2008 жылға арналған республикалық бюджеттік бағдарламалардың паспорттарын бекіту туралы
(Қазақстан Республикасы Сыртқы істер министрлігі)
Қазақстан Республикасы Үкіметінің 2007 жылғы 12 желтоқсандағы № 1224 Қаулысы
(үзінді)

(2008.12.11. берілген өзгерістер мен толықтырулармен)

Қазақстан Республикасының 2004 жылғы 24 сәуірдегі Бюджет кодексіне сәйкес Қазақстан Республикасының Yкіметі ҚАУЛЫ ЕТЕДI:

1. Мыналардың:

42, 43, 44, 45, 46, 47 (өте құпия), 48, 49, 50, 51-қосымшаларға сәйкес Қазақстан Республикасы Сыртқы істер министрлігінің 2008 жылға арналған республикалық бюджеттік бағдарламаларының паспорттары бекітілсін.

2. Осы қаулы қол қойылған күнінен бастап қолданысқа енгізіледі.

Қазақстан Республикасы Үкіметінің

2007 жылғы 12 желтоқсандағы

№ 1224 қаулысына

42-ҚОСЫМША

204 - Қазақстан Республикасы Сыртқы істер министрлігi

Бюджеттік бағдарламаның әкімшісi

2008 жылға арналған

«Сыртқы саяси қызметті қамтамасыз ету»

деген 001 республикалық бюджеттік бағдарламаның

ПАСПОРТЫ

ҚР Үкіметінің 2008.13.06. № 581 қаулысымен (бұр.ред.қара); 2008.12.11. № 581д (бұр.ред.қара) 1-тармақ жаңа редакцияда

1. Құны: 114487541 мың теңге (он төрт миллиард төрт жүз сексен жеті миллион бес жүз қырық бір мың теңге)

2. Бюджеттік бағдарламаның нормативтік құқықтық негізi: Қазақстан Республикасының 2002 жылғы 7 наурыздағы «Қазақстан Республикасының дипломатиялық қызметі туралы» Заңы, Қазақстан Республикасының 1999 жылғы 23 шілдедегі «Мемлекеттік қызмет туралы» Заңы, Қазақстан Республикасы Президентінің 2006 жылғы 12 қазандағы «Қазақстан Республикасының Мемлекеттік протоколын бекіту туралы» № 201 Жарлығы, Қазақстан Республикасы Президентінің 1999 жылғы 27 қыркүйектегі «Қазақстан Республикасының Консулдық жарғысын бекіту туралы» № 217 Жарлығы, Қазақстан Республикасы Президентінің 2004 жылғы 4 ақпандағы «Қазақстан Республикасының Дипломатиялық және оған теңестірілген өкілдігі туралы ережені бекіту туралы» № 1287 Жарлығы, Қазақстан Республикасы Yкіметінің 1997 жылғы 27 мамырдағы «Қазақстан Республикасының Бельгия Корольдігіндегі Елшілігін орналастыру үшін Қазақстан Республикасының меншігіне Брюссельде ғимарат сатып алу туралы» № 893 қаулысы, Қазақстан Республикасы Үкіметінің 1997 жылғы 9 қазандағы «Қазақстан Республикасының меншігіне Вашингтонда (Колумбия округі, АҚШ) жылжымайтын мүлік объектілерін сатып алу туралы» № 1431a қаулысы, Қазақстан Республикасы Үкіметінің 2000 жылғы 28 қаңтардағы «Шетел азаматтарының Қазақстан Республикасында болуын құқықтық реттеудің жекелеген мәселелері» № 136 қаулысы, Қазақстан Республикасы Үкіметінің 2000 жылғы 16 маусымдағы «Қазақстан Республикасының шетелдегі дипломатиялық және консулдық мекемелерінің, Қазақстан Республикасы халықаралық ұйымдардағы өкілдіктерінің қорғалған байланыс жүйесін құру туралы» № 906-55 өқ қаулысы, Қазақстан Республикасы Үкіметінің 2000 жылғы 9 тамыздағы «Қазақстан Республикасының меншігіне Лондон қаласында ғимарат сатып алу туралы» № 1222-73қ қаулысы, Қазақстан Республикасы Үкіметінің 2004 жылғы 28 қазандағы «Қазақстан Республикасы Сыртқы істер министрлігінің мәселелері» № 1118 қаулысы, Қазақстан Республикасы Үкіметінің 2006 жылғы 28 қазандағы «Қазақстан Республикасы Сыртқы істер министрлігінің Халықаралық ақпарат комитетінің мәселелері» № 1024 қаулысы, Қазақстан Республикасы Үкіметінің 2007 жылғы 20 наурыздағы «Республикалық және жергілікті бюджеттердің атқарылу ережесін бекіту туралы» № 225 қаулысы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: Қазақстан Республикасының халықаралық беделін нығайту, халықаралық бейбітшілікті, ғаламдық және өңірлер қауіпсіздікті қамтамасыз ету.

5. Бюджеттік бағдарламаның міндеттерi: Қазақстан Республикасының сыртқы саясатының тұжырымдамасы мен негізгі бағыттарын әзірлеу және Қазақстан Республикасының Президенті мен Үкіметіне тиісті ұсыныстар беру, Сыртқы экономикалық саясатты жүзеге асыруға жәрдемдесу және Қазақстан Республикасының халықаралық беделін нығайту, Қазақстан Республикасының егемендігін, қауіпсіздігін, аумақтық тұтастығын және шекараларының мызғымастығын, оның басқа да мемлекеттермен өзара қарым-қатынастарды және халықаралық аренадағы саяси, сауда-экономикалық және өзге де мүдделерін дипломатиялық құралдар мен әдістер арқылы қорғауды қамтамасыз ету, Бельгия Корольдігінде (Брюссель қаласы), Ұлыбритания және Солтүстік Ирландия Құрама Корольдігінде (Лондон қаласы), Америка Құрама Штаттарында (Вашингтон қаласы) Қазақстан Республикасының өткен жылдардағы меншігіне жылжымайтын мүлік сатып алу бойынша міндеттемелерді орындау.

ҚР Үкіметінің 2008.12.11. № 581д қаулысымен 6-тармақ өзгертілді (бұр.ред.қара)

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер: Тікелей нәтиже: Қазақстан Республикасының сыртқы саяси бағытын іске асыру, Қазақстан Республикасының сыртқы экономикалық саясатын жүзеге асыруға және халықаралық беделін нығайтуға жәрдемдесу.

Қазақстан Республикасының егемендігін, қауіпсіздігін, аумақтық тұтастығын және шекараларының мызғымастығын, оның басқа мемлекеттермен өзара қарым-қатынастардағы және халықаралық аренадағы саяси, сауда-экономикалық және өзге де мүдделерін дипломатиялық құралдар мен әдістер арқылы қорғауды қамтамасыз ету. Қазақстан Республикасының шет мемлекеттермен, халықаралық ұйымдармен дипломатиялық және консулдық қарым-қатынастарын жүзеге асыру. Әлемдегі саяси және әлеуметтік-экономикалық жағдайға, шет мемлекеттердің сыртқы және ішкі саясатына, халықаралық ұйымдардың қызметіне талдау жасау және орталық мемлекеттік органдарды қажетті ақпаратпен қамтамасыз ету. 76 адамның мемлекеттік тілді оқып үйренуі, 20 адамның ағылшын тілді оқып үйренуі.

Түпкі нәтиже: Қазақстан Республикасын әлемдік алаңда іс жүзінде таныту, шетелге шығатын Қазақстан Республикасы азаматтарының қауіпсіздігін, олардың шетелдер аумақтары бойынша кедергісіз жүріп тұруын, құқықтары мен бостандықтарын қорғауды қамтамасыз ету, Қазақстан Республикасының шет мемлекеттермен және халықаралық ұйымдармен сауда-экономикалық, қаржы, ғылыми және ғылыми-техникалық, мәдени, сондай-ақ өзге де байланыстарын дамыту мен кеңейту. Министрлік штатының 23,7 пайызын мемлекеттік тілге оқытуды, министрлік штатының 6,2 пайызын ағылшын тілін оқытуды қамтамасыз ету.

