Шетелдіктердің Қазақстан Республикасында болуын құқықтық реттеудiң жекелеген мәселелерi
Қазақстан Республикасы Үкіметінің 2000 ж. 28 қаңтардағы № 136 Қаулысы
(2011.29.04. берілген өзгерістер мен толықтырулармен)
ҚР Үкіметінің 2012 жылғы 21 қаңтардағы № 148 Қаулысымен күші жойылды
ҚР Үкіметінің 2007.10.08. № 688 Қаулысымен тақырыбы және мәтіні өзгертілді (бұр.ред.қара)
Шетелдіктердің Қазақстан Республикасының аумағында болуын құқықтық реттеу мақсатында Қазақстан Республикасының Үкіметі қаулы етеді:
1. Қоса берiлiп отырған Шетелдіктердің Қазақстан Республикасына келуiнiң және болуының, сондай-ақ олардың Қазақстан Республикасынан кетуiнiң тәртібі (бұдан әрi - Тәртiп) бекітілсiн.
ҚР Үкіметінің 27.06.00 ж. № 956 қаулысына сәйкес 2-тармақ өзгертілді
2. Қазақстан Республикасының Iшкi iстер министрлiгі, Сыртқы iстер министрлігі, Қазақстан Республикасының Көшi-қон және демография жөнiндегі агенттiгі Қазақстан Республикасының Ұлттық қауiпсiздiк комитетiмен келісім бойынша заңдарда белгіленген тәртiппен 2000 жылғы 1 тамызға дейінгі мерзiмде:
1) Қазақстан Республикасының Үкіметіне Қазақстан Республикасы ?кіметінiң бұрын қабылданған шешiмдерiн осы қаулыға сәйкес келтiру жөнiнде ұсыныс енгізсiн;
2) осы қаулымен бекітілген Тәртiптiң ережелерiн iске асыру мақсатында нормативтi құқықтық актілердi әзiрлеудi, келiсудi және Қазақстан Республикасының Әдiлет министрлiгінде тiркеудi қамтамасыз етсiн.
3. Қазақстан Республикасының Әдiлет министрлiгі осы қаулының 2-тармағының iске асырылуына жәрдем көрсетсiн.
4. Мыналардың күшi жойылды деп танылсын:
1) «Шетелдіктердің Қазақстан Республикасында болу тәртібі туралы» Қазақстан Республикасы Министрлер Кабинетінiң 1993 жылғы 10 наурыздағы № 186 қаулысы (Қазақстан Республикасының ПYАЖ-ы, 1993 ж., № 7, 87-құжат);
2) «Қазақстан Республикасы Министрлер Кабинетінің 1993 жылғы 10 наурыздағы № 186 қаулысына өзгерістер мен толықтырулар енгізу туралы» Қазақстан Республикасы Yкіметінiң 1998 жылғы 30 желтоқсандағы №1367 қаулысы (Қазақстан Республикасының ПYАЖ-ы, 1998 ж., № 50, 465-құжат).
5. Осы қаулы жарияланған күнінен бастап бiр ай мерзiм өткен соң күшіне енеді.
Қазақстан Республикасының
| Премьер-Министрі | Қ. Токаев |
Қазақстан Республикасы
Үкіметінің 2000 жылғы
28 қаңтардағы № 136
қаулысымен бекітілген
Шетелдіктердің Қазақстан Республикасына келуінің және болуының, сондай-ақ олардың
Қазақстан Республикасынан кетуінің тәртібі
1. Жалпы ережелер
ҚР Үкіметінің 2010.03.03. № 166 Қаулысымен (бұр.ред.қара); 2011.29.04. № 466 Қаулысымен (бұр.ред.қара) 1-тармақ өзгертілді
1. Осы Тәртіп Қазақстан Республикасының Конституциясына, «Халықтың көші-қоны туралы», «Босқындар туралы», «Шетелдіктердің құқықтық жағдайы туралы» Қазақстан Республикасының заңдарына сәйкес әзірленді және:
1) шетелдіктердің Қазақстан Республикасына келуінің және Қазақстан Республикасынан кетуінің;
2) шетелдіктердің Қазақстан Республикасында уақытша болуы және тұрақты тұруы құқығына арналған құжаттарды ресімдеудің;
3) шетелдіктердің Қазақстан Республикасының аумағы бойынша жүруінің және транзиттік өтуінің;
4) шетелдіктердің болуы мерзімдерін ұзартудың және қысқартудың, сондай-ақ оларды Қазақстан Республикасынан кетірудің тәртібін айқындайды.
2. Осы Тәртіптің күші, егер Қазақстан Республикасының заң актілерінде өзгеше көзделмесе, азаматтығы жоқ адамдарға да қолданылады.
ҚР Үкіметінің 2010.19.10. № 1075 Қаулысымен 2-1-тармақпен толықтырылды (2011 жылғы 22 ақпанға дейін қолданылды)
2-1. Осы Ережеде мынадай терминдер мен анықтамалар қолданылады:
1) аккредиттеу картасы - «іскерлік» (ІСВ) санатындағы көп реттік келу-кету визасы ретінде қолданылатын және барлық аккредиттеу санатындағы Ойындарға қатысушыларға осы Ережеде көзделген мерзімге Қазақстан Республикасына келу, онда болу және кету құқығын беретін құжат;
2) Ойындар - Астана және Алматы қалаларындағы 2011 жылғы 7-ші қысқы Азия ойындары;
3) Ойындарға қатысушылар - Ойындарды ұйымдастыру мен өткізуге қатысатын, осы Ережеге сәйкес Қазақстан Республикасына келудің, онда болудың және кетудің уақытша визалық режимі қолданылатын аккредиттелетін шетелдіктер;
4) Ойындардың аккредиттеу орталықтары - Ойындарға қатысушыларды аккредиттеуге арналған тұрақты орталықтар. Аккредиттеу орталықтарының орналасатын жерін Ойындарды ұйымдастырушы айқындайды;
5) Ойындарды ұйымдастырушы - «2011 жылғы 7-ші қысқы Азия ойындарын ұйымдастыру комитетінің атқарушы дирекциясы» акционерлік қоғамы.
