«Балалы отбасыларға берiлетiн мемлекеттік жәрдемақылар туралы» Қазақстан Республикасының Заңын iске асыру жөніндегі кейбір шаралар туралы
Қазақстан Республикасы Үкіметінің 2005 жылғы 2 қарашадағы № 1092 Қаулысы

(2014.04.04. берілген өзгерістер мен толықтыруларымен)

ҚР Үкіметінің 2015 жылғы 28 тамыздағы № 676 Қаулысымен күші жойылды

 «Балалы отбасыларға берiлетiн мемлекеттік жәрдемақылар туралы» Қазақстан Республикасының 2005 жылғы 28 маусымдағы Заңын iске асыру мақсатында Қазақстан Республикасының Үкіметі ҚАУЛЫ ЕТЕДI:

1. Қоса беріліп отырған:

1) Балалы отбасыларға берiлетiн мемлекеттік жәрдемақыларды тағайындау және төлеу ережесi;

2) Балаларға арналған жәрдемақы алуға үмiткер отбасының жиынтық табысын есептеу ережесi;

3) бала туғанда берiлетiн жәрдемақы және (немесе) бiр жасқа толғанға дейiн бала күтiмi жөніндегі жәрдемақы тағайындау үшiн өтiнiштiң нысаны;

4) он сегiз жасқа дейiнгi балаларға арналған жәрдемақыны тағайындау үшiн өтiнiштiң нысаны бекітілсiн;

ҚР Үкіметінің 2009.30.12. № 2307 Қаулысымен 5) тармақшамен толықтырылды

5) мүгедек баланы тәрбиелеушіге берілетін жәрдемақыны тағайындауға арналған өтініштің нысаны бекітілсін.

2. Облыстардың, Астана және Алматы қалаларының әкiмдерi:

1) жеке қосалқы шаруашылықтың мөлшерi туралы мәлiметтi куәландыруға уәкілеттi органды белгiленген тәртiппен анықтасын;

ҚР Үкіметінің 2006.27.12. № 1294 Қаулысымен 1-1) тармақшамен толықтырылды

1-1) өтініш берушілерге нысаны осы қаулымен бекітілген, он сегіз жасқа дейінгі балаларға арналған жәрдемақыны тағайындауға арналған өтініш бланкілерінің, сондай-ақ Балалы отбасыларға берілетін мемлекеттік жәрдемақыларды тағайындау және төлеу ережесіне 1, 2, 3-қосымшаларға сәйкес мәліметтердің тегін берілуін қамтамасыз етсін;

2) учаскелiк комиссиялар туралы бұрын қабылданған шешiмдердi осы қаулыға сәйкес келтiрсiн.

3. Мыналардың күшi жойылды деп танылсын:

1) «Бала тууына байланысты берілетiн бiр жолғы мемлекеттік жәрдемақы төлеудiң ережесін бекіту туралы» Қазақстан Республикасы Yкіметінiң 2003 жылғы 25 ақпандағы № 200 қаулысы (Қазақстан Республикасының ПҮКЖ-ы, 2003 ж., № 9, 100-құжат);

2) «Қазақстан Республикасы Үкіметінiң 2003 жылғы 25 ақпандағы № 200 қаулысына өзгерістер мен толықтырулар енгізу туралы» Қазақстан Республикасы Үкіметінiң 2003 жылғы 2 желтоқсандағы № 1225 қаулысы (Қазақстан Республикасының ПYКЖ-ы, 2003 ж., № 46, 503-құжат).

4. Осы қаулы 2006 жылғы 1 шiлдеден бастап қолданысқа енгізiлетiн Балалы отбасыларға берілетiн мемлекеттік жәрдемақыларды тағайындау және төлеу ережесінiң 2-тармағының 5) тармақшасын, 11, 17, 18-тармақтарын қоспағанда, 2006 жылғы 1 қаңтардан бастап қолданысқа енгiзiледi.

ҚР Үкіметінің 2009.30.12. № 2307 Қаулысымен бүкіл мәтін бойынша «және бала күтімі жөніндегі» деген сөздер «, бала күтімі жөніндегі және мүгедек баланы тәрбиелеушіге берілетін» деген сөздермен ауыстырылды (бұр.ред.қара); ҚР Үкіметінің 2010.30.09. № 990 Қаулысымен (2011 жылғы 1 қаңтардан бастап қолданысқа енгізілді) (бұр.ред.қара); 2013.30.04. № 435 Қаулысымен (бұр.ред.қара) ереже жаңа редакцияда

Қазақстан Республикасы

Yкіметінiң

2005 жылғы 2 қарашадағы

№ 1092 қаулысымен

бекітілген

Балалы отбасыларға берілетін мемлекеттік жәрдемақыларды
тағайындау және төлеу
ережесі

Осы Балалы отбасыларға берілетін мемлекеттік жәрдемақыларды тағайындау және төлеу ережесі (бұдан әрі - Ереже) «Балалы отбасыларға берілетін мемлекеттік жәрдемақылар туралы» 2005 жылғы 28 маусымдағы Қазақстан Республикасының Заңына сәйкес әзірленді және балалы отбасыларға берілетін мемлекеттік жәрдемақыларды тағайындау және төлеу тәртібін айқындайды.

1. Жалпы ережелер

1. Осы Ережеде мынадай негізгі ұғымдар пайдаланылады:

1) балалы отбасыларға берілетін мемлекеттік жәрдемақылар мынадай түрдегі ақшалай төлемдер:

бала тууына байланысты тағайындалатын және төленетін біржолғы мемлекеттік жәрдемақы (бұдан әрі - бала туғанда берілетін жәрдемақы);

бала бір жасқа толық толғанға дейін оның күтіміне байланысты тағайындалатын және төленетін ай сайынғы мемлекеттік жәрдемақы (бұдан әрі - бала күтімі жөніндегі жәрдемақы);

он сегіз жасқа дейінгі балаларға тағайындалатын және төленетін ай сайынғы мемлекеттік жәрдемақы (бұдан әрі - балаларға арналған жәрдемақы);

мүгедек баланы (мүгедек балаларды) тәрбиелеп отырған анаға немесе әкеге, бала асырап алушыға, қамқоршыға (қорғаншыға) тағайындалатын және төленетін ай сайынғы мемлекеттік жәрдемақы (бұдан әрі - мүгедек баланы тәрбиелеушіге берілетін жәрдемақы);

2) бала туғанда берілетін, бала күтімі жөніндегі және мүгедек баланы тәрбиелеушіге берілетін жәрдемақыларды тағайындау жөніндегі уәкілетті орган (бұдан әрі - уәкілетті орган) - уәкілетті мемлекеттік органның аумақтық бөлімшелері;

3) балаларға арналған жәрдемақыны тағайындау және төлеу жөніндегі уәкілетті орган - республикалық маңызы бар қаланың, астананың, ауданның (облыстық маңызы бар қаланың) жергілікті атқарушы органы;

4) отбасы - некеден, туыстықтан, жекжаттықтан, бала асырап алудан немесе балаларды тәрбиеге алудың өзге де нысандарынан туындайтын мүліктік және мүліктік емес жеке құқықтар мен міндеттерге байланысты және отбасы қатынастарын нығайту мен дамытуға жәрдемдесуге тиісті адамдар тобы;

5) отбасының жиынтық табысы - отбасының ақшалай да, заттай да нысанда алған табысының жалпы сомасы;

6) отбасының орта есеппен жан басына шаққандағы табысы - отбасы жиынтық табысының отбасының әрбір мүшесіне ай сайын келетін үлесі;

7) өтініш беруші - жәрдемақылар тағайындату үшін отбасы атынан өтініш беретін адам;

8) учаскелік комиссия - әлеуметтік көмек алуға өтініш жасаған отбасылардың материалдық жағдайына тексеру жүргізу және қорытындылар дайындау үшін тиісті әкімшілік-аумақтық бірліктер әкімдерінің шешімімен құрылатын арнайы комиссия;

9) уәкілетті ұйым (бұдан әрі - Орталық) - Қазақстан Республикасы Үкіметінің шешімі бойынша құрылған республикалық мемлекеттік қазыналық кәсіпорын;

10) жәрдемақыларды беру жөніндегі уәкілетті ұйым - банктік операциялардың тиісті түрлеріне қаржы нарығын және қаржы ұйымдарын реттеу мен қадағалау жөніндегі уәкілетті органның лицензиясы бар ұйымдар, «Қазпошта» акционерлік қоғамының аумақтық бөлімшелері;

11) Орталық филиалы - уәкілетті ұйымның облыстық, Астана және Алматы қалаларындағы филиалдары;

12) Орталық бөлімшесі - уәкілетті ұйымның қалалық, аудандық бөлімшелері;

13) электрондық цифрлық қолтаңба (бұдан әрі - ЭЦҚ) - электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық символдар жиыны;

14) ақпараттық жүйе - аппараттық-бағдарламалық кешенді қолданумен ақпаратты сақтауға, өңдеуге, іздеуге, таратуға, тапсыруға және беруге арналған жүйе;

15) электрондық құжат - ақпарат электрондық цифрлық нысанда берілген және электрондық цифрлық қолтаңба арқылы куәландырылған құжат;

16) электрондық өтініш - электрондық цифрлық қолтаңбамен куәландырылған электрондық құжат нысанындағы өтініш;

17) электрондық өтінім - бала туғанда берілетін жәрдемақы, бала күтімі жөніндегі жәрдемақы, мүгедек баланы тәрбиелеушіге берілетін жәрдемақы және балаларға арналған жәрдемақыны тағайындауға қажетті Халыққа қызмет көрсету орталығының электрондық цифрлық қолтаңбасымен куәландырылған электрондық құжат нысанындағы мәліметтер;

18) бірінші бөлім - жәрдемақының мөлшерін тағайындаумен, жаңартумен, өзгерту және қайта қараумен және ағымдағы қажеттілікті қалыптастырғаннан кейін өтініш берушінің тұрғылықты жерін ауыстыруымен байланысты төлемнің ағымдағы айға қажеттілігі енгізілмеген жәрдемақы сомасы;

19) бала туғанда берілетін жәрдемақы, бала күтімі жөніндегі жәрдемақы және (немесе) мүгедек баланы тәрбиелеушіге берілетін жәрдемақыны алушы (бұдан әрі - алушы) - бала туғанда берілетін жәрдемақы, бала күтімі жөніндегі жәрдемақы және (немесе) мүгедек баланы тәрбиелеушіге берілетін жәрдемақы тағайындалған өтініш беруші;

20) дәйексіз құжат (қолдан жасалған) - дәйексіз (жалған) мәліметтерден тұратын түпнұсқадағы құжаттардың үлгілері бойынша жасалған құжат.

2. Бала туғанда берілетін жәрдемақыға, бала күтімі жөніндегі
жәрдемақыға өтініш беру, оны тағайындау және төлеу тәртібі

2. Бала туғанда берілетін жәрдемақыны, бала күтімі жөніндегі жәрдемақыны (бұдан әрі - жәрдемақы) тағайындау үшін жәрдемақы алуға құқығы бар адамдар тұрғылықты жері бойынша Орталық бөлімшесіне немесе Халыққа қызмет көрсету орталығына өтініш жасайды.

Бала күтімі жөніндегі жәрдемақы бала бір жасқа толғанға дейін оның күтіміне байланысты табысынан айырылу жағдайына Мемлекеттік әлеуметтік сақтандыру қорынан әлеуметтік төлем алуға құқығы жоқ адамдарға тағайындалады.

Адамдар жәрдемақыларды тағайындауға «электрондық үкіметтің» веб-порталы арқылы жүгінуге құқылы.

3. Жәрдемақыларды тағайындау үшін өтініш беру мерзімі бала туған күннен бастап он екі айдан аспауы тиіс.

4. Бала күтімі жөніндегі жәрдемақы бала туған күннен бастап бір жасқа толық толған күнге дейін тағайындалады.

Отбасы құрамында ата-анасы ата-ана құқығынан айырылған немесе ата-ана құқығы шектелген балаларды қоспағанда, туған, асырап алынған, сондай-ақ қорғаншылыққа (қамқоршылыққа) алынған балалар ескеріледі, сондай-ақ отбасы құрамында егер басқа ата-ананың отбасында ескерілмесе, өгей балалар да ескеріледі.

Оралмандарға бала күтімі жөніндегі жәрдемақы бала туған күннен бастап, бірақ оралман мәртебесі белгіленген күннен кейін тағайындалады.

5. Жәрдемақы баланың отбасының табысына қарамастан тағайындалады.

6. Өтініш беруші жәрдемақыларды тағайындауға өтініш берген кезде Орталық бөлімшесінің немесе Халыққа қызмет көрсету орталығының маманы Орталықтың ақпараттық жүйесіне өтініш берушіде жәрдемақыларды тағайындау, төлеу немесе тағайындауға өтініш беру фактісінің болуына сұрау салуды жүзеге асырады.

