - 15,0 2004 ж. - 80,7 2005 ж. - 43,8 | Рес- пуб- ли- ка- лық бюд- жет Рес- пуб- ли- ка- лық бюд- жет Рес- пуб- лика- лық бюд- жет | |||
7. Қолданбалы ғылым және жобалау ісі | |||||||
29. Қазқұрылыскомитетін мемлекеттік меншiк құқығы субъектiсiнiң функцияларын жүзеге асыратын және респуб- ликалық меншiктегi жобалау-iздестiру ұйымдарында акциялар- дың мемлекеттік паке- тiн және мемлекеттік үлестi басқару құқығы бар мемлекеттік орган деп белгiлеу 30. Құрылыс саласындағы ғылыми зерттеу қолдан- балы ғылыми зерттеу |
| 2000 жылғы 4-тоқсан 2003- 2005 жылдар | 73,2 2003 ж.- 24,0 2004 ж.- 24,0 2005 ж.- 25,2 | Рес- пуб- ли- ка- лық бюд- жет | |||
8. Мемлекеттік басқару жүйесі | |||||||
31. "Мемсәулетқұрылысинс- пекция" республикалық мемлекеттік кәсiпорын- дарын мемлекeттiк меке- мелер етiп қайта құру жөнiнде Қазақстан Рес- публикасының Yкіметі қаулысының жобасын әзiрлеу 32 Құрылыс өнімін стан- дарттау және серти- фикаттау саласындағы жұмысты күшейту |
| ЭИСМ, ҚарМ ЭИСМ | 2001 жыл 2002 жылға арналған бюджет қаражатын бөлу кезінде 2001 жылғы 3-тоқсан | ||||
|
|
|
|
|
|
|
|
|