6) сәйкестендіру картасы - Қазақстан Республикасына келу және одан кету кезінде Ойындарға қатысушылардың визалық сауалнамасы ретінде қолданылатын құжат.
ҚР Үкіметінің 2011.29.04. № 466 Қаулысымен 3-тармақ өзгертілді (бұр.ред.қара)
3. Шетелдіктерді Қазақстан Республикасына шақырған қабылдаушы жеке және заңды тұлғалар шетелдіктерге Қазақстан Республикасының заңдарында және осы Тәртіпте көзделген құқықтар мен міндеттерді уақытылы түсіндіруді, шетелдіктерге қатысты белгіленген құқықтық нормалардың орындалуын қамтамасыз етеді, сондай-ақ олардың Қазақстан Республикасында болуы, елдің аумағы бойынша жүріп-тұруы құқығына арналған және оларға белгіленген болудың мерзімі аяқталғаннан кейін Қазақстан Республикасынан кетуіне арналған құжаттардың уақытылы ресімделуі үшін заңдарда белгіленген жауаптылықта болады.
Шетелдіктердің, азаматтығы жоқ адамдардың, сондай-ақ Қазақстан Республикасының лауазымды тұлғалары мен азаматтарының осы Тәртiптiң талаптарын сақтауын бақылауды ұлттық қауiпсiздiк органдарымен өзара iс-қимылда iшкi iстер органдары жүзеге асырады.
2. Шетелдіктердің Қазақстан Республикасына келуi және Қазақстан Республикасынан кетуi
ҚР Үкіметінің 2005.20.07. № 756 қаулысымен 4-тармақ толықтырылды; ҚР Үкіметінің 2010.03.03. № 166 Қаулысымен 4-тармақ өзгертілді (бұр.ред.қара)
4. Шетелдіктер, егер Шетел азаматтарының Қазақстан Республикасындағы құқықтық жағдайын реттейтін Қазақстан Республикасының заңнамалық актілерінде және/немесе Қазақстан Республикасы бекiткен халықаралық шарттарда өзгеше тәртiп белгiленбесе, Қазақстан Республикасының визасы болған жағдайда, төлқұжаты немесе оны алмастыратын құжаттар (бұдан әрi - төлқұжат) бойынша мемлекеттік шекарадағы халықаралық және жолаушы қатынастары үшiн ашық өткізу пункттерi арқылы Қазақстан Республикасына келедi және Қазақстан Республикасынан кетедi.
Визаның қолданылу мерзiмi шетелдiк азамат паспортының қолданылу мерзiмi аяқталғанға дейiн кемiнде 6 ай бұрын аяқталуы тиiс.
ҚР Үкіметінің 2011.29.04. № 466 Қаулысымен 5-тармақ өзгертілді (бұр.ред.қара)
5. Шетелдіктерге Қазақстан Республикасына келiп кетуге визаларды Қазақстан Республикасының Сыртқы iстер министрлігі, Қазақстан Республикасының шетелдегі мекемелері (бұдан әрі - шетелдегі мекемелер) мен Қазақстан Республикасы Сыртқы істер министрлігінің консулдық пункттерi, ал ондайлар болмаған жағдайда Қазақстан Республикасының уәкiлеттiк берiлген органдары бередi.
ҚР Үкіметінің 2011.29.04. № 466 Қаулысымен 6-тармақ өзгертілді (бұр.ред.қара)
6. Шетелдіктерге Қазақстан Республикасынан кетуге және Қазақстан Республикасынан кетiп, қайта келуге визаларды Қазақстан Республикасының аумағында Қазақстан Республикасының Iшкi iстер министрлігі, сондай-ақ ол уәкiлеттiк берген аумақтық iшкi iстер органдары бередi.
Төлқұжаты Қазақстан Республикасының Сыртқы iстер министрлігінде және оның өкiлдiктерiнде тiркелген шетелдіктерге визалар берудi осы ұйымдар жүргiзедi.
7. Қабылдаушы ұйымдардың өтiнiшi бойынша шетелдіктерге Қазақстан Республикасына келуге және Қазақстан Республикасынан кетуге бiрнеше мәртелiк виза берiлуi мүмкiн.
ҚР Үкіметінің 29.05.02 ж. № 595 қаулысына сәйкес 8-тармақ толықтырылды; ҚР Үкіметінің 2006.07.09. № 854 қаулысымен (бұр.ред.қара); 2011.29.04. № 466 Қаулысымен (бұр.ред.қара) 8-тармақ өзгертілді
8. Қазақстан Республикасының визаларын беру үшiн:
1) халықаралық ұйымдардың, шет мемлекеттер өкiлдiктерiнiң, сондай-ақ Қазақстан Республикасы мемлекеттік ұйымдарының заңдарда белгiленген тәртiппен ресiмделген жазбаша өтiнiштерi;
2) Қазақстан Республикасына жеке iстерi бойынша, жеке тұлғалардың шақыруы бойынша iскерлiк мақсаттармен немесе тұрақты тұруға келетiн шетелдіктер үшiн, сондай-ақ Қазақстан Республикасында тұрақты тұратын шетелдіктерге iшкi iстер органдарының рұқсаты;
3) Қазақстан Республикасы Ішкі істер министрлігімен бірлесіп, Қазақстан Республикасы Ұлттық қауіпсіздік комитетімен келісім бойынша Қазақстан Республикасының Сыртқы істер министрлігі белгілейтін тәртіпке сәйкес шетелдіктерге Қазақстан Республикасына шақыру үшін заңды немесе жеке тұлғалардың заңнамада белгіленген тәртіппен ресімделген жазбаша өтініштері.