Орталықтан жәрдемақы тағайындау, төлеу немесе өтініш беру фактісін растайтын ақпарат алу кезінде Орталық бөлімшесі немесе Халыққа қызмет көрсету орталығы өтініш берушіге осы Ережеге 1-қосымшаға сәйкес нысан бойынша өтінішті қабылдаудан бас тарту туралы хабарлайды.

Хабарламаға Орталық бөлімшесінің немесе Халыққа қызмет көрсету орталығы маманының ЭЦҚ-сы қойылады.

7. Жәрдемақылар тағайындау үшін өтінішке жәрдемақы тағайындауға құқығы бар адамдар жеке сәйкестендіру нөмірі (бұдан әрі - ЖСН) болған кезде мынадай құжаттарды қоса ұсынады:

1) көріп тексеру үшін өтініш берушінің жеке басын куәландыратын құжат (Қазақстан Республикасы азаматының жеке куәлігі, Қазақстан Республикасында тұрақты тұратын шетелдіктің тұруға ықтиярхаты);

сондай-ақ оралмандар үшін - оралман куәлігі;

2) баланың (балалардың) туу туралы куәлігі (куәліктері) не туу туралы акті жазбасынан үзінді;

3) өтініш берушінің деректері баланың туу туралы куәлігіндегі деректермен сәйкес келмеген жағдайда неке қию (бұзу) туралы куәлік;

4) балаға немесе бала асырап алушыға қорғаншылық (қамқоршылық) белгілеуді растайтын құжат;

Жәрдемақылар тағайындау үшін тұрғылықты тұратын жері бойынша тіркелгенін растайтын құжаттарды, жәрдемақыларды беру жөніндегі уәкілетті ұйымдағы банктік шот нөмірі туралы мәліметтерді, Қазақстан Республикасының аумағында 2007 жылғы 13 тамыздан кейін жүргізілген тіркеулер бойынша баланың (балалардың) тууы туралы куәлігі (куәліктері) не туу туралы акті жазбасынан үзіндіні, Қазақстан Республикасының аумағында 2008 жылғы 1 маусымнан кейін жүргізілген тіркеулер бойынша неке қию (бұзу) туралы куәлікті, сондай-ақ осы тармақтың 4) тармақшасында көрсетілген құжатты ұсыну олардағы ақпаратты мемлекеттік ақпараттық жүйелерден осы Ережеге 2-қосымшаға сәйкес алу мүмкін болған жағдайда талап етілмейді.

Түпнұсқада ұсынылған құжаттар сканерден өткізіледі және құжаттардың электрондық көшірмелері Орталық бөлімшесінің немесе Халыққа қызмет көрсету орталығы маманының ЭЦҚ-мен куәландырылады, содан кейін өтініш берушіге қайтарылады.

8. Жәрдемақылар тағайындау үшін өтінішті және қажетті құжаттарды үшінші тұлғалардың беруі тиісті жәрдемақыны алуға құқығы бар адамның нотариат куәландырған сенімхаты бойынша жүзеге асырылады.

Нотариат куәландырған сенімхат сканерден өткізіледі, Орталық бөлімшесінің немесе Халыққа қызмет көрсету орталығы маманының ЭЦҚ-мен куәландырылады, содан кейін өтініш берушіге қайтарылады.

9. Өтініш беруші жәрдемақылар тағайындау үшін тиісті құжаттарды бергеннен кейін оның қатысуымен Орталық бөлімшесінің немесе Халыққа қызмет көрсету орталығының маманы мемлекеттік органдардың және (немесе) ұйымдардың ақпараттық жүйелеріне осы Ережеге 2-қосымшаға сәйкес сұрау салу қалыптастырады.

Мемлекеттік органдар және (немесе) ұйымдар сұратылған мәліметтерді растайтын электрондық құжаттарды ұсынған кезде сұрау салуды жүзеге асырған Орталық бөлімшесі немесе Халыққа қызмет көрсету орталығы өтініш берушіге құжаттарды қабылдағаны туралы белгісі бар үзбелі талон береді.

Мемлекеттік органдар және (немесе) ұйымдар ақпараттық жүйелерде өтініш беруші туралы сұратылып отырған мәліметтердің жоқ екенін немесе өтініш беруші берген мәліметтермен сәйкессіздігін растайтын электрондық құжаттарды ұсынған кезде сұрау салуды жүзеге асырған Орталық бөлімшесі немесе Халыққа қызмет көрсету орталығы өтініш берушіге құжаттардың түпнұсқаларын және мемлекеттік органдар және (немесе) ұйымдардың ақпараттық жүйелеріндегі ол туралы мәліметтерді сәйкестікке келтіру үшін келісу туралы өтініш ұсыну қажеттігі туралы хабардар етеді.

10. Өтініш беруші құжаттардың түпнұсқасын және келісу туралы өтініш берген кезде Орталық бөлімшесі немесе Халыққа қызмет көрсету орталығының маманы құжаттардың түпнұсқасын сканерден өткізеді, оларды ЭЦҚ-мен куәландырады және Қазақстан Республикасының Үкіметі айқындаған тәртіппен және мерзімдерде жеке тұлға туралы мәліметтерді сәйкестікке келтіру үшін мемлекеттік органдарға және (немесе ұйымдарға) жібереді.

Егер өтініш беруші Қазақстан Республикасының Үкіметі айқындаған тәртіппен және мерзімдерде хабарламада көрсетілген құжаттардың түпнұсқаларын ұсынбаған жағдайда Орталық бөлімшесі не Халыққа қызмет көрсету орталығы өтініш берушіні осы Ережеге 1-қосымшаға сәйкес нысан бойынша жәрдемақыларды тағайындауға өтінішті қабылдаудан бас тарту туралы (себебін көрсете отырып) хабардар етеді.

11. Орталық бөлімшесі немесе Халыққа қызмет көрсету орталығы тиісті жәрдемақыны тағайындау үшін өтініш берушіден қабылданатын және мемлекеттік органдардың және (немесе) ұйымдардың ақпараттық жүйелерінен алынған құжаттар пакетінің толықтығын тексереді, құжаттардың сапасын және электрондық көшірмелерінің осы Ереженің 7-тармағына сәйкес ұсынған түпнұсқаларға сәйкестігін қамтамасыз етеді.

12. Орталық бөлімшесі өтініш беруші құжаттардың толық пакетін берген кезде осы Ережеге 3-қосымшаға сәйкес нысан бойынша тиісті жәрдемақыны тағайындау туралы өтінішті журналға тіркейді.

13. Халыққа қызмет көрсету орталығы жәрдемақы тағайындауға өтінішті қабылдаған күннен бастап үш жұмыс күні ішінде өтініш беруші түпнұсқада ұсынған өтініштің, құжаттардың электрондық көшірмелерін, сондай-ақ мемлекеттік органдардың және (немесе) ұйымдардың ақпараттық жүйелерінен алынған мәліметтерді электрондық өтініммен Орталық бөлімшесіне жібереді. Электрондық өтінім Халыққа қызмет көрсету орталығы маманының ЭЦҚ-мен куәландырылады.

14. Халыққа қызмет көрсету орталығынан электрондық өтінім түскен күннен бастап екі жұмыс күні ішінде Орталық бөлімшесі келіп түскен құжаттар пакетін тексереді. Құжаттар тізбесінің толық түспегені анықталған жағдайда Халыққа қызмет көрсету орталығына осы Ережеге 4-қосымшаға сәйкес нысан бойынша жоқ құжат көрсетілген хабарламамен қоса құжаттардың пакетін электрондық өтінімді қарамастан қайтарады. Хабарлама Орталық бөлімшесі маманының ЭЦҚ-мен куәландырылады.

Халыққа қызмет көрсету орталығы Орталықтан хабарлама келіп түскен күннен бастап үш жұмыс күні ішінде анықталған қатені жояды және өтініш беруші түпнұсқада ұсынған өтініштің, құжаттардың және мәліметтердің электрондық көшірмелерін қамтитын құжаттарды қоса, Орталық бөлімшесіне электрондық өтінімді, сондай-ақ мемлекеттік органдар және (немесе) ұйымдардың ақпараттық жүйелерінен алынған электрондық құжаттар мен мәліметтерді жібереді.

15. Жәрдемақыларды тағайындау үшін өтініш беруші «электрондық үкімет» веб-порталы арқылы жүгінген кезде мемлекеттік органдардың және (немесе) ұйымдардың ақпараттық жүйелеріне өтініш нысанында көзделген ұсынылған мәліметтерді растау және қажетті мәліметтерді алу үшін осы Ережеге 5-қосымшаға сәйкес сұрау салуды өтініш берушінің өзі жүзеге асырады.

16. Мемлекеттік органдар және (немесе) ұйымдар сұратылған мәліметтерді растайтын электрондық құжаттарды ұсынған кезде «электрондық үкімет» веб-порталы арқылы сұрау салуды жүзеге асырған электрондық өтінішті өзінің ЭЦҚ-мен куәландырады және Орталықтың автоматтандырылған ақпараттық жүйесіне жібереді.

17. «Электрондық үкімет» веб-порталы арқылы келіп түскен жәрдемақылар тағайындау үшін ұсынылған электрондық өтініш мынадай параметрлер бойынша тексеруден өтеді:

1) ұсынылған мәліметтердің толықтығы;

2) жәрдемақылар тағайындау, төлеу, сондай-ақ жәрдемақы тағайындауға өтініш беру фактісінің болмауы;

3) жәрдемақы тағайындалатын баланың бір жасқа толмауы;

4) отбасы мүшелерінің мекенжай мәліметтерінің өтініш берушінің мәліметтеріне сәйкестігі.

Жоғарыда келтірілген параметрлер бойынша тексерудің оң нәтижесі болған жағдайда өтінішті өңдеуге арналған кіріс хабарламалары журналына орналастыру жүргізіледі.

18. «Электрондық үкімет» веб-порталы арқылы жіберілген электрондық өтінішті қабылдау кезінде өтініш берушіге осы Ережеге 6-қосымшаға сәйкес электрондық өтінішті қабылдағаны туралы хабарлама жіберіледі. Хабарлама Орталық бөлімшесі маманының ЭЦҚ-мен куәландырылады.

19. Орталық бөлімшесі өтініш тіркелген күні осы Ережеге 7-қосымшаға сәйкес нысан бойынша журналда іске нөмір береді және өтініш берушінің мыналарды қамтитын электрондық іс макетін қалыптастырады:

өтініш беруші түпнұсқада ұсынған өтініштің және құжаттардың, электрондық көшірмелері, сондай-ақ мемлекеттік органдар және (немесе) ұйымдардың ақпараттық жүйелерінен алынған мәліметтер, не өтініш беруші түпнұсқада ұсынған және Қазақстан Республикасының Үкіметі айқындайтын тәртіппен және мерзімдерде мемлекеттік органдар және (немесе) ұйымдардың ақпараттық жүйесіне жіберілген жеке тұлға туралы мәліметтерді сәйкестікке келтіру үшін құжаттар мен мәліметтердің электрондық көшірмелері.

Жәрдемақылар үшін электрондық іс макеті Орталық бөлімшесінде өтінішті тіркеген күннен бастап екі жұмыс күні ішінде қалыптастырылады және ЭЦҚ арқылы куәландырылады.

Орталық бөлімшесінің маманы осы Ережеге 8-қосымшаға сәйкес нысандар бойынша шешім жобасын қалыптастырады, жәрдемақылардың мөлшерін есептеуді жүргізеді және оларды ЭЦҚ-мен куәландырады.

Шешімнің жобасы жәрдемақы тағайындау (өзгерту, тағайындаудан бас тарту) туралы электрондық - цифрлық нысандағы құжатты (бұдан әрі - шешім жобасы) білдіреді.

Орталық бөлімшесінің басшысы жәрдемақылар мөлшерін есептеудің, шешім жобасының ресімделу дұрыстығын тексереді және оны ЭЦҚ-мен куәландырады, содан кейін Орталық бөлімшесі істің электрондық макетін Орталықтың филиалына жібереді.

20. Орталық филиалы келіп түскен күннен бастап екі жұмыс күні ішінде электрондық іс макеті мен шешімнің жобасын қарайды, есептің және шешім жобасының ресімделу дұрыстығын тексереді, содан кейін оны уәкілетті органға жібереді. Бұл ретте шешімнің жобасы Орталық филиалы маманының және басшысының ЭЦҚ-мен куәландырылады.

21. Уәкілетті орган келіп түскен электрондық іс макетін шешім жобасымен қарайды, үш жұмыс күні ішінде жәрдемақыларды тағайындау (өзгерту, тағайындаудан бас тарту) туралы шешім қабылдайды.

22. Шешім басқарма (бөлім) маманының, басшысының және уәкілетті орган басшысының ЭЦҚ-мен куәландырылған, жәрдемақы тағайындау (өзгерту, тағайындаудан бас тарту) туралы электрондық-цифрлық нысандағы құжатты (бұдан әрі - шешім) білдіреді. Шешімнің нөмірі мен күні автоматты режимде беріледі.

