(БҰРЫНҒЫ РЕДАКЦИЯ) ҚР ҮКІМЕТІНІҢ 2014.19.09 № 995 ҚАУЛЫСЫ

Қазақстан Республикасы Инвестициялар және даму министрлігінің кейбір мәселелері
Қазақстан Республикасы Үкіметінің 2014 жылғы 19 қыркүйектегі № 995 Қаулысы

(2015.29.12. берілген өзгерістер мен толықтырулармен)

Осы редакция 2016 ж. 1 наурызға дейін қолданылған редакция

Мемлекеттік басқару жүйесін жаңғырту және оның тиімділігін арттыру мақсатында Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған:

1) Қазақстан Республикасы Инвестициялар және даму министрлігі туралы ереже (бұдан әрі - Ереже);

2) Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.

2. Мыналар:

1) Қазақстан Республикасы Инвестициялар және даму министрлігі Азаматтық авиация комитетінің аумақтық органы - мемлекеттік мекемесі - «Қазақстан Республикасы Инвестициялар және даму министрлігі Азаматтық авиация комитетінің Алматы, Жамбыл, Қызылорда, Оңтүстік Қазақстан облыстары және Алматы қаласы бойынша Өңіраралық ұшу қауіпсіздігі инспекциясы»;

2) осы қаулыға 1-қосымшаға сәйкес Қазақстан Республикасы Инвестициялар және даму министрлігі Индустриялық даму және өнеркәсіптік қауіпсіздік комитетінің аумақтық органдары - мемлекеттік мекемелері құрылсын.

3. Мыналар:

1) осы қаулыға 2-қосымшаға сәйкес Қазақстан Республикасы Индустрия және жаңа технологиялар министрлігі, Қазақстан Республикасы Көлік және коммуникация министрлігі, Қазақстан Республикасы Байланыс және ақпарат агенттігі комитеттерінің аумақтық органдары - мемлекеттік мекемелері;

2) осы қаулыға 3-қосымшаға сәйкес республикалық заңды тұлғалар қайта аталсын.

ҚР Үкіметінің 2015.27.02. № 100 Қаулысымен 4-тармақ жаңа редакцияда (бұр.ред.қара)

4. Қазақстан Республикасы Инвестициялар және даму министрлігінің ведомстволары осы қаулының 3-тармағының 2) тармақшасында көрсетілген республикалық заңды тұлғаларға қатысты мемлекеттік басқарудың тиісті саласын (аясын) басқару жөніндегі уәкілетті орган болып айқындалсын.