(БҰРЫНҒЫ РЕДАКЦИЯ) ҚРҢ БАС ПРОКУРОРЫНЫҢ 2003 Ж. 31 ҚАЗАНДАҒЫ № 62 БҰЙРЫҒЫ

«Тіркелген қылмыстар мен қылмыстық қудалау органдары қызметінің нәтижелері туралы» № 1-М нысанды есепті және оны құрастыру жөніндегі Нұсқаулықты бекіту
Қазақстан Республикасының Бас Прокурорының 2003 ж. 31 қазандағы № 62 бұйрығы

(2013.10.04. берілген өзгерістер мен толықтыруларымен)

Осы редакция 2014 жылғы 1 сәуірде енгізілген өзгерістеріне дейін қолданылды

ҚР Бас прокурорының 2011.30.12. № 146 Бұйрығымен тақырбы жаңа редакцияда (2012 жылдың 1 қаңтарынан бастап қолданысқа енді) (бұр.ред. қара)

ҚР Бас прокурорының 2011.30.12. № 146 Бұйрығымен кіріспе жаңа редакцияда (2012 жылдың 1 қаңтарынан бастап қолданысқа енді) (бұр.ред. қара)

Қылмыстылық туралы есептілікті жетілдіру мақсатында «Прокуратура туралы» Қазақстан Республикасы Заңының 11-бабы 4-1) тармақшасын басшылыққа ала отырып, БҰЙЫРАМЫН:

ҚР Бас прокурорының 2011.30.12. № 146 Бұйрығымен 1-тармақ жаңа редакцияда (2012 жылдың 1 қаңтарынан бастап қолданысқа енді) (бұр.ред. қара)

1. Бекітілсін:

1) «Тіркелген қылмыстар мен қылмыстық қудалау органдары қызметінің нәтижелері туралы» № 1-М нысанды есеп 1-қосымшаға сәйкес;

2) «Тіркелген қылмыстар мен қылмыстық қудалау органдары қызметінің нәтижелері туралы» № 1-М нысанды есепті құрастыру және қалыптастыру жөніндегі Нұсқаулық 2-қосымшаға сәйкес.

2. Құқықтық статистика және арнайы есепке алу жөніндегі комитет (Р.С.Хайруллин) Қазақстан Республикасы Әділет министрлігінде осы бұйрықты мемлекеттік тіркеуге алу үшін шаралар қолдансын.

3. Бұйрық құқықтық статистика субъектілеріне, Бас әскери прокурорға, Құқықтық статистика және арнайы есепке алу жөніндегі комитетке және оның аумақтық бөлімшелеріне, облыс және оларға теңестірілген прокурорларға жолдансын.

4. Осы бұйрықтың орындалуын бақылау Қазақстан Республикасы Бас Прокурорының жетекшілік етуші орынбасарына жүктелсін.