Автоматты режимде шешім қабылданған күннен бастап бір жұмыс күні ішінде осы Ережеге 9-қосымшаға сәйкес нысан бойынша жәрдемақыларды тағайындау туралы хабарлама Орталық бөлімшесіне немесе Халыққа қызмет көрсету орталығына немесе «электрондық үкімет» веб-порталы арқылы өтініш берушінің жеке кабинетіне жіберіледі. Хабарлама уәкілетті орган басшысының ЭЦҚ-мен куәландырылады.

23. Уәкілетті органның маманы шешімді осы Ережеге 10-қосымшаға сәйкес нысан бойынша жәрдемақыларды тағайындау туралы шешімдерді тіркеу журналында тіркейді.

Уәкілетті орган Орталықтың бөлімшесіне шешіммен қоса электрондық іс макетін жібереді.

24. Егер уәкілетті орган ұсынылған электрондық іс макетінде шешім қабылдауға қажетті құжаттың (құжаттардың) жоқтығын анықтаса, электрондық іс макеті шешім жобасымен Орталық бөлімшесіне қайтарылады. Осы Ережеге 11-қосымшаға сәйкес нысандар бойынша себептері көрсетілген құжатты (құжаттарды) қайта рәсімдеу қажеттігі туралы уәкілетті органның ЭЦҚ-мен куәландырылған хабарламасы Орталық бөлімшесіне немесе Халыққа қызмет көрсету орталығына жіберіледі.

Орталық бөлімшесі және (немесе) Халыққа қызмет көрсету орталығы бес жұмыс күні ішінде өтініш берушіні осы Ережеге 11-қосымшаға сәйкес нысан бойынша хабарламада көрсетілген қосымша құжаттарды жиырма бес жұмыс күні ішінде ұсыну қажеттігі туралы хабардар етеді.

Орталық бөлімшесі өтініш беруші және (немесе) Халыққа қызмет көрсету орталығы қосымша құжаттар ұсынған кезде осы Ереженің 19, 20-тармақтарында көзделген тәртіппен электрондық іс макетін дайындайды.

Орталық бөлімшесіне электрондық іс макеті келіп түскен күннен бастап отыз жұмыс күні ішінде құжаттар қайта ресімделмесе, уәкілетті орган қолдағы бар құжаттар бойынша тиісті жәрдемақы тағайындау туралы немесе тағайындаудан бас тарту туралы электрондық шешім шығарады.

Егер уәкілетті орган ұсынылған электрондық іс макетінен және (немесе) шешім жобасынан қате тапқан жағдайда, электрондық іс макеті шешім жобасымен бірге қателерді жою үшін Орталық бөлімшесіне электрондық байланыс арқылы қайтарылады.

25. Орталық бөлімшесі қайтарылған электрондық іс макеті келіп түскен күннен бастап бес жұмыс күні ішінде анықталған қателерді жояды, осы Ереженің 19, 20-тармақтарында көзделген тәртіппен электрондық іс макетін қайта ресімдейді.

26. Жәрдемақы тағайындаудан бас тарту туралы шешім қабылдаған жағдайда уәкілетті орган шешімде бас тарту негіздемесін көрсетеді.

Бұл ретте осы Ережеге 8-қосымшаға сәйкес нысан бойынша жәрдемақы тағайындаудан бас тарту себептері көрсетілген уәкілетті органның шешімімен электрондық іс макеті Орталық бөлімшесіне қайтарылады. Уәкілетті органның жәрдемақыны тағайындаудан бас тарту себептері көрсетілген электрондық хабарламасы осы Ережеге 12-қосымшаға сәйкес нысан бойынша Орталық бөлімшесіне, Халыққа қызмет көрсету орталығына және (немесе) «электрондық үкімет» веб-порталы арқылы өтініш берушінің жеке кабинетіне қайтарылады.

Хабарлама уәкілетті орган басшысының ЭЦҚ-мен куәландырылады.

27. Мемлекеттік органнан және (немесе) ұйымнан ақпараттық жүйелердегі жеке тұлға туралы мәліметтерді өтініш берушінің дәйексіз құжаттарын ұсыну себебі бойынша сәйкестікке келтіруден бас тартуды растайтын электрондық құжат келіп түскен жағдайда уәкілетті орган жоба шешімін Орталық бөлімшесіне қайта ресімдеуге жібереді.

Орталық бөлімшесінің маманы осы Ереженің 19, 20-тармақтарында көзделген тәртіппен өтініш берушінің дәйексіз құжаттарын ұсыну туралы мемлекеттік органның және (немесе) ұйымдардың ақпаратына сәйкес дәлелді бас тартуды көрсете отырып, осы Ережеге 8-қосымшаға сәйкес нысан бойынша жәрдемақыларды тағайындаудан бас тарту туралы шешім жобасын қалыптастырады.

Үкімет қаулысында белгіленген мерзім ішінде мемлекеттік орган және (немесе) ұйым уәкілетті органға ақпараттық жүйелердегі жеке тұлғалар туралы мәліметтерді сәйкестікке келтіруден бас тартылған электрондық құжатты ұсынбаса, жәрдемақылар тағайындау (тағайындаудан бас тарту) туралы шешімді Орталық бөлімшесінің маманы сканерленген өтініш беруші ұсынған құжаттардың түпнұсқаларының негізінде қабылдайды.

28. Орталық бөлімшесі және (немесе) Халыққа қызмет көрсету орталығы жәрдемақыны тағайындаудан бас тарту туралы хабарлама келіп түскен күннен бастап бес жұмыс күні ішінде оны өтініш берушіге береді.

29. Жәрдемақылар төлеуді уәкілетті ұйым өтініш берушінің таңдауы бойынша жәрдемақыларды беру жөніндегі уәкілетті ұйымдар арқылы бюджет қаражаты есебінен жүзеге асырады.

30. Жәрдемақылар облыстар, Астана және Алматы қалалары бөлінісінде Орталық жасаған кестеге сәйкес уәкілетті орган қабылдаған шешім негізінде төленеді.

31. Бала күтімі жөніндегі жәрдемақы ағымдағы ай үшін ай сайын төленеді.

Жәрдемақыны тағайындауға, қалпына келтіруге, өзгертуге, мөлшерін қайта қарауға және тұрғылықты жерін өзгертуіне байланысты төлеу айының ағымдағы қажеттілігіне енгізілмеген жәрдемақы сомалары ағымдағы қажеттілікті қалыптастырғаннан кейін, бірінші бөлім сомалары ретінде, келесі айдың қажеттілігіне енгізілуге жатады және бір рет төленеді.

Төлем тағайындайтын немесе оны жүзеге асыратын органның кінәсінен уақытында алынбаған жәрдемақы сомалары өткен уақыт үшін мерзімі шектелмей бір уақытта төленеді.

32. Айлық есептік көрсеткіш мөлшері өзгерген жағдайда Орталық бөлімшесі осы Ережеге 8-қосымшаға сәйкес нысан бойынша шешімнің жобасын дайындайды және оны осы Ереженің 19, 20-тармақтарында көзделген тәртіппен уәкілетті органға бекітуге жібереді.

33. Бала күтімі жөніндегі жәрдемақының мөлшеріне әсер ететін негіз болып табылатын мән-жайлар туындаған, алушы ауысқан жағдайда, Орталық бөлімшесі осы Ережеге 8-қосымшаға сәйкес нысан бойынша шешім жобасын дайындайды және оны жаңадан ұсынылған құжаттармен (олар бар болса) толықтырылған электрондық іс макетімен бірге осы Ереженің 19, 20-тармақтарында көзделген тәртіппен уәкілетті органға бекітуге жібереді.

34. Артық төленген сомалар ерікті тәртіппен, ал бас тартылған жағдайда - сот шешімінің негізінде сот тәртібімен қайтарылуға жатады, бұл жөнінде Орталық бөлімшесі жәрдемақы алушыны хабардар ету үшін хат дайындайды.

35. Бала күтімі жөніндегі көрсетілген жәрдемақыны алушылар құқығына және (немесе) олардың мөлшеріне әсер ететін мән-жайлардың өзгергендігі туралы Орталық бөлімшесін күнтізбелік он күн ішінде хабардар етуге міндетті.

Алушы бала күтімі жөніндегі жәрдемақының мөлшеріне әсер ететін мән-жайлар туралы уақытында хабарламаған жағдайларда, жәрдемақы мөлшері көрсетілген мән-жайлар туындаған сәттен бастап, бірақ оның тағайындалған сәтінен асырмай қайта қаралады.

36. Орталық уәкілетті орган қабылдаған шешімдердің негізінде жәрдемақыларды төлеуге қаражат қажеттілігі туралы өтінім жасайды.

Орталық ай сайын 25-күні Қазақстан Республикасы Еңбек және халықты әлеуметтік қорғау министрлігіне (бұдан әрі - Министрлік) жәрдемақыларды төлеуге қаражат қажеттілігі туралы өтінімді ұсынады.

37. Министрлік қаражатты тиісті қаржы жылына арналған міндеттемелер мен төлемдер жөніндегі қаржыландыру жоспарларына сәйкес бөлінген сомалар шегінде Орталықтың есеп айырысу шотына аударады.

38. Орталық облыстар, Астана және Алматы қалалары бөлінісінде жәрдемақыларды төлеу жөніндегі кестені жасайды және белгіленген тәртіппен алушылардың ағымдағы шоттарына аудару жолымен жәрдемақыларды беру жөніндегі уәкілетті ұйымға төлем тапсырыстарымен аударады.

39. Бөлінген қаражат бойынша Министрлік пен уәкілетті ұйым арасында ай сайын салыстырып тексеру актісі жасалады.

40. Төленген сомалар бойынша Орталық пен жәрдемақыларды беру жөніндегі уәкілетті ұйымдардың арасында ай сайын салыстырып тексеру актілері жасалады.

41. Жәрдемақыларды беру жөніндегі қызметтерге ақы төлеу Орталық пен жәрдемақылар беру жөніндегі уәкілетті ұйым арасында заңнамада белгіленген тәртіппен жасалған шарт негізінде жүргізіледі.

42. Бала қайтыс болған, кеткен және (немесе) алушы Қазақстан Республикасы шегінен тыс жерге тұрақты тұруға кеткен немесе оған басқа себептер бойынша төлем тоқтатылған жағдайда Орталық бөлімшесі істі жабуды жүргізеді және оны мұрағатқа жібереді.

3. Мүгедек баланы тәрбиелеушіге берілетін жәрдемақыға өтініш
беру, тағайындау және төлеу тәртібi

43. Мүгедек баланы тәрбиелеушіге жәрдемақы (бұдан әрі - жәрдемақы) тағайындау үшін жәрдемақы алуға құқығы бар адамдар тұрғылықты жері бойынша Орталық бөлімшесіне немесе Халыққа қызмет көрсету орталығына өтініш жасайды.

44. Мүгедек баланы тәрбиелеушіге берілетін жәрдемақы өтініш берілген күнінен бастап бала мүгедектігінің барлық кезеңіне тағайындалады.

Мүгедек баланы толық мемлекеттік қамсыздандыруға белгілеген кезде мүгедек баланы (мүгедек балаларды) тәрбиелеп отырған ана немесе әке, бала асырап алушы, қорғаншы (қамқоршы) тиісті мемлекеттік мекемеден құжаттамалық деректер расталған жағдайда бала отбасында демалыста болған кезеңде мүгедек бала тәрбиелеушінің жәрдемақысына құқығы бар.

45. Жәрдемақы баланың отбасының табысына қарамастан тағайындалады.

46. Жәрдемақы тағайындау үшін өтінішке жәрдемақы тағайындауға құқығы бар адамдар өзінде жеке сәйкестендіру нөмірі (бұдан әрі - ЖСН) болған кезде мынадай құжаттарды қоса ұсынады:

1) өтініш берушінің жеке басын куәландыратын құжат (Қазақстан Республикасы азаматының жеке куәлігі, Қазақстан Республикасында тұрақты тұратын шетелдіктің тұруына ықтиярхат);

сондай-ақ оралмандар үшін - оралман куәлігі;

2) баланың (балалардың) туу туралы куәлігі (куәліктері) не туу туралы актілік жазбадан үзінді;

3) өтініш беруші деректерінің баланың тууы туралы куәлігіндегі деректермен сәйкес келмеген жағдайда неке қию (бұзу) туралы куәлігі;

4) балаға қорғаншылық (қамқоршылық) белгілегендігін немесе асырап алуды растайтын құжат;

5) отбасының тұрғылықты тұратын жері бойынша тіркелгенін растайтын құжат;

6) мүгедек баланы тәрбиелеушіге жәрдемақы үшін баланың мүгедектігі туралы анықтама;

7) жәрдемақы беру жөніндегі уәкілетті ұйымның банктік шот нөмірі туралы мәліметтерді растайтын құжат.

Түпнұсқада ұсынылған құжаттар сканерден өткізіледі және құжаттардың электрондық көшірмелері Орталық бөлімшесінің немесе Халыққа қызмет көрсету орталығы маманының ЭЦҚ-мен куәландырылады, содан кейін құжаттардың қабылданғаны туралы белгісі бар өтініштің үзбелі талонымен бірге өтініш берушіге қайтарылады.