4) өңірлік қаржы орталығының қызметін реттеу жөніндегі өкілетті органның өңірлік қаржы орталығында қызметін жүзеге асыру үшін Қазақстан Республикасының аумағына келетін шетелдіктер мен азаматтығы жоқ адамдарға визалар беру туралы өтініші негіз болып табылады.
ҚР Үкіметінің 2005.20.07. № 756; 2006.01.08. № 725 қаулыларымен 9-тармақ өзгертілді; ҚР Үкіметінің 2011.29.04. № 466 Қаулысымен 9-тармақ өзгертілді (бұр.ред.қара)
9. Визалар берудiң негiздемесi шетелдіктерге Қазақстан Республикасында болу мақсаттарына сәйкес келуi тиiс. Қазақстан Республикасына жеке тұлғалардың шақыруы бойынша, яғни жеке iстерi бойынша келген, сондай-ақ iскерлiк мақсатпен, оқуға, емделуге және турист ретiнде келген шетелдіктер Қазақстан Республикасының аумағында жұмысқа орналаспайды, Қазақстан Республикасының заң актілерінде көзделген жағдайларды қоспағанда, визада көрсетiлген келу мақсатымен байланысты емес өзге де қызметпен айналыса алмайды.
Егер Қазақстан Республикасының Үкіметі мен шетелдік инвесторлар арасында рұқсат берудің белгіленген тәртібі қолданысқа енгізілгенге дейін жасалған шарттарда өзгеше көзделмесе, шетелдiк жұмыс күшiн лицензиясыз тартуға (әкелуге), сондай-ақ Қазақстан Республикасына уақытша келген шетелдiктердiң тиiстi рұқсатсыз еңбек қызметiн жүзеге асыруына тыйым салынады.
Еңбек қызметiн жүзеге асыру үшiн (жұмысқа) Қазақстан Республикасына келуге визаны тек Қазақстан Республикасының шетелдегі мекемелерi ғана, олар болмаған жағдайда Қазақстан Республикасының арнайы уәкiлеттi өкiлдерi бередi.
ҚР Үкіметінің 2011.29.04. № 466 Қаулысымен 10-тармақ өзгертілді (бұр.ред.қара)
10. Визалардың санаттарын, дүркінділігін, оларды берудiң тәртібін, сондай-ақ олардың қолданылу мерзiмдерiн қысқарту мен ұзарту үшін негіздемені Қазақстан Республикасының Ұлттық қауiпсiздiк комитетiмен келісім бойынша Қазақстан Республикасының Сыртқы iстер министрлігі мен Қазақстан Республикасының Iшкi iстер министрлiгі айқындайды.
11. Қазақстан Республикасының заң актілерімен белгiленген негіздер бойынша шетелдіктердің Қазақстан Республикасына келуiне және Қазақстан Республикасынан кетуiне тыйым салынуы мүмкiн.
ҚР Үкіметінің 13.03.03 ж. № 241 қаулысымен 11-1-тармақпен толықтырылды; ҚР Үкіметінің 20.08.04 ж. № 881 қаулысымен 11-1-тармақ өзгерді (күшіне енетін мерзімін қара) (бұр. ред. қара); ҚР Үкіметінің 2007.10.08. № 688 Қаулысымен 11-1-тармақ өзгертілді (бұр.ред.қара)
11-1. Қазақстан Республикасына келу кезiнде 16 жасқа толған әрбiр шетелдiк азаматқа көшi-қон карточкасы беріледi.
Көшi-қон карточкалары Қазақстан Республикасынан кету кезiнде тапсырылуы тиiс.
Көшi-қон карточкалары:
Қазақстан Республикасының дипломаттық, қызметтiк және инвесторлық визасы бар адамдарға;
әуе, теңiз және өзен кемелерi экипаждарының мүшелерiне;
поезд, оның iшiнде рефрижератор, локомотив бригадаларының жұмыскерлерiне және темір жол көлiгiмен тасымалданатын жүктердi бiрге алып жүретiн адамдарға;
Қазақстан Республикасының аумағы арқылы транзитпен өтетiн поездардың жолаушыларына;
халықаралық автотасымалдауды жүзеге асыратын автокөлiк құралдарының жүргiзушiлерiне берiлмейдi.
ҚР Үкіметінің 2007.10.08. № 688 Қаулысымен 11-2-тармақпен толықтырылды; ҚР Үкіметінің 2010.03.03. № 166 Қаулысымен 11-2-тармақ өзгертілді (бұр.ред.қара)
11-2. Оралмандарды, пана іздеген адамдарды, босқындарды Қазақстан Республикасында немесе Қазақ Кеңестік Социалистік Республикасында туған немесе бұрын азаматы болған адамдарды және олардың отбасы мүшелерін қоспағанда, әрбір шетелдік Қазақстан Республикасына келуі кезінде болу және кету үшін:
ол тұрақты тұратын мемлекеттің аумағындағы ең жақын әуежайға дейін «Экономикалық» сынып бойынша кемінде авиабилеттің құны мөлшерінде;
Тәуелсіз Мемлекеттер Достастығы елдерінен ол тұрақты тұратын мемлекеттің аумағындағы ең жақын станцияға дейін кемінде темір жол (купелі вагон) немесе автомобиль көлігіне, билеттің құны мөлшерінде;
болатын әр күніне кемінде екі есе айлық есептік көрсеткіш мөлшерінде қажетті қаражатының бар екендігін растайтын мәліметтерді ұсынуы тиіс.
