(БҰРЫНҒЫ РЕДАКЦИЯ) «ҚАЗАҚСТАН РЕСПУБЛИКАСЫ ПРЕЗИДЕНТІНІҢ 2015 ЖЫЛҒЫ 21 ...

Қазақстан Республикасы Президентінің 2015 жылғы 21 қаңтардағы № 993 Жарлығын іске асыру жөніндегі шаралар туралы
Қазақстан Республикасы Білім және ғылым министрінің 2015 жылғы 28 қаңтардағы № 38 бұйрығы

(2017.06.04. берілген өзгерістер мен толықтырулармен)

Осы редакция 2017 жылғы 28 сәуірде енгізілген өзгерістеріне дейін қолданылды

«Қазақстан Республикасының әл-Фараби атындағы ғылым мен техника саласындағы және әдебиет пен өнер саласындағы мемлекеттік сыйлықтары туралы» Қазақстан Республикасы Президентінің 2015 жылғы 21 қаңтардағы № 993 Жарлығын іске асыру мақсатында БҰЙЫРАМЫН:

ҚР Білім және ғылым министрінің 2015.17.04. № 215 бұйрығымен 1-тармақ өзгертілді (бұр.ред.қара)

1. Мыналар:

1) осы бұйрыққа 1-қосымшаға сәйкес Қазақстан Республикасының әл-Фараби атындағы ғылым мен техника саласындағы мемлекеттік сыйлықтарын алуға арналған жұмыстарды ұсыну, ресімдеу және беру әдістемесі бекітілсін;

2) осы бұйрыққа қоса берілетін 2-қосымшаға сәйкес Қазақстан Республикасының әл-Фараби атындағы ғылым мен техника саласындағы мемлекеттік сыйлықты ізденуге ұсынылған жұмыстарға сараптама-талдамалық баға беруді жүргізу жөніндегі секциялар туралы ереже;

3) осы бұйрыққа қоса берілетін 3-қосымшаға сәйкес Қазақстан Республикасының әл-Фараби атындағы ғылым мен техника саласындағы мемлекеттік сыйлықты ізденуге ұсынылған жұмыстарға сараптама-талдамалық баға беруді жүргізу жөніндегі секциялар құрамы.

ҚР Білім және ғылым министрінің 2015.17.04. № 215 бұйрығымен 2-тармақ өзгертілді (бұр.ред.қара)

2. Қазақстан Республикасы Білім және ғылым министрлігінің Ғылым комитеті (С.Е. Жолдасбаев):

1) Қазақстан Республикасының мемлекеттік сыйлықтарын алуға ұсынылған жұмыстар бойынша мемлекеттік ғылыми-техникалық сараптама жүргізуін және олардың сараптамалық-талдамалық бағалауын ұйымдастырсын;

2) Мемлекеттік сыйлық лауреаттарына дипломдарды уақтылы ресімдеу, төсбелгілерді даярлау бойынша қажетті шаралар қабылдасын.