(БҰРЫНҒЫ РЕДАКЦИЯ) «МЕМЛЕКЕТТІК РӘМІЗДЕР ЖӘНЕ ҚАЗАҚСТАН РЕСПУБЛИКАСЫНЫҢ...

Қазақстан Республикасы Президентінің
Жарлығы
 
Мемлекеттік рәміздер және Қазақстан Республикасының Президентіне тікелей бағынатын және есеп беретін кейбір мемлекеттік органдардың, Қазақстан Республикасы Конституциялық Кеңесінің, құқық қорғау органдарының, соттардың, Қарулы Күштердің, басқа да әскерлер мен әскери құралымдардың ведомстволық және оларға теңестірілген өзге де наградаларының геральдикасы мәселелері туралы

(2021.18.01. берілген өзгерістер мен толықтырулармен)

Осы редакция 2021 жылғы 31 мамырда енгізілген өзгерістеріне дейін қолданылды

ҚР Президентінің 2013.19.02. № 505 Жарлығымен (бұр.ред.қара); 2016.29.08. № 312 Жарлығымен (бұр.ред.қара) тақырыбы жаңа редакцияда

«Қазақстан Республикасының Президенті туралы» 1995 жылғы 26 желтоқсандағы Қазақстан Республикасы Конституциялық заңының 21-бабы 2-тармағының 3) тармақшасына сәйкес ҚАУЛЫ ЕТЕМІН:

ҚР Президентінің 2013.19.02. № 505 Жарлығымен 1-тармақ жаңа редакцияда (бұр.ред.қара)

1. Қоса беріліп отырған:

1) Қазақстан Республикасының Президентіне тікелей бағынатын және есеп беретін кейбір мемлекеттік органдардың, Қазақстан Республикасы Конституциялық Кеңесінің, құқық қорғау органдарының, соттардың, Қарулы Күштердің, басқа да әскерлер мен әскери құралымдардың ведомстволық және оларға теңестірілген өзге де наградаларының тізбесі мен сипаттамалары;

2) Қазақстан Республикасының Президентіне тікелей бағынатын және есеп беретін кейбір мемлекеттік органдардың, Қазақстан Республикасы Конституциялық Кеңесінің, құқық қорғау органдарының, соттардың, Қарулы Күштердің, басқа да әскерлер мен әскери құралымдардың ведомстволық және оларға теңестірілген өзге де наградаларымен марапаттау (ведомстволық және оларға теңестірілген өзге де наградаларынан айыру) қағидалары бекітілсін.

ҚР Президентінің 2013.19.02. № 505 Жарлығымен (бұр.ред.қара); 2016.29.08. № 312 Жарлығымен (бұр.ред.қара) 2-тармақ жаңа редакцияда