Қазақстан Республикасының Мемлекеттік протоколын бекіту туралы Қазақстан Республикасы Президентінің 1999 жылғы 16 шілдедегі № 173 Жарлығы (2006.06.06. берілген өзгерістер мен толықтырулармен) (күші жойылды)

Қазақстан Республикасының Мемлекеттік протоколын бекіту туралы
Қазақстан Республикасы Президентінің 1999 жылғы 16 шілдедегі № 173 Жарлығы

(2006.06.06. берілген өзгерістер мен толықтырулармен)

ҚР Президентінің 2006 ж. 12 қазандағы № 201 Жарлығымен күші жойылды

Қазақстан Республикасында Мемлекеттік протоколдың бірыңғай нормаларын сақтау мақсатында қаулы етемін:

1. Қоса беріліп отырған Қазақстан Республикасының Мемлекеттік протоколы бекітілсін.

2. Қазақстан Республикасы Президентінің "Қазақстан Республикасы Мемлекеттік протоколының негізгі ережелерін бекіту туралы" 1996 жылғы 12 маусымдағы № 3028 Жарлығының күші жойылған деп танылсын.

3. Осы Жарлық қол қойылған күнінен бастап күшіне енеді.

Қазақстан Республикасының

Қазақстан республикасы

Президентінің 1999 жылғы

16 шілдедегі № 173

Жарлығымен бекітілген

Қазақстан Республикасының

Мемлекеттік протоколы

Қазақстан Республикасының Мемлекеттік протоколы қалыптасқан халықаралық тәжірибеге сәйкес Қазақстан Республикасының басшылығы қатысатын ресми іс-шараларды өткізудің рәсімдік ережелерін реттейді.

Мемлекеттік протокол бірыңғай протоколдық-ұйымдық нормаларды орнықтырады әрі қамтамасыз етеді, Қазақстан Республикасының мемлекетішілік және халықаралық іс-шараларын өткізген кезде протоколдық үлкендік реті принципін бекітеді (№ 1 және № 2 қосымшалар) және протоколдық іс-шараларды жоспарлау мен жүзеге асыру кезінде барлық мемлекеттік органдардың, ұйымдардың орындауы үшін міндетті болып табылады.

Қазақстан Республикасы мемлекеттік органдарының Мемлекеттік протоколды сақтауын бақылауды Сыртқы істер министрлігі жүзеге асырады.

ҚР Президентінің 2006.05.01. № 1694 Жарлығымен 1-бөліммен толықтырылды (бұр. ред. қара)

1-бөлім.

Сайланған Қазақстан Республикасы Президентінің

қызметіне кірісуінің салтанатты рәсімін дайындау мен өткізудің

тәртібі

1-тарау. Жалпы ережелер

Сайланған Қазақстан Республикасы Президентінің қызметіне кірісуінің салтанатты рәсімі (инаугурация) ол сайланған жылдан кейінгі жылғы қаңтардың екінші сәрсенбісінде өткізіледі.