Қаржылық-экономикалық нәтиже: бір қызметкерді мемлекеттік тілге оқыту шығыны - 48,5 мың теңге, бір қызметкерді ағылшын тіліне үйрету шығыны - 61,5 мың теңге.

Уақтылығы: министрліктің орталық аппараты және Қазақстан Республикасының шет елдегі мекемелері бюджетінің орындалуы. Жыл бойы шарттарға сәйкес қол жеткізіледі.

Сапасы: Қазақстан Республикасы Сыртқы істер министрлігімен жүзеге асырылатын консулдық іс-әрекеттерді жеке және заңды тұлғалардың толық қанағаттануы. Қазіргі заманғы экономикалық жағдайларға сәйкес, мемлекеттік кәсіби қызмет талаптарына сай мемлекеттік қызметшілердің кәсіби деңгейін көтеру. Мемлекеттік тілді оқыту курстарынан өткеннен кейін мемлекеттік тілде іс жүргізуге көшкен мемлекеттік қызметшілер үлесі - 69 пайызға; ағылшын тілін оқыту курстарын өткеннен кейін ағылшын тіліндегі құжаттармен жұмыс істейтін мемлекеттік қызметшілер үлесі - 70 пайызға.

Қазақстан Республикасы Үкіметінің

2007 жылғы 12 желтоқсандағы

№ 1224 қаулысына

43-ҚОСЫМША

204 - Қазақстан Республикасы Сыртқы істер министрлігi

Бюджеттік бағдарламаның әкімшісі

2008 жылға арналған

«Халықаралық ұйымдарға және басқа да халықаралық органдарға қатысу»

деген 002 республикалық бюджеттік бағдарламаның

ПАСПОРТЫ

ҚР Үкіметінің 2008.13.06. № 581 қаулысымен (бұр.ред.қара); 2008.12.11. № 581д (бұр.ред.қара) 1-тармақ жаңа редакцияда

1. Құны: 1676318 мың теңге (бір миллиард алты жүз жетпіс алты миллион үш жүз он сегіз мың теңге)