47. Үшінші тұлғалар жәрдемақы тағайындау үшін өтініш және қажетті құжаттарды беруді жәрдемақы алуға құқығы бар адамның нотариат куәландырған сенімхаты бойынша жүзеге асырады.

Нотариат куәландырған сенімхат сканерден өткізіледі, Орталық бөлімшесінің немесе Халыққа қызмет көрсету орталығы маманының ЭЦҚ-мен куәландырылады, содан кейін өтініш берушіге қайтарылады.

48. Орталық бөлімшесі немесе Халыққа қызмет көрсету орталығы өтініш берушіден жәрдемақылар тағайындау үшін қабылданатын құжаттардың толықтығын тексеріп, сапасын және құжаттардың электрондық көшірмелерінің өтініш беруші осы Ереженің 46-тармағына сәйкес ұсынған түпнұсқаларға сәйкестігін қамтамасыз етеді.

49. Орталық бөлімшесі, өтініш беруші берген құжаттар пакетін толық ұсынған кезде, жәрдемақы тағайындау туралы өтінішті осы Ережеге 3-қосымшаға сәйкес нысан бойынша журналда тіркейді.

50. Халыққа қызмет көрсету орталығы жәрдемақы тағайындауға өтінішті қабылдаған күннен бастап үш жұмыс күні ішінде өтініш беруші түпнұсқада ұсынған өтініштің, құжаттар мен мәліметтердің электрондық көшірмелерін қамтитын құжаттар пакетімен электрондық өтінімді Орталық бөлімшесіне жібереді.

51. Халыққа қызмет көрсету орталығынан электрондық өтінім түскен күннен бастап екі жұмыс күні ішінде Орталық бөлімшесі келіп түскен құжаттар пакетін тексереді. Құжаттар тізбесі толық түспегені анықталған жағдайда Халыққа қызмет көрсету орталығына осы Ережеге 5-қосымшаға сәйкес нысан бойынша электрондық өтінімді қарамастан құжаттар пакетін қайтарады. Хабарлама Орталық бөлімшесі маманының ЭЦҚ-мен куәландырылады.

Халыққа қызмет көрсету орталығы хабарлама Орталық бөлімшесінен келіп түскен күннен бастап үш жұмыс күні ішінде анықталған қатені жояды және өтініш беруші түпнұсқада ұсынған өтініштің, құжаттардың және мәліметтердің электрондық көшірмелерін қамтитын құжаттарды қоса, Орталық бөлімшесіне электрондық өтінімді жібереді.

52. Орталық бөлімшесі өтініш тіркелген күні осы Ережеге 7-қосымшаға сәйкес нысан бойынша журналда іске нөмір береді және өтініш берушінің түпнұсқада ұсынған өтінішін, құжаттардың электрондық көшірмелерін қамтитын электрондық іс макетін қалыптастырады.

Жәрдемақы үшін электрондық іс макеті өтініш берушінің Орталық бөлімшесінде тіркелген күнінен бастап үш жұмыс күні ішінде қалыптастырылады және ЭЦҚ-мен куәландырылады.

Орталық бөлімшесінің маманы осы Ережеге 13-қосымшаға сәйкес нысандар бойынша шешім жобасын қалыптастырады, жәрдемақының мөлшерін есептеуді жүргізеді және оларды ЭЦҚ-мен куәландырады.

Шешімнің жобасы жәрдемақы тағайындау (өзгерту, тағайындаудан бас тарту) туралы электрондық цифрлық нысандағы құжатты (бұдан әрі - шешім жобасы) білдіреді.

Орталық бөлімшесінің басшысы жәрдемақы мөлшерін есептеудің, шешім жобасының ресімделу дұрыстығын тексереді, оны ЭЦҚ-мен куәландырады, содан кейін Орталық бөлімшесі электрондық іс макетін Орталық филиалына жібереді.

53. Орталық филиалы келіп түскен күннен бастап екі жұмыс күні ішінде электрондық іс макеті мен шешімнің жобасын қарайды, есептің және шешім жобасының ресімделу дұрыстығын тексереді, содан кейін уәкілетті органға жібереді. Бұл ретте шешімнің жобасы Орталық филиалы маманының және басшысының ЭЦҚ-мен куәландырылады.

54. Уәкілетті орган келіп түскен электрондық іс макетін шешім жобасымен қарайды, өтініш уәкілетті органға келіп түскен күннен бастап бес жұмыс күні ішінде тағайындау (өзгерту, тағайындаудан бас тарту) туралы шешім қабылдайды.

55. Шешім басқарма (бөлім) маманының, басшысының және уәкілетті орган басшысының ЭЦҚ-мен куәландырылған, жәрдемақы тағайындау (өзгерту, тағайындаудан бас тарту) туралы электрондық цифрлық нысандағы құжатты (бұдан әрі - шешім) білдіреді. Шешімнің нөмірі мен күні автоматты режимде беріледі.

Автоматты режимде шешім қабылдаған күннен бастап бір жұмыс күні ішінде Орталық бөлімшесіне немесе Халыққа қызмет көрсету орталығына осы Ережеге 14-қосымшаға сәйкес нысан бойынша жәрдемақы тағайындау туралы хабарлама жіберіледі. Хабарлама уәкілетті орган басшысының ЭЦҚ-мен куәландырылады.

56. Уәкілетті органның маманы шешімді осы Ережеге 10-қосымшаға сәйкес нысан бойынша тағайындау туралы шешімдерді тіркеу журналында тіркейді.

Уәкілетті орган Орталықтың бөлімшесіне шешіммен қоса электрондық іс макетін жібереді.

57. Егер ұсынылған электрондық іс макетінде уәкілетті орган шешім қабылдауға қажетті құжаттың (құжаттардың) жоқтығын анықтаса, электрондық іс макеті шешім жобасымен Орталық бөлімшесіне қайтарылады. Осы Ережеге 15-қосымшаға сәйкес нысандар бойынша себептерін көрсете отырып, құжатты (құжаттарды) қайта ресімдеу қажеттігі туралы хабарлама уәкілетті органның ЭЦҚ-мен куәландырылып Орталық бөлімшесіне немесе Халыққа қызмет көрсету орталығына жіберіледі.

Орталық бөлімшесі және (немесе) Халыққа қызмет көрсету орталығы бес жұмыс күні ішінде өтініш берушіні осы Ережеге 15-қосымшаға сәйкес нысандар бойынша хабарламада көрсетілген қосымша құжаттарды жиырма бес жұмыс күні ішінде ұсыну қажеттігі туралы хабардар етеді.

Орталық бөлімшесі өтініш беруші және (немесе) Халыққа қызмет көрсету орталығы қосымша құжаттар ұсынған кезде осы Ереженің 52, 53-тармақтарында көзделген тәртіппен электрондық іс макетін дайындайды.

Орталық бөлімшесіне электрондық іс макеті келіп түскен күннен бастап отыз жұмыс күні ішінде құжаттар қайта ресімделмесе, уәкілетті орган қолдағы бар құжаттар бойынша тиісті жәрдемақыны тағайындау немесе тағайындаудан бас тарту туралы электрондық шешім шығарады.

Егер уәкілетті орган ұсынылған электрондық іс макетінен және (немесе) шешім жобасынан қате тапқан жағдайда, электрондық іс макеті шешім жобасымен қайтару себептері көрсетіле отырып, Орталық бөлімшесіне қателерді жою үшін электрондық байланыс арқылы қайтарылады.

58. Орталық бөлімшесі қайтарылған электрондық іс макеті келіп түскен күннен бастап бес жұмыс күні ішінде анықталған қателерді жояды, осы Ереженің 52, 53-тармақтарында көзделген тәртіппен электрондық іс макетін қайта ресімдейді.

59. Жәрдемақы тағайындаудан бас тарту туралы шешім қабылданған жағдайда уәкілетті орган шешімде бас тарту негіздемесін көрсетеді.

Бұл ретте уәкілетті органның шешімімен электрондық іс макеті осы Ережеге 13-қосымшаға сәйкес нысан бойынша жәрдемақы тағайындаудан бас тарту себебі көрсетіліп, Орталық бөлімшесіне қайтарылады. Уәкілетті органның жәрдемақы тағайындаудан бас тарту себептері көрсетілген электрондық хабарламасы осы Ережеге 16-қосымшаға сәйкес нысан бойынша Орталық бөлімшесіне, Халыққа қызмет көрсету орталығына қайтарылады.

Хабарлама уәкілетті орган басшысының ЭЦҚ-мен куәландырылады.

60. Орталық бөлімшесі және (немесе) Халыққа қызмет көрсету орталығы жәрдемақы тағайындаудан бас тарту туралы хабарлама келіп түскен күннен бастап бес жұмыс күні ішінде өтініш берушіге береді.

61. Жәрдемақы төлеуді уәкілетті ұйым өтініш берушінің таңдауы бойынша жәрдемақыларды беру жөніндегі уәкілетті ұйымдар арқылы бюджет қаражаты есебінен жүзеге асырады.

62. Жәрдемақы облыстар, Астана және Алматы қалалары бөлінісінде Орталық жасаған жәрдемақылар төлеу жөніндегі кестеге сәйкес уәкілетті орган қабылдаған шешім негізінде төленеді.

63. Жәрдемақы ағымдағы ай үшін ай сайын төленеді.

Жәрдемақыны тағайындауға, қалпына келтіруге, өзгертуге, мөлшерін қайта қарауға және тұрғылықты жерін өзгертуіне байланысты төлеу айының ағымдағы қажеттілігіне енгізілмеген жәрдемақы сомалары ағымдағы қажеттілікті қалыптастырғаннан кейін, бірінші бөлім сомалары ретінде, келесі айдың қажеттілігіне енгізілуге тиіс және бір рет төленеді.

Отбасында екі және одан да көп мүгедек балалар тұрған жағдайда, жәрдемақы әр мүгедек балаға тағайындалады және төленеді.

Төлем тағайындайтын немесе жүзеге асыратын органның кінәсінен уақытында алынбаған жәрдемақы сомалары өткен уақыт үшін мерзімі шектелмей бірінші бөлім ретінде бір уақытта төленеді.

64. Ең төменгі жалақының мөлшері өзгерген жағдайда Орталық бөлімшесі осы Ережеге 13-қосымшаға сәйкес нысан бойынша шешімнің жобасын дайындайды және оны осы Ереженің 52, 53-тармақтарында көзделген тәртіппен уәкілетті органға бекітуге жібереді.

65. Шешімнің қолданылу мерзімін ұзарту үшін негіз болып табылатын немесе жәрдемақы мөлшеріне әсер ететін мән-жайлар туындаған жағдайда, Орталық бөлімшесі осы Ережеге 13-қосымшаға сәйкес нысанда шешім жобасын дайындайды және оны жаңадан ұсынылған құжаттармен (олар бар болса) оның ішінде мүгедектік туралы анықтамадан үзінді көшірмесімен толықтырылған электрондық іс макетімен бірге осы Ереженің 52, 53-тармақтарында көзделген тәртіппен уәкілетті органға бекітуге жібереді.

66. Артық төленген сомалар ерікті тәртіппен, ал бас тартылған жағдайда - сот шешімінің негізінде сот тәртібімен қайтарылуға тиіс, бұл жөнінде Орталық бөлімшесі жәрдемақы алушыны хабардар ету үшін хат дайындайды.

67. Жәрдемақы алушылар алу құқығына және (немесе) көрсетілген жәрдемақы мөлшеріне әсер ететін мән-жайлардың өзгергендігі туралы Орталық бөлімшесін күнтізбелік он күн ішінде хабардар етуге міндетті.

Алушы жәрдемақының мөлшеріне әсер ететін мән-жайлар туралы уақытында хабарламаған жағдайларда, жәрдемақы мөлшері көрсетілген мән-жайлар туындаған сәттен бастап, бірақ оның тағайындалған сәтінен асырмай қайта қаралады.

68. Орталық уәкілетті орган қабылдаған шешімдердің негізінде жәрдемақы төлеуге қаражат қажеттілігі туралы өтінім жасайды.

Орталық ай сайын 25-күні Қазақстан Республикасы Еңбек және халықты әлеуметтік қорғау министрлігіне (бұдан әрі - Министрлік) жәрдемақы төлеуге қаражат қажеттілігі туралы өтінімді ұсынады.

69. Министрлік қаражатты тиісті қаржы жылына арналған міндеттемелер мен төлемдер жөніндегі қаржыландыру жоспарларына сәйкес бөлінген сомалар шегінде Орталықтың есеп айырысу шотына аударады.

70. Орталық облыстар, Астана және Алматы қалалары бөлінісінде жәрдемақыларды төлеу жөніндегі кестені жасайды және белгіленген тәртіппен алушылардың ағымдағы шоттарына аудару жолымен жәрдемақыларды беру жөніндегі уәкілетті ұйымға төлем тапсырыстарымен аударады.

71. Бөлінген қаражат бойынша Министрлік пен уәкілетті ұйым арасында ай сайын салыстырып тексеру актісі жасалады.

