«Техникалық байқау операторларының тізіліміне енгізу» мемлекеттік көрсетілетін қызмет регламенті (Қазақстан Республикасы Инвестициялар және даму министрінің 2015 жылғы 29 мамырдағы № 671 бұйрығына 3-қосымша) (2016.25.02. берілген өзгерістермен) (күші жойылды)

Қазақстан Республикасы

Инвестициялар және даму

министрінің

2015 жылғы 29 мамырдағы

№ 671 бұйрығына

3-қосымша

ҚР Индустрия және инфрақұрылымдық даму министрінің м.а. 2020 жылғы 15 қазандағы № 531 бұйрығымен күші жойылды

«Техникалық байқау операторларының тізіліміне енгізу»

мемлекеттік көрсетілетін қызмет регламенті

(2016.25.02. берілген өзгерістермен)

1. Жалпы ережелер

1. «Техникалық байқау операторларының тізіліміне енгізу» мемлекеттік көрсетілетін қызметін (бұдан әрі - мемлекеттік көрсетілетін қызмет) Қазақстан Республикасы Инвестициялар және даму министрлігі Көлік комитетінің аумақтық органдарымен (бұдан әрі - көрсетілетін қызметті беруші) көрсетіледі.

2. Көрсетілетін мемлекеттік қызметтің нысаны: электрондық (ішінара автоматтандырылған) және (немесе) қағаз түрінде.

3. Мемлекеттік қызмет көрсету нәтижесі - техникалық байқау операторларының тізіліміне енгізу туралы хабарлама, немесе мемлекеттік қызметті көрсетуден бас тарту туралы дәлелді жауап.

2. Мемлекеттік қызмет көрсету процесіндегі көрсетілетін
қызметті берушінің (қызметкерлердің) құрылымдық бөлімшелерінің
іс-қимыл тәртібін сипаттау

4. Қазақстан Республикасы Инвестициялар және даму министрінің 2015 жылғы 30 сәуірдегі № 557 бұйрығымен бекітілген (Нормативтік құқық актілерді тіркеу реестріне № 11476 тіркелген) «Техникалық байқау операторларының тізіліміне енгізу» мемлекеттік көрсетілетін қызмет стандартының 9-тармағында көзделген өтініш беру мемлекеттік қызмет корсету жөніндегі рәсімді (іс-қимылды) бастау үшін негіз болып табылады.

ҚР Инвестициялар және даму министрінің м.а. 2016.25.02. № 231 бұйрығымен 5-тармақ өзгертілді (бұр.ред.қара)

5. Мемлекеттік қызмет көрсету процесінің құрамына кіретін рәсімдер (іс-қимылдар) мазмұны, оларды орындау ұзақтығы:

1) көрсетілетін қызметті берушінің кеңсесінің қызметкері көрсетілетін қызметті берушінің құжаттары түскен сәттен бастап бір сағат ішінде оның тіркеуін жүргізеді және басшысына немесе оның орынбасарына қарауға береді;