2. Бюджеттік бағдарламаның нормативтік құқықтық негізi: Қазақстан Республикасының 1996 жылғы 26 маусымдағы «Еңбекшілердің жұмыс орындарындағы ауаның ластануы, шу мен тербеліс салдарынан болатын кәсіби қауіптерден қорғау туралы» Халықаралық еңбек ұйымының (ХЕҰ) 1977 жылғы № 148 Конвенциясын бекіту туралы» Заңы, Қазақстан Республикасының 1997 жылғы 7 шілдедегі «Біріккен Ұлттар Ұйымының Шөлейттенуге қарсы күрес жөніндегі конвенциясын бекіту туралы» Заңы, Қазақстан Республикасының 1997 жылғы 30 қазандағы «Қазақстан Республикасының озон қабатын қорғау жөніндегі Вена конвенциясына қосылуы туралы» Заңы, Қазақстан Республикасының 1997 жылғы 31 қазандағы «Қазақстан Республикасының Халықаралық азаматтық қорғаныс ұйымының Жарғысына қосылуы туралы» Заңы, Қазақстан Республикасының 1998 жылғы 29 маусымдағы «Экономикалық Ынтымақтастық Ұйымының (ЭЫҰ), мүше-елдер Өкілдерінің және халықаралық қызметкерлердің заңдық мәртебесі туралы келісімді бекіту туралы» Заңы, Қазақстан Республикасының 1999 жылғы 6 сәуірдегі «Қазақстан Республикасының Құрып кету қаупі төнген жабайы фауна мен флора түрлерімен халықаралық сауда туралы конвенцияға қосылуы туралы» Заңы, Қазақстан Республикасының 1999 жылғы 24 маусымдағы «Химиялық қаруды жасауға, өндіруге, жинақтауға және қолдануға тыйым салу және оны жою туралы конвенцияны бекіту туралы» Заңы, Қазақстан Республикасының 2000 жылғы 23 қазандағы «Қазақстан Республикасының Ауаның алыс қашықтықта шекарааралық ластануы туралы конвенцияға қосылуы туралы» Заңы, Қазақстан Республикасының 2000 жылғы 23 қазандағы Қазақстан Республикасының өнеркәсіптік авариялардың шекарааралық әсері туралы конвенцияға қосылуы туралы» Заңы, Қазақстан Республикасының 2000 жылғы 23 қазандағы «Ақпаратқа қол жеткізу, қоршаған ортаға қатысты мәселелер бойынша шешімдер қабылдау процесіне жұртшылықтың қатысуы және сот әділдігіне қол жеткізу туралы конвенцияны бекіту туралы» Заңы, Қазақстан Республикасының 2001 жылғы 10 сәуірдегі «Қазақстан Республикасының Үкіметі мен Біріккен Ұлттар Ұйымы Балалар қорының арасындағы ынтымақтастық туралы негізгі келісімді бекіту туралы» Заңы, Қазақстан Республикасының 2001 жылғы 7 мамырдағы «Озон қабатын бүлдіретін заттар жөніндегі Монреаль хаттамасына Түзетуге Қазақстан Республикасының қосылуы туралы, Лондон, 27-29 маусым 1990 жыл» Заңы, Қазақстан Республикасының 2001 жылғы 14 желтоқсандағы «Ядролық сынақтарға жан-жақты тыйым салу туралы шартты бекіту туралы» Заңы, Қазақстан Республикасының 2002 жылғы 18 наурыздағы «Дүниежүзілік пошта одағының Жарғысына Бесінші қосымша хаттаманы бекіту туралы» Заңы, Қазақстан Республикасының 2003 жылғы 10 ақпандағы «Қауіпті қалдықтарды трансшекаралық тасымалдауды және оларды аулаққа шығаруды бақылау туралы Базель конвенциясына Қазақстан Республикасының қосылуы туралы» Заңы, Қазақстан Республикасының 2005 жылғы 30 мамырдағы «Қазақстан Республикасының халықаралық шарттары туралы» Заңы, Қазақстан Республикасы Президентінің 1995 жылғы 4 мамырдағы «Климаттың өзгеруі жөніндегі Біріккен Ұлттар Ұйымының негіздемелік Конвенциясын бекіту туралы» № 2260 Жарлығы, Қазақстан Республикасы Президентінің 1995 жылғы 19 маусымдағы «Қазақстан Республикасы мен Атом энергиясы жөніндегі халықаралық агенттік арасындағы Ядролық қаруды таратпау туралы шартқа байланысты кепілдіктерді қолдану туралы келісімді бекіту туралы» № 2344 Жарлығы, Қазақстан Республикасы Президентінің 1995 жылғы 18 қазандағы «Энергетикалық Хартияға Шартты және Энергетикалық тиімділік мәселелері мен экологиялық аспектілер жөніндегі Энергетикалық Хартияға Хаттаманы бекіту туралы» № 2537 Жарлығы, Қазақстан Республикасы Президентінің 1999 жылғы 12 наурыздағы «Біріккен Ұлттар Ұйымының Климаттың өзгеруі туралы негіздемелік конвенциясының Киото хаттамасына Қазақстан Республикасының қол қоюы туралы» № 84 Жарлығы, Қазақстан Республикасы Президентінің 2002 жылғы 15 қарашадағы «Қазақстан Республикасының Көші-қон жөніндегі халықаралық ұйымға мүше болуы туралы» № 973 Жарлығы, Қазақстан Республикасы Президентінің 2003 жылғы 30 қазандағы «Каспий теңізінің теңіз ортасын қорғау жөніндегі негіздемелік конвенцияны бекіту туралы» № 1214 Жарлығы, Қазақстан Республикасы Жоғары Кеңесінің 1992 жылғы 2 шілдедегі «Халықаралық азаматтық авиация туралы конвенцияны бекіту туралы» № 1503-ХІІ қаулысы, Қазақстан Республикасы Министрлер Кабинетінің 1993 жылғы 13 сәуірдегі «Дүниежүзілік Метеорологиялық ұйымы конвенциясына қосылу туралы» № 296 қаулысы, Қазақстан Республикасы Министрлер Кабинетінің 1993 жылғы 20 шілдедегі «Қазақстан Республикасының Халықаралық қылмыстық полиция ұйымына (ИНТЕРПОЛ) кіруіне байланысты іс-шаралар туралы» № 629 қаулысы, Қазақстан Республикасы Министрлер Кабинетінің 1994 жылғы 4 наурыздағы «Қазақстан Республикасының Халықаралық теңіз ұйымы (ХТҰ) аясында қабылданған халықаралық конвенцияларға және ХТҰ туралы конвенцияға қосылуы туралы № 244 қаулысы, Қазақстан Республикасы Министрлер Кабинетінің 1994 жылғы 25 наурыздағы «Халықаралық эпизоотикалық бюроға кіру туралы «ХЭБҚ» № 26-15/1264 қаулысы, Қазақстан Республикасы Министрлер Кабинетінің 1994 жылғы 19 сәуірдегі «Метрология және стандарттау жөніндегі халықаралық ұйымға кіру туралы» № 26-22/4748 қаулысы, Қазақстан Республикасы Министрлер Кабинетінің 1994 жылғы 13 мамырдағы «Қазақстан Республикасының халықаралық азаматтық авиациясы ұйымы (ИКАО) аясында қабылданған халықаралық конвенцияларға қосылу туралы» № 506 қаулысы, Қазақстан Республикасы Министрлер Кабинетінің 1994 жылғы 19 тамыздағы «Қазақстан Республикасының биологиялық әралуандылық туралы конвенцияны мақұлдау және онда көзделген міндеттемелерін орындауды ұйымдастыру туралы» № 918 қаулысы, Қазақстан Республикасы Жоғары Кеңесінің 1995 жылғы 20 ақпандағы «Қазақстан Республикасы атынан табиғи ортаға әсер ететін әскери немесе кез келген өзге де дұпшандық ниетте құралдар пайдалануға тиым салу туралы Конвенцияға қосылу туралы» № 301-III қаулысы, Қазақстан Республикасы Министрлер Кабинетінің 1995 жылғы 24 мамырдағы «ТЮРКСОЙ-дың құрылымы және жұмыс істеу принциптер туралы Шартты бекіту туралы» № 737 қаулысы, Қазақстан Республикасы Министрлер Кабинетінің 1995 жылғы 7 қыркүйектегі «Орталық-Азиялық Зерттеулер Халықаралық институтына кіру туралы № 13253 қаулысы, Қазақстан Республикасы Үкіметінің 2004 жылғы 29 маусымдағы «Е.Х. Қазыханов туралы» № 717 қаулысы, Қазақстан Республикасы Үкіметінің 2005 жылғы 23 наурыздағы «Тәуелсіз Мемлекеттер Достастығының Экономикалық Кеңесі жанындағы Экономикалық мәселелер жөніндегі комиссиядағы Қазақстан Республикасы Үкіметі Өкілінің қызметін қаржыландыру мәселелері» № 257 қаулысы, Қазақстан Республикасы Үкіметінің 2006 жылғы 13 қаңтардағы «Ұжымдық қауіпсіздік туралы шарт ұйымының Тұрақты Кеңестегі Қазақстан Республикасы Үкіметті өкілінің және оның аппаратының 2006 жылға арналған шығыстар сметасын бекіту туралы» № 33 қаулысы, Қазақстан Республикасы Үкіметінің 2006 жылғы 27 ақпандағы «Б.С. Сәрсековтің қызметін қамтамасыз етуге арналған шығыстар сметасын бекіту туралы» № 133 қаулысы, Қазақстан Республикасы Үкіметінің 2006 жылғы 25 сәуірдегі Қазақстан Республикасының Еуразиялық экономикалық қоғамдастық жанындағы тұрақты өкілі мен оның аппараты қызметін қаржыландыру мәселелері» № 322 қаулысы, Қазақстан Республикасы Министрлер Кабинетінің 1993 жылғы 14 қазандағы «Дүниежүзілік туристік ұйымға кіру туралы» шешімі, Қазақстан Республикасы Министрлер Кабинетінің 1994 жылғы 3 мамырдағы «Еуропалық Экономикалық Комиссияға кіру туралы» № 6234 шешімі, 1991 жылғы 17 желтоқсандағы Байланыс саласындағы аймақтық достастық құру туралы келісім, 1991 жылғы 20 желтоқсандағы Азаматтық авиация және әуе кеңістігінің пайдалану туралы келісім, Тәуелсіз Мемлекеттер Достастығының 1992 жылғы 11 наурыздағы Стандарттау, метрология және сертификаттау саласындағы келісілген саясатты өткізу туралы» келісімі, Қазақстан Республикасының Үкіметі мен БҰҰ арасындағы қатынастар туралы 1992 жылғы 19 тамыздағы келісім, Қазақстан Республикасының Үкіметі мен БҰҰ Даму бағдарламасы арасындағы 1996 жылғы 24 қыркүйектегі келісім, Орталық/Шығыс Еуропа және Еуразия энергетикасын реттеу органдарының Аймақтық Қауымдастығымен 2001 жылғы 15 наурыздағы Энергетика саласындағы өзара іс-қимыл туралы» келісімі, 2003 жылғы 29 мамырдағы Шанхай Ынтымақтастық Ұйымының бюджетін қалыптастыру мен орындау тәртібі туралы келісім, 2003 жылғы 19 қыркүйектегі Бірыңғай экономикалық кеңістікті қалыптастыру туралы келісім, Табиғи апаттарды азайту жөніндегі Азиялық орталыққа кіру туралы шешім (ASDR), Тәуелсіз Мемлекеттер Достастығының 1991 жылғы 21 желтоқсандағы «Біріккен Ұлттар Ұйымына мүшелік туралы» шешімі, ТМД Мемлекет Басшылары Кеңесінің 1993 жылғы 2 наурыздағы «Мұнай және газ жөніндегі Мемлекетаралық Кеңесін құру туралы» шешімі, ТМД Мемлекет Басшылары Кеңесінің 1993 жылғы 9 қыркүйектегі «Химия және мұнайхимия саласындағы ынтымақтастық туралы» шешімі, Ислам Конференциясы Ұйымының 1995 жылғы 12 желтоқсандағы шешімі, Дүниежүзілік Сауда Ұйымының жыл сайынғы сессиясының 1996 жылғы 26 қаңтардағы «Қазақстан Республикасына бақылаушы мәртебесін беру туралы» шешімі, ТМД Үкімет Басшылары Кеңесінің 1996 жылғы 12 сәуірдегі «ТМД Үкіметаралық статистикалық комитеті туралы ереже туралы» шешімі, Халықаралық техникалық комитеттің жыл сайынғы сессиясының 1996 жылғы 24 желтоқсандағы «Өрттердің алдын алу және сөндіру жөніндегі (МТКПТП-СТІҒ)» шешімі, Орталық Азия Мемлекеттері Басшыларының 1997 жылғы 28 ақпандағы «Халықаралық Аралды құтқару қорының қаражатын қалыптастыру туралы» шешімі, ИКҰ-ға мүше елдердің жыл сайынғы сессиясының 1997 жылғы 12 наурыздағы «ИКҰ жанындағы Статистика, экономика және әлеуметтік зерттеулер мен даярлау жөніндегі орталыққа кіру туралы» шешімі, ИКҰ-ға мүше елдердің жыл сайынғы сессиясының 1997 жылғы 12 наурыздағы «ИКҰ жанындағы Ислам технологиялық институтына кіру туралы» шешімі, ИКҰ-ға мүше елдердің жыл сайынғы сессиясының 1997 жылғы 12 наурыздағы «ИКҰ жанындағы сауда дамыту жөніндегі Ислам орталығына кіру туралы» шешімі, 1998 жылғы 17 сәуірдегі Халықаралық көрмелер бюросы (ХКБ) Атқару комитетінің шешімі, 1998 жылғы 5 тамыздағы Мәдени меншікті зерттеу, сақтау және қалпына келтіру жөніндегі Халықаралық институттың жыл сайынғы жиналысының шешімі (ІССRОМ), Мемлекетаралық ТМД Экономикалық одағының экономикалық комитетінің 1998 жылғы 11 қыркүйектегі «Жолшылар одағына ТМД мемлекетаралық органы мәртебесін беру туралы» шешімі, ИКҰ-ға мүше елдердің Бас Конференциясының 1999 жылғы 17 маусымдағы «ИКҰ-ға мүше елдердің Парламенттік Одағына кіру туралы» шешімі, ТМД Мемлекеттері Басшылары Кеңесінің 2000 жылғы 25 қаңтардағы «ТМД-ға қатысушы мемлекеттердің Бас прокурорларының үйлестіру Кеңесі туралы» шешімі, БАҚ байланыс әкімшілік басшылары Кеңесінің 2000 жылғы 29 маусымдағы «Байланыс саласының аймақтық қауымдастығының қаржысы туралы ереже туралы» № 2315 шешімі, ТМД Үкіметтері Басшылары Кеңесінің 2001 жылғы 18 мамырдағы «ТМД-ға қатысушы мемлекеттердің көліктік үйлестіруші кеңесін құру туралы» шешімі, 2005 жылғы 17 наурыздағы Азиядағы өзара ықпалдасу мен сенім шаралары жөніндегі кеңесінің Секретариаты (АӨСШК) туралы ережені дайындау бойынша арнайы жұмысшы тобы мәжілісінің шешімі, Қазақстан Республикасының 1993 жылғы 5 ақпандағы Дүниежүзілік зияткерлік меншік ұйымына кіру жөніндегі декларациясы, Қазақстан Республикасының 1993 жылғы 5 ақпандағы «Өнеркәсіптік меншік саласындағы халықаралық шарттар туралы» декларациясы, 2001 жылғы 15 маусымдағы «Шанхай Ынтымақтастық Ұйымын» құру туралы декларациясы, 1991 жылғы 21 желтоқсандағы «Тәуелсіз Мемлекеттер Достастығын құру туралы» Алматы Декларациясы, 1992 жылғы 12 қаңтардағы ОБСЕ Парламент Ассамблеясы Секретариатының хабарламасы, Қазақстан Республикасы Сыртқы істер министрінің 1996 жылғы 11 ақпандағы Ислам Ұйымы Конференциясынан (ИҰК) хабарламасы, 1996 жылғы 4 маусымдағы «Қазақстан Республикасының Халықаралық еңбек ұйымына мүше болуы туралы (ХЕҰ)» хабарлама, Біріккен Ұлттар Ұйымының Бас хатшысының 1997 жылғы 1 қаңтардағы «Біріккен Ұлттар Ұйымының өнеркәсіпті дамыту бойынша» хабарламасы, Жоғарғы аудиторлар мекемесінің Халықаралық ұйымы Бас директорының (INTOSAI) 1997 жылғы 2 сәуірдегі «Қазақстан Республикасының мүшелігі туралы» хабарламасы, Жоғарғы аудиторлар мекемесінің Азиялық ұйымы Бас директорының (ASOSAI) 1997 жылғы 27 маусымдағы «Қазақстан Республикасының мүшелігі туралы» хабарламасы, Орталық Азия Халықаралық институты Директоратының (МИЦАИ) 1998 жылғы 19 ақпандағы «Қазақстан Республикасының мүшелігі туралы» хабарламасы, Көшпенді өркениетті зерттеу жөніндегі Халықаралық институт директорының (МИИКЦ) 1998 жылғы 12 тамыздағы хабарламасы, БҰҰ-ның Бас Ассамблеясы 46-шы сессиясының 1992 жылғы 2 наурыздағы «Қазақстан Республикасының Біріккен Ұлттар Ұйымына мүшелігін растау туралы» қарары, БҰҰ-ның 46-шы сессиясының 1992 жылғы 2 наурыздағы «БҰҰ-ның Азық-түлік және ауыл шаруашылық ұйымдары туралы» қарары, БҰҰ-ның 46-шы сессиясының 1992 жылғы 2 наурыздағы «БҰҰ-ның тұрғын халықтар қоры туралы» қарары, БҰҰ-ның 46-шы сессиясының 1992 жылғы 2 наурыздағы «БҰҰ-ның балаларға жәрдем беру қоры туралы» қарары, 1994 жылы 26 сәуірдегі Табиғат және мәдени мұраларды қорғау жөніндегі конвенцияға қол қою, Табиғи аппаттарды азайту жөніндегі Азиялық орталықтың (АDRS) Бас конференциясының 1999 жылғы 14 ақпандағы Қазақстан Республикасының мүшелігін растайтын қарары, Парламентаралық Ассамблея Кеңесінің 2002 жылғы 6 желтоқсандағы «Тәуелсіз Мемлекеттер Достастығына қатысушы мемлекеттердің Парламентаралық Ассамблеясының қызметін қаржыландыру туралы» № 43 қаулысы, ЮНЕСКО-ның 1992 жылғы 22 мамырдағы Қазақстан Республикасының ЮНЕСКО-ға мүшелігін растайтын нотасы, 2003 жылғы 23 сәуірдегі «Ұжымдық қауіпсіздік туралы шарт ұйымының Органдары жөніндегі ережелер туралы» Ұжымдық қауіпсіздік кеңесінің шешімі, 1993 жылғы 22 қаңтардағы ТМД Жарғысы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: Қазақстан Республикасының саяси, экономикалық, әлеуметтік, экологиялық және ғылыми-техникалық мәселелерін шешу.