Қаражатының бар екендігі туралы банктің анықтамасы төлем қабілеттілігін растайтын құжат бола алады;
Қазақстан Республикасында болуы және одан шығуы үшін төлем қабілеттілігін растауды тексеруді Қазақстан Республикасы Ұлттық қауіпсіздік комитетінің Шекара қызметі жүзеге асырады
3. Қазақстан Республикасына уақытша келген шетелдіктерді тiркеу
ҚР Үкіметінің 2010.03.03. № 166 Қаулысымен 12-тармақ өзгертілді (бұр.ред.қара)
12. Қазақстан Республикасына уақытша келген шетелдіктер өздерiмен бiрге осы Тәртiпте белгiленген ретпен тiркелген төлқұжаты болуы және оларды уәкiлеттi мемлекеттік органдардың талап етуi бойынша көрсетуге мiндеттi.
Шетелдiк азамат төлқұжатын жоғалтқаны туралы тез арада, азаматтың өтiнiшi бойынша ол туралы анықтама беретiн, iшкi iстер органына хабарлауы қажет.
Пана іздеген адамдар, сондай-ақ босқындар Қазақстан Республикасының босқындар туралы заңнамасында белгіленген тәртіппен алынған пана іздеген адамның куәлігін немесе босқын куәлігін өзімен алып жүруге және оларды уәкілетті мемлекеттік органдардың талап етуі бойынша көрсетуге міндетті.
ҚР Үкіметінің 13.03.03 ж. № 241 қаулысымен 13-тармақ жаңа редакцияда (бұр. ред. қара); ҚР Үкіметінің 2005.20.07. № 756 қаулысымен 13-тармақ толықтырылды; ҚР Үкіметінің 2010.03.03. № 166 Қаулысымен 13-тармақ өзгертілді (бұр.ред.қара)
13. Қазақстан Республикасында уақытша болатын шетелдіктер Қазақстан Республикасының Мемлекеттік шекарасынан өткен күннен бастап бес күнтiзбелiк күн iшiнде өзiнiң тұрақты немесе уақытша тұратын жерi бойынша тiркелуге мiндеттi. Шетелдіктерді тiркеу жеке басын куәландыратын құжаттар бойынша жүзеге асырылады.
Пана іздеген адамдарды және босқындарды тіркеу Қазақстан Республикасының босқындар туралы заңнамасында белгіленген тәртіппен ресімделеді.
14. Қазақстан Республикасында шетелдіктердің төлқұжаттарын тiркеудiң тәртібін Қазақстан Республикасының Ұлттық қауiпсiздiк комитетiмен келісім бойынша Қазақстан Республикасының Сыртқы iстер министрлігі мен Қазақстан Республикасының Ішкi iстер министрлігі айқындайды.
ҚР Үкіметінің 13.03.03 ж. № 241 қаулысымен 15-тармақ жаңа редакцияда (бұр. ред. қара); ҚР Үкіметінің 2010.14.04. № 307 Қаулысымен (бұр.ред.қара); 2011.29.04. № 466 Қаулысымен (бұр.ред.қара) 15-тармақ өзгертілді
15. Тiркеу шетелдiк азаматтың ұлттық паспорты мен визасының қолданылу мерзiмiнен аспайтын кезеңге ресiмделедi.
Тіркеу шетелдіктердің жеке өтініш беруі не шетелдіктерді қабылдайтын жеке және заңды тұлғалардың өтініштері негізінде жүзеге асырылады.
Қазақстан Республикасымен келудiң және болудың визасыз тәртібі туралы халықаралық шарттары бар елдерден Қазақстан Республикасына келген азаматтарды тiркеу отыз тәуліктен ал Кеден одағына мүше мемлекеттердің азамттары үшін тоқсан тәуліктен аспайтын мерзімге жүргізіледі және кейіннен дәл осындай мерзімдерге ұзартылады.
Шетелдiк жұмыс күшiн тартуға заңда белгiленген тәртiппен ресiмделген рұқсаты бар шетелдіктерді, сондай-ақ олардың отбасы мүшелерін тiркеу осы рұқсаттың қолданылу мерзiмiне ресiмделедi.
Қазақстан Республикасының оқу орындарында оқитын шетелдіктерді, сондай-ақ олардың отбасы мүшелерін тiркеу бiр оқу жылына ресiмделедi.
Заңда белгіленген тәртіппен өздеріне қатысты Қазақстан Республикасының Қылмыстық кодексіне сәйкес ауыр немесе аса ауыр қылмыс болып танылатын әрекет жасалғаны туралы хабарлаған шетелдіктерді тіркеу Қазақстан Республикасының қылмыстық іс жүргізу заңнамасына сәйкес арызды қарау үшін қажетті мерзімге ресімделеді. Егер арыз бойынша қылмыстық іс қозғау туралы шешім қабылданса, тіркеу қылмыстық істі тергеу үшін қажетті мерзімге ұзартылады.
Шетелдіктер Қазақстан Республикасының заңнамалық кесiмдерiне және Қазақстан Республикасы бекiткен халықаралық шарттарға сәйкес паспорттарды тiркеуден босатылуы мүмкін.