72. Төленген сомалар бойынша Орталық пен жәрдемақыларды беру жөніндегі уәкілетті ұйымдардың арасында ай сайын салыстырып тексеру актілері жасалады.

73. Жәрдемақы беру жөніндегі қызметтерге ақы төлеу Орталық пен жәрдемақылар беру жөніндегі уәкілетті ұйым арасында заңнамада белгіленген тәртіппен жасалған шарт негізінде жүргізіледі.

74. Бала қайтыс болған, кеткен және (немесе) алушы Қазақстан Республикасы шегінен тыс жерге тұрақты тұруға кеткен немесе оған басқа себептер бойынша төлем тоқтатылған жағдайда Орталық бөлімшесі істі жабуды жүргізеді және оны мұрағатқа жібереді.

4. Балаларға арналған жәрдемақыға өтініш білдіру, оны тағайындау және төлеу тәртібi

75. Балаларға арналған жәрдемақы орта есеппен жан басына шаққандағы айлық табысы облыстарда, Астана және Алматы қалаларында белгіленген азық-түлік себетінің құнынан төмен отбасыларға тағайындалады.

Отбасының жиынтық табысы өтініш берілген тоқсанның алдындағы тоқсан үшін заңнамада белгіленген тәртіппен есептеледі.

Отбасы құрамында туған, асырап алған, сондай-ақ қамқорлыққа (қорғаншылыққа) алынған балалар ескеріледі, ата-анасы ата-ана құқығынан айырылған немесе ата-ана құқығы шектелген балаларды қоспағанда, сондай-ақ отбасы құрамында егер басқа ата-ананың отбасында ескерілмесе, өгей балалар да ескеріледі.

76. Балаларға арналған жәрдемақы өтініш берілген айдан бастап жәрдемақы алу құқығы туындағаннан кейін ағымдағы тоқсанға тағайындалады.

Балаларға арналған жәрдемақыны тағайындау және төлеу жөніндегі уәкілетті органға немесе Халыққа қызмет көрсету орталығына өтініш берген ай өтініш жасалған ай деп есептеледі.

Кенттің, ауылдың, ауылдық округтің әкіміне өтініш білдіру кезінде барлық қажетті құжаттарды қабылдаған ай өтініш жасалған ай деп саналады.

Балаларға арналған жәрдемақыларды төлеу өткен ай үшін ай сайын жүргізіледі.

77. Балаларға арналған жәрдемақыларды тағайындау үшін, өтініш беруші тұрғылықты тұратын жері бойынша балаларға арналған жәрдемақыны тағайындау және төлеу жөніндегі уәкілетті органға немесе Халыққа қызмет көрсету орталығына өзінің және барлық отбасы мүшелерінің ЖСН болған кезде өтінішті және мынадай құжаттарды қоса ұсынады:

1) өтініш берушінің жеке басын куәландыратын құжат (Қазақстан Республикасы азаматының жеке куәлігі, шетелдіктің Қазақстан Республикасында тұруына ықтиярхат);

сондай-ақ оралмандар үшін - оралман куәлігі;

2) баланың (балалардың) тууы туралы куәлігі (куәліктері) не туу туралы акті жазбасынан үзінді;

3) өтініш беруші ұсынған мәліметтер баланың туу туралы куәлігіндегі мәліметтерге сәйкес келмеген жағдайда неке қию (бұзу) туралы куәлік;

4) құжаттардың түпнұсқаларының негізінде толтырылған осы Ережеге 17-қосымшаға сәйкес отбасының құрамы туралы мәліметтер;

5) осы Ережеге 18, 19-қосымшаларға сәйкес отбасы мүшелерінің табысы туралы мәліметтер;

6) тұрғылықты тұратын жері бойынша тіркелгенін растайтын құжат;

7) балаға қорғаншылық (қамқоршылық) белгілеуді немесе бала асырап алуды растайтын құжат;

8) жәрдемақылар беру жөніндегі уәкілетті ұйымның банктік шот нөмірі туралы мәліметтерді растайтын құжат.

Қазақстан Республикасының аумағында 2007 жылғы 13 тамыздан кейін жүргізілген тіркеулер бойынша баланың (балалардың) тууы туралы куәлігі не туу туралы акті жазбасынан үзіндіні, Қазақстан Республикасының аумағында 2008 жылғы 1 маусымнан кейін жүргізілген тіркеулер бойынша неке қию (бұзу) туралы куәлікті, сондай-ақ осы тармақтың 6), 7) тармақшаларында көрсетілген құжаттарды, олардағы ақпаратты мемлекеттік ақпараттық жүйелерден осы Ережеге 2-қосымшаға сәйкес алу мүмкіндігі болған жағдайда ұсыну талап етілмейді.

Үшінші тұлғалар жәрдемақы тағайындау үшін өтінішті және қажетті құжаттарды беруді жәрдемақы алуға құқығы бар адамның нотариат куәландырған сенімхаты бойынша жүзеге асырады.

Түпнұсқаларда ұсынылған құжаттарды жәрдемақы тағайындау және төлеу жөніндегі уәкілетті органның немесе Халыққа қызмет көрсету орталығының маманы сканерден өткізеді, содан кейін өтініш берушіге құжаттардың қабылданғаны туралы белгісі бар өтініштің үзбелі талонымен бірге өтініш берушіге қайтарылады. Құжаттардың электрондық көшірмелері Халыққа қызмет көрсету орталығы маманының ЭЦҚ-мен куәландырылады.

Балаларға арналған жәрдемақы алу құқығы отбасы мүшелерінің табысы туралы мәліметтер ұсыныла отырып тоқсан сайын расталады.

78. Өтініш беруші балаларға арналған жәрдемақыны тағайындау үшін тиісті құжаттарды ұсынғаннан кейін оның қатысуымен балаларға арналған жәрдемақыны тағайындау және төлеу жөніндегі уәкілетті органның немесе Халыққа қызмет көрсету орталығының маманы өтініш берушінің және отбасы мүшелерінің ЖСН бойынша мемлекеттік органдардың және (немесе) ұйымдардың ақпараттық жүйелеріне осы Ережеге 2-қосымшаға сәйкес сұрау салуды қалыптастырады.

Мемлекеттік органдар және (немесе) ұйымдар сұратылған мәліметтерді растайтын электрондық құжаттарды ұсынған кезде сұрау салуды жүзеге асырған балаларға арналған жәрдемақыны тағайындау және төлеу жөніндегі уәкілетті орган немесе Халыққа қызмет көрсету орталығы өтініш берушіге құжаттарды қабылдағаны туралы белгісі бар үзбелі талон береді.

79. Тұрғылықты жерінде балаларға арналған жәрдемақы тағайындау және төлеу жөніндегі уәкілетті орган болмаған кезде өтініш беруші кенттің, ауылдың, ауылдық округтің әкіміне өтініш және осы Ереженің 77-тармағының 1), 2), 3), 4), 5), 6), 7) және 8) тармақшаларында көрсетілген құжаттармен өтініш білдіреді.

Салыстырып тексеру үшін құжаттардың түпнұсқалары және көшірмелері ұсынылады. Кенттің, ауылдың, ауылдық округтің әкімі көшірмелерді түпнұсқаларымен салыстырып тексереді, оларды тіркейді, содан кейін құжаттардың түпнұсқалары мен құжаттардың қабылданғаны туралы белгімен үзбелі талон өтініш берушіге қайтарылады.

Кенттің, ауылдың, ауылдық округтің әкімі өтініш берушіден балаларға арналған жәрдемақыны тағайындау үшін қабылданған құжаттарды екі жұмыс күні ішінде қорытынды дайындау үшін учаскелік комиссияларға жібереді.

Учаскелік комиссиялар осы Ереженің 87-тармағында көрсетілген тәртіппен қорытынды дайындайды.

Кенттің, ауылдың, ауылдық округтің әкімі өтініш берушіден құжаттарды қабылдаған күннен бастап он бес жұмыс күнінен кешіктірмей, учаскелік комиссияның қорытындысымен қоса, балаларға арналған жәрдемақыларды тағайындау және төлеу жөніндегі уәкілетті органға тапсырады.

Балаларға арналған жәрдемақыны тағайындау және төлеу жөніндегі уәкілетті органның маманы кенттің, ауылдың, ауылдық округтің әкімінен алынған құжаттар бойынша өтініш берушінің және отбасы мүшелерінің ЖСН бойынша мемлекеттік органдардың және (немесе) ұйымдардың ақпараттық жүйелеріне осы Ережеге 2-қосымшаға сәйкес сұрау салуларды қалыптастырады.

80. Мемлекеттік органдар және (немесе) ұйымдар ақпараттық жүйелерде өтініш беруші туралы сұратылып отырған мәліметтердің жоқ екенін немесе өтініш беруші ұсынған мәліметтердің ақпараттық жүйедегі мәліметтермен сәйкес болмауын растайтын электрондық құжаттарды ұсынған кезде, сұрау салуды жүзеге асырған балаларға арналған жәрдемақыны тағайындау және төлеу жөніндегі уәкілетті орган немесе Халыққа қызмет көрсету орталығы өтініш берушіні мемлекеттік органдардың және (немесе) ұйымдардың ақпараттық жүйелеріндегі жеке тұлға туралы мәліметтерді сәйкестікке келтіру үшін келісу туралы құжаттардың түпнұсқаларын және өтінішті ұсыну қажеттігі туралы хабардар етеді.

Өтініш беруші балаларға арналған жәрдемақыны тағайындауға кент, ауыл, ауылдық округтің әкіміне жүгінген кезде балаларға арналған жәрдемақы тағайындау және төлеу жөніндегі уәкілетті орган өтініш берушінің Қазақстан Республикасының Үкіметі айқындайтын тәртіппен және мерзімдерде ақпараттық жүйелердегі жеке тұлға туралы мәліметтерді сәйкестікке келтіруге жазбаша келісімін алу қажеттігі туралы кенттің, ауылдың, ауылдық округтің әкімін құлақтандырып, сол арқылы хабарламаны жолдайды.

81. Балаларға арналған жәрдемақыны тағайындау және төлеу жөніндегі уәкілетті орган немесе Халыққа қызмет көрсету орталығы өтініш беруші ұсынған құжаттардың түпнұсқаларын және (немесе) келісу туралы өтінішін қабылдайды, құжаттардың түпнұсқаларын сканерден өткізеді, оларды ЭЦҚ-мен куәландырады және Қазақстан Республикасының Үкіметі айқындайтын тәртіппен және мерзімдерде ақпараттық жүйелердегі жеке тұлға туралы мәліметтерді сәйкестікке келтіру үшін мемлекеттік органдарға және (немесе) ұйымдарға жібереді.

Егер өтініш беруші Қазақстан Республикасының Үкіметі айқындаған тәртіппен және мерзімдерде хабарламада көрсетілген құжаттардың түпнұсқаларын ұсынбаған жағдайда балаларға арналған жәрдемақыны тағайындау және төлеу жөніндегі уәкілетті орган не Халыққа қызмет көрсету орталығы өтініш берушіні осы Ережеге 20-қосымшаға сәйкес тиісінше нысандар бойынша балаларға арналған жәрдемақыны тағайындауға өтінішті қабылдаудан бас тарту туралы (себебін көрсете отырып) хабардар етеді.

82. Балаларға арналған жәрдемақыны тағайындау және төлеу жөніндегі уәкілетті орган немесе Халыққа қызмет көрсету орталығы өтініш берушіден балаларға арналған жәрдемақылар тағайындау үшін қабылданатын, мемлекеттік органдардың және (немесе) ұйымдардың ақпараттық жүйелерінен алынған электрондық құжаттар пакетінің толықтығын тексереді және құжаттардың және мәліметтердің электрондық көшірмелерінің сапасын өтініш беруші осы Ереженің 77-тармағына сәйкес ұсынған түпнұсқаларға сәйкестігін қамтамасыз етеді.

Балаларға арналған жәрдемақыны тағайындау және төлеу жөніндегі уәкілетті орган келіп түскен құжаттар пакетін тексереді және құжаттар тізбесі толық түскен жағдайда балаларға арналған жәрдемақы тағайындау туралы өтінішті осы Ережеге 21-қосымшаға сәйкес нысандар бойынша журналдарда тіркейді.

83. Халыққа қызмет көрсету орталығы балаларға арналған жәрдемақы тағайындауға өтінішті қабылдаған күннен бастап үш жұмыс күні ішінде өтініш беруші түпнұсқада ұсынған өтініштің, құжаттар мен мәліметтердің электрондық көшірмелерін, сондай-ақ мемлекеттік органдардың және (немесе) ұйымдардың ақпараттық жүйелерінен алынған электрондық құжаттарын электрондық өтініммен қоса балаларға арналған жәрдемақы тағайындау және төлеу жөніндегі уәкілетті органға жібереді. Электрондық өтінім Халыққа қызмет көрсету орталығы маманының ЭЦҚ-мен куәландырылады.