5. Бюджеттік бағдарламаның міндеттерi: Қазақстан Республикасының халықаралық ұйымдармен және шет мемлекеттермен ынтымақтастығын нығайту, Қазақстанның халықаралық ұйымдар, әмбебап және өзге де халықаралық конвенциялар хатшылықтары алдындағы борыштық міндеттемелерін орындауды қамтамасыз ету. Халықаралық маңызы бар іс-шараларды өткізуді уақтылы қамтамасыз ету (БҰҰ Бас Ассамблеясы, ВОИС, ОЭC, ИНТЕРПОЛ және т.б.).

ҚР Үкіметінің 2008.12.11. № 581д қаулысымен 6-тармақ өзгертілді (бұр.ред.қара)

6. Бюджеттік бағдарламаны іске асыру жөніндегі іс-шаралар жоспары:

ҚР Үкіметінің 2008.12.11. № 581д қаулысымен 7-тармақ өзгертілді (бұр.ред.қара)

7. Бюджеттік бағдарламаны орындаудан күтілетін нәтижелер: Тікелей нәтиже: Қазақстан Республикасының 118 халықаралық ұйымдарда, конвенцияларда, ТМД-ның үлестік және басқа да органдарында дауыс беру құқығымен қатысуы, мемлекет басшылығының бастамашылықтарын ілгерілету мен іске асыру, экономикалық, әлеуметтік, экологиялық және ғылыми-техникалық мәселелерді шешу салаларындағы халықаралық ұйымдардың саясатын айқындау арқылы еліміздің ұлттық мүдделерін қорғау.

Түпкі нәтижесі: Қазақстанның дүниежүзілік қоғамдастыққа одан әрі интеграциялану жолымен сыртқы саяси және сауда экономикалық мүддесін қамтамасыз ету. Қазақстан Республикасының халықаралық қоғамдастықтың мүшесі ретінде аймақтық және жаһандық бағдарламаларды шешуге қатысуы, Қазақстан Республикасы азаматтарының құқығы мен бостандығын қорғауды қамтамасыз ету. Саясат, экономика, ғылым мен мәдениет салаларында шетел мемлекеттерімен, халықаралық ұйымдармен көп жақты қатынасты дамыту және нығайту.

