Қазақстан Республикасы Ішкі істер министрлігінің Көші-қон полициясы департаменті туралы ереже (Қазақстан Республикасы Ішкі істер министрінің 2014 жылғы 29 шілдедегі № 477 бұйрығына 11-қосымша) (күші жойылды)

ҚР Ішкі істер министрінің 2017.13.03. № 185 бұйрығымен алып тасталды

Қазақстан Республикасы

Ішкі істер министрінің

2014 жылғы 29 шілдедегі

№ 477 бұйрығына

11-қосымша

Қазақстан Республикасы Ішкі істер министрлігінің Көші-қон полициясы департаменті туралы
ереже


1. Жалпы ережелер

1. Қазақстан Республикасы Ішкі істер министрлігінің Көші-қон полициясы департаменті (бұдан әрі - Департамент) құзыреті шегінде халықтың көші-қоны саласындағы, сондай-ақ босқындар мен азаматтық мәселелері жөніндегі функцияларды жүзеге асыратын Ішкі істер министрлігінің (бұдан әрі - Министрлік) құрылымдық бөлінісі болып табылады.

2. Департамент өз қызметінде Қазақстан Республикасының Конституциясын, заңдарын, Қазақстан Республикасы Президенті мен Үкіметі актілерін, өзге де нормативтік құқықтық актілерді, сондай-ақ осы Ережені басшылыққа алады.

3. Департаменттің құрылымын, штаттық санын Қазақстан Республикасының заңнамасында белгіленген тәртіпте Ішкі істер министрі бекітеді.

4. Департамент:

1) Басшылықтан;

2) Сыртқы көші-қон басқармасынан;

3) Визалық жұмыс басқармасынан;

4) Азаматтық, иммиграция және босқындармен жұмыс басқармасынан;

5) Халықты құжаттандыру және тіркеу басқармасынан;

6) Кеңседен тұрады.

2. Департаменттің негізгі функциялары, құқықтары мен міндеттері

5. Міндеті: халықтың көші-қоны саласындағы, сондай босқындар мен азаматтық мәселелері бойынша ішкі істер органдарының қызметін реттеу.

Функциялары:

1) мынадай:

заңсыз көші-қонға қарсы іс-қимыл жасау;

шетелдіктер мен азаматтығы жоқ адамдарды есепке алу және тіркеу;

шетелдіктер мен азаматтығы жоқ адамдардың Қазақстан Республикасында уақытша және тұрақты тұруы үшін құжаттар ресімдеу;

елден тұрақты тұрғылықты жерге шығу;

Қазақстан Республикасының азаматтарын құжаттандыру, есепке алу және тіркеу;

пана іздеген адамдармен және босқындармен жұмыс;

Қазақстан Республикасының азаматтығына қабылдау және Қазақстан Республикасының азаматтығынан шығару мәселелері бойынша нормативтік құқықтық актілерді әзірлейді;