«Сақтандыру полистерінің мазмұнына және ресімделу тәртібіне қойылатын талаптарды белгілеу туралы» Қазақстан Республикасы Ұлттық Банкі Басқармасының 2018 жылғы 29 қазандағы № 269 Қаулысы (2023.20.09. берілген өзгерістер мен толықтыруларымен)

Сақтандыру полистерінің мазмұнына және ресімделу тәртібіне қойылатын талаптарды белгілеу туралы
Қазақстан Республикасы Ұлттық Банкі Басқармасының 2018 жылғы 29 қазандағы № 269 Қаулысы

(2023.20.09. берілген өзгерістер мен толықтыруларымен)

ҚР Қаржы нарығын реттеу және дамыту агенттігі Басқармасының 2020.23.12. № 127 Қаулысымен (бұр.ред.қара); 2021.12.02. № 28 Қаулысымен (бұр.ред.қара) тақырыбы жаңа редакцияда

ҚР Қаржы нарығын реттеу және дамыту агенттігі Басқармасының 2020.23.12. № 127 Қаулысымен кіріспе жаңа редакцияда (бұр.ред.қара)

«Сақтандыру қызметі туралы» 2000 жылғы 18 желтоқсандағы, «Жекеше нотариустардың азаматтық-құқықтық жауапкершiлiгiн мiндеттi сақтандыру туралы» 2003 жылғы 11 маусымдағы, «Аудиторлық ұйымдардың азаматтық-құқықтық жауапкершiлiгін мiндеттi сақтандыру туралы» 2003 жылғы 13 маусымдағы, «Тасымалдаушының жолаушылар алдындағы азаматтық-құқықтық жауапкершiлiгiн мiндеттi сақтандыру туралы» 2003 жылғы 1 шiлдедегi, «Көлiк құралдары иелерiнiң азаматтық-құқықтық жауапкершiлiгiн мiндеттi сақтандыру туралы» 2003 жылғы 1 шiлдедегi, «Туристі міндетті сақтандыру туралы» 2003 жылғы 31 желтоқсандағы, «Қызметi үшiншi тұлғаларға зиян келтiру қаупiмен байланысты объектiлер иелерiнiң азаматтық-құқықтық жауапкершiлiгiн мiндеттi сақтандыру туралы» 2004 жылғы 7 шiлдедегi, «Міндетті экологиялық сақтандыру туралы» 2005 жылғы 13 желтоқсандағы Қазақстан Республикасының заңдарына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

ҚР Қаржы нарығын реттеу және дамыту агенттігі Басқармасының 2021.12.02. № 28 Қаулысымен 1-тармақ өзгертілді (бұр.ред.қара)

1. Мыналар:

1) осы қаулыға 1-қосымшаға сәйкес Сақтандыру полистерінің мазмұнына және ресімделу тәртібіне қойылатын талаптарды бекіту туралы.

2) ҚР Қаржы нарығын реттеу және дамыту агенттігі Басқармасының 2020.23.12. № 127 Қаулысымен алып тасталды (бұр.ред.қара)