ҚР Үкіметінің 2011.29.04. № 466 Қаулысымен 15-1-тармақпен толықтырылды
15-1. Оларға қатысты ауыр немесе аса ауыр қылмыс жасалған шетелдіктерді тіркеуді, Қазақстан Республикасының визаларын беруді ресімдеу тәртібін, сондай-ақ олардың жеке басын куәландыратын құжаттары болмаған жағдайда жеке басын анықтау рәсімін Қазақстан Республикасының Ұлттық қауіпсіздік комитетімен келісім бойынша Қазақстан Республикасы Ішкі істер министрлігі Қазақстан Республикасы Сыртқы істер министрлігімен бірлесіп айқындайды.
16. Қазақстан Республикасының Сыртқы iстер министрлігі мен оның өкiлдiктерiнде:
1) шетелдiк дипломатиялық өкiлдiктер мен консулдық мекемелер басшыларының, дипломатиялық қызмет мүшелерiнiң, консулдық лауазым иелерiнiң, дипломатиялық өкiлдiктер мен консулдық мекемелердiң әкiмшiлiк-техникалық және қызмет көрсететiн қызметшiлерiнiң, әскери атташе аппараты мен сауда өкiлдiктерi қызметкерлерiнiң және олардың отбасы мүшелерiнiң, сондай-ақ егер қонақтар көрсетiлген өкiлдiктер мен мекемелердiң аумағында тұратын болса, шетелдiк дипломатиялық өкiлдiктер мен консулдық мекемелер басшылары қонақтарының;
2) Қазақстан Республикасына қызметтiк iс бойынша келген және дипломатиялық немесе қызметтiк төлқұжаты бар шетелдiк мемлекеттердiң Сыртқы iстер министрлiктерi қызметкерлерiнiң және олардың отбасы мүшелерінің;
3) Қазақстан Республикасына қызметтiк iс бойынша келген халықаралық ұйымдардың лауазымды тұлғаларының, аталған ұйымдардың Қазақстан Республикасындағы өкiлдiктерi қызметкерлерiнiң, сондай-ақ Қазақстан Республикасында штаб-пәтерi бар халықаралық ұйымдардың жанындағы елдер өкiлдiктерiнiң халықаралық шарттарға сәйкес дипломатиялық артықшылықтар мен иммунитеттi пайдаланатын қызметкерлерiнiң, сондай-ақ олардың отбасы мүшелерiнiң;
4) Қазақстан Республикасының Сыртқы iстер министрлігі тиiстi визалар беретiн шетелдiк ұйымдар-инвесторлар басшыларының немесе өзге де басшы қызметкерлерiнiң;
5) Қазақстан Республикасы Сыртқы iстер министрлігінiң шақыруы бойынша келген адамдардың төлқұжаттары тiркеледi.
ҚР Үкіметінің 20.08.04 ж. № 881 қаулысымен 17-тармақ жаңа редакцияда (күшіне енетін мерзімін қара) (бұр. ред. қара); ҚР Үкіметінің 2011.29.04. № 466 Қаулысымен 17-тармақ өзгертілді (бұр.ред.қара)
17. Iшкi iстер органдарында осы Тәртiптiң 15-тармағының алтыншы абзацында және 16-тармағында көрсетiлмеген шетелдіктердің паспорттары тiркеледi.
Iшкi iстер органдарымен келісім бойынша шетелдіктердің паспорттарын тiркеу Қазақстан Республикасының мемлекеттік шекарасы арқылы өткізу пункттерi, тіркеу құқығы берілген заңды тұлғалар арқылы жүзеге асырылуы мүмкiн.
Қазақстан Республикасы мемлекеттік шекарасы арқылы өткізу пункттерiнде және заңды тұлғаларда шетелдіктердің паспорттарын тiркеу туралы ақпарат тiркелген күнiнен бастап бес тәулiк iшiнде iшкi iстер органдарына хабарланады.
ҚР Yкіметінiң 17.07.03 ж. № 702 қаулысымен 3-1-бөлiммен толықтырылды
3-1. Миссионерлiк қызметтi жүзеге асыратын шетелдіктерді есептiк тiркеу
17-1. Дiни-ағартушылық қызмет (бұдан әрi - миссионерлiк қызмет) арқылы қандай да бiр дiн iлiмiн уағыздау және (немесе) таратумен айналысатын шетелдіктерді есептiк тiркеудi жергiлiктi атқарушы органдар жүргiзедi.
17-2. Есептiк тiркеу үшiн шетелдіктер төлқұжаты тiркелген сәттен бастап үш тәулiк iшiнде жергiліктi атқарушы органға мынадай құжаттар мен материалдарды:
1) дiни нанымға тиесiлiгiн, миссионерлiк қызметтiң аумағы мен мерзiмiн көрсете отырып, өтiнiштi;
2) миссионерлiк қызметтi жүзеге асыру құқығына дiни ұйым берген сенiмхаттың немесе өзге де құжаттың көшiрмесiн;
3) миссионер мүддесiн бiлдiретiн дiни ұйым өз елiнiң заңнамасына сәйкес ресми тiркелгендiгiн куәландыратын тiркеу туралы куәлiктiң немесе өзге де құжаттың көшiрмесiн;
4) Қазақстан Республикасында тiркелген дiни ұйымның шақыруын;
5) миссионерлiк қызметке арналған әдебиеттi тыңдау, бейне материалдарын және (немесе) өзге де дiни мақсаттағы заттарды ұсынады.
Көрсетілген құжаттарды ұсыну кезінде өтініш беруші белгіленген тәртіппен тіркелген төлқұжатын көрсетеді.