84. Халыққа қызмет көрсету орталығынан электрондық өтінім түскен күннен бастап екі жұмыс күні ішінде балаларға арналған жәрдемақыны тағайындау және төлеу жөніндегі уәкілетті органның маманы келіп түскен құжаттар пакетін тексереді және құжаттар тізбесі толық түспегені анықталған жағдайда Халыққа қызмет көрсету орталығына осы Ережеге 4-қосымшаға сәйкес нысан бойынша электрондық өтінімді қарамастан жоқ құжатты көрсетіп хабарлама жібереді және құжаттар пакетін қайтарады. Хабарлама уәкілетті орган маманының ЭЦҚ-мен куәландырылады.

85. Халыққа қызмет көрсету орталығы балаларға арналған жәрдемақыны тағайындау және төлеу туралы хабарлама келіп түскен күннен бастап үш жұмыс күні ішінде анықталған қатені жояды және өтініш беруші түпнұсқада ұсынған өтініштің, құжаттардың және мәліметтердің электрондық көшірмелерін қамтитын құжаттарды қоса, балаларға жәрдемақы тағайындау және төлеу жөніндегі уәкілетті органға электрондық өтінімді, сондай-ақ мемлекеттік органдардың және (немесе) ұйымдардың ақпараттық жүйелерінен алынған электрондық құжаттар мен мәліметтерді жібереді.

86. Балаларға арналған жәрдемақыны тағайындау және төлеу жөніндегі уәкілетті орган балаларға арналған жәрдемақыны тағайындауға алған құжаттарды тіркеп, қабылдағаннан кейін ақпараттық жүйелерден алынған электрондық құжаттар мен мәліметтерді басып шығарады және екі жұмыс күні ішінде оларды қорытынды дайындау үшін учаскелік комиссияларға жібереді.

87. Учаскелік комиссиялар уәкілетті органнан немесе кенттің, ауылдың, ауылдық округтің әкімінен құжаттарды алған күннен бастап үш жұмыс күні ішінде ұсынылған құжаттардың және (немесе) өтініш берушінің материалдық жағдайын тексеру нәтижелері негізінде қорытынды дайындайды және оны балаларға арналған жәрдемақыны тағайындау және төлеу жөніндегі уәкілетті органға немесе кенттің, ауылдың, ауылдық округтің әкіміне жібереді.

Азаматтар алғаш жүгінген кезде учаскелік комиссия балаларға арналған жәрдемақы алуға үміткер отбасының материалдық жағдайына тексеру жүргізеді.

Азаматтар күнтізбелік бір жылдың ішінде қайталап өтініш білдірген кезде учаскелік комиссияның балаларға арналған жәрдемақыны алуға үміткер отбасының материалдық жағдайына тексеру жүргізуі өтініш берушінің (отбасының) тұрғылықты жері (бір әкімшілік-аумақтық бірлік шегінде), отбасының құрамы мен табысы өзгерген жағдайларда өтініш беруші ұсынған деректерді нақтылау кезінде жүргізіледі.

Учаскелік комиссия жүргізілген тексеру нәтижелері бойынша отбасының материалдық жағдайы туралы акт жасайды және отбасының мұқтаждығы туралы қорытындыны балаларға арналған жәрдемақыны тағайындау және төлеу жөніндегі уәкілетті органға немесе кенттің, ауылдың, ауылдық округтің әкіміне ұсынады.

88. Балаларға арналған жәрдемақыны тағайындау және төлеу жөніндегі уәкілетті органның маманы өтініш берушіден немесе Халыққа қызмет көрсету орталығынан не кент, ауыл, ауылдық округ әкімінен құжаттар келіп түскен кезде істі қалыптастырады және балаларға арналған жәрдемақыны тағайындау (тағайындаудан бас тарту) туралы шешім жобасын дайындайды және оны ЭЦҚ-мен куәландырады.

Балаларға арналған жәрдемақыны тағайындау және төлеу жөніндегі уәкілетті органның басшысы электрондық құжаттар мен қағаз жеткізгіштегі іс макетіндегі құжаттардың сәйкестігін, сканерленген құжаттардың сапасын, балаларға арналған жәрдемақы мөлшерін есептеудің дұрыстығын тексереді, балаларға арналған жәрдемақыны тағайындау (тағайындаудан бас тарту) туралы шешім қабылдайды және оны ЭЦҚ-мен куәландырады.

Балаларға арналған жәрдемақы тағайындау (тағайындаудан бас тарту) туралы шешім өтініш берушіден немесе Халыққа қызмет көрсету орталығынан не кенттің, ауылдың, ауылдық округтің әкімінен құжаттар келіп түскен күннен бастап жеті жұмыс күні ішінде қабылданады.

Балаларға арналған жәрдемақыны тағайындау және төлеу жөніндегі уәкілетті орган бес жұмыс күн ішінде балаларға арналған жәрдемақыны тағайындау немесе тағайындаудан бас тарту (себептерін көрсете отырып) қабылданған шешім туралы өтініш берушіні тікелей немесе Халыққа қызмет көрсету орталығы не кенттің, ауылдың, ауылдық округтің әкімі арқылы осы Ережеге 22-қосымшаға сәйкес нысан бойынша хабардар етеді.

89. Мемлекеттік органнан және (немесе) ұйымнан ақпараттық жүйелерінде жеке тұлға туралы мәліметтерді өтініш берушінің дәйексіз құжатты ұсыну себебі бойынша сәйкестікке келтіруден бас тартуды растайтын электрондық құжат келіп түскен жағдайда балаларға арналған жәрдемақыны тағайындау және төлеу жөніндегі уәкілетті орган балаларға арналған жәрдемақыны тағайындаудан бас тарту туралы шешім шығарады, қабылданған шешім туралы өтініш берушінің тікелей өзіне не Халыққа қызмет көрсету орталығы не кент, ауыл, ауылдық округ әкімі арқылы осы Ережеге 22-қосымшаға сәйкес нысанда хабардар етеді.

Үкімет қаулысында белгіленген мерзім ішінде мемлекеттік орган және (немесе) ұйым балаларға арналған жәрдемақыны тағайындау және төлеу жөніндегі уәкілетті органға ақпараттық жүйелердегі жеке тұлғалар туралы мәліметтерді сәйкестікке келтіруден бас тарту туралы электрондық құжатты балаларға арналған жәрдемақыны тағайындау және төлеу жөніндегі уәкілетті органға ұсынбаса, балаларға арналған жәрдемақыны тағайындау (тағайындаудан бас тарту) туралы шешімді балаларға арналған жәрдемақыны тағайындау және төлеу жөніндегі уәкілетті орган немесе Халыққа қызмет көрсету орталығының маманы сканерлеген өтініш беруші ұсынған құжаттардың түпнұсқаларының негізінде қабылдайды.

90. Әкесі немесе анасы (асырап алушылары) бірінші, екінші топтағы мүгедектердің, мүгедек балалардың, сексен жастан асқан адамдардың, үш жасқа дейінгі баланың күтімімен айналысатын жағдайларды қоспағанда, баланың еңбекке жарамды ата-анасы (асырап алушылары) жұмыс істемейтін және жұмыспен қамту органдарында жұмыссыз ретінде тіркелмеген, күндізгі оқу бөлімінде оқымайтын, әскерде қызметін өткермейтін кезеңге балаларға арналған жәрдемақы тағайындалмайды.

Толық мемлекеттік қамсыздандыруға алынған балаларға жәрдемақы тағайындалмайды.

91. Балаларға арналған жәрдемақыны алушылар балаларға арналған жәрдемақы мөлшерінің өзгеруі үшін негіз болатын немесе оны алу құқығына әсер ететін мән-жайлар туралы он жұмыс күні ішінде балаларға арналған жәрдемақыны тағайындау және төлеу жөніндегі уәкілетті органды хабардар етуге міндетті.

Өтініш беруші балаларға арналған жәрдемақының мөлшеріне әсер ететін мән-жайлар туралы уақытында хабарламаған жағдайда, жәрдемақы мөлшері көрсетілген мән-жайлар туындаған сәттен бастап, бірақ оның тағайындалған сәтінен асырмай қайта қаралады.

Артық төленген сомалар ерікті тәртіппен, ал бас тартылған жағдайда - сот шешімінің негізінде сот тәртібімен қайтарылуға тиіс, бұл туралы балаларға арналған жәрдемақы тағайындау және төлеу жөніндегі уәкілетті орган жәрдемақы алушыны он жұмыс күні ішінде жазбаша хабардар етеді.

92. Балаларға арналған жәрдемақыны төлеуді балаларға арналған жәрдемақыны тағайындау және төлеу жөніндегі уәкілетті орган өтініш берушінің таңдауы бойынша жәрдемақыларды беру жөніндегі уәкілетті ұйымдар арқылы бюджет қаражаты есебінен жүзеге асырады.

5. Балалы отбасыларға берілетін мемлекеттік жәрдемақылардың уақтылы

тағайындалуы және төленуі үшін жауапкершілік

93. Жәрдемақыларды тағайындау жөніндегі уәкілетті органдар, Орталық және оның бөлімшелері мен филиалдары, сондай-ақ жәрдемақыларды беру жөніндегі уәкілетті ұйым Қазақстан Республикасының заңнамасында белгіленген тәртіппен тиісінше жәрдемақыларды тағайындаудың, төлеудің және берудің уақтылығы үшін жауапты болады.

Балалы отбасыларға берілетін

мемлекеттік жәрдемақыларды

тағайындау және төлеу ережесіне

1-қосымша

Бала туғанда және (немесе) бала бір жасқа толғанға дейін оның
күтімі бойынша берілетін біржолғы жәрдемақыны тағайындауға
өтінішті қабылдаудан бас тарту туралы
№ ______ хабарлама

20__ ж. _____________ «___»

Азамат __________________________________________________________________________________________

(өтініш берушінің тегі, аты, әкесінің аты)

Туған күні ____ ж. «___» _______________

Баланың Т.А.Ә. _________________ және туған күні ____ ж. «___» ______

Өтініш берген күн 20__ ж. «___» ________

_________________________________________________________________________________________________

_________________________________________________________________________________________________

(себептерді көрсету)

байланысты бала туғанда және (немесе) бала бір жасқа толғанға дейін оның күтімі бойынша берілетін біржолғы жәрдемақыны тағайындаудан бас тартылды.

Хабарлама жауапты тұлғаның ЭЦҚ-мен куәландырылған.

______________________________________________ ______________________

(уәкілетті ұйымдағы жауапты тұлғаның лауазымы)        (Т.А.Ә.)

Балалы отбасыларға берілетін

мемлекеттік жәрдемақыларды

тағайындау және төлеу ережесіне

2-қосымша

Мемлекеттік органдардың және (немесе) ұйымдардың ақпараттық
жүйелеріне сұрау салу

1. Орталық бөлімшесінің немесе Халыққа қызмет көрсету орталығының маманы өтініш берушіден бала туғанда және баланың күтімі бойынша берілетін жәрдемақыны тағайындауға құжаттар қабылдаған кезде «электрондық үкіметтің» шлюзі арқылы мемлекеттік органдардың және (немесе) ұйымдардың ақпараттық жүйелеріне өтініш берушінің және отбасы мүшелерінің ЖСН бойынша сұрау салуды мынадай:

1) жеке басын куәландыратын;

2) асырап алынған, өгей және қамқорлыққа алынған балаларды қоса алғанда, өтініш берушінің және отбасы мүшелерінің тұрақты және тұрғылықты жері бойынша тіркелуі туралы;

3) барлық балалары Қазақстан Республикасында туылған жағдайда (2007 жылғы 13 тамыздан кейін туылған балалар бойынша) өтініш беруші балаларының ЖСН бойынша тууын (қайтыс болуын) тіркеу туралы;

4) өтініш берушінің неке қиюын (бұзуын) (Қазақстан Республикасының аумағында 2008 жылғы 1 маусымнан кейін тіркелгендер) тіркеу туралы;

5) балаға қорғаншылық (қамқоршылық) белгілеу бойынша;

6) жәрдемақыларды беру жөніндегі уәкілетті ұйымның банктік деректемелері туралы мәліметтерді алу үшін қалыптастырады.

2. «Электрондық үкімет» порталына бала туғанда және бала күтімі бойынша жәрдемақы тағайындауға өтініш берген кезде электрондық өтініште көзделген мәліметтер тізбесі:

1) өтініш берушінің жеке басын куәландыратын;

2) асырап алынған, өгей және қамқорлыққа алынған балаларды қоса алғанда, өтініш берушінің және отбасы мүшелерінің тұрақты және тұрғылықты жері бойынша тіркелу туралы;

3) барлық балалары Қазақстан Республикасында туылған жағдайда (2007 жылғы 13 тамыздан кейін туылған балалар бойынша) өтініш берушінің балаларының ЖСН бойынша тууын (қайтыс болуын) тіркеу туралы;

4) өтініш берушінің неке қиюын (бұзуын) (Қазақстан Республикасының аумағында 2008 жылғы 1 маусымнан кейін тіркелгендер) тіркеу;

5) балаға қорғаншылық (қамқоршылық) белгілеу бойынша;

6) бала асырап алу туралы тиісті органдардың шешімі туралы;

7) жәрдемақыларды беру жөніндегі уәкілетті ұйымның банктік деректемелері.

