(БҰРЫНҒЫ РЕДАКЦИЯ) «КОНСЕРВІЛЕР, ПРЕСЕРВІЛЕР ҚАУІПСІЗДІГІНЕ ҚОЙЫЛАТЫН Т...

«Консервілер, пресервілер қауіпсіздігіне қойылатын талаптар» техникалық регламентін бекіту туралы және
Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы
Қазақстан Республикасы Үкіметінің 2010 жылғы 15 қарашадағы № 1201 Қаулысы

Осы редакция 2017 жылғы 30 қаңтарда енгізілген өзгерістеріне дейін қолданылды

«Техникалық реттеу туралы» Қазақстан Республикасының 2004 жылғы 9 қарашадағы Заңына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған «Консервілер, пресервілер қауіпсіздігіне қойылатын талаптар» техникалық регламенті бекітілсін.

2. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:

1) «Сүт және сүт өнімдерінің қауіпсіздігіне қойылатын талаптар» техникалық регламентін бекіту туралы» Қазақстан Республикасы Үкіметінің 2008 жылғы 11 наурыздағы № 230 қаулысында (Қазақстан Республикасының ПҮАЖ-ы, 2008 ж., № 14, 124-құжат):

көрсетілген қаулымен бекітілген «Сүт және сүт өнімдерінің қауіпсіздігіне қойылатын талаптар» техникалық регламентінде:

1-тармақтың екінші бөлігінің 7) тармақшасы алып тасталсын;

4-тармақ «сүт және сүт өнімдеріне,» деген сөздерден кейін «сүтті және сүтті құрайтын, құрамында сүт бар консервілерге,» деген сөздермен толықтырылсын;

4-7-тармақтың 4) және 5) тармақшалары алып тасталсын;

5-тармақтың 54) тармақшасы алып тасталсын;

37-тармақ алып тасталсын;

51-тармақтың екінші бөлігінде «Сүт консервілерін, құрғақ» деген сөздер «Құрғақ» деген сөзбен ауыстырылсын;

2) «Жемістер, көкөністер, тамыржемістілер мен оларды қайта өңдеу өнімдерінің қауіпсіздігіне қойылатын талаптар» техникалық регламентін бекіту туралы» Қазақстан Республикасы Үкіметінің 2008 жылғы 6 маусымдағы № 541 қаулысында (Қазақстан Республикасының ПҮАЖ-ы, 2008 ж., № 29, 282-құжат):

көрсетілген қаулымен бекітілген «Жемістер, көкөністер, тамыржемістілер мен оларды қайта өңдеу өнімдерінің қауіпсіздігіне қойылатын талаптар» техникалық регламентінде:

2-тармақтың екінші бөлігінде:

«консервісі» деген сөз алып тасталсын;