(БҰРЫНҒЫ РЕДАКЦИЯ) ҚР ҮКІМЕТІНІҢ 2012.05.09 № 1153 ҚАУЛЫСЫМЕН БЕКІТІЛГЕН

Қазақстан Республикасы

Үкіметінің

2012 жылғы 5 қыркүйектегі

№ 1153 қаулысымен

бекітілген

Осы редакция 2013 жылғы 26 тамызда енгізілген өзгерістеріне дейін қолданылды

«Электрондық (цифрлық) тахографтарға электрондық карточкалар беру»
мемлекеттік қызмет стандарты

(2013.21.05. берілген өзгерістермен)

1. Жалпы ережелер

1. «Электрондық (цифрлық) тахографтарға электрондық карточкалар беру» мемлекеттік қызметті (бұдан әрі - мемлекеттік қызмет) Қазақстан Республикасы Көлік және коммуникация министрлігі халыққа қызмет көрсету қызметін үйлестіру және мемлекеттік қызметті автоматтандыруды қадағалау комитетінің «Халыққа қызмет көрсету орталықтары» Мемлекеттік республикалық кәсіпорындары (бұдан әрі - ХҚО) арқылы Қазақстан Республикасы Көлік және коммуникация министрлігі Көліктік бақылау комитетінің аумақтық органдары (бұдан әрі - уәкілетті орган) осы стандартқа 1 және 2-қосымшаларда көрсетілген мекенжайлар бойынша көрсетеді.

2. Мемлекеттік қызмет нысаны: автоматтандырылмаған.

3. Мемлекеттік қызмет «Автомобиль көлігі туралы» Қазақстан Республикасының 2003 жылғы 4 шілдедегі Заңы 13-бабының 21) тармақшасына, «Жүргізушілердің еңбегі мен тынығуын ұйымдастыру, сондай-ақ тахографтарды қолдану қағидасын бекіту туралы» Қазақстан Республикасы Үкіметінің 2011 жылғы 11 мамырдағы № 493 қаулысына сәйкес жүзеге асырылады.

4. Мемлекеттік қызмет көрсету тәртібі туралы толық ақпарат:

1) Қазақстан Республикасы Көлік және коммуникация министрлігінің интернет-ресурсында: www.mtс.gov.kz  («Көліктік бақылау комитеті» бөлімінің «Мемлекеттік қызметтер» бөлімшесінде);

2) ХҚО интернет-ресурсында: www.con.gov.kz;

3) ХҚО ғимараттарында орнатылған стенділерде;

4) «электрондық үкімет» 1414 call-орталығында орналастырылған.

5. Көрсетілетін мемлекеттік қызметтің нәтижесі жүргізушілердің, тасымалдаушының, сервис орталықтарының электрондық (цифрлық) тахографтарына электрондық карточкаларды (бұдан әрі - карточка) беру немесе мемлекеттік қызметті ұсынудан бас тарту туралы дәлелді жауапты қағаз тасығышта беру болып табылады.