3. Балаларға арналған жәрдемақыны тағайындау және төлеу жөніндегі уәкілетті органның немесе Халыққа қызмет көрсету орталығының маманы өтініш берушіден балаларға арналған жәрдемақы тағайындауға құжаттар қабылдаған кезде «электрондық үкіметтің» шлюзі арқылы мемлекеттік органдардың ақпараттық жүйелеріне және (немесе) ұйымдарға өтініш берушінің және отбасы мүшелерінің ЖСН бойынша сұрау салуды мынадай:

1) жеке басын куәландыратын;

2) өтініш берушінің және отбасы мүшелерінің тұрақты және тұрғылықты жері бойынша тіркелуі туралы;

3) барлық балалары Қазақстан Республикасында туылған жағдайда (2007 жылғы 13 тамыздан кейін туылған балалар бойынша) өтініш беруші балаларының ЖСН бойынша тууын (қайтыс болуын) тіркеу туралы;

4) өтініш берушінің неке қиюын (бұзуын) (Қазақстан Республикасының аумағында 2008 жылғы 1 маусымнан кейін тіркелгендер) тіркеу туралы;

5) мүгедектікті растау туралы;

6) кірістері туралы (еңбекақы және әлеуметтік төлемдер);

7) стипендиясының болуы және оның мөлшері туралы;

8) балаға қорғаншылық (қамқоршылық) белгілеу бойынша;

9) қосалқы шаруашылықтың болуы және саны туралы;

10) кәсіпкерлік қызметтен кірістері туралы;

11) жеке кәсіпкердің мәртебесі туралы мәліметтерді алу үшін қалыптастырады.

Мемлекеттік органдардан және (немесе) ұйымдардың АЖ мен ЕДБ АЖ-ден сұратылатын мәліметтерді растайтын электрондық құжаттар тиісті мемлекеттік органдардың және (немесе) ұйымдардың, ЕДБ және «электрондық үкіметтің» шлюзінің ЭЦҚ-мен, сондай-ақ сұрау салуды жүзеге асырған Орталық бөлімшесінің, балаларға арналған жәрдемақыны тағайындау және төлеу жөніндегі уәкілетті органның немесе Халыққа қызмет көрсету орталығының ЭЦҚ-мен расталады.

Ескертпе: аббревиатуралардың толық жазылуы:

1. АЖ - ақпараттық жүйе;

2. ЕДБ АЖ - екінші деңгейі банктердің ақпараттық жүйесі.

Балалы отбасыларға берілетін

мемлекеттік жәрдемақыларды

тағайындау және төлеу ережесіне

3-қосымша

Бала туғанда, бала күтімі жөніндегі және мүгедек баланы
тәрбиелеушіге жәрдемақы тағайындау туралы өтініштерді тіркеу
журналы

кестенің жалғасы

Балалы отбасыларға берілетін

мемлекеттік жәрдемақыларды

тағайындау және төлеу ережесіне

4-қосымша

ХҚО
қабылдаған құжаттарды қайтару туралы
№ ______ хабарлама

20__ ж. _____________ «___»

Өтініш берушінің Т.А.Ә. _______________________________________________________________________________

Туған күні ___________________________________________________________________________________________

Құжаттар:

____________________________________________________________________________________________________

____________________________________________________________________________________________________

_________________________________________________________________________________ себебінен қайтарылды.

(себебін көрсету)

Хабарлама жауапты тұлғаның ЭЦҚ-мен куәландырылған

_______________________________________________     _________________

(жауапты тұлғаның лауазымы)                              (Т.А.Ә.)

Балалы отбасыларға берілетін

мемлекеттік жәрдемақыларды

тағайындау және төлеу ережесіне

5-қосымша

ЭҮП арқылы бала туғанда және (немесе) бала бір жасқа толғанға
дейін оның күтімі бойынша берілетін біржолғы жәрдемақыны
тағайындауға арналған өтініштің нысаны

Қазақстан Республикасы

___________________ облысы бойынша

Бақылау және әлеуметтік

қорғау департаменті

Бөлімше коды _______________________________________________________________________________________

Өтініш беруші туралы мәлімет (белгі қою):

ата-ана ____ қорғаншы (қамқоршы) _____________________________________________________________________

Өтініш берушінің Т.А.Ә. _______________________________________________________________________________

Туған күні ___________________________________________________________________________________________

ЖСН: _______________________________________________________________________________________________

Маған бала туғанда және (немесе) бала күтімі жөніндегі жәрдемақыны республикалық бюджет қаражаты есебінен тағайындауды сұраймын.

бала туғанда берілетін біржолғы жәрдемақы және (немесе) бала күтімі жөніндегі тағайындалатын бала туралы мәліметтер

Т.А.Ә. және туған күні: ________________________________________________________________________________

ЖСН: _______________________________________________________________________________________________

Баланың туу кезектілігі: ________________________________________________________________________________

Өтініш берушінің отбасы құрамы туралы мәлімет

Мемлекеттік органдардың растауы:

ЖТ МДҚ-дан мәліметтер

өтініш беруші туралы мәліметтер:

Жеке басын куәландыратын құжаттың түрі: _____ Құжаттың сериясы: _____

Құжаттың нөмірі: _______ Кім берген: _________ Берілген күні: ___________

Тұрақты тұратын мекенжайы:

Облыс ___________________________________________________________

қала (аудан) ________________ ауыл: _________________________________

көшесі (шағын аудан) __________________ __________ үй _________ пәтер

Отбасы мүшелерінің деректері

АХАЖ-дан мәліметтер

Отбасы құрамына кіретін балалар туралы мәлімет:

ескертпе: балалар туралы мәліметтерде өтініш берушінің отбасы құрамына кіретін барлық балалар және жәрдемақы тағайындалатын бала туралы деректер беріледі

Неке қию туралы мәліметтер:

Некені бұзу туралы мәлімет

Өтініш берушіге/асырауындағы адамға қорғаншылық/қамқоршылық туралы мәліметтер

Жоғарғы Соттан мәліметтер

Банктік деректемелер:

Банктің атауы _________________________________________________________________________________________

Банктік шоттың № _____________________________________________________________________________________

Шоттың үлгісі: дербес шот ______________ карточкалық шот ____________

ЕДБ деректемелері:

БЖК _________________________________________________________________________________________________

ЖСК _________________________________________________________________________________________________

БСН __________________________________________________________________________________________________

Өтініш беруші және балалар бойынша мәліметтерді Әділетмині (Әділетминінің ЭЦҚ) растайды.

Қорғаншы/қамқоршы бойынша мәліметтерді БҒМ (БҒМ ЭЦҚ) растайды.

Бала асырап алушы бойынша мәліметтерді ЖС (ЖС ЭЦҚ) растайды.

* Өтініш берушінің банктік деректемелерін ЕДБ (ЕДБ ЭЦҚ) растайды.

Өтініш берушінің Т.А.Ә. _______________________________________________________________________________

Ұсынылған құжаттардың дұрыстығы үшін жауапты боламын.

Төленетін жәрдемақы мөлшеріне әкелетін барлық өзгерістер, сондай-ақ тұрғылықты жердің (оның ішінде Қазақстан Республикасынан тыс жерге кету), сауалнама мәліметтерінің, банктік деректемелердің өзгеруі туралы он жұмыс күні ішінде уәкілетті ұйым бөлімшесіне хабарлауға міндеттенемін.

Өтінішке қол қойылған күн және уақыт: __.__.___ ж ___ с. ___ м. __ с.

Балалы отбасыларға берілетін

мемлекеттік жәрдемақыларды

тағайындау және төлеу ережесіне

6-қосымша

Бала туғанда және (немесе) бала бір жасқа толғанға дейін оның
күтімі бойынша берілетін біржолғы жәрдемақыны тағайындауға
электрондық өтінішті қабылдау туралы
№ ______ хабарлама

20__ ж. _____________ «___»

Азамат ______________________________________________________________________________________________

(өтініш берушінің Т.А.Ә.)

Туған күні ___________________________________________________________________________________________

Өтініш берген күн _____________________________________________________________________________________

Баланың Т.А.Ә. және туған күні _________________________________________________________________________

Бала туғанда және (немесе) бала бір жасқа толғанға дейін оның күтімi бойынша берілетін біржолғы жәрдемақыны тағайындауға өтініш

___________________________________________________________________________________________ қабылданды.

(Орталық бөлімшенің атауы)

Хабарлама жауапты тұлғаның ЭЦҚ-мен куәландырылған:

_____________________________________________________________________________________________________

(жауапты тұлғаның лауазымы және Т.А.Ә.)

Балалы отбасыларға берілетін

мемлекеттік жәрдемақыларды

тағайындау және төлеу ережесіне

7-қосымша

Электрондық макет ісіне нөмір беру журналы
жәрдемақы түрі _____________

Балалы отбасыларға берілетін

мемлекеттік жәрдемақыларды

тағайындау және төлеу ережесіне

8-қосымша

Код __________________________________________________________________________________________________

Облыс (қала) __________________________________________________________________________________________

_______________________________________________________________________________ облысы (қаласы) бойынша

Бақылау және әлеуметтік қорғау департаментінің

Істің № _______________________________________________________________________________________________

Бала туғанда және бала бір жасқа толғанға дейін оның күтімі бойынша жәрдемақы тағайындау (өзгерту, тағайындаудан бас тарту) туралы 20___ жылғы «___» __________ № ____ ШЕШІМІ

Өтініш беруші _________________________________________________________________________________________

(тегі, аты, әкесінің аты)

Өтініш берген күні 20__ ж. «___» _________________________________

Баланың туу туралы куәлігі (туу туралы актінің жазбасы) № ___________

Берілген күні 20__ ж. «___» ______________________________________

Баланың туу туралы куәлігін берген органның атауы

(туу туралы актінің жазбасы) _____________________________________________________________________________

Баланың Т.А.Ә. ________________________________________________________________________________________

Баланың туған күні 20__ ж. «___» _________________________________

Баланың туу кезектілігі __________________________________________________________________________________

жазбаша

I. «Балалы отбасыларға берілетін мемлекеттік жәрдемақылар туралы» 2005 жылғы 28 маусымдағы Қазақстан Республикасы Заңының ______ бабына сәйкес бала туғанға және бала күтімі бойынша 20__ ж. «___» ___ бастап

20__ ж. «___» ________ дейін ________ теңге сомасында _________________________________________________

жәрдемақы тағайындалсын.                                                                       (сомасы жазбаша)

II. Бала күтімі бойынша жәрдемақының мөлшері

20__ ж. «___» _____ бастап 20__ ж. «___» ____ қоса алғандағы мерзімге

өзгертілсін және _________________________________________________________ теңге сомасында белгіленсін.

(сомасы жазбаша)

Негіздеме: ______________________________________________________________________________________________

_______________________________________________________________________________________________________

_______________________________________________________________________________________________________

III. Жәрдемақы тағайындаудан бас тартылсын:

_______________________________________________________________________________________________________

_______________________________________________________________________________________________________

_______________________________________________________________________________________________________

(негіздеме)

Департамент директоры             ___________________        ________

(Т.А.Ә.)                        (қолы)

Департамент басқармасының

(бөлімінің) бастығы               ___________________        ________

(Т.А.Ә.)              (қолы)

Департаменттің тағайындау

жөніндегі маманы                  ___________________        ________

(Т.А.Ә.)                 (қолы)

Шешім жобасын дайындағандар:

ЗТМО бөлімшесінің бастығы         ___________________        ________

(Т.А.Ә.)                     (қолы)

ЗТМО бөлімшесінің маманы          ___________________        ________

(Т.А.Ә.)                       (қолы)

ЗТМО облфилиалының директоры      ___________________        ________

(Т.А.Ә.)                        (қолы)

ЗТМО облфилиалының маманы         ___________________        ________

(Т.А.Ә.)                    (қолы)

Балалы отбасыларға берілетін

мемлекеттік жәрдемақыларды 

тағайындау және төлеу ережесіне

9-қосымша

Бала туғанда берілетін және (немесе) бала бір жасқа толғанға
дейін оның күтімі бойынша берілетін біржолғы жәрдемақы
тағайындау туралы хабарлама

20__ ж. «___» _______________

Азамат ________________________________________________________________________________________________

(тегі, аты, әкесінің аты)

Туған күні _____ ж. «___» ___________________________________

Тағайындау туралы шешім 20__ ж. «___» ____________ № _______

Бала туғанда берілетін жәрдемақының тағайындалған сомасы

20__ ж. «___» ________ бастап _____ теңге (___________________________________________________________)

(сомасы жазбаша)

Бала күтімі жөніндегі жәрдемақының тағайындалған сомасы

20__ ж. «___» ________ бастап _____ теңге (___________________________________________________________)

(сомасы жазбаша)

Хабарлама жауапты тұлғаның ЭЦҚ-мен куәландырылған

____________________________________________________________________________________________________

(жауапты тұлғаның лауазымы және Т.А.Ә.)