Қаржылық-экономикалық нәтижесі: Азиядағы өзара ықпалдасу мен сенім шаралары кеңесі (АӨСШК) Хатшылығын - 122 906 мың теңге, Қазақстан Республикасының Еуразиялық экономикалық қоғамдастығы жанындағы Тұрақты өкілінің аппаратын - 16 526 мың теңге, ТМД терроризмге қарсы орталығындағы комиссияда Қазақстан Республикасының өкілін және ТМД Экономикалық Кеңесі жанындағы экономикалық мәселелер жөніндегі комиссияда Қазақстан Республикасының өкілін - 2553 мың теңге, Ұжымдық қауіпсіздік туралы шарт ұйымы жанындағы Тұрақты Кеңестегі Қазақстан Республикасы өкілетті өкілінің апаратын - 71 546 мың теңге ұстау.

Мерзімді уақыты: Қазақстан Республикасының халықаралық ұйымдармен ынтымақтастығы бойынша Сарапшылық кеңестің шешіміне сәйкес Қазақстан Республикасының халықаралық ұйымдарға Төлем жоспарын және борышты міндеттемелерінің орындалуын қамтамасыз ету.

Сапасы: халықаралық ұйымдардың жұмысының нәтижесімен белгіленеді.

Қазақстан Республикасы Үкіметінің

2007 жылғы 12 желтоқсандағы

№ 1224 қаулысына

44-ҚОСЫМША

204 - Қазақстан Республикасы Сыртқы істер министрлігi

Бюджеттік бағдарламаның әкімшісi

2008 жылға арналған

«Мемлекеттік шекараны делимитациялау және демаркациялау»

деген 003 республикалық бюджеттік бағдарламаның

ПАСПОРТЫ

1. Құны: 185198 мың теңге (бір жүз сексен бес миллион бір жүз тоқсан сегіз мың теңге).

2. Бюджеттік бағдарламаның нормативтік құқықтық негізi: Қазақстан Республикасы Үкіметінің 1999 жылғы 7 мамырдағы»Қазақстан Республикасының Каспий теңізіндегі мүдделерін қамтамасыз ету жөніндегі кейбір шаралар туралы» № 542-30қ қаулысы, Қазақстан Республикасы Үкіметінің 1999 жылғы 1 қыркүйектегі «Қазақстан Республикасының Қырғыз Республикасымен, Ресей Федерациясымен, Түрікменстанмен және Өзбекстан Республикасымен Мемлекеттік шекарасын делимитациялау жөніндегі Қазақстан Республикасының Үкіметтік комиссиясы туралы» № 1283 қаулысы, Қазақстан Республикасы Үкіметінің 2003 жылғы 16 қазандағы «Қазақстан Республикасының Қырғыз Республикасымен, Түрікменстанмен және Өзбекстан Республикасымен Мемлекеттік шекарасын демаркациялау жөніндегі бірлескен комиссиялардағы Қазақстан Республикасының Үкіметтік делегациясы туралы» № 1058 қаулысы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: Қазақстан Республикасының аумақтық тұтастығын және Қырғыз Республикасымен, Түрікменстанмен, Өзбекстан Республикасымен және Ресей Федерациясымен шекарасының мызғымастығын қамтамасыз ету, Каспий теңізінің құқықтық мәртебесі мәселелерін реттеу, Қазақстан Республикасының ұлттық қауіпсіздігін нығайту.

5. Бюджеттік бағдарламаның міндеттерi: Каспий теңізінің құқықтық мәртебесін белгілеу, жергілікті жерлерде мемлекеттік шекара сызығын шекаралық белгілермен бекіту, Қазақстан Республикасының Ресей Федерациясымен, Қырғыз Республикасымен, Түрікменстанмен және Өзбекстан Республикасымен мемлекеттік шекарасын заңды түрде ресімдеу.

ҚР Үкіметінің 2008.12.11. № 581д қаулысымен 6-тармақ өзгертілді (бұр.ред.қара)

6. Бюджеттік бағдарламаны іске асыру жөніндегі іс-шаралар жоспары:

ҚР Үкіметінің 2008.12.11. № 581д қаулысымен 7-тармақ өзгертілді (бұр.ред.қара)

7. Бюджеттік бағдарламаны орындаудан күтілетін нәтижелер: Тікелей нәтижесі: Келіссөздер жүргізу, 158 шекаралық белгілерді (қазақстан-қырғыз шекарасында - 60 белгілерді; қазақстан-ресей шекарасында - 200 белгілерді; қазақстан-өзбек шекарасында - 20 белгілерді) орнату, шекара сызығы межеленген топографиялық карталарды басып шығару. Масштабы 1:50000 жаңартылған демаркациялық карталар жасау; шекаралық белгілер дайындау, оларды жұмыстарды орындайтын жерге жеткізу.

Түпкі нәтижелері: Каспий теңізінің түбін межелеудің орта сызығын топографиялық карталарға түсіру, оларды сипаттау, жергілікті жерлерде Қазақстан Республикасының Қырғыз Республикасымен, Түрікменстанмен, Өзбекстан Республикасымен және Ресей Федерациясымен мемлекеттік шекара сызығын шекаралық белгілермен бекіту, трансшекаралық өзендерді пайдалану және қорғау жөніндегі келісімдерге қол қою.

Қаржылық-экономикалық нәтиже: 2008 жылға Каспий теңізінің құқықтық мәртебесін белгілеу жөніндегі келіссөздерді жүргізуге - 18980 мың теңге, Қазақстан Республикасының Қырғыз Республикасымен, Түркменстанмен, Өзбекстан Республикасымен және Ресей Федерациясымен мемлекеттік шекарасын демаркациялау мәселелері бойынша үкіметтік делегацияларының отырыстарын өткізу - 49292 мың теңге, қазақстан-қырғыз мемлекеттік шекарасын - 21724 мың теңгеге, қазақстан-ресей мемлекеттік шекарасын - 70444 мың теңгеге, қазақстан-өзбек мемлекеттік шекарасын - 13441 мың теңгеге демаркациялау жөніндегі жұмыстарды жүргізу, байланыс қызметі - 11317 мың теңге.

Уақытылығы: Демаркациялау, Каспий теңізінің құқықтық мәртебесін анықтау, трансшекаралық өзендерді пайдалану және қорғау мәселелері бойынша келіссөздерді жоспарлы түрде жүргізу және қол жеткізілген уағдаластықтарға сәйкес қажетті демаркациялық жұмыстарды орындау.

Қазақстан Республикасы Үкіметінің

2007 жылғы 12 желтоқсандағы

№ 1224 қаулысына

45-ҚОСЫМША

204 - Қазақстан Республикасы Сыртқы істер министрлігi

Бюджеттік бағдарламаның әкімшісi

2008 жылға арналған

«Шетелдік іссапарлар»

деген 005 республикалық бюджеттік бағдарламаның

ПАСПОРТЫ

1. Құны: 1490296 мың теңге (бір миллиард төрт жүз тоқсан миллион екі жүз тоқсан алты мың теңге).

2. Бюджеттік бағдарламаның нормативтік құқықтық негізi: Қазақстан Республикасы Yкіметінің 2002 жылғы 10 сәуірдегі «Республикалық бюджетте «Шетелдік іссапарлар» бағдарламасы бойынша көзделген қаражатты пайдалану ережесі туралы» № 410 қаулысы; Қазақстан Республикасы Yкіметінің 2003 жылғы 11 ақпандағы «Республикалық және жергілікті бюджеттердің қаражаты есебінен шетелдік іссапарларға валюталық қаражатты жұмсауын ретке келтіру жөніндегі шаралар туралы» № 148 қаулысы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: мемлекетаралық қарым-қатынастарды дамыту, Қазақстан Республикасының оң сипаттағы бейнесін ілгерілету, Қазақстан Республикасының әлемдік қоғамдастықта сауда-экономикалық, ғылыми-техникалық және мәдени қатынастар саласындағы қарым-қатынастарын кеңейту.