17-3. Миссионерлік қызметті жүзеге асыратын шетелдіктерді есептік тіркеуді құжат берілген күнінен бастап жеті тәуліктен аспайтын мерзімде жергілікті атқарушы орган жүргізеді.
4. Шетелдіктерге Қазақстан Республикасында тұрақты тұру құқығына құжаттар беру
18. Iшкi iстер органдары берген рұқсат, сондай-ақ тұруға ықтиярхат алған шетелдіктер Қазақстан Республикасында тұрақты тұратындар деп танылады.
ҚР Үкіметінің 2011.29.04. № 466 Қаулысымен 19-тармақ өзгертілді (бұр.ред.қара)
19. Өзге заңдық негiздемедегi шетелдіктер Қазақстан Республикасына уақытша келген болып саналады. Қазақстан Республикасына уақытша келген, көшіп келушілер болып табылатын шетелдіктер өздерiн тұрақты тұруға қалдыру туралы өтiнiш жасай алады.
ҚР Үкіметінің 2010.03.03. № 166 Қаулысымен 20-тармақ өзгертілді (бұр.ред.қара)
20. Шетелдіктерді Қазақстан Республикасында тұрақты тұруға қалдырудың тәртібін Қазақстан Республикасының заңдарына сәйкес Қазақстан Республикасының Ұлттық қауiпсiздiк комитетiмен келісім бойынша Қазақстан Республикасының Iшкi iстер министрлігі айқындайды.
ҚР Үкіметінің 2011.29.04. № 466 Қаулысымен 21-тармақ өзгертілді (бұр.ред.қара)
21. Қазақстан Республикасында тұрақты тұру құқығына құжаттар: шетелдiк азамат үшiн - Қазақстан Республикасында шетелдіктің тұру ықтиярхаты, азаматтығы жоқ адам үшiн - азаматтығы жоқ адамның куәлiгi болып табылады.
22. Шетелдіктер Қазақстан Республикасында тұрақты тұруға рұқсат беру туралы өтiнiштi, осы Тәртiптiң 20-тармағына сәйкес белгiленген тәртiппен, уәкiлеттi органдарға бередi.
Шетелдіктер Қазақстан Республикасында тұру құқығына арналған қолда бар құжаттың қолданылу мерзiмiн ұзарту туралы немесе жаңасын беру туралы өтiнiштi өздерiнiң тұратын жерi бойынша iшкi iстер органдарына, оның қолданылу мерзiмi аяқталғанға дейiн екi айдан кешiктiрмей, ал ол жоғалған жағдайда - үш тәулiктен кешiктiрмей бередi.
ҚР Үкіметінің 13.03.03 ж. № 241 қаулысымен 23-тармақ жаңа редакцияда (бұр. ред. қара); ҚР Үкіметінің 2005.20.07. № 756 қаулысымен 23-тармақ толықтырылды
23. Шетелдiк азаматқа және азаматтығы жоқ адамға Қазақстан Республикасында тұрақты тұруға рұқсат беруден Қазақстан Республикасының заңнамалық кесiмдерiнде белгiленген негіздемелер бойынша мыналарға бас тартылуы мүмкiн:
1) ҚР Үкіметінің 2005.20.07. № 756 қаулысымен алып тасталды (бұр.ред.қара)
2) ҚР Үкіметінің 2005.20.07. № 756 қаулысымен алып тасталды (бұр.ред.қара)
3) ҚР Үкіметінің 2005.20.07. № 756 қаулысымен алып тасталды (бұр.ред.қара)
4) ҚР Үкіметінің 2005.20.07. № 756 қаулысымен алып тасталды (бұр.ред.қара)
5) ҚР Үкіметінің 2005.20.07. № 756 қаулысымен алып тасталды (бұр.ред.қара)
6) ҚР Үкіметінің 2005.20.07. № 756 қаулысымен алып тасталды (бұр.ред.қара)
. Тұрақты тұру рұқсатын және азаматтығы жоқ адамның куәлiгiн беруден бас тарту Қазақстан Республикасының заңнамасында белгiленген тәртiппен шағымдалуы мүмкiн.
24. Шетелдіктер өз төлқұжаттарының қолданылу мерзiмi аяқталған күнiнен бастап 6 айдың iшiнде жаңа немесе ұзартылған құжаттарды көрсетпесе, iшкi iстер органдары оларға азаматтығы жоқ адамның куәлiгiн бередi.
Азаматтығы жоқ адамның куәлiгi, егер оның иесi iшкi iстер органдарына жарамды төлқұжатын көрсетсе, ықтиярхатқа ауыстырылады.
25. Қазақстан Республикасында тұрақты тұратын шетелдiк азаматтар, заңдарда Қазақстан Республикасының азаматтары үшiн көзделген тәртіппен, тұрақты және уақытша тұратын жері бойынша тiркеуге жатады.
5. Шетелдіктердің Қазақстан Республикасының аумағы бойынша жүрiп-тұруы мен транзиттiк өтуi және олардың
Қазақстан Республикасында тұратын жердi таңдауы
26. Шетелдіктер Қазақстан Республикасының шетелдiк азаматтардың болуы үшiн ашық аумағы бойынша еркiн жүрiп-тұра және Қазақстан Республикасының заңдарында белгiленген тәртiпке сәйкес тұратын жердi таңдай алады. Жүрiп-тұру мен тұратын жердi таңдаудағы шектеулер, ол: мемлекеттік қауiпсiздiктi қамтамасыз ету, қоғамдық тәртiптi, халықтың денсаулығы мен өнегесiн сақтау, Қазақстан Республикасының азаматтары мен басқа да адамдардың құқықтары мен заңды мүдделерiн қорғау үшiн қажет болғанда Қазақстан Республикасы Iшкi iстер министрлігінiң немесе Ұлттық қауiпсiздiк комитетiнiң нормативтiк құқықтық актілерімен белгiленедi.
