(БҰРЫНҒЫ РЕДАКЦИЯ) ҚР ҮКІМЕТІНІҢ 2012.12.03 № 319 ҚАУЛЫСЫ

Қазақстан Республикасы Мәдениет және ақпарат министрлігінің кейбір мәселелері туралы
Қазақстан Республикасы Үкіметінің 2012 жылғы 12 наурыздағы № 319 Қаулысы

(2013.25.01. берілген өзгерістер мен толықтырулармен)

Осы редакция 2013 жылғы 5 тамызда енгізілген өзгерістеріне дейін қолданылды

«Қазақстан Республикасының мемлекеттік басқару жүйесін одан әрі жетілдіру туралы» Қазақстан Республикасы Президентінің 2012 жылғы 20 қаңтардағы № 226 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:

1. Мыналар:

1) Қазақстан Республикасы Мәдениет министрлігінің Мәдениет комитеті Қазақстан Республикасы Мәдениет және ақпарат министрлігінің Мәдениет комитеті;

2) Қазақстан Республикасы Мәдениет министрлігінің Тіл комитеті Қазақстан Республикасы Мәдениет және ақпарат министрлігінің Тіл комитеті;

3) Қазақстан Республикасының Байланыс және ақпарат министрлігінің Ақпарат және мұрағат комитеті Қазақстан Республикасы Мәдениет және ақпарат министрлігінің Ақпарат және мұрағат комитеті болып;

4) осы қаулының 1-қосымшасына сәйкес республикалық мемлекеттік кәсіпорындар мен республикалық мемлекеттік мекемелер қайта аталсын.

2. Қоса беріліп отырған:

1) ҚР Үкіметінің 2013.25.01. № 32 Қаулысымен алып тасталды (бұр.ред.қара)

2) ҚР Үкіметінің 2013.25.01. № 32 Қаулысымен алып тасталды (бұр.ред.қара)

3) Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.

3. Қазақстан Республикасының заңнамасында белгіленген тәртіппен осы қаулының 2-қосымшасына сәйкес акционерлік қоғамдар (жауапкершілігі шектеулі серіктестіктер) акцияларының (жарғылық капиталдағы қатысу үлестерінің) мемлекеттік пакеттерін иелену және пайдалану құқығы Қазақстан Республикасы Мәдениет және ақпарат министрлігінің Ақпарат және мұрағат комитетіне берілсін.