5. Бюджеттік бағдарламаның міндеттерi: Қазақстан Республикасының халықаралық ұйымдардың, конференциялардың, кеңестердің, форумдардың қызметіне қатысуын қамтамасыз ету, әлемдік қоғамдастықтың мүшесі ретінде жаһандық және өңірлік проблемаларды шешуде Қазақстан Республикасының рөлін арттыруға жәрдемдесу.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер: Тікелей нәтижесі: Қазақстан Республикасы Президентінің, Қазақстан Республикасы Премьер-Министрінің, сондай-ақ Үкіметтік делегациялардың шетелдік сапарларын өткізу, Қазақстанның сессияларда, конференцияларда, мәжілістерде, симпозиумдарда, саммиттерде, форумдарда, екі және көп жақты келіссөздерде, консультацияларда, соның ішінде Қазақстан Республикасының Дүниежүзілік Сауда Ұйымына кіруіне байланысты келіссөздерде, Біртұтас экономикалық кеңістікті қалыптастыру жөніндегі халықаралық-құқықтық шарттардың жобаларына қатысты сарапшылардың консультацияларында өкілдік ету, соның ішінде электрондық Үкімет құру, билер соты институтын құру, мемлекеттік-жеке меншік әріптестік үлгілерін ендіру секілді салаларды зерделеу және тәжірибе алмасу және тағы басқалары. Іс-шаралардың жоспарланып отырған саны 976.

Түпкі нәтижесі: Халықаралық құқықтық құжаттарды (келісімдер, шарттар, меморандумдар) пысықтау және оларға қол қою, тәжірибе алмасу және тиімді ынтымақтасу орнату, әріптестік, іскерлік байланыстарды жолға қою, сауда-экономикалық, ғылыми-техникалық және мәдени қатынастар саласындағы ынтымақтастықты үйлестіру, Қазақстанның экономикасына инвестициялар тарту, әлемдік тауарлар мен қызмет көрсетулерге қол жеткізу, қазақстандық тауарлардың сатып-өткізу нарығын кеңейту, тауарларды экспорттау кезіндегі кеден баж салығын азайту және т.б.

Қаржылық экономикалық нәтиже: Елден тысқары жерлерге қызметтік іссапарға жіберілген бір адамның (жетекші маман) 4 күн кезеңде Мәскеу қаласына (Ресей) бір іссапарға жіберілген шығындары - 118 132,98 теңге және 4 күн кезеңге Мәскеу қаласына (Ресей) бір іссапарға жіберілген бір адамның (Министр) шығындары - 307 490,14 теңге (бір сапарға арналған орташа мөлшердегі шығындар 212 811,14 теңге құрайды); - Ресейге бір іссапарға арналған бір адамның шығыны - 118 132,98 теңге және Үндістан, ҚХР (Гонконг), Оңтүстік Корея, Чили, Филиппин елдеріне бір сапарға арналған бір адамның шығыны - 1 627 327,01 теңге (бір сапарға арналған орташа мөлшердегі шығындар 872 472,93 теңге құрайды).

Мерзімді уақыты: Басталғанға дейінгі әрбір шетелдік іссапарға ақшалай қаражатты бөлу туралы шешім қабылдау.

Қазақстан Республикасы Үкіметінің

2007 жылғы 12 желтоқсандағы

№ 1224 қаулысына

46-ҚОСЫМША

204 - Қазақстан Республикасы Сыртқы істер министрлігi

Бюджеттік бағдарламаның әкімшісі

2008 жылға арналған

«Өкілдік шығындар»

деген 006 республикалық бюджеттік бағдарламаның

ПАСПОРТЫ

ҚР Үкіметінің 2008.13.06. № 581 қаулысымен (бұр.ред.қара); 2008.12.11. № 581д (бұр.ред.қара) 1-тармақ жаңа редакцияда

1. Құны: 1196526 мың теңге (бір миллиард бір жүз тоқсан алты миллион бес жүз жиырма алты мың теңге)

2. Бюджеттік бағдарламаның нормативтік құқықтық негізi: Қазақстан Республикасы Президентінің 2006 жылғы 12 қазандағы № 201 «Қазақстан Республикасының Мемлекеттік протоколын бекіту туралы» Жарлығы, Қазақстан Республикасы Үкіметінің 2007 жылғы 20 наурыздағы № 225 «Республикалық және жергілікті бюджеттердің атқарылу ережесін бекіту туралы» қаулысы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: Қазақстан Республикасының мемлекетаралық қатынастарын дамыту және оның оң сипаттағы имиджін ілгерілету.

5. Бюджеттік бағдарламаның міндеттерi: Қазақстан Республикасында ресми делегациялардың, соның ішінде шетелдік делегациялардың қатысуымен кеңестер мен семинарлар, салтанатты және өзге де өкілдік іс-шараларды өткізуді қамтамасыз ету, сондай-ақ Қазақстан Республикасы Президентінің, Қазақстан Республикасы Премьер-Министрінің, Қазақстан Республикасы Мемлекеттік хатшысының, Қазақстан Республикасы Сыртқы істер министрінің, республикалық бюджет есебінен ұсталатын, халықаралық қадағалау комиссиясының құрамында шет мемлекеттердегі сайлауларға Қазақстан Республикасынан қадағалаушы ретінде жіберілетін мемлекеттік органдардың лауазымды тұлғалардың шетелге іссапарлары уақытында өкілдік шығындары.

ҚР Үкіметінің 2008.13.06. № 581 қаулысымен 6-тармақ өзгертілді (бұр.ред.қара)

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер: Тікелей нәтижесі: Сессиялар, конференциялар, мәжілістер, симпозиумдар, саммиттер, форумдар, екі және көп жақты келіссөздер, консультациялар өткізу, оның ішінде АӨСШК, Шетелдегі қазақ диаспорасының мәселелеріне байланысты конференциялар, семинарлар, дөңгелек үстелдер, Қазақстан Республикасының Дүниежүзілік сауда ұйымына кіруі жөніндегі келіссөздер процесін жүргізу, Біртұтас экономикалық кеңістік қалыптастыру жөніндегі халықаралық-құқықтық шарттар жобаларына қатысты сарапшылар консультацияларын және т.б. өткізу. Іс-шаралардың жоспарланып отырған саны 380.

Түпкі нәтижесі: Халықаралық-құқықтық құжаттарды (келісімдер, шарттар, меморандумдар) пысықтау және қол қою, өзара тиімді ынтымақтастықты орнату, серіктестік, іскерлік байланыстарды жолға қоюда тәжірибе алмасу, сауда-экономикалық, ғылыми-техникалық және мәдени қатынастар саласындағы ынтымақтастықты үйлестіру, Қазақстан экономикасына инвестиция тарту, тауарлар және қызмет көрсетулердің әлемдік рыногына шығу, қазақстандық тауарларды өткізу рыноктарын кеңейту, тауарларды экспорттау кезінде кедендік баж салығын азайту және т.б.

Қаржылық-экономикалық нәтиже: Республикалық бюджет қаражатының жұмсалуын оңтайландыру және оның тиімділігі.

«Өкілдік шығындар» бағдарламасын іске асыру барысында көрсетілетін қызметтердің бірлігіне арналған шығындардың жоспарланған көлемін іс жүзіндегі шығындардың көлемімен салыстыру мүмкін емес, өйткені барлығы осы іс-шараға қатысатын делегациялар мүшелерінің санына және олардың мәртебесіне байланысты. Адамның немесе іс-шараның саны жөніндегі орташа арифметикалық деректер жұмсалған қаражатты тиімді пайдалану туралы анық ақпарат бере алмайды, мәселен:»Экономикалық ынтымақтастық ұйымына мүше елдердің жоғары лауазымды тұлғаларының отырысын және Сыртқы істер министрлері кеңесінің 15-мәжілісін өткізуге» 11 388 577,0 теңге сомасында бюджеттік қаражат бөлінді қатысқандардың саны 250 адам. Бір адамға арналған шығындардың орташа мөлшері 455 540 теңге құрады, ал Сенім грамотасын тапсыру 28 600,0 теңге құрайды, оған қатысқандардың саны 14 адам. Бір адамға арналған шығындардың орташа мөлшері 2 042,0 теңге құрайды.