Балалы отбасыларға берілетін

мемлекеттік жәрдемақыларды

тағайындау және төлеу ережесіне

10-қосымша

________________________ тағайындау туралы шешімдерді тіркейтін

(жәрдемақы түрі)                   электрондық журнал

Балалы отбасыларға берілетін

мемлекеттік жәрдемақыларды

тағайындау және төлеу ережесіне

11-қосымша

Бала туғанда және/немесе бала бір жасқа толғанға дейін оның
күтімі бойынша берілетін біржолғы жәрдемақыны тағайындауға
құжаттарды қайта рәсімдеу қажеттігі туралы
№ ______ хабарлама

20__ ж. _____________ «___»

Бала туғанда, бала бір жасқа толғанға дейін оның күтімі бойынша жәрдемақы тағайындау жөніндегі уәкілетті орган мынаны хабарлайды.

Өтініш берушінің Т.А.Ә. ______________________________________________________________________________

Өтініш берушінің туған күні ___________________________________________________________________________

Өтінішті қайтару күні _________________________________________________________________________________

Толық рәсімдеу қажеттігі туралы

___________________________________________________________________________________________________

(толық рәсімдеу себебін көрсету)

Хабарлама бала тууға, бала күтімі бойынша жәрдемақыларды тағайындау жөніндегі уәкілетті органның жауапты тұлғасының ЭЦҚ-мен куәландырылған

____________________________________________________________________________________________________

(Т.А.Ә.)

Балалы отбасыларға берілетін

мемлекеттік жәрдемақыларды

тағайындау және төлеу ережесіне

12-қосымша

Бала туғанда берілетін және/немесе бала бір жасқа толғанға
дейін оның күтімі бойынша берілетін біржолғы жәрдемақыны
тағайындаудан бас тарту туралы
№ ________ хабарлама

20__ ж. ____________ «___»

Азамат _____________________________________________________________________________________________

(өтініш берушінің тегі, аты, әкесінің аты)

Туған күні ______ ж. «___» _____________________

Баланың Т.А.Ә. және туған күні ________________________________________________________________________

Бала туғанда берілетін және/немесе бала бір жасқа толғанға дейін оныңкүтімі бойынша берілетін біржолғы жәрдемақыны тағайындаудан бас тартылды:

_______________________________________________________________________________________________________

_______________________________________________________________________________________________________

_______________________________________________________________________________________________________

(негіз (себебін көрсету))

Хабарлама жауапты тұлғаның ЭЦҚ-мен куәландырылған

_______________________________________________________________________________________________________

(Жауапты тұлғаның лауазымы және Т.А.Ә.)

Балалы отбасыларға берілетін

мемлекеттік жәрдемақыларды

тағайындау және төлеу ережесіне

13-қосымша

Код __________________________________________________________________________________________________

Облыс (қала) __________________________________________________________________________________________

________________________________________________________________________________ облысы (қаласы) бойынша

Бақылау және әлеуметтік қорғау департаментінің

Істің № _______________________________________________________________________________________________

Мүгедек баланы тәрбиелеушіге берілетін жәрдемақыны тағайындау (өзгерту, тағайындаудан бас тарту) туралы 20__ жылғы «___» __________ № ____ ШЕШІМІ

Өтініш беруші _________________________________________________________________________________________

(тегі, аты, әкесінің аты)

Өтініш берген күні 20__ ж. «___» _________________________________________

Баланың туу туралы куәлігінің № _________ берілген күні ____________________

Баланың тууы туралы куәлікті берген органның атауы _______________________

_____________________________________________________________________

Мүгедек баланың Т.А.Ә. ________________________________________________________________________________

Мүгедек баланың туған күні ______ ж. «___» _______________________________

Мүгедектігі туралы анықтама _____________________________________________________________________________

Мүгедектік 20__ ж. «___» ________ бастап 20__ ж. «___» ______ дейінгі мерзімге белгіленді.

1. «Балалы отбасыларға берілетін мемлекеттік жәрдемақылар туралы» 28.06.2005 ж. Қазақстан Республикасы Заңының __________ бабына сәйкес мүгедек баланы тәрбиелеушіге 20__ ж. «___» ___________ бастап 20__ ж.

«___» ____________ дейін ______ теңге сомасында _______________________________________________________

жәрдемақы тағайындалсын.                                                                      (сомасы жазбаша)

2. Мүгедек баланы тәрбиелеушіге берілетін жәрдемақы мөлшері 20__ ж. «___» ________ бастап 20__ ж. «___» _______ дейін өзгертілсін

және _____________________________________________________________________ теңге сомасында белгіленсін.

(сомасы жазбаша)

Негіз __________________________________________________________________________________________________

_______________________________________________________________________________________________________

_______________________________________________________________________________________________________

3. Жәрдемақы тағайындаудан бас тартылсын:

_______________________________________________________________________________________________________

_______________________________________________________________________________________________________

_______________________________________________________________________________________________________

(негіз)

Департамент директоры             ___________________        ________

(Т.А.Ә.)                      (қолы)

Департамент басқармасының

(бөлімінің) бастығы               ___________________        ________

(Т.А.Ә.)                         (қолы)

Департаменттің тағайындау

жөніндегі маманы                  ___________________        ________

(Т.А.Ә.)                        (қолы)

Шешім жобасын дайындағандар:

ЗТМО бөлімшесінің бастығы         ___________________        ________

(Т.А.Ә.)                       (қолы)

ЗТМО бөлімшесінің маманы          ___________________        ________

(Т.А.Ә.)                     (қолы)

ЗТМО облфилиалының директоры      ___________________        ________

(Т.А.Ә.)                    (қолы)

ЗТМО облфилиалының маманы         ___________________        ________

(Т.А.Ә.)                       (қолы)

Балалы отбасыларға берілетін

мемлекеттік жәрдемақыларды

тағайындау және төлеу ережесіне

14-қосымша

Мүгедек баланы тәрбиелеушіге жәрдемақы тағайындау туралы
хабарлама

20__ ж. «___» _______________

Азамат ___________________________________________________________________________________________

(тегі, аты, әкесінің аты)

Туған күні _______ ж. «___» _________________________________________

Тағайындау туралы шешім 20__ ж. «___» ________________ № ____________

Мүгедек баланы тәрбиелеушіге жәрдемақының тағайындалған сомасы

20__ ж. «___» ________ бастап _____ теңге (___________________________________________________________)

(сомасы жазбаша)

Хабарлама жауапты тұлғаның ЭЦҚ-мен куәландырылған

__________________________________________________________________________________________________

(жауапты тұлғаның лауазымы және Т.А.Ә.)

Балалы отбасыларға берілетін

мемлекеттік жәрдемақыларды

тағайындау және төлеу ережесіне

15-қосымша

Мүгедек баланы тәрбиелеушіге жәрдемақы тағайындауға құжаттарды
қайта рәсімдеу туралы
№ ______ хабарлама

20__ ж. _____________ «___»

Мүгедек баланы тәрбиелеушіге жәрдемақы тағайындау жөніндегі уәкілетті орган мынаны хабарлайды.

Өтініш берушінің Т.А.Ә. _______________________________________________________________________________

Өтініш берушінің туған күні ____________________________________________________________________________

Өтінішті қайтарған күн 20__ ж. ___________ «___»

Толық рәсімдеу қажеттігі туралы

_____________________________________________________________________________________________________

(толық рәсімдеу себебін көрсету)

Хабарлама мүгедек баланы тәрбиелеушіге жәрдемақы тағайындау жөніндегі уәкілетті органның жауапты тұлғасының ЭЦҚ-мен куәландырылған

_____________________________________________________________________________________________________

(Т.А.Ә.)

Балалы отбасыларға берілетін

мемлекеттік жәрдемақыларды 

тағайындау және төлеу ережесіне

16-қосымша

Мүгедек баланы тәрбиелеушіге жәрдемақы тағайындаудан бас тарту туралы
№ ________ хабарлама

20__ ж. _____________ «___»

Азамат ________________________________________________________________________________________________

(өтініш берушінің тегі, аты, әкесінің аты)

Туған күні ______ ж. «___» ________________________________________

Баланың Т.А.Ә. және туған күні ______________ _____ ж. «___» ________

Мүгедек баланы тәрбиелеушіге біржолғы жәрдемақы тағайындаудан

_______________________________________________________________________________________________________

_______________________________________________________________________________________________________

_________________________________________________________________________________________ бас тартылды.

(негіз (себептерін көрсету))

Хабарлама жауапты тұлғаның ЭЦҚ-мен куәландырылған

_______________________________________________________________________________________________________

(жауапты тұлғаның лауазымы және Т.А.Ә.)

Балалы отбасыларға берілетін

мемлекеттік жәрдемақыларды 

тағайындау және төлеу ережесіне

17-қосымша

Отбасының тіркеу нөмірі ____________________________________________

Өтініш беруші отбасының құрамы туралы мәліметтер

___________________________                __________________________

(өтініш берушінің Т.А.Ә.)                  (үйінің мекенжайы, тел.)

Өтініш берушінің қолы _____________

Күні 20__ ж. «___» ________________

Балалы отбасыларға берілетін

мемлекеттік жәрдемақыларды

тағайындау және төлеу ережесіне

18-қосымша

Отбасының тіркеу нөмірі ______________________________________________

Өтініш берушінің отбасы мүшелерінің
20__ жылғы _______ тоқсанда алған кірістері туралы
МӘЛІМЕТТЕР

___________________________                __________________________

(өтініш берушінің Т.А.Ә.)                  (үйінің мекенжайы, тел.)

Өтініш берушінің қолы ________________

Күні 20__ ж. «___» ___________________

ҚР Үкіметінің 2014.04.04. № 322 Қаулысымен 19-қосымша орыс тіліндегі мәтінге өзгеріс енгізілді, қазақ тіліндегі мәтін өзгертілмейді

Балалы отбасыларға берілетін

мемлекеттік жәрдемақыларды

тағайындау және төлеу ережесіне

19-қосымша

Жеке қосалқы шаруашылығы туралы
МӘЛІМЕТТЕР
(кірістерді есептеу үшін)

______________________________               _________________________________

(Т.А.Ә.)                                      (үйінің мекенжайы, тел.)

Өтініш берушінің қолы ________________________________________________________

Күні 20__ ж. «___» ___________________________________________________________

Кент, ауыл, ауылдық округ әкімінің немесе

жеке қосалқы шаруашылықтың

мөлшері туралы мәліметтерге қол қоюға

уәкілетті органның өзге де лауазымды

адамының Т.А.Ә.

___________________    ________________

(қолы)                  (тегі)

Балалы отбасыларға берілетін

мемлекеттік жәрдемақыларды

тағайындау және төлеу ережеге

20-қосымша

18 жасқа дейінгі баласы бар отбасыларға мемлекеттік жәрдемақы
тағайындауға өтінішті қабылдаудан бас тарту туралы
№ ______ хабарлама

20__ ж. ____________ «___»

Азамат ________________________________________________________________________________________________

(өтініш берушінің тегі, аты, әкесінің аты)

Өтініш берген күні 20__ ж. «___» ___________

_______________________________________________________________________________________________________

_______________________________________________________________________________________________________

(себептерін көрсету)

байланысты 18 жасқа дейінгі балалары бар отбасыларға мемлекеттік жәрдемақы тағайындауға өтінішті қабылдаудан бас тартылды.

Хабарлама жауапты тұлғаның ЭЦҚ-мен куәландырылған

______________________________      _________________________________

(жауапты тұлғаның лауазымы)                   (Т.А.Ә.)

Балалы отбасыларға берілетін

мемлекеттік жәрдемақыларды

тағайындау және төлеу ережесіне

21-қосымша

18 жасқа дейінгі балалары бар отбасыларға мемлекеттік
жәрдемақыны тағайындау туралы азаматтардың өтініштерін тіркеу
журналы

Балалы отбасыларға берілетін

мемлекеттік жәрдемақыларды

тағайындау және төлеу ережесіне

22-қосымша

18 жасқа дейінгі балалары бар отбасыларға мемлекеттік жәрдемақы
тағайындау немесе бас тарту туралы
№ ______ хабарлама

20__ ж. _______________ «___»

18 жасқа дейінгі балалары бар отбасыларға мемлекеттік жәрдемақы тағайындау жөніндегі уәкілетті орган мынаны хабарлайды

Өтініш берушінің Т.А.Ә. _______________________________________________________________________________

Өтініш берушінің туған күні ______ ж. _______________ «___»

Құжаттарды қайтарған күн 20__ ж. _________________ «___»

18 жасқа дейінгі балаларға тағайындалатын мемлекеттік жәрдемақы тағайындалды.

____________________________________________________________________________________________________

(себебін көрсету)

_______________________________ себебі бойынша 18 жасқа дейінгі балалары бар отбасыларға жәрдемақы тағайындаудан бас тартылды.

_____________________________________________________________________

18 жасқа дейінгі баласы бар отбасыларға мемлекеттік жәрдемақы тағайындау жөніндегі уәкілетті органның жауапты тұлғасының ЭЦҚ-мен куәландырылған

_____________________________________________________________________________________________________

(лауазымы және Т.А.Ә.)