27. Шетелдіктердің Қазақстан Республикасы бойынша жүрiп-тұруының, сондай-ақ олардың шетелдiк азаматтар үшiн жабық жекелеген жерлерге (аумақтарға) баруының тәртібін Қазақстан Республикасының Ұлттық қауiпсiздiк комитетiмен келісім бойынша Қазақстан Республикасының Сыртқы iстер министрлігі мен Iшкi iстер министрлігі айқындайды.
28. Қазақстан Республикасының аумағы арқылы транзитпен өтетiн шетелдiктердiң Қазақстан Республикасына келуi және Қазақстан Республикасынан кетуi үшiн Қазақстан Республикасының транзиттiк визасы ресiмделедi.
ҚР Үкіметінің 20.08.04 ж. № 881 қаулысымен 29-тармақ жаңа редакцияда (күшіне енетін мерзімін қара) (бұр. ред. қара)
29. Шетелдiктердiң Қазақстан Республикасының аумағы арқылы транзиттiк өтуiне, оларда үшiншi елге кіру үшiн жарамды құжаттар (визалар) болған жағдайда, бес тәулiктен аспайтын мерзiмге рұқсат етіледi.
30. Қазақстан Республикасының аумағы арқылы мемлекеттерге олардың азаматтығының визасыз келу туралы келісім бар елдерге транзитпен өтетiн шетелдiктерде Қазақстан Республикасының транзиттiк визасы болуы мiндеттi.
31. Қазақстан Республикасының аумағы арқылы автокөлiк құралдарымен транзитпен өтетiн, оның iшiнде жүктердi автомобильмен халықаралық тасымалдауды жүзеге асыратын шетелдiктер халықаралық автомобиль қатынасы үшiн ашық жолдар бойынша ғана жүредi.
32. Шетелдіктердің Қазақстан Республикасының аумағы арқылы транзиттiк өтуiнiң тәртібін Қазақстан Республикасының Ұлттық қауiпсiздiк комитетiмен келісім бойынша Қазақстан Республикасының Сыртқы iстер министрлігі мен Қазақстан Республикасының Iшкi iстер министрлігі айқындайды.
ҚР Үкіметінің 2010.19.10. № 1075 Қаулысымен 5-1-бөліммен толықтырылды (2011 жылғы 22 ақпанға дейін қолданылды)
5-1. 2011 жылғы 7-ші қысқы Азия ойындарына қатысушылардың Қазақстан Республикасына келуі, тіркелуі,
аккредиттелуі, сондай-ақ олардың Қазақстан Республикасынан кетуі
32-1. Аккредиттеу карталары болған жағдайда Ойындарға қатысушылар паспорттары бойынша Қазақстан Республикасының Мемлекеттік шекарасындағы халықаралық жолаушылар қатынасы үшін ашық өткізу пункттері арқылы Қазақстан Республикасына келеді және Қазақстан Республикасынан кетеді.
32-2. Аккредиттеу картасын Қазақстан Республикасы Сыртқы істер министрлігінің уәкілетті қызметкері осы Ереженің 1-қосымшасына сәйкес нысан бойынша толтырады да, қолымен және мөрмен растайды.
32-3. Ойындарға қатысушыларға аккредиттеу карталарын беруді Қазақстан Республикасы Сыртқы істер министрлігінің консулдық пункттері Қазақстан Республикасының Мемлекеттік шекарасы арқылы өту пункттерінен өткенге дейін жүзеге асырады.
32-4. Қазақстан Республикасы Сыртқы істер министрлігінің консулдық пункттерінде аккредиттеу карталарын беру үшін паспорт және визалық қолдау нөмірі бар сәйкестендіру картасы негіз болып табылады.
32-5. Ойындарды ұйымдастырушы Ойындарға қатысушыларға сәйкестендіру карталарын беруді ұйымдастыру мақсатында Ойындарға қатысушылардың тізімін қалыптастырады.
32-6. Ойындарды ұйымдастырушы Ойындарға қатысушылардың тізімі визалық қолдау көрсету үшін 2010 жылғы 10 желтоқсанға дейін Қазақстан Республикасы Сыртқы істер министрлігіне жібереді.
32-7. Сәйкестендіру карталарын беруді ұйымдастыруды Ойындарды ұйымдастырушы Ойындарға қатысушылар Қазақстан Республикасының аумағына келгенге дейін осы Ереженің 2-қосымшасына сәйкес нысан бойынша жүзеге асырады.
32-8. Визалық қолдау нөмірлері бар сәйкестендіру карталарының көшірмелерін Ойындарды ұйымдастырушы аккредиттеу карталарын беруге кемінде үш жұмыс күні қалғанға дейінгі мерзімде Қазақстан Республикасы Сыртқы істер министрлігіне жібереді.
32-9. Сәйкестендіру және аккредиттеу карталары 2011 жылғы 1 қаңтардан бастап 21 ақпанға дейін қолданылады.
32-10. Қазақстан Республикасына келу кезінде Ойындарға әрбір қатысушыға миграциялық карточка беріледі. Миграциялық карточкалар Қазақстан Республикасынан кету кезінде тапсырылуға тиіс.
32-11. Ойындарға қатысушыларды тіркеу Қазақстан Республикасы Ұлттық қауіпсіздік комитеті Шекара қызметінің шекаралық бақылау бөлімшелері арқылы тікелей Қазақстан Республикасының Мемлекеттік шекарасы арқылы өткізу пункттерінде паспорттарға және мифациялық карточканың «Келу» және «Тіркеу» бағандарына шекараны кесіп өту туралы белгі қою жолымен жүзеге асырылады.
