(ҮЗІНДІ)

Осы редакция ҚР 2004 ж. 8 сәуірде N 542-II Заңымен енгізілген өзгерістеріне дейін қолданылды

ҚР 29.03.2000 N 42-II; 24.12.2001 N 276-II; 13.03.03 ж. N 394-II Заңдарына сәйкес 741-бап өзгерді

741-бап. Клиенттің келісімінсіз ақшаны алып қою

Заңды тұлғалар мен азаматтардың банктердегi ақшаларын олардың келiсiмiнсiз алып қою тек соттың заңды күшiне енген үкiмiнiң немесе шешiмiнiң, сот бұйрығының негiзiнде, сондай-ақ Қазақстан Республикасының Салық кодексiнде және Қазақстан Республикасының зейнетақымен қамсыздандыру туралы заң актісінде көзделген жағдайларда ғана жүргiзiлуi мүмкiн.

ҚР 29.03.00 ж. N 42-II; 13.03.03 ж. N 394-II 09.07.03 ж. N 482-II. (бұрынғы ред. қара) Заңдарына сәйкес 742-бап өзгерді

742-бап. Клиенттiң ақшасын алу кезектiлiгi

1. Клиенттiң банктегi ақшасы клиентке қойылған барлық талапты қанағаттандыру үшiн жеткiлiктi болған жағдайда, егер заң актiлерiнде өзгеше көзделмесе, ақшаны алу клиенттiң немесе өзге тұлғалардың өкiмдерi түсу ретiне қарай (күнтiзбелiк кезектiлiк) жүзеге асырылады.