(БҰРЫНҒЫ РЕДАКЦИЯ)

Қазақстан Республикасы Yкіметiнің Ресей Федерациясындағы Сауда

өкілдiгi туралы ережені бекіту туралы Қазақстан Республикасы Үкіметінің

2003 ж. 20 қаңтардағы N 58 қаулысы

Осы редакция 2004 ж. 21 қаңтардағы енгізілген өзгерістеріне дейін қолданылды

Қазақстан Республикасының Yкiметi мен Ресей Федерациясының Yкiметi арасындағы Сауда өкiлдiктерін өзара тағайындау туралы келiсiмге сәйкес және Қазақстан Республикасының Ресей Федерациясындағы сыртқы сауда мүдделерiн бiлдiрудi қамтамасыз ету мақсатында Қазақстан Республикасының Yкiметi қаулы етеді:

1. Қоса берiлiп отырған Қазақстан Республикасы Yкiметiнiң Ресей Федерациясындағы Сауда өкiлдiгi туралы ереже бекiтiлсiн.

2. Қазақстан Республикасының Индустрия және сауда министрлiгi осы қаулыны iске асыру жөнiнде шаралар қабылдасын.

3. Осы қаулы 2003 жылғы 1 қаңтардан бастап күшiне енедi.

Қазақстан Республикасының

Қазақстан Республикасы

Үкiметiнің

2002 жылғы 20 қаңтардағы

N 58 қаулысымен

бекiтiлген

Қазақстан Pecпубликасы Үкiметінің Ресей Федерациясындағы

сауда өкілдігі туралы

ЕРЕЖЕ

1. Жалпы ережелер

1. Қазақстан Республикасы Үкiметiнің Ресей Федерациясындағы Сауда өкілдігі Қазақстан Республикасы Үкiметінің атынан әрекет ететiн және Қазақстан Республикасының сауда-экономикалық қызмет саласындағы құқықтарын шет елдерде жүзеге асыратын мемлекеттiк мекеме болып табылады.

2. Қазақстан Республикасы Үкiметiнің Сауда өкілдігі өз қызметінде Қазақстан Республикасының Конституциясы мен заңдарын, халықаралық шарттарды, Қазақстан Республикасының Президентi мен Үкiметiнiң кесiмдерiн, өзге де нормативтiк құқықтық кесiмдердi, сондай-ақ осы Ереженi басшылыққа алады.