32-12. Ойындарды ұйымдастырушы осы Ереженің 32-11-тармағына сәйкес тіркеуді жүзеге асырғанға дейін кемінде 10 (он) күнтізбелік күн бұрын Ойындарға қатысушылардың тізімін Қазақстан Республикасы Ұлттық қауіпсіздік комитеті мен Ішкі істер министрлігіне ұсынады.
32-13. Тіркеу Ойындарға қатысушылардың аккредиттеу карталарының қолданылу мерзімінен аспайтын кезеңге ресімделеді.
32-14. Аккредиттеу ақпараттық дерекқорға Ойындарға қатысушылар туралы ақпарат енгізу және аккредиттеу карталарын беру жолымен жүзеге асырылады.
32-15. Қазақстан Республикасына осы Ереженің 2-тармағына сәйкес, сондай-ақ Қазақстан Республикасы келудің және болудың визасыз тәртібі туралы халықаралық шарттар жасасқан елдерден келген Ойындарға қатысушыларға аккредиттеу карталарын беру Ойындардың аккредиттеу орталықтарында жүзеге асырылады.
32-16. Осы Ереженің 32-2-32-3-тармақтарында көзделген жағдайларда Ойындарға қатысушылар оларға Қазақстан Республикасы Сыртқы істер министрлігінің консулдық пункттерінде аккредиттеу карталары берілген сәттен бастап аккредиттелген болып саналады.
32-17. Аккредиттеу картасы Ойындарға қатысушыларға Ойындардың спорттық және өзге де мақсаттағы объектілеріне (Ойындарды басқару орталықтары, баспасөз орталықтары, Ойындарға қатысушыларды орналастыратын орындар) еркін кіруді қамтамасыз етеді.
32-18. Ойындарға қатысушыларды аккредиттеу туралы ақпаратты Ойындарды ұйымдастырушы уәкілетті мемлекеттік органдарға береді.
6. Осы Тәртiптi бұзғаны үшiн жауаптылық.
Шетелдіктердің Қазақстан Республикасында болуы мерзiмiн қысқарту және кетiру
33. Осы Тәртiптiң нормаларын бұзу заңдармен көзделген жауаптылыққа әкеп соғады.
34. Шетелдіктердің Қазақстан Республикасында болуының мерзiмiн қысқарту және оларды Қазақстан Республикасынан кетiру Қазақстан Республикасының заңдарында көзделген негiздемелер бойынша жүргiзiледi.
35. Шетелдіктердің Қазақстан Республикасында болуының мерзiмiн қысқарту туралы шешiмдi Қазақстан Республикасының заңдарына сәйкес iшкi iстер органдары немесе ұлттық қауiпсiздiк органдары қабылдайды.
ҚР Үкіметінің 13.03.03 ж. № 241 қаулысымен; 2005.20.07. № 756 қаулысымен (бұр.ред.қара) 36-тармақ өзгертілді
36. Кетiру туралы шешiмдi сот қабылдайды. Бұл ретте шетелдіктерді кетiрудi ұйымдастыру үшiн қажетті мерзiмге ұстауға жол берiледi. Оларды ұстау iшкi iстер органдарының арнайы мекемелерiнде жүргізiледi.
Кетiру бойынша шығыстарды кетiрiлетiн шетелдiк азаматтар не шетелдiктi Қазақстан Республикасына шақырған ұйымдар немесе жеке адамдар, ал ерекше жағдайларда iшкi iстер органдары көтередi.
Қазақстан Республикасы бекiткен халықаралық шарттарға сәйкес Қазақстан Республикасының аумағына келу құқығынсыз келген адамдарды Қазақстан Республикасының аумағынан әкету үшiн ол адамдарды әкелген көлiк ұйымы жауапты болып табылады.
37. Шетелдіктер заңдарда белгiленген тәртiппен өзiн Қазақстан Республикасынан кетiру және Қазақстан Республикасында болу мерзiмiн қысқарту туралы шешiмге шағымдануға құқылы.
38. Қазақстан Республикасының заңдарына және Қазақстан Республикасының халықаралық келісімдерiне сәйкес артықшылықтар мен иммунитеттердi пайдаланатын шетелдіктердің осы Тәртiптi бұзғаны үшiн жауапкершiлiгi туралы, сондай-ақ олардың Қазақстан Республикасында болу мерзiмiн қысқарту туралы мәселе дипломатиялық арналар бойынша шешiледi.
39. Егер Қазақстан Республикасының халықаралық келісімдерiнде осы Тәртiпте қамтылғандардан өзгеше ережелер белгiленген болса, халықаралық келісімнiң ережесi қолданылады.
ҚР Үкіметінің 2010.19.10. № 1075 Қаулысымен 1-қосымшамен толықтырылды (2011 жылғы 22 ақпанға дейін қолданылды)
Шетелдіктердің Қазақстан
Республикасына келуінің және болуының,
сондай-ақ олардың Қазақстан
Республикасынан кетуінің тәртібіне
1-қосымша
Аккредиттеу картасының нысаны
ҚР Үкіметінің 2010.19.10. № 1075 Қаулысымен 2-қосымшамен толықтырылды (2011 жылғы 22 ақпанға дейін қолданылды)
Шетелдіктердің Қазақстан
Республикасына келуінің және болуының,
сондай-ақ олардың Қазақстан
Республикасынан кетуінің тәртібіне
2-қосымша
Сәйкестендіру картасының нысаны