(БҰРЫНҒЫ РЕДАКЦИЯ) «ЕУРАЗИЯЛЫҚ ЭКОНОМИКАЛЫҚ ОДАҚТЫҢ КЕДЕНДІК АУМАҒЫНА Ә...

«Еуразиялық экономикалық одақтың кедендік аумағына әкелінген тауарларды қадағалап отыру тетігі туралы келісімді ратификациялау туралы» 2020 жылғы 29 мамырдағы Қазақстан Республикасының Заңын іске асыру жөніндегі шаралар туралы

Қазақстан Республикасы Премьер-Министрінің 2020 жылғы 17 тамыздағы № 113-ө өкімі

Осы редакция 2021 жылғы 4 қарашада енгізілген өзгерістеріне дейін қолданылды

1. Қоса беріліп отырған «Еуразиялық экономикалық одақтың кедендік аумағына әкелінген тауарларды қадағалап отыру тетігі туралы келісімді ратификациялау туралы» 2020 жылғы 29 мамырдағы Қазақстан Республикасының Заңын іске асыру мақсатында қабылдануы қажет құқықтық актілердің тізбесі (бұдан әрі - тізбе) бекітілсін.

2. Қазақстан Республикасының Қаржы министрлігі:

1) тізбеге сәйкес құқықтық акт жобасын әзірлесін және Қазақстан Республикасының заңнамада белгіленген тәртіппен Қазақстан Республикасының Үкіметіне бекітуге енгізсін;

2) тізбеде белгіленген мерзімде тізбеге сәйкес тиісті құқықтық актіні қабылдасын;

3) құқықтық актілер қабылданған күннен бастап бір ай мерзімінен кешіктірмей қабылданған шаралар туралы Қазақстан Республикасының Үкіметін хабардар етсін.