Мерзімді уақыты: Басталғанға дейінгі өкілдік шығындарды талап ететін іс-шараларды өткізуге арналған ақшалай қаражатты бөлу туралы шешім қабылдау.

Қазақстан Республикасы Yкіметінің

2007 жылғы 12 желтоқсандағы

№ 1224 қаулысына

47-ҚОСЫМША (өте құпия)

Қазақстан Республикасы Yкіметінің

2007 жылғы 12 желтоқсандағы

№ 1224 қаулысына

48-ҚОСЫМША

204 - Қазақстан Республикасы Сыртқы істер министрлігi

Бюджеттік бағдарламаның әкімшісi

2008 жылға арналған

«Қазақстан Республикасының дипломатиялық өкілдіктерін орналастыру үшін шетелде

жылжымайтын мүлік объектілерін сатып алу және салу»

деген 009 республикалық бюджеттік бағдарламаның

ПАСПОРТЫ

 ҚР Үкіметінің 2008.13.06. № 581 қаулысымен (бұр.ред.қара); 2008.12.11. № 581д (бұр.ред.қара) 1-тармақ жаңа редакцияда

1. Құны: 1947687 мың теңге (бір миллиард тоғыз жүз қырық жеті миллион алты жүз сексен жеті мың теңге)

2. Бюджеттік бағдарламаның нормативтік құқықтық негізi:  Қазақстан Республикасы Президентінің «Қазақстан Республикасының Дипломатиялық және оған теңестірілген өкілдігі туралы ережені бекіту туралы» 2004 жылғы 4 ақпандағы № 1287 Жарлығы, Қазақстан Республикасы Президентінің»Біріккен Араб Әмірліктерінде Қазақстан Республикасының Елшілігін ашу туралы» 2006 жылғы 22 мамырдағы Жарлығы, Қазақстан Республикасы Үкіметінің «Қазақстан Республикасы Сыртқы істер министрлігінің шетелдердегі мекемелерінің жылжымайтын мүлік объектілерін сатып алуы және жалға алуы, үй-жайлары мен ғимараттарының күрделі құрылысы мен жөндеуі туралы» 1996 жылғы 19 қыркүйектегі № 1144 қаулысы.

3. Бюджеттік бағдарламаны қаржыландыру көздерi: республикалық  бюджеттің қаражаты.

4. Бюджеттік бағдарламаның мақсаты: Қазақстан Республикасының дипломатиялық және оған теңестірілген өкілдіктерін, консулдық мекемелерін және Қазақстан Республикасының дипломатиялық қызмет персоналын шетелдерде орналастырудың тиісті жағдайларын қамтамасыз ету. Шетелдерде әкімшілік және тұрғын үй-жайларды жалға алудың әкімшілік шығыстарын қысқарту. Қазақстан Республикасының шетелдердегі оң бет бейнесін қалыптастыру.

5. Бюджеттік бағдарламаның міндеттерi: шетелде әкімшілік және тұрғын үйге арналған ғимараттарды Қазақстан Республикасының меншігіне сатып алу және құрылысын салу.

ҚР Үкіметінің 2008.13.06. № 581 қаулысымен (бұр.ред.қара); 2008.12.11. № 581д (бұр.ред.қара) 6-тармақ өзгертілді

6. Бюджеттік бағдарламаны іске асыру жөніндегі іс-шаралар жоспары:

ҚР Үкіметінің 2008.13.06. № 581 қаулысымен (бұр.ред.қара); 2008.12.11. № 581д (бұр.ред.қара) 7-тармақ өзгертілді

7. Бюджеттік бағдарламаны орындаудан күтілетін нәтижелер: Тікелей нәтижесі: Қазақстан Республикасының шетелдегі дипломатиялық және оларға теңестірілген өкілдіктері және дипломатиялық қызмет персоналын әкімшілік және тұрғын үйлерге орналастыру үшін шет елдерде Мадрид (Испания) қаласында сатып алынған, Әбу-Даби (БАӘ) және Киев (Украина) қалаларында салынып жатқан жылжымайтын мүлік объектілерінің болуы. Өзбекстан Республикасында (Ташкент қаласында) Қазақстан Республикасының Елшілігін орналастыру үшін әкімшілік кешені құрылысына белгіленген тәртіппен бекітілген, мемлекеттік сараптамадан өткен жобалық-сметалық құжаттаманың болуы.

Түпкі нәтижесі:

Қазақстан Республикасының шетелдердегі дипломатиялық және оған теңестірілген өкілдіктерін әкімшілік және тұрғын үй мақсатындағы өз меншігіндегі ғимараттарға орналастыру, Қазақстан Республикасының дипломатиялық қызмет персоналының шетелде еңбек ету және өмір сүру жағдайларын жақсарту, әкімшілік және тұрғын үй-жайды жалға алудың әкімшілік шығыстарын қысқарту.

Қаржы-экономикалық нәтижесі:

Қазақстан Республикасының дипломатиялық қызмет персоналын шетелдерде өз меншігіндегі ғимараттарға орналастыру әкімшілік және тұрғын үйлерді жалға алуға арналған әкімшілік шығыстарын қысқарту арқылы қол жеткізіледі.

Сапасы:

Бюджеттік бағдарламаны іске асыру - мердігерлік ұйымдардың құрылысты салу кезінде жұмыстарды орындауына (техникалық қадағалау), шетелдерде жылжымайтын мүлік объектілерін сатып алу кезінде қолайлы нұсқаларын іріктеу барысында талаптардың сақталуына тиісті бақылау жасауды жүзеге асыру есебінен қамтамасыз етіледі.

Қазақстан Республикасы Үкіметінің

2007 жылғы 12 желтоқсандағы

№ 1224 қаулысына

49-ҚОСЫМША

204 - Қазақстан Республикасы Сыртқы істер министрлігi

Бюджеттік бағдарламаның әкімшісi

2008 жылға арналған

«Қазақстан Республикасының шетелдік мемлекеттерге заңсыз әкелінген және саудалаудың құрбандары

болған, сондай-ақ шет елдерде басқа қылмыстардан зардап шеккен және форс-мажорлық жағдайларда

қалған азаматтарына қаржылық көмек көрсету» деген 010 республикалық бюджеттік бағдарламаның

ПАСПОРТЫ

1. Құны: 11645 мың теңге (он бір миллион алты жүз қырық бес мың теңге).

2. Бюджеттік бағдарламаның нормативтік құқықтық негізi:  Қазақстан Республикасының Конституциясы, Қазақстан Республикасының 2002 жылғы 7 наурыздағы «Қазақстан Республикасының дипломатиялық қызметі туралы» Заңы, Қазақстан Республикасы Президентінің 1999 жылғы 27 қыркүйектегі «Қазақстан Республикасының Консулдық жарғысын бекіту туралы» № 217 Жарлығы, Қазақстан Республикасы Үкіметінің 2003 жылғы 11 ақпандағы «Республикалық және жергілікті бюджеттердің қаражаты есебінен шетелдік іссапарларға арналған валюталық қаражатты жұмсауды ретке келтіру жөніндегі шаралар туралы» № 148 қаулысы, Қазақстан Республикасы Әділет министрлігінде 2006 жылғы 25 қаңтарда № 4037 нөмірмен тіркелген Қазақстан Республикасының Сыртқы істер Министрінің 2005 жылғы 28 қарашадағы «Республикалық бюджетте «Шет мемлекеттерге заңсыз әкелінген және адам саудасының құрбандары болған, сондай-ақ шетелде басқа да қылмыстардан зардап шеккен және форс-мажорлы жағдайға ұшыраған Қазақстан Республикасы азаматтарына қаржылай көмек көрсету» бағдарламасы бойынша көзделген қаражатты пайдалану ережесін бекіту туралы» № 08-1/361 бұйрығы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: шет мемлекеттерге заңсыз түрде әкелінген, сауда-саттықтың құрбандары болған, шетелде басқа да қылмыстардан зардап шеккен және кездейсоқ жағдайларға тап болған Қазақстан Республикасының азаматтарын қорғауды және оларды мемлекетке қайтаруды қамтамасыз ету.

