«Қазақстан Республикасы Ішкі істер министрінің кейбір бұйрықтарына өзгерістер мен толықтырулар енгізу туралы» Қазақстан Республикасы Ішкі істер министрінің 2014 жылғы 27 қазандағы № 738 бұйрығы

Қазақстан Республикасы Ішкі істер министрінің кейбір бұйрықтарына өзгерістер мен толықтырулар енгізу туралы
Қазақстан Республикасы Ішкі істер министрінің 2014 жылғы 27 қазандағы № 738 бұйрығы

«Қазақстан Республикасының ішкі істер органдары туралы» 2014 жылғы 23 сәуірдегі Қазақстан Республикасы Заңының 11-бабының 25) тармақшасына сәйкес БҰЙЫРАМЫН:

1. Қазақстан Республикасы Ішкі істер министрінің мынадай бұйрықтарына өзгерістер мен толықтырулар енгізілсін:

1) «Қазақстан Республикасы Ішкі істер министрлігінің департаменттері, дербес басқармалары, Қазақстан Республикасының Ішкі істер министрлігіне ведомстволық бағынысты ұйымдар туралы ережелерді бекіту туралы» Қазақстан Республикасы Ішкі істер министрінің 2014 жылғы 29 шілдедегі № 477 бұйрығына:

1-тармақ мынадай мазмұндағы 11-1), 11-2), 11-3) тармақшалармен толықтырылсын:

11-1) осы бұйрыққа 11-1-қосымшаға сәйкес Қазақстан Республикасы Ішкі істер министрлігі Криминалдық полиция департаменті туралы ереже;

11-2) осы бұйрыққа 11-2-қосымшаға сәйкес Қазақстан Республикасы Ішкі істер министрлігі Есірткі бизнесіне қарсы күрес және есірткі айналымын бақылау департаменті туралы ереже;

11-3) осы бұйрыққа 11-3-қосымшаға сәйкес Қазақстан Республикасы Ішкі істер министрлігі Тергеу департаменті туралы ереже;

осы бұйрыққа 1, 2, 3-қосымшаларға сәйкес 11-1, 11-2, 11-3 қосымшалармен толықтырылсын.

2) «Қазақстан Республикасы Ішкі істер министрлігі комитеттерінің, департаменттері мен дербес басқармаларының ережелерін бекіту туралы» Қазақстан Республикасы Ішкі істер министрінің 2011 жылғы 27 қазандағы № 565 бұйрығында:

1-тармақта:

1), 2), 5) тармақшалар алынып тасталсын.

2. Криминалдық полиция департаментінің (Ж.Қ. Сүлейменов), Есірткі бизнесіне қарсы күрес және есірткі айналымын бақылау департаментінің (С.Т. Құсетов), Тергеу департаментінің (М.С. Әміров) бастықтары жеке құрамның ережелерді зерделеуін ұйымдастырсын және оларды практикалық қызметте басшылыққа алуды қамтамасыз етсін.