(БҰРЫНҒЫ РЕДАКЦИЯ) ҚР ҰБ 05.09.01 Ж. № 343...

Қазақстан Республикасында экспорт-импорт валюта бақылауын ұйымдастыру

туралы нұсқаулықты бекiту туралы Қазақстан Республикасының Ұлттық Банкі

Басқармасының 2001 жылғы 5 қыркүйектегі N 343 қаулысы

(ҚР Ұлттық Банкі Басқармасының 20.12.01 ж. N 575; 03.06.02 ж.

N 203 қаулыларымен енгізілген өзгерістерімен)

Осы редакция ҚР Ұлттық Банкі Басқармасының 2003 ж. 26 желтоқсандағы N 484 қаулысымен енгізілген өзгерістеріне дейін қолданылды

Экспорт-импорт валюта бақылауын ұйымдастыруды жетiлдiру мақсатында Қазақстан Республикасы Ұлттық Банкiнiң Басқармаcы

ҚАУЛЫ ЕТЕДI:

1. Қазақстан Республикасында экспорт-импорт валюта бақылауын ұйымдастыру туралы нұсқаулық бекiтiлсiн, оның валюталық бақылау жөнiндегi бағдарламалық қамтамасыз ету өндiрiске енгiзiлгеннен кейiн Басқарманың жеке қаулысымен қолданысқа енгiзiлетiн осы Нұсқаулықтың 7-бөлiмi мен N 7, 8, 15 және 16-қосымшаларынан басқасы және осы қаулы Қазақстан Республикасының Әдiлет министрлiгiнде мемлекеттiк тiркелген күннен бастап он төрт күн өткеннен кейiн күшiне енгiзiлсiн.

2. Қазақстан Республикасының Ұлттық Банкi мен Қазақстан Республикасының Мемлекеттiк кiрiс министрлiгi арасында ақпарат алмасуды қамтамасыз ететiн электронды арна бойынша шығыстар Қазақстан Республикасының Ұлттық Банкiне - 50% және Қазақстан Республикасының Мемлекеттiк кiрiс министрлiгiне - 50% үлеспен тең бөлiнетiн болсын.

3. Валюталық реттеу және бақылау басқармасы (Мәженова Б.М.):

1) Заң департаментiмен (Шәрiпов С.Б.) бiрлесiп осы қаулыны және Қазақстан Республикасында экспорт-импорт валюта бақылауын ұйымдастыру туралы нұсқаулықты Қазақстан Республикасының Әдiлет министрлiгiнде мемлекеттiк тiркеуден өткiзу шараларын қабылдасын;