5. Бюджеттік бағдарламаның міндеттерi: шетелде зардап шеккен Қазақстан Республикасының азаматтарына қаржылық көмек көрсету, Көші-қон жөніндегі Халықаралық ұйыммен, Қазақстан Республикасының және өкілдік орналасқан елдің құқық қорғау органдарымен, трафиктің құрбандарына көмектесетін қоғамдық ұйымдармен бірлесіп іс-қимыл жасап, трафиктің құрбандары болған Қазақстан Республикасы азаматтарын босатуды және елге қайтаруды ұйымдастыру, бұқаралық ақпарат құралдарының арналарын пайдалана отырып, өкілдік орналасқан елде және Қазақстан Республикасында ақпараттық-насихат жұмыстарын жүргізу.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер: Шетелде болған уақытысында Қазақстан Республикасының азаматтарына біржолғы материалдық көмек көрсету және осындай көмекке зәру Қазақстан Республикасының азаматтарын отанымызға жөнелту.

Түпкі нәтижесі: Адамдарды саудалаумен айналысатындардың немесе олармен байланысты адамдардың тарапынан саудалаудың, қауіп-қатердің немесе қорқытып-үркітудің құрбандары болған Қазақстан Республикасы азаматтарын тиімді қорғауды қамтамасыз ету, олардың қауіпсіздігін және мүмкіндігінше, Қазақстан Республикасына өз еркімен оралуын қамтамасыз ету және Қазақстан Республикасынан тысқары жерлерде болған уақытысында мемлекеттің қамқорлығына қатысты Қазақстан Республикасы азаматтарының сенімділігін арттыру, шетелде өз азаматтарының құқықтары мен мүдделерін қорғауды нақты, іс жөнінде жүзеге асыратын республика ретінде әлемдік қоғамдастықта Қазақстан Республикасының имиджіне оң сипатта ықпал ету.

Қаржылық-экономикалық нәтижесі: Шетелде зардап шеккен Қазақстан Республикасының бір азаматын қорғауға және Қазақстан Республикасына жөнелтуге арналған шығындармен айқындалады. Зардап шеккен бір адам шығындарының орташа мөлшері 120 586 теңге құрайды.

Мерзімді уақыты: Шетелде құқықтық көмекке мұқтаж Қазақстан Республикасының әрбір азаматына мемлекеттің тиімді көмек көрсетуімен.

Сапасы: Шетелде зардап шеккен Қазақстан Республикасы азаматтарының Отанына оралған нақты санымен.

Қазақстан Республикасы Үкіметінің

2007 жылғы 12 желтоқсандағы

№ 1224 қаулысына

50-ҚОСЫМША

204 - Қазақстан Республикасы Сыртқы істер министрлігi

Бюджеттік бағдарламаның әкімшісi

2008 жылға арналған

«Қазақстанда тұратын этностардың тарихи шығу елдерімен қатынастарын нығайту және шетелде

Қазақстан Республикасындағы этникалық келісімді насихаттау»

деген 011 республикалық бюджеттік бағдарламаның

ПАСПОРТЫ

1. Құны: 282702 мың теңге (екі жүз сексен екі миллион жеті жүз екі мың теңге).

2. Бюджеттік бағдарламаның нормативтік құқықтық негізi: Қазақстан Республикасы Президентінің 2002 жылғы 26 сәуірдегі «Қазақстан халықтары Ассамблеясының стратегиясы мен Қазақстан халықтары Ассамблеясының ережесі туралы» № 856 Жарлығы, Қазақстан Республикасы Президентінің 2005 жылғы 23 сәуірдегі «Қазақстан халықтары Ассамблеясының институтын бекіту туралы»№ 1561 Жарлығы, Қазақстан Республикасы Үкіметінің 2006 жылғы 28 маусымдағы «Этносаралық және конфессияаралық келісімнің қазақстандық моделін жетілдірудің 2006-2008 жылдарға арналған бағдарламасын бекіту туралы» № 593 қаулысы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: «Қазақстан-2030» стратегиялық міндеттерді іске асыруда, қоғамдағы тұрақтылық пен келісімді нығайтуда және қазақстандық халықты, оның күшті мемлекеттілігін, ашық азаматтық қоғамды қалыптастыру процесінде Қазақстан халықтары Ассамблеясының рөлін арттыру, Қазақстан этностарының тарихи шығу тегі елдерімен өзара тиімді ынтымақтастықты дамыту, этникааралық қатынастарды үйлесімді дамыту, Қазақстан Республикасының оң сипаттағы имиджін нығайту.

5. Бюджеттік бағдарламаның міндеттерi: мемлекеттік тілдің және қазақ халқы мәдениетінің негізгі рөл ойнауы жағдайында азаматтық және рухани мәдени ортақтық негізінде Қазақстан этностарын шоғырландыру арқылы қазақстандық бірегейлікті қалыптастыру, этникааралық қатынастар саласында мемлекеттік органдар мен азаматтық қоғам институттарының өзара тиімді іс-қимылын қамтамасыз ету, Қазақстандағы этникааралық үйлесімді қарым-қатынасты қамтамасыз етуде этномәдени бірлестіктердің күш-жігерін кіріктіру, шетелдік іскер және қоғамдық топтардың ақпараттану деңгейін көтеру және Қазақстан Республикасына деген оң көзқарастарын қалыптастыруға жәрдемдесетін іс-шараларды, конференцияларды, таныстыру рәсімдерін, сапарлар алмасуларды ұйымдастыру және қамтамасыз ету.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер: Қазақстан Республикасында тұратын этностардың тарихи Отаны болып табылатын Германияда, Кореяда, Ресей Федерациясында және басқа да елдерде қазақстандық әртістердің гастрольдік концерттерін өткізу, конференцияларды, тұсаукесерлерді және де басқа іс-шараларды өткізу, сапарлармен алмасу, тиісті әдебиетпен қамтамасыз ету.

Түпкі нәтижесі: Қазақстан Республикасында тұратын этностардың тарихи шығу тегі болып табылатын Германиямен, Кореямен, Ресей Федерациясымен және басқа да елдермен қатынастарды нығайту және халықтың осыған қатысы бар топтарын қамтитын өмір сапасын арттыру мақсатында Қазақстанда жүзеге асырылып жатқан реформалар мен жобалардың сапасына ықпал ету.

Қаржылық-экономикалық нәтижесі: Іс-шараны өткізуге арналған шығындар - 282 702 мың теңге «Өкілдік шығындар» бағдарламасын іске асыру барысында көрсетілетін қызметтердің бірлігіне арналған шығындардың жоспарланған көлемін ic жүзіндегі шығындардың көлемімен салыстыру мүмкін емес, өйткені барлығы осы іс-шараға қатысатын делегациялар мүшелерінің санына және олардың мәртебесіне байланысты. Адамның немесе іс-шараның саны жөніндегі орташа арифметикалық деректер жұмсалған қаражатты тиімді пайдалану туралы анық ақпарат бере алмайды.

Мерзімді уақыты: Көзделген іс-шараларды толық көлемде қаржыландыруды қамтамасыз ету.

Сапасы: Қазақстан Республикасындағы үйлесімді этникааралық келісімді және 130-дан астам ұлттардың тату-тәтті тіршілік етуін шетелде насихаттауды қамтамасыз ететін мемлекеттік қызмет көрсетулерді алушылардың қажеттілігін қанағаттандыру.

51-ҚОСЫМША ҚР Үкіметінің 2008.13.06. № 581 қаулысымен алып тасталды